السلام عليكم ورحمه الله وبركاتة تحيه تقدير واحترام لشخصكم الكريم وجزاكى الله خير الجزاء على ماتقدمينه من نصايح يستفيد منها الجميع سيدتى الفاضله اريد منك النصيحه لموضوع خاص بى فانا سيده من ريف مصر ولا يتوافر لدينا استشاريين فى تخصص حضرتك انا سيده ابلغ من العمر 45 عاما متزوجه وعندى ثلاثه اولاد الكبيرة متزوجة والثانيه فى الجامعه والثالث فى تانيه ثانوى وانا سيده عامله وزوجى مدرس فانا اعتبر الام والاب وكل شىء بالنسبه لحايتنا اما الاب فلا يعلم عنا ولاعن المنزل اى شىء فهو يعتبر لنا ولا حاجه يذهب للعمل فى الصباح يقضيها مع اصحابه وفى النادى وياخد سهرته وييجى على النوم وهكذا بس بصراحه مشهود له بحسن الخلق صحيح هو لايعتمد عليه وغير متحمل للمسؤليه بس محترم وانا والعيال مستحملين وعايشين لدرجه لو انا او اى احد من الولاد تعب يدخل يشوفهم وبعد كدا ولا اكنه ابوهم حتى امه او اى احد من اخواته تعب انا ال اجرى بيه زى مابنقول عندنا فى مصر شايله الليله بره وجوه وهو مكبر دماغه دا كله وانا مستحمله واقول عادى ادام المركب ماشيه خلاص فجاءة وبدون سابق انذار حدث مالم اتوقعه اذ بفتح الجوال الخاص به واذا اجد محدثه بينه وبين سيده تعمل معه فى المدرسه هى ارمله وعندها اربعه شباب بيتكلموا كلام حب فى حين لو حضرتك رايتيه شكله لايوحى بالكلام الا شوفته على فكره الحمد لله اولادى ملتزمين جدا بفضل ربنا علمتهم يحترموا ابوهم فى وجودة وفى عدم وجودة واذا كنت انا شايفكوا ولا بابا شايفكوا فيه ربنا هو ال شايفكوا فلازم نعمل ال يرضى ربنا والحمد لله الجميع بيسهدوا بحسن اخلاقهم بعد ال شوفته على الموبيل بيتاع جوزى ماقدرتش استحمل وجهته ووقتها كانت الدنيا سوده حواليه وهجت مش ممكن ليه تعمل كدا هل انا قصرت معاك كزوجه هل قصرت فى تربيه الاولاد هل قصرت فى البيت قالى لا طيب ليه عليت صوتى من ماكنتش مصدقه ال حصل كل ال فى البيت سمعوا على فكرة احنا فى بيت عيله خرج من البيت نزل عند امه ماقليش على الحقيقه قال عليه كلام غير حقيقى انى بكره اهله وبشتم اهله فى حين هو ال قعد يشتم فيهم ولنته قالتلوا لا يابابا مش تشتم فى جدتى واعمامى لو مش ليك خير فيهم مش هايكون فيك خير لينا شتمها وبهدلها ونزل عند اهله غير الحقيقه كامله واشتغل شغله الست يتكلم كلام ماحصلش يقول لااختى دى هجرانى بقالها سنه وقدام اهله يقول هو ال هجرنى ودا كله غير حقيقى وربنا ال يعلم وبعد شويه سالوا عن الست ال ماشى معاها قال لهم ايواء الست دى وقفت جانبى ووصلتنى اشتغل فى مكتب وكيل الوزارة وانا كل ال قدرات عليه هو حسبى الله ونعم الوكيل جيه عليه قوى يادكتورة نزل عند امه وسابنى انا واولادى منذ سبع شهور وامه واخواته صدقوا فى كل ال قاله فى حقى لدرجه بنتى وابنى استعجبوا من رد فعلهم ونسيوا ال عملته معاهم الصغير قبل الكبير قلت لااولادى كل حاجه عملتها احتسبتها عند الله وقفلت عليه وعلى اولادى لانعلم عنه شىء ولا يعلم عن الاود اى شىء ولابيعطنا اى مصاريف والحمد لله ربنا واقف جانبى اه نسيت اخبرك يادكتورة بعد ماقال للكل ان الست دى هى ال وصلته لمكتب وكيل الوزارة بعديها جالوا وقف من جهات عوليه بوقفه عن العمل سبحان الله يمهل ولا يهمل وقعد شهرين موقوف عن العمل وبعد كدا رجع عمله فى مكتب وكيل الوزارة ويريد ربنا يرفض وكيل الوزارة رجعوا للعمل ونزلوا العلاقات العامه وعايش حياته يتفسح ويسافر رحلات وسمعت انه اتجوز الست عرفى لغايه الاان وانا فاقدة السيطرة على نفسى وادمرت واولادى كمان بس بااحاول اكون متماسكه قدام الاولاد علشان دراستهم الحمدلله الترام الاول بنتى ماشاء الله لا قوه ال بالله حصلت على امتياز وابنى حصل على شهاده تقدير لتفوقه ابنى وبنتى دخلوا عليه وباسوا ايدى قالوا ليه احنا ربنا اكرمنا وتفوقنا علشانك ياامى قد ايه كانت سعادتى وانا كل مااملكه هو فوضت امرى الى الله ان الله بصير بالعباد الحمد لله على كل حال دكتورة بجد عايزاكى تساعدينى الاقى نفسى واعطى الخاين درس مش ينساه على فكرة يادكتورة دى مش كل الااحداث دى بعض منها يارب الااقى عندك حل علشان النار ال جوايا تهدا
