نقاشات زوجات الشرقي

[ميعاد]

بليز الي تعرف تدلنا كيف التعامل معه لانه شخصيه صعبه جدا جدا ف التعامل ومايرضيه شي كل ما اتنازل عن شي يطلع بشي تاني يوم خلاص احس اني سرت اتنازل عن كل شي بس عشان ارضيه ومو راضي وفي اشياء مستحيل اتنازل عنها وهوا مصر جدا ومو عارفه كيف اغير رايه والله تعبت منه خلاص احس نفسي سرت انحرق عندوا وهوا ولا هاموا بليز بنات ساعدوني

 

[بصمة امرأة]

عزيزتي ميعاد ..

نعرف انه شخصية قوية و متمسك برأيه كثيررررررررر لكن مو على حسابك عزيزتي..

كثرة التنازل هي اللي تخليه يكبر راسه عليك...ويصر في كل مرة على رأيه أكثر وأكثر ..

اوكي ...مره كوني عند كلمتك ولا تتنازلين ....يمكن يزعل ويتضايق ....تجنبي الكلام معه في تلك اللحظة !!

لأنه معصب وطالع شرار من راسه ادري !!!:30:

لكن اذا هدئ شوي ...كلميه في الموضوع ...وبيني وجهة نظرك بكل ثقة مع تقديم الاسباب المقنعة ....

لأنه يهتم بالاسباب ...

يعني اجعلي شعارك >>>> يا تقنعني يا اقنعك !! :7:

وصدقيني لا تخافين على زعله كثيرررررررر ...مره ومرتين اكيد راح يقدر آرائك ...ويتفهم خصوصاً ..

لما يقتنع باسبابك المقنعة ...الشرقي دقيق ويهتم بالتفاصيل ...

وانتبهي لا تبين له انك زعلانه ومتضايقه عشانه .....خلاص اللي عليك سويتيه ..

واذا خفتي من المواجهة ...في فكرة ثانية

اكتبي اللي بقلبك وارسليه على جواله او ايميله

في هالحاله راح يقرأ المكتوب كله بدون مقاطعات

يمكن يتفهم الوضع بهدوء >>بعيد عن المشاحنات الكلامية

ربي يسخر لك زوجك ..​

 

[بصمة امرأة]

العطور والهدايا التي تعجب الشرقي.

>> العطور <<

من اهم العطور التي يفضلها الشرقي...دهن العود الملكي ...>>> يرجع لحبه للأصالة ..

واهم شي تكون الريحة حلوه وثابته ...مركزة يعني

يعني لو حبيتي تهدينه ....اهديه شي يحبه ومحتاااجه يكون افضل ..

ويقدر منك الشغلات اللي تفيده ...

وكماااان يفضل من العطور ذات الريحة المركزة ...

مثل منتجات بوس ...سواء كانت رجالية او نسائية

يحب ريحتها...

....

....>> هالعطرين اشتريتهم طقم ...بمناسبة عيد زواجنااااا

وعجبه كثيررررررررر ...هالعطر للإثارة ...ريحته تدووووخ.

ــــ

كمااااااااااااااان من الهدايا اللي تعجب الشرقي

الالكترونيات ...

الجوال ..طبعاً

ولاحظي انه يهتم بالجودة ....يعني في هالحالة مايهم الشرقي السعر !!!

امام هالتكنولوجيااااااا .....

كمااااااااان الهارد دسك هدية عليها القيمة ...وراح تنفعه كثير

وكماااااان النظارة الشمسية هدية رائعه تعجب الشرقي ..

لكن نصيحة مني .....مره اشتريت له نظارة ماركة وفخمة لكن لونها بني وفيها ذهبي خفيف ..

...ماعجبته كثير يقول كأنها نسائية و قال خذيها لك هدية :30:...لكني مارضيت وبدلتها بسوده ...يعني انتبهي قبل ما تشترين للشرقي ترااااااااااااااه دقيق.

تجنبي شراء الساعة ....كهدية لأنه ماراح يستخدمها ..

لاحظت كثير من زوجات الشرقي يقولون الشرقي ما يفضل الساعة كهدية ....ويكتفي بساعة الجوال ...!!
...
كمااااااااااان ممكن تشتري ادوات حلاقة ..

​

 

[مسعده]

موضووعك رائع الله يعطيك العااافيه

 

[بصمة امرأة]

ماذا يحب وماذا يكره الشرقي ؟؟

الشرقي يعشق رائحة العود والبخور..

ومن منا لا يعشق رائحة الاصالة والعروبة الفذه!

على فكرة ..

اعرف وحده زوجها يومياً يبخر البيت..شكله شرقي بقوووه.

سبحان الله البيئة طبعا لها الدور الاكبر..

هذا الرجل اللي يبخر بيته يوميا...

