زوجة ثانية...!!لكني الأولى بقلبه..تجربتي

(شكرا لك..طعنتني..بشرف)




الفصل الرابع




بعد ماقالي انه راح وتركني...
قلت له ارجع..رجيته يجي ياخذني..طبعا اللي تحب بصدق وضحت باشياء كثيرة والله ثم والله توصل لمرحلة انها تهين كرامتها..
وبتقولون وش خسرتي..
خسرت منصبي التعليمي بسببه يوم وافقت اتزوجه لاني تركت الديرة حقتي وكنت بقطاع خاص..
خسرت اهلي عشانه.
وخسرت نفسي..
واثثت بيتي كاااامل
وكنت اعطيه 1500 اساعده بالديون اللي عليه رغم اني موحكومي
اشتغلت صانعة قهوة
وزوجته تاخذ 9000 ماتساعده بريال وهي حكومي..
انا موبياعة هوى..لكن الحياة تتقلب وتدور..وحنا في النهاية بشر..مومعناه اني كلمة اني بنت منحرفة...
انا توجت حبي بزواج..وحطيت احلاي الصغيرة مع رجال ماادري هل بيحقق احلامي او يقتلها..
معليش ابي اوقف هينا واحكي رسالة لكل انثى...زوجة ثانية ثالثة رابعة عاشرة..
ثقي تماما الحب مايعرف انتي اي زوجة..
والغيرة ماتعرف انتي اي زوجة.
بالعكس لو انتي تحبيه والله العظيم بتسوي اي شي..واحيان جنون الحب يخسرنا الاشخاص اللي نحبهم.
كنت اقول لزوجي دائما....
الله يظلمك لو ظلمتها عشاني...
عيالك عيالك تراهم مساكين ومالهم الا انت..
كنت اطبخ وارسل برمضان..
اجيب هدايا للبنات وبطايق شحن
اعطي ولده الصغير فلوس بين فترة وفترة..
نجلس على البلايستيشن وضحك وسواليف..
حتى ولده الكبير قالي:
مانبي امي..جابت لنا وجع الراس..
وقلت له :
ذي امك..ومهما صار انا مااتمنى ولا اسعى لخراب بيتها..لكني انا طاقة قبل مااكون بشر.
انتي زوجة اولى؟؟
طيب بقولك..
ماراح اقولك انه تزوج عليكي لانه كذا وكذا وكذا ولانك مقصرة ولانك بعيدة عنه وووووو...الخ..
هذا حكي فاضي مفروغ منه وبكذا بنخرج بنقاش عقيم.
سؤال يا الزوجة الاولى...
هو...مايجيك بيومك؟
مايقلط على سفرتك؟
مايصرف عليك لو ريال؟
طلقك؟
هجرك؟
ورسالة للزوجة الثانية..
هو..
هجر زوجته الاولى؟
اهملها؟
قسى على مشاعرها؟
طلقها؟
قصر على البيت؟؟


والله العظيم لا.
الا مارحم ربي..
ثقي انتي وهي وانا ان الزوج تزوج فقط لانه يبحث عن الكمااااااااااااااااااااال وهذا ناااادر يلاقيه في امرأة..
ذي طبيعة في الرجل انه يبحث عن الشي الكامل..لكن مومعناه انه كره الزوجة الاولى...بالعكس...لو انه شخص ضميره حي..بها وبدونها بيعدل.

والزوجة الثانية والله العظيم كائن عادي..من لحم ودم..حالك حالها.
ويمكن لوماكانت ضرتك..يمكن صادفتيها بمكان وصارت صاحبتك..يعني الاقدار كذا كذا بتجيبها لك.
بكمل قصتي عشان اثبت لك فقط انه يبحث عن الكمال..مو زي ماانتي راسمه...


رفض يرجع ياخذني..
قال خلك عند اهلك...سؤال معليش...
في مين ضحى؟؟؟؟
بزوجته الاولى؟
لا.
ضحى فيني وبحبي وتضحياتي وذكرياتي...ورجع لها..
صرت زي المجنونة بس اهوجس..وافكر..وابكي ولا انام بالليل..
والحادثة الافجع اللي كسرني بها رغم اني انا وهي كلنا كنا نسوي مشاكل..

اني ادق عليه 3ايام وجواله مغلق
وعقب ثلاث ايام يفتح الخط ويسمعني صوته معها ومع عياله....في مكه..!!
يعني كنت خ ا ر و ف...



يتبع..
​
 
الصراحة كلامه يازينه وانتي تنظرين للبنات و ربي انك شفيتي قلبي كملي كلنا شوق لمعرفة الباقي
 
(لم ابكيك انت..لكني نعيت ذكرياتنا)



الفصل الخامس....

صار يرسل لي منتي راجعة.
ولا ابيكي.
انا عفتك
كرهتك بسبب المشاكل.
كنت اقوله المشاكل موجديدة عليك ..
انت عايشها من يوم تزوجت اول مره..
قال ايه موناقص مشاكلك بعد..
يعني انا صرت كبش الفداء
شوفوني احلف لكم بالله العظيم اني ماقصرت معه بشي..
حتى بالفراش اهانني وذلني
ولا ابي احكي عنها لانها شي يعتبر خاص وحرام احكي به.
السطح ونمت به من القهر...
راسي كنت اضربه بالجدار والارض لين يغمى علي...كررررهت روحي
وانا عنده كنت اطفي اللمبات واجلس بالظلمة
اذا هو موعنددي
جتني حالة نفسيه
طبعا من الوحده
لو ماخذته عن حب كان صبرت وتصبرت
لكني خذته عن حب ووالمشاعر حييييه
خواته كلن مدح فيني
حتى اخوانه الرجال والله يحسدونه
وخواته ىقولون انهم يقولون ليت نلقى مثلها
رغم انه اخوانه رجاجيل
احترم اهله
وارحب بهم
هي من تزوجها اهله مادخلوا بيتها..وحتى يوم تجيني عزايم للمناسبات هي مايعزمونها.
وانا حبيت اعرف السبب وقالوا لي...
انها كانت تكره امه...ولا تطبخ لها وهملتها...رغم انها عجوز مالها حد ربي يرحمها..
سبحان الله الطيب اسان ضعيف ومغلوب على امره..
يمكن لوكنت خبيثه كان ماوصلت لهالمواصيل.
المهم..
دقيت على خواته
يدقون عليه يرفض يرد
اخر شي كلمت اخوه الكبير..وقالي ان الخبر جاه..وانه منصدم ليش رماني هالرمية..؟؟وان زوجي دايم يطريني بخير بكل مكان.
قالي اخوه..يمكن حسد..يمكن عين..
قلت له ياابوفلان انا ابي زوجي...بعد فترة كلمني واحد من اخوانه....

وكان حاقد على زوجي...
وش تتوقعون قالي...!!




يتبع...
 
كملي احنا متابعين
لكن الشي اللي ما فهمته ليش تتزوجي رجال كبير بالعمر؟ وكيف حبيتيه ؟إنت لساتك شباب
عالعموم الله يهنيكي
 
(أهديتني جرح...واهديتك غفران)



الفصل السادس


امي حلفت علي ماارفع عليه خط
ولا اراسله
طبعا كان في بيننا مراسلات
واتصال
وبصرااااااحة كنت ابيه
يعني احبه
ادري انه مو الرجل اللي حلمت به
ولا اللي كنت اكلمه
ولا اللي عشقته
ولا اللي بعت الدنيا عشانه
لكن لان الحب كان صادق صار النسيان محال
عقب 3اسابيع...
لازمت بها الاستغفار..ثم الاستغفار ثم الاستغفار....
والصلاة.....وكنت ادعي بآخر الليل وابكي واطلب ربي مايحرمني منه ولا يرجعني لأهلي مطلقه.
هداني ربي لحل..
وقلت له تعال خذني..انا بصير عاقلة ومابقول شي..وبكيفك لو تنام عندهم..ولا ابي مصروف ولا ولا ولا...الخ....
بمعني اصح(انذليييييييييييت)
موعشان اي شي...لكني عشقته لين انتهيت..والجاي لكم اكثر
هو كان متردد يجي او لا..
ويوقلي بالرسايل ان زوجته الاولى تقول لا تروح تجيبها ترى بيسقونك هي وامها سحر..!!
تراهم ساحرات..وبيسحرونك..
طبعا الغلط على زوجي...يعني المفروض مايحكي فيني عندها والعكس صحيح.
يعني ذي ام عيالك..وشريكة حياتك...وفنت عمرها معك..وصبرت عليك..مصيت شبابها كله وهي فانية حياتها لك...تجي تقولي عن عيوبها..!!
وأنا...انسانة رضت فيك..وبحالتك وظروفك..وحبتك...وصانتك..وصبرت على كل شي جاها من عيالك وزوجتك..جردوني من الشرف هي وبناتها...ورموا علي الفاظ استحي اقولها..بعدين تروح تقولها عن مشاكلي..!!
غلط وحرام ولا ارضاه لي او لها,.


يابنات انا مااقول اني مثالية لكن مهما كان لازم يكون في بقلبنا تعاطف ورحمة..
يعني والله احيان ياخذ لي فرضا ايسكريم..ومن فلوسي ..هو مايكون معاه..اقوله:حبيبي خذ للصغار..تراهم يشتهونه..وعادي انا بحاسب..
ومواقف وربي ماتنذكر.

المهم ياحبيبات قلبي اللي صار انه جاء عقب 3اسابيع وجايب لي بوكيه ورد..وسفر للامارات وخاتم ذهب..
تسامح مني عند اهلي...
ورضينا..
وانطلقنا للامارات....

لكن الجرح ندي...
عجزت اخليه يلمسني...
صار لاقرب مني ابكي..
واكره ينام جنبي..
طبعا كنت اتألم...وقلبي يعورني منه....
لان كرامتي انداس عليها كثيييييييييييييييييييير..
وهو كان يعتذر..
ماكان قصدي..
انا غلطت يوم رميتك..
سامحيني..
وووووو الخ..
ويوم دخلنا الشقة بالامارات..تدرون وش قالي...!!
قالي :
يووووه تخيلي انا اسولف معك..وانا بالغلط متصل على زوجتي الاولى وفاتح الخط...يعني سمعت كلامنا...!!!!

عرفت انه سوى فيها..زي ماسوى فيني يوم راح مكه معهم..
يمكن كان يبي يعدل حتى بحرقة القلب..
او فعلا بالغلط..
ماادري..
المهم رجعنا من الامارات..قلبي بااقي مجروح..
لكني سامحته ذاك اليوم...ورجعت الزوجة الغبية المذلولة الساذجة..والعاشقة الحقيرة التافهة المجردة من الكرامة..
ورجعت زوجته لبطش اكبر من اول..
والمشاكل زادت..
وصرت زي النحلة بس اساعده واسامحه واداريه ..حتى رجوله حبيتهم.....
واصرف على بيتي واروح 9ساعات دوام واعطيه ثلاث ارباع الراتب...
ومرت 7اشهر وانا بهالحال..




لين صفع الزمن زوجي وصحاه ...



يتبع...
 
حبيبتي رغم أني زوجة أولى ولا يرضيني الظلم ويعجبني الزوجة التي تسعى للجنة بكسب رضاه لكن لاتتفانى وترضى بالظلم منه ومن زوجته بل تطلب حقوقها فالرجل متى ما رأى عدم تقديرك لنفسك أهملك وبحث عن من يقدم لها خدماته،وأعلمي أن الظلم لن يطل ومن ظلم سواء هو أو زوجته فحسابهم عند الله، معك قلبا وقالبا نصرك الله على من ظلمك
 
عزيزتت يلقد قلتي :



((( الله يظلمك لو ظلمتها عشاني...)))


الله جل وعلا لا يظلم بل هو الحق العادل سبحانه وتعالى عن الظلم



هذي عبارة محرمة



بانتظارك وبالتوفيق
 
​آه يا قلبي عورتي قلبي بقصتك.
دايما أقول مو حلو الحرمة توصل لعشق الرجل وتوصل لمرحلة تحس أنها اتخلت عن روحها ونفسها وانذلت بسبب دا الزواج.
احنا اتزوجنا لنسعد وننسعد وتعيش بعز وكرامة.
جالسة اتنبه واستكشف أمور من قصتك.
كملي حبيبتي متابعينك بشغف.
 
(كل الجراح تبرأ....عدا تكرار الطعنة)



الفصل السابع


راحت الايام وجت..طبعا هو يوم كثرت المشاكل...رفض اجيب اطفال..مايبي حمل..
وانا انجرحت لكني ساااكته..لاني احبه..والله مافي حرمة ارخصت نفسها كثري..
لكن كنت دايم اقول الصبر طيب.
رب العباد قال(وإن شكرتك لأزيدنكم)
وهو كان لا شكر ولاعرفان...وعند اي مشكلة...كان يقولي لو كل واحد يروح بطريق احسن.

وبليلة من الليالي...
قلت له ابي اروح لصاحبتي.
قال متى؟
قلت اليوم الفلاني.
قال لا...لان ذاك اليوم يوم اللي تحت...كيف اوديك بيومها.؟
وطبعا والله العظيم هو قايلي بلسانه:
انا مااحب احد يقولي هذا يومي وهذا يومها..وياما شالها بيومي وياما صحوه من جنبي عشان تمثيليات هي وبنتها ..لكن مااقول الا:حسبي الله ونعم الوكيل.
قلت له خير ان شاء الله خلاص مو رايحة اللي تشوفه.
تخيلوا..
كانت الدورة الله يعزكم غايبتني...وكنت شاكه انه به حمل...ورحت حللت قالوا لا مافيه.طبعا جلست اصيح بالسياره..وكان يوم خميس عندي دوام الصبح..
قالي:ها؟اوديك الدوام؟قلت لا ابي البيت..المهم ضل يلزم روحي روحي دوامك...وش تبين بالبيت..
انا على نيتي قلت لا مورايحه نفسيتي تعبانة بروح البيت.
ورحت البيت..وكان ذاك اليوم يومي.
طلعت لفراشي ابي انسدح...
قال شوفي انا بتأخر لين وحده الظهر..وهذا الكلام تقريبا 9ونص.
قلت ليش؟
قال عندي شغل مع الحداد.
قلت خذ راحتك.
حب راسي وغطاني وشغل التكييف وطلع.
قمت انا وشي قالي قومي...
وقفت ع الشباك..
وكان شباكي يطل على بيتهم تحت..
وش تتوقعون شفت؟؟

هو وزوجته وبناته وعياله..ماخذين فطورهم وطالعين...!!
جلست ابكي وعرفت انه كذب علي واستغفلني..
سكتت..
ويوم جاء..ناقشته..وعصب علي..وشدينا بالكلام وضربني...!!
وكانت اول مره يضربني بها.
وانا والله شغلة ساعة ورجعت اضحك عااااااااااااادي..اخطائه كانت ولا شي عندي.


ويوم جاء الليل..
كنت احكي له عن وحده مغربية...مطلقة..قال اخطبيها لي..
توقعته يمزح..
وقمت ودقيت عليها وهو راضي..
وطلع جوالها مغلق..
وقفت وانا ابكي وقلت له:
اللي خلاك تتزوج على ام عيالك...موغريب تتزوج على بنت شات..!!
ودخلت غرفتي..
جاء يرضي بي وانا امزح وانا وانا...
شدينا بالكلام..
قام قالي مو عاجبك انا اطلعي بره..
طيب وين اروح؟؟
اهلي بعيدين ومالي احد..
فتحت الباب وخذت عباتي وطلعت..10 دقايق والدنيا تمطر...
وانا امشي ابي اوصل لسيلرة ليموزين بروح لصاحبتي وبيتها بعيد ومو مضمون اني اعرفه والدنيا ليل..
صارت تمطر علي..
حسبته بيدق..او يتصل..
او يرجعني..
سحب علي..
عقب نص ساعة رجعت بيتي..وكلي مطر..الا هو جالس بالصالة..
تخانقنا..وجاء علي ودفني...وطحت من راس الدرج لآخره..


ومن هينا..تغير زوجي....لكن وش كان الثمن؟


يتبع
 
فصل جانبي....


(الوفاء لعبة..لايتقنها الا صانعوها)


كان لي ولد عم..اعرج..
وكنت اكرررررررررررررررررررررررررره وامقته.
طلبني من ابوي كثير لكني كنت ارفضه.
واهينه.
وكان كل شي يسمع اني ابيه يركض يجيبه رغم انه متزوج..لكن زوجته صاحبتي..فكيف ابي اقبل به؟؟
وكنت كل ماذليته..كان يركض لي..
ماكان بخارطتي اصلا..يعني انسان تافه بنظري..
رغم انه ناجح بكل شي..وجميل جدا..لكني اكرهه كنت..
ويوم تزوجت والله قالوا لي خواته انه بكى..
ويوم صارت الروحه الاخيرة يوم رماني زوجي..شفته.
كان ناااحف زياده وحاله حال..
وقالي بالمطبخ...
تطلقي منه وانا اتزوجك...
بصراحة فكرت فيها فترة..لكني مستحيل احبه..وقلت له:
شف حياتك ولا تتعب روحك.
وكان يرسل لي ذهب..وملابس..وكنت ارجعها..واحيان مبالغ مادية..وانا ارفض ريال منها..
بتعرفون وش كان موقفه بالفصل الجاي يوم طحت من الدرج...


يتبع
 
ياشين الظلم شيناه اختي عشقت الله يكتب لك اجر الصبر اللي صبرتيه ويعوضك خير ان شاء الله الجاي احسن
كملي احنا في انتظارك
 
ياقلبي عليك الله يمهل ولايهمل
كاني عارفه الحدث الجاي واتمنى مايكون هوالي ببالي
تابعي معاك
 
سالفتج تقططططططططططع القلب

لكل مجتهدٍ نصيب

كملي بسرعه

بانتظارج يالغلا
 
كممممممممملي دخيل الله
اول مرة تشدننننننني قصة واتابعهاااااااا وانا عندي امتحانااااااات
 
الظلم والخيانه والجرح شي مايتنسى
الله يصبرك ويهدينا ويحنن قلوب ازواجنا علينا
 
انت خليتيه يتمادى عطيتيه حب بدون مقابل وتغاضيتي كثير بمواقف لا يجب عليك التغاضي عنها


اعتقد انه بعد هذه الحادثة ان يعرف قيمتك واتوقع ان تكون للابن عمك يد في هذا التغير


اتمنى لك حياه سعيده
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل