||أحاسـيـس الشـــوق || دردشة الزوجة الثـانيــة ||

الحالة
مغلق و غير مفتوح للمزيد من الردود.
فافي دلع قال:
قصة عجوووز تهبل لاتفوتكم

كان فيه شاب من اهل نجد وكان هالشاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير مع شح وفقرذاك الزمان
المهم امه العجوز شبت عليه وقالتله ياوليدي مالك ماتعرس
وودي تزووج علشان اشوف عيالك قبل مااموت
وهو يقول بسم الله عليك عقب عمرن طوييل يوووه
المهم الححت عليه وهو وافق
وخطبتله امه هاك البنيه ( الغاوية )
الولد عقب العرس ..ماينلام استانس بحريمته وتوافق هو وياااه الحمدلله
كل يحب الثاني ويودده
لكن المشكله عاد ب( المامي) تقل تضايقت شوي من الوضع(غارت)
-----------> وهذي فطره عند اغلب الحرييم الكباار خاصة مع عيالهم
--->غصبن عليها
بدت إذا جاء الولد عقب الظهر داايخ
من الشغل وده يتغدا ويناام قبل يأذن العصر.
وأول مايصك باب الغرفه هو والمره إلاّ والوالده رانعتن عليهم الباااب ( تنكيد يعني) قومو صللو يالله
وان كان هو ماأذن تطق وتقول قومو توللمو توضو قبل الاذاان..
ورزح هالباب ماتواطنهم بالغرفه تنهبل
والولد ماغير ( يقول إنا لله وانا اليه راجعوون ) وش جاه أمي
وتطوور الوضع بدت العجيّز
إذا منّهم نامو بالليل واوّل مايتواسوون تطق الباب قومو تسننو صلّو صلاة الليل. قومو أوترو.. قومو قومو.وماغير
تهجدهم وترجدهم بالليل وانهار
المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل
على طول...
ومرّه الولد كان عند رفيقن له يقالّه ابوصالح (معرووف بالعياااره )كان يتقهوى ومع السواليف قص عليه السّالفه حقّته مع
أمه وشكى على رفيقه ابوصالح حاله
قال ابوصالح انا اعرف علاج امّك زيين بس تطاوعن؟؟
قال الولد تكفى اللي تبي
بس فكّنا ياشيخ
قال أجل ابقوللك : نبي نسوّي خطّه انا وانت بس لازم تطبقها تمام والا ترى تبي تخرب عليك
قال الولد .. تكفى قللي
المهم قاله الطريقه واتفقو
يوم صار من باكر عقب العصر
جاء ابوصالح لبيت الولد وطق عليه الباب
طق طق طق
ابو فلان ابو فلان وبدا يصوّت ابوفلان
(كانت بيوت الاولين صغار بالحيل وهدوء لدرجة ان اللي بالبيت يسمع كلام اللي بالشارع والعكس*)
المهم طلع الولد قال
ياهلاااااا ابو صالح يالله حيه
ادخل اقلط تقهو
قال ابوصالح
لاوالله يابوفلان أنا عجل بس جيت ابي منك طلب وابمشي
(طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوصالح بولده)
قال الولد ادخل يارجال واطلب الّي تبي
الّي تبي بس تقهو
قال ابوصالح .. الّي ابي؟؟
ماتردّن
قال الولد : والله ماأردّك لو تبي كل بيتي ومابه بس ادخل .. إلاّ شي واحد ماأعطيكياااه
قال ابو صالح وشّو؟؟ هالشي؟؟
قال الولد: لاتجي بس تبي تخطب أمي؟؟
ترى هذي اسمحلي ماأقدر أطلب كل شي إلاّ هذي ..
قال ابوصالح وراااه؟؟
قال الولد : الله يعظّم أجره أميمتي
تقوّمنا لصلات العصر قبل يأذّن وتقومنا نتسنن بالليل . وتقومنا نووتر قبل الفجر . وتقومنا للفجر حريصتن علينا
والله مااأفّلبه ابد الله يخلّيها لنا ان شاء الله
قال ابوصالح : والله الصّراحه أنا جااين أخطب الوالده أجل
قاال الولد لااااا ياخووي
أجل طس لاتقهوى ولاشي مع السلامه . والوالده مهيب معرسه
( كل هالكلااااام والعجيّز تسمع!! ومنهبله)
راح ابوصالح والولد صك الباب
دخل الولد والى الوالده بوجهه قالت منهو ذااا؟؟
وش يبي؟؟؟
قال ياميمتي هذا خبل سايح وطلب منّي طلب وطردته ( مابقا إلاّ هي بعد)
اسكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال ياميمتي سلامااات؟؟
ماقوّمتينا للصلات الفجر ولا العصر
عسى مااااشر ياميمتي؟؟
قاالت العجييز: قومو أنتم عسااكم للكسااميير خلاااص انا منب دايمتن لكم
خخخخخخخخخ
وبدت ماتطق عليهم وافتكّو من شرّها
وهي على رجاء خطبه ابوصالح ههههه
....يااارب تزوجها

أنقر للتوسيع...

08134899030.gif

وااااااااااااو مت من الضحك ... الله يوسع صدرك مثل ما وسعتي صدري يا فوفو مت من الضحك خخخخخخخخخخ​
 
فافي دلع قال:
عبوورة شكلك ماشاء الله انسانه حكيمة مثل غلوووو( عاد بيكبر راس غلو علينا)
من جد اقرا ردودك تعجبني بس لسى ماعرفت عنك شي
عن اذنكم وخشمكم بطلع اصلي واصلح لزوجي شاي عنده زميله وراجعه لكم بس بااعطيكم شي تقروونه وتتسلوون فيه الي ان ارجع
أنقر للتوسيع...