تورث هذه العادة من امه ..ماشاء الله بيتها لا يخلو من هذه الروائح..الجميلة.

ايضاً ...يروق للشرقي وضع الحناء في اليدين والرجلين .

وي وي اشتقت للحنا ....بصراحه اموت في الحنا الهندي ...

...

ملاحظة مو على طول في يدج الحنا ...لايمل منها ..

من فتره لفتره يكون لها طعم .

اوكي:22:

...

طبعا في شرقيين يموتون على الحنا الناعمة ...شغلات بسيطه وخفيفة تظفي جمال لليدين..

وفي شرقيين يحب الحنا لحد الجنون ...يبغاها مثل الحنا الهندي

نقوشه دقيقة وكثيرة ..

مثل اللي في يد هالحرمة

...

بالنسبة للتاتو والرسومات الثانية

في الغالب ما تعجب الشرقي ويعتبرها لعب وخرابيط جهاااااال

يعني تجنبي استهزاء الشرقي ؟؟

في انماط تعجبهم وتثيرهم هالحركااااات



اعتقد الغربي ...مضاد للشرقي تماماً.

وماذا عن الملابس؟

اي الملابس يفضلها الشرقي على زوجته؟؟؟

الاجـــــــــابة

v

v

v

الجلابية

يحبها ..بتفاصيلها...بسيطه وناعمة ...مو المليانه خرز وزري مالت الكبااااار

لآلآلآ

بس مو معنى ذلك تعلقين على الجلابية 24 ساعه عشان عيونه

اولا التغير حلو ومطلوب ..

ثانيا لنفسك عليك حق البسي اللي تحبينه وكوني على ثقه ان الشرقي كمان راح يحبه عليكي ...

ولا تسألينه حلو علي ؟؟؟

البسي اللي تبغين وتفنني باللبس والدلع ..

اذكر ايام الخطوبة قال لي انه يحب الجلابيه ..عاد انا استغربت :33:...ما ظنيت ان الشباب يحبون الجلابيات ..توقعت الكبار بس ...

لكن عشان خاطره ...اشتريت 2 بس ..

ناعمات ...ومميزات ...مو زي الجلابية التقليدية

لدرجة كل من شافني سألني من وين شاريتهم ؟؟؟

ما كأنهم جلابيات!!!! اهم شي :31:

...

وكمان يفضل الفستان القصير الناعم ..اللي يبرز انوثتك :22:

هذا حلو لو كنتي حامل مثلي ههههه:31:

اهم شي نوع الفستان ...يفضل النوع اللي يحدد معالم الانوثه عندك ...

يعني على نوعية القماااااش فهمتوني ؟؟؟

يعني النافش لالالالالا

ما اعتقد يثيره او حتى يعجبه

من وجهة نظره يناسب البنات الصغار أكثر ...

يفرحون بالمنافيش بالاعراس هههه.

يحبك كلاسيك ورايقة ...كلك انوثه ونعومة ..

وست بيت من الدرجة الأولى ..

وام مثـــالية ...مهتمة بكل صغيرة وكبيرة .

وزوجة صالحة تحثه على عمل الخير وتقوم بواجبتها على أكمل وجه..

ويكره العصبية ..والعنيــدة ..

يمقت الشرقي بشدة من لا تستمع لكلامه ...

ولا تهتم لطلباته ....وتعاااانده...بل تجادله اثناء النقاش ..

وكأنها تناقش شخص اصغر منها سناً..

لذلك افضل طريقة للتعامل معه اثناء الغضب ..

التزام الصمت!

فلا يوجد اجمل من الصمت !!

فالصمت ابلغ لغات العالم عزيزتي زوجة الشرقي ..

التزمي الصمت لكي لا تحتد المشكله بينكما وتكبر ..

وبعد ان تهدأ العاصفة ...حدثيه بكل روية ...وبكل تواضع ..

وعبري عما في داخلك بوضوح ...بدون لف ودوران ..

فالشرقي رجل واضح ...ويكره الغموض ...وبعثرة الافكـــار.

ضعي النقاط على الحروف على قدر المستطاع.

عندها سيصبح النقاش بينكما هادئ و ناجح ومثمر ....

وسينتهي بما يرضيكي غاليتي ..

أختكــ بصمة امرأة ـــم ~









​

 

[وردته]

بصمة امراه كانك تتكلمين عن زوجي..\

الله يسعدك نورتيني الله ينور دروبك

..

زوجي شرقي من قلبه

يحب التجديد بشكلي ويقولي اصبغي شعرك اللون الفلاني يعني يحب اسوي اللي يعجبه هو..

مدري انتم معي بهالنقطه؟

مايحب الاكلات الغريبه..يعني انا احيانا اتفنن بالاكل واحب اسوي اشياء جديده وغريبه

هو لامايبي الا كبسه>>خخ

واكلات معروفه يعني لا احوس واتعب نفسي غ الفاضي


لي عوده

 

[الوفـا طبعي]

انا عكسك ما يحب اغير شي في نفسي حتى لو اقص الغره ما يحب

يحب التغيير والتفنن بالاكل

بس ما يحب يدفع فلوس<<<<خخخخخ

يكره الخرجات والتمشيات

جفاف عاطفي شديييد اذا مافي نت يحب النوم بشكل مجنون

واذا شيء مو مكاانه تقوم القيامه

بااارد جدا اذا عصبت عليه

يحب الحش خصوصا فيني

ما يحب لا ادرس ولا اشتغل(بالرغم انه يقلي اشغلي وقتك ) متناقض جدا

في البيت كسلان في اغلب الاوقات

ما يحب يشتري ملابس كثير >> تبذيير

هو عمره ما يلبس بنطلون لو يموت

ما يحب يتفرج معايا على الافلام يحب يتفرج لوحده او مع اخوانه

ومستحيل ان يخبرني شيء عن عمله والدته مستودع اسراره <<وهي تنكر انه يخبرها بشي

يحب اللف والدوران ومثل كثير وما يعتذر ابدا الا اذا شافني وصلت الحد الادنى

اي شيء احبه واشغل وقتي فيه يحرمني منه

ياليت لو تفهموني ايش النمط المختلط هذا وكيف افضل طريقه اتعامل فيها معاه

 

[اتعلم]

اسائلي اي سؤال انا شرقيه وحب افيدكم وتفيدوني

 

[نوردربي]

الله يوفقك

 

[تلميذة مريم]

اتعلم حياك ..شرقيه جنوبيه وإلا شرقيه شماليه ؟

 

[عآزفة القيتآر]

جزاكم الله خيـــــــر ..
بصمة امرأة كلامكـ راااااائع ..
لكن ماادري الشرقي اللي عندي مايحب النقش بالحنا
يقول اكره ريحته!!!!
وكمان يحب العطور الباردة مايحب العود والخرابيط هذي!!!
ماادري هل هذا يدل على انو مو شرقي او شرقي مع نمط ثاني ...؟؟
لاني احس هالشغلتين مركزين عليها زوجات الشرقي انو بكذا يكون شرقي؟؟
اتمنى تفيدوني الله يعطيكم العافيه..

 

[حظي الزين]

قريب ادخل معاكم زوجي شرقي شمالي وانا غربيه جنوبيه يعني قمة التناقض اخت ريماس الحب والوفا طبعي كنهم يتكلمون عن زوجي

 

[حبي ميدو]

عازفة القيتار اكيد معه نمط ثاني
انا خطيبي شرقي جنوبي ويحب العطور الهاديه والعود بس بالاوقات الرسميه ومو مره يحبه

 

[مهاتو]

ابغى انضم معاكم بجد تجمممممع رهيب ومليان بالمعلومات صراحه افدتوني كثير انا زوجي شرقي جنوبي
وانا جنوبيه غربيه اه يقلبي انا توي لي 4 شهور متزوجه اسكت كثير مره ما احب اتكلم اذا زعلت منه اطول
ساكته وهو ينقهر مني يقول خليك واضحه وصريحه كيف اغير من نفسي وكمان ماادري اش ممكن الناس تسولف معاه يعني تخيلو نطلع بساعات مع بعض واغلب الوقت ساكتين مافيه اي حوار هو يقول ذا طبعي
وانا كمان ذا طبعي بس اخاف يممل مني بسبب كثرت سكوتي اه اسفه طولت عليكم بس بجد تعبت
الله يعينا اجمعين

 

[اتعلم]

الي اعرفه اني شرقيه الكن فيني من كل الانواع بس اكثر شي شرقي واي سؤال انا حاضره

اتعلم حياك ..شرقيه جنوبيه وإلا شرقيه شماليه ؟

 

[اتعلم]

اختي تلميذه معليش مادري ليه طلع الاقتباس تحت انقلب راسي مافهمت شي

 

[vimto55]

ياجماعة الخير .........
من جد راسي مصدع فيه موضوع عن زوجات الشرقيين
وكثير مشاركة فيه
واللحين مو لاقيه ولا رد لي..............؟!
هل من مرحب فيني.....​

 

[ربي كريم]

الله يرضى عليكم من زمان نفسي افهم رجلي تنقعت في ملف الجنوبي فترة طويلة وبعدين اكتشفت ان زوجي شرقي غالب وفيه جنوبية بسيطة ..
الحين مقابلتني مشكلة عويصة ماني لاقية لها حل ياليت تساعدوني
أم زوجي برغم اني ماقصرت معها في شيء دايم توصف لزوجي بنات وحريم وتظهرهم امامه بصورة جدا جميلة مع انهم مو ذاك الزود لكن تبغى تقهرني ولاحظت ان زوجي فعلا يحب يسمع عن فلانة وعلانة الي امه وصفتهم له ومتخيلهم ملائكة تمشي على الارض ..
ومع الوقت صرت في نظره ولاشيء مع انه قبل كان معجب بشخصيتي مرررررررررة لكن الحين احسه يصدق كل شيء تقوله امه...وهي فيها شرقية وفاهمة ولدها صح وانا شمالية غربية فيني جنوبية وفيني شرقية متطرفة هههههه
بصراحة عجزت افهم نمطي مضبوط ...
المهم كيف اطلع ذولا الحريم من راسه وابين انهن عاديات والفت نظره لي من جديد
حسبي الله ونعم الوكيل
بنات وربي الي تساعدني لأدعي لها من قلبي دعوة صادقة بالي تبيه
تكفون لاتتركوني احس بنااااااااار في قلبي

 

[أ. سهاد]

بسم الله الرحمن الرحيم
بارك الله فيك

 

[حكايہ حلمـ]

بصراحه الموضوع في قمة الروعه
بعض الاخوات ما قصروا الله يعطيهم العافيه
الاخت بدور الف شكر لنبضك
والاخت بصمة امرأه شكرا لعزفك مع اني حسيت انك حجرتي على الشرقي
الصفات اللي ذكرتيها مو كل الشرقيين تنطبق عليهم اتوقع انك تتكلمين عن زوجك بالضبط
وحنا نعرف ان الانماط يدخل فيها التربيه بشكل كبييييير
يعني مو كل الشرقيين زي بعض
كل واحد تربى في بيئه مختلفه وتعرض لصدمات وظروف اثرت في طريقة تفكيره وسير حياته
وكمان تأثر بقوة في شخصيته
عموما
الرجل يعشق الانثى..كوني انثى حقيقيه
كيف؟؟؟
عكس الرجل في كل شي
قوي .. حاد .. عقلاني
رقيقه ولستي ضعيفه
حنونه جدا
عاطفيه جدا
ولكن المطلوب الحكمه في كل شي
لا تبكي على حظك:8:
انفضي الغبار وتحركي بسرعه وذكاء
كوني داهيه ولا تبيني له
خليه يخاف منك بهدوووووووووء:31:
تصرفي بتلقائيه
وهو بيفهمها
حتى لو ما كنتي حلوه شغلي مخك تصير احلى امرأه بعيونه
المرأه 99% دهآء و 1% جمال
المنتدى مليااااااااان
لازم تكوني جاده وتتعبي وتدوري عشان حبيبك
اذا ما كان عندك استعداد للبذل والتغيير
لاتنتظري منه اي شي
ابدأي بنفسك
وصدقيني راح يتغير معك
دوري على قصص الاستاذه ناعمه
الله يجزاها خير ويوفقها دنيا واخره
هي اللي قلبت حياتي فووووق تحت
وخلتني اكتشف نفسي:32:
والله يابنات النتيجه اللي بتحصلي عليها تستاهل التعب بس يبي لها صبر
واذا تشوفينه مليان عيوب
غيرك من البنات تشوفه مليان حسنات وجذاب
لا تخلينه يضيع من يديك
حافظي عليه
ابحثي بالنت عن الذكاء العاطفي
مرررررررره ممتاز
الشرقي اذا حبك صدقيني بيجيب الدنيا بين يديك
بس انتي خليك سهله معه
خليك غامضه نوعا ما
لاتكثرين الكلام عشان هو يتكلم
انشغلي بنفسك
خليه يشوفك وانتي تحطين الروج والمسكره
خليه يساعدك بلبس الاساور وتسكير السحاب
اثيريه بدون قصد
اعتمدي على النظرات معه
وتدربي عليها لوحدك..قدام المرايه
استعملي لغة الجسد معاه
اهتمي بصوتك ونغمة الدلع معه
استعملي الرموز بالرسايل
ممكن ترسلين له رساله فيها نقطتين وقلب بس
يفهم انك تحبيه
لا تطلبين منه يعبر عن حبه
انتي حاولي تدربيه على الحب
طبع اتكلم عن الشرقي الجنوبي
لانه هو اللي يتفاعل معك عاطفيا
وارجع واقول اهم نقطه
تقبيله كما هو.. وحاولي تخلينه يحبك
افضل من انك تحاولين تغيرينه
عبري له انك فخوره به وبصفاته وانه مو مقصر عليك بشي
المسأله يا صبايا يبيله صبر وطولة باااااااااااااال
بس بالاخير راح تدعي لي
بالتوفيق
حكايہ حلمـ
​