مع معرفتك لنمط زوجك فهمه وكشف أسراره لم يعدمستحيلاً,تعالي أعلمك$الملف الثاني للأنماط$

[يا ريت]

معلمة ولكن
زوجك
جنوبي غربي

 

[كتكوته ناعمه]

يعطيك العافيه اختي
سوالي اللحي النمط الاضعف شلون اقويه مثلا زوجي جنوبي غربي والنمط الاضعف عنده هو الشمالي شلون اقوي النمط الاضعف

جزاك الله الف خير

 

[الـنـون]

بعد حيي

الله يعطيك العافيــه ماقصرتي الله لايقصر بعمرك

أنا شماليــه شرقيـــه حتى النخااااااع *.^

 

[هذا رأيي]

كل اللي اقدر اقوله يا حبيبتي يا "هذا رأيي"

انج مبدعة بكل معنى الكلمة

وهذا رأيي المتواضع في شخصك بعد ما قريت اللي خطته أناملك الناعمة

لو تعرفين كم مرة سويت هالاختبار عشان اعرف شخصيتي بعد ما اشتريت الكتاب "بوصلة الشخصية" ...... الأسئلة معظمها مبهمه وتحتاج دورة من المترجم. 

لكن بأسلوبك الحلو والسهل ، الوحده منا ما تتعب وهي تحل الأسئلة لانه وايد واضح

عيني عليج باردة. .

عندي سؤال بسيط :

اللي عرفته بعد قرأتي للموضوع انج جنوبية شرقيه مثلي بالضبط ،،،، خبرينا بقصة نجاحك في التغيير ،،،،، وبما انك

زي حلاتي ج/غ كيف السبيل للخلاص من الحساسية الزايدة والطيبة وحسن الظن وووووووو

بأنتظار ردك يا قمر ،،،،،، لأني ان شاء الله عازمة على التغيير لي ولزوجي وعيالي 

وشعاري لهالسنة & 2011 = التغيير الجذري &**

ألف شكر على كلماتك الحلوه أسعدتيني كثيييييير لما عرفت إن موضوعي فادك وفاد غيرك ,,لأن هذا القصد بالأساس..

فأحمد الله تعالى على النعمه وأسأله دوامها..

أما سؤالك فهذا يبيله جلسه وموضوع خاص..
لعلي أجد وقتاً لأنزلها لكم..وأسميها حياتي بعد التغيير ..

أما الآن فالموضوع خاص بالأنماط فقط..
أشكرك مرة أخرى بعمق على ذوقك ,,,وأحييك وأشد على يدك في رغبتك بالتغيير,,والمنتدى مليء بقصص الناجحات,,
تمنياتي لك بالشخصية الماسيه ,,لأنك تستحقينها على هذه الروح الإيجابيه,,

 

[هذا رأيي]

الله يسعدك يالجنوبية المتفانية والشرقية المنظمة المرتبة بالنقاط والأوان جعله الله في ميزان حسناتك حبيبتي

نطمع منك في ترويض كل نمط في مختلف المجالات المادية والنفسية والرومانسية وكيف نجعله ينفذ بحب ورغبة وانسيابية لما نحب نحن :32::32::32::32:

حبيبتي أنت,,مشكوره أخجلتيني الله يصلحك,
اللهم إجعلني خيراً ممايظنون ,واغفر لي مالا يعلمون,,

الترويض يالغلا عند عمدات ملفات الأنماط ,,لأن هذا عملهم

حياك ونورت,,

 

[ام فارس]

انا طبعا جنوبيه غربيه بقوه

زوجي طلع شمالي صميم 12 من اصل 13

بس احترت موت فالشرقيه او الغربيه

زوجي فيه طلع شرقي 8 وغربي 5 بس قبل الزواج كان غربي صميم اش الي غير فيه ذحين خصوصا الصرف كان يدلع نفسه وماركات ويصرف علي نفسه
كان يحب يغامر فالمطاعم معايا لما اتزوجنا ومغامر بشكل كبيررررررر وذحين طول الوقت يقول ماني مصدق كيف كنت اسوي كذا ولااخاف عليك

ونفس الوقت كان يدفع ولايهمه ويصرف عشان يجرب


الان لا لازم يروح فندق يعرفه ولازم يروح مطعم مجربه ومايحب يخاطر ومايحب يطلب شي جديد مره ههههههه بعكسي انا الي اجننه واخاطر


كان يهتم فكلام الناس الحين مايهتم مررررررره مررررررررره ولاعليه فاحد ويقول طز فالكل


فوضوي وفنفس الوقت يهتم ان اوراقه تكون فمكانها ويحافظ عليها ويفرح لما ارتبها له بطريقه منسقه بس ملابسه يرميها فكل مكان بس سيارته دايم نظيفه ولما تتوسخ يتعب نفسيا

احترت فالغربيه والشرقيه فيه

 

[هذا رأيي]

الله يسعدك ياااااااارب

قريت ردك وتحليلك في حالة زوجي كان شمالي شرقي وهذا كان تحليلي له في بداية اول ماعرفت الانماط لكن بعدها احترت واللي خلاني احتار وحدة من الاخوات فالمنتدى جزاها الله كل خير وقفة معي في أزمتي وقفة اخت وصديقة ربي يوفقها

وساعدتني وكانت تقول لي انه جنوبي واعيد الاختبار

وعدت الاختبار ولان زوجي كان يبكي وااااااايد وحساس وخاصة اذا زعلني او شافني ببكي كثير حنون

فسبحان الله احترت وحسيته جامع بين كل الانماط وحتى اليوم فالشرقي والغربي احسه متعادل بين الاثنين

ومن خلال موضوعك هذا فادني جدا وفهمت شو سالفة نمط زوجي

الله يسلمك اللي فهمته وذكرتيه انه يدخل امور ثانية فالانماط مثل البيئة والعوامل الوراثية او ظروف يمر فيها الشخص

وهذا اللي حصل انه زوجي تغير بسبب ظروف صعبة صارتلنا والحمدلله وتغيره كان للأسوأ

الله يصلحه والحين مع هدوئي واستعادتي لذاتي احسه بدا يرجع بس بعده مارجع

يريدله وقت طويييييييل والله يصبرني واكون هادية واعرف ارجعه لعشي

المهم هذي العوامل فعلا مثل ماذكرتي لها اهمية كبيرة جدا وافتقدت الحساسية ومشاركته لي وبكاءه لما يشوفني ببكي

صار يكابر رغم اني احس بضعفه ويريد ينفذلي طلباتي بس كبرياءه قاصد منه عشان ما اتدلع عليه واخرب

لانه حاط في باله يعدد وهالموضوع انا رافضاته وهو الحين شايفني اني بخطط حتى يتراجع وما يتم زواجه

حاولت اثبت له انه زواجه ما يهمني كل همي هو العدل ويركز في طلباتي وطلبات ولادي بس للاسف

على اي طلب مني يعصب وينظرلي هذي النظرة اني اريد أخسره عشان يفلس ولا يتم زواجه

مع العلم دافع المهر وان شاء الله مايتم زواجه بس اذا تم كله خير وبركة وراضية بقسمتي الف حمد وشكر لله

صار يحاول يطلب مني بطريقة غير مباشرة اني اصرف على نفسي لاني اشتغل

ولاني ماعودته اشل منه مصروف الا لما تغير علي وبدا يفكر فالزواج

فالسابق كان يعطيني اذا طلعنا او احتجت لكن مش شهري ولا شي روتيني وتعود عليه

عودته كم شهر بعد خطوبته والحين رد يرفض ويقول ما اقدر على مصروفش لاني مضغوط

بس الاشياء الاساسية بوفرها لكن دلع وملابس وحركاتش ما اقدر عليها

فساعديني كيف اقنعه واخليه يعطيني مصروف شهري ؟

انا هذي الايام طبقت حركة

هو اني رحت واشتريت اللي نفسي فيه ومن فلوسي وهو مستغرب لانه ماقال بيعطيني بس طبعا ناوية ارجع كل ريال دفعته وصرفته على اغراضي الخاصة

وناوية اشيلهم منه بطريقة ثانية وهي طلبات جديدة بصورة غير مباشرة

أبيه يحس انه حتى لودفعت من مصروفي وراتبي فما بيكفي لازم هو بعد يعطيني

فيديني بارك الله فيكي ونصحيني كيف ما اخليه ينسى هالشغلة خاصة انه احتمال يتزوج فأبيه من الحين يتعود يعطيني مصروف ولا مستحيل يعملها بعد الزواج اذا تم

سمحيلي عالاطاااااااااالة شكلي ثرثرت واااااااااايد بس ارتحت لك وربي وحسيتك اخت والله يباركلك يعيالك وحياتك ويسعدك ويأجرك على مساعداتك لنا

لا البكاء بكثره صفة الجنوبي ,,وكونه صار يكابر على قولتك,,فأحيانا لما يتعود على دموع زوجته يقسى قلبه وتصير ماتأثر فيه,,

بالنسبه لسؤالك أتمنى إنك تسألين عمدة الجنوبي المهاجره هي أخبر مني بطريقة التعامل الأمثل مع الجنوبي,,

لكن لايفوتني أن أثني على صبرك ورضاك بقضاء الله وقدره بخصوص زواج زوجك,,كملك الله بعقلك وجازاك على نيتك,,

وسخر لك زوجك,,ورده لك رداً جميلا,,

وخوذي راحتك حبيبتي وقولي كل اللي تبينه حنا خواتك ونسمعك ولو ماقدرنا نساعدك ندعيلك ,,

 

[امرأة انا]

جزاك الله عنا كل خير

 

[عروس النسيم]

حبيبتي الله يعطيك العافيه على المجهود الرائع
زوجي12جنوبي1شمالي
12غربي1شرقي
انا10جنوبي3شمالي
9غربي4شرقي
ايش انماطنا وياريت تحطي روابط لدراسة كل نمط
معليش ثقلنا عليك تحملينا الله يوفقك

 

[هذا رأيي]

زوجي طلع جنوبي8 شمالي 5 وغربي10 وشرقي 1 ممكن اعرف شخصيته ردي علي الله يعافيك ضروري
:21:وانا احترت من نفسي جنوبي7 شمالي6 غربي 8 وشرقي5 :39:

زوجك غربي جنوبي


وأنت نفس الشي غربيه جنوبيه

 

[هذا رأيي]

يعطيك العافيه اختي
سوالي اللحي النمط الاضