كيف بالله كيف مجروحه ومقهوره
الشمالي شرقي اذا رحتي لأهلك مش رح يجي وراكي ويرجعك لأن كرامته فوق كل شيء.. حتى لو يحبك ويموت فيكي ترا بيكابر وبيحط تحت كرامته خط عريض ومستحيل يبين حاله انه غلطان
اسمعي سيبييييه واشتغلي بأي غرض بالبيت واشغلي روحك عنه لحد مايروق ويرجع يعتذر ومش رح يجي يحكي انا اسف (انسي) بيعتذر بالأفعال وانتي ابتسمي بوجهه واهدي خالص خالص واذا مثلا متعوده تراسليه وقفي مراسله يعني خليه يحس وكأنه بيطيح من عينك
وبعدها دلليه بسكوت دون ماتنطقي ولا كلمه عتب شفتيه جالس جيبي له كاس عصير وابتعدي عنه
لا تراسليه ولا تسأليه وين رايح ووين جاي
وصدقيني بس يشوفك هيك رح يحس بشويه ندم ورح يفكر شو الي مغيرك
...........
فاخر رمضان حدثت بيني وبين زوجي مشكله وصلت بيناتنا انو ضربني كف وهو كان غلطان 100%
وكنت ناويه اروح لأهلي وبعدها مارحت وماكنت عارفه بالأنماط ( بعد المشكله هاي دخلت المنتدى)
وصرت اشتغل فالبيت ومتجاهلته ( وانا كان قصدي انو يحكي هي متدايقه وبتتعب حاله ماكنت مفكره انو التطنيش والانشغال بيجيب نتيجه) راح للوالد وحط اللوم علي المهم كبرها ...
والمغرب اجا واعتذر لكنني ماقبلت الاعتذار وبيقيت حتى صباح العيد زعلانه ويوم العيد عيد علي وباسني وحكى خلص الي صار انسيه ...فأنا رضيت ماعدا الكف مانسيتو وسبته على راحته وصرت اذا شفته جالس اجي ادلك ضهره واروح بدون مقدمات واجيب له عصير وكذا ( والله من قبل لأعرف نمطه بس هذي كانت نصيحه اختي وكأعتذار لأني غلطت بكلمه بعد ماضربني ) المهن هالحركات جابن نتيجه مبدأيه ومرن اكم يوم عالحال واشتركت بالمنتدى وقرأت ردود وكتبت اكمن موضوع عن حالتي والتغيير كمل بعضه وهو لاحظ
لكن الأخ فكر انو الكف هو الي أدبني
وبعد فتره وجيزه الا انصدم انه بيحكيلي انتي بتمشي بس بالضرب ونفع معك الكف
ومن يوم وطالع هيك بدي امشيكي على كيفي بس بدي شغله بكف واحد بتمشي على طول عكيفي
فأنا ماترددت ووضعت موضوع كتبت لأحواتي واخذت رأيهن وهن طبعا ماقصرن ووحده من الأخوات الله يجزاها خير حكتلي تعالي من مبدأ الدين واحكيلو ان ولا مره شفنا الرسول تعامل بالضرب وانو مافي ولا حديث وولا أيه بتشجع عالضرب
فيوم جاب الطاري فأنا هبيت فيه وحكيت الرسول ماكان بيتعامل بالضرب وانو روح اقرا سيره الرسول اذا شفت شي مره تعامل مع زوجاته بالضرب انا برضى انك تضربني ....فمن بعدها ماعاد اطرى الكف ولا الضرب .....
طولت عليكي اختي لكن انا مريت بالتجربه وحبيت انقللك الي صار معي وكيف تغلبت على هالمشكله ....
ترا والله روحتك لأهلك مامنها فايده وانتي بيدك انك تخليه يحس بالندم وانتي جالسه ببيتك ورايقه كمان
الله يوفقك ويسعدك