فافي دلع قال:
يالله سلاااام استأذن
ولي رجعه بعد قلييييل
أنقر للتوسيع...


الله يخليك يا فوفو من ذوقك بس ... انا في أول صفحة كاتبه عني نبذه أو مختصر مفيد يعني ... تقدرين تشوفينه يالغلى ولا اطولين بنتظارك​
 
$دمعه غلا$ قال:
لاوالله ماسالتها ولا راح اسالها لاني اخاف تقولى يضر وانا مدمنه نت خليني اجلس كذا بشكك ولا اتاكد لاني ماراح استغني عن النت جزاك الله خير على الاهتمام لاخلا ولا عدم
أنقر للتوسيع...

بعد عمري انتي ... صحيح الواحد من غير نت يمل ... تعودنا عليه ... بس خلي بالك حاولي تخلينه بعيد عن بطنك أحسن لك ... والحافظ الله​
 
كلي تفاؤل معاه
حياك الرحمن
شفتي العرس وش يسوي
ينسي حب الضنى خخخخخخخخ​
 
مرحباااا
عدت اليكم
عليكم بالعافيه اعجبتكم القصة؟؟؟
 
فافي دلع قال:
مرحباااا
عدت اليكم
عليكم بالعافيه اعجبتكم القصة؟؟؟
أنقر للتوسيع...

ولكم بااااااك فوفو​

أنا عن نفسي أعجبتني بالحيل وكل ساع أقرا رد الام بالاخير روووووووووعه بصراحه ههههههههاي​
 
هلا غلوو
كيفك وكيف موعدك انشاء الله امورك تماام
انتي باي شهر
 
فوفو من امس اجيها القاها زحمه ماكن في البلد غيرها ومالي خلق انتظار واجلتها بكره انا بالشهر الثاني مشواري طويل الله يسهلي ويسهلك
 
بقولكم مشكلتي والي تدخل بالله ترد وانا اقري بعدين الردرد
انازوجه ثانيه لي اربع سنين ولي طفلين الحمدلله
اناام الولد الاولي ماجابت الابنات الله يرزقها
زوجي يحبني الحمد لله
وزوجته الاولي دايم معها بمشاكل
بس الفتره الي فاتت سافرت لاهلها
وتغيرت مره وصارت مره زينه معه ودايم هدايا بطايق شحن وكذا واخرتها بتهديله ايفون بس هو رفض
احسه بعد ماتحسنت معاه زي ماتقولوا بدي يميل مو شوي واحسه فتران معي مو زي اول بس عند الجنس يتغزل ويقوب والباقي مطنش هو ماكان كذا حتي انه يتحجج بحجج علشان ماينام عندي
حاسه بقهر هو نمطه جنوبي شرقي وانا زيه كمان
بالله كيف ارجعه زي اول
اناكنت اول احضه وابوسه بس اذا ماسويت هالشي هو مايسوي
وقريت بالمنتدي ان الرجل مايحب المراه الي تلتصق فيه
بابنات دلوني والله احس اني حيرانه
 
بروق الفجر قال:
بقولكم مشكلتي والي تدخل بالله ترد وانا اقري بعدين الردرد
انازوجه ثانيه لي اربع سنين ولي طفلين الحمدلله
اناام الولد الاولي ماجابت الابنات الله يرزقها
زوجي يحبني الحمد لله
وزوجته الاولي دايم معها بمشاكل
بس الفتره الي فاتت سافرت لاهلها
وتغيرت مره وصارت مره زينه معه ودايم هدايا بطايق شحن وكذا واخرتها بتهديله ايفون بس هو رفض
احسه بعد ماتحسنت معاه زي ماتقولوا بدي يميل مو شوي واحسه فتران معي مو زي اول بس عند الجنس يتغزل ويقوب والباقي مطنش هو ماكان كذا حتي انه يتحجج بحجج علشان ماينام عندي
حاسه بقهر هو نمطه جنوبي شرقي وانا زيه كمان
بالله كيف ارجعه زي اول
اناكنت اول احضه وابوسه بس اذا ماسويت هالشي هو مايسوي
وقريت بالمنتدي ان الرجل مايحب المراه الي تلتصق فيه
بابنات دلوني والله احس اني حيرانه
أنقر للتوسيع...

الحمدلله حبيبتي ان زوجك يحبك وبصراحه ماني شايفه مشكله حبيبتي لاتشغلين بالك فيها حبها او بدا يميل لها او بدت تهديه هذي حياتهم الخاصه المفروض ماتعنيك ابد حتى المفروض انك ماتدرين عن الي يصير بينهم لانك اكيد لك خصوصياتك الي ماتبين احد يطلع عليها
اما من ناحية انه بدا فتور فمنهو الي بيجلس على وتيره وحده طبيعي يصير ملل وفتور حتى ترجعون احلى من الاول انتي مثلا هل من يوم تزوجتيه وانتي على نمط واحد ماتحسين بملل احيانن اكيد ينتابك بعض الفتور والملل هذي من سنن الكون وبعدين تعلمي واعرفي ان الرجل مصلحجي يدور على سعادته ووين وانتي لاتقصرين مع زوجك وراح يرجعلك مثل الا ول واحلى
تحياتي لك والله يسخركم لبعض ولا يغير عليكم
 
السلام عليكم ورحمه الله كيفكم بنات انا ما جاني نوم قلت ادردش معكم عطوني علومكم
 
هلا نوف اخبارك وكل عام وانتي بخير مختفيه لك كمن يوم عسى خير
 
تعرفين المدارس والتجليد وطلبات الي ما تخلص وعندي بنتي باول لازم اروح مها علشان تعود
 
الحالة
مغلق و غير مفتوح للمزيد من الردود.
عودة
أعلى أسفل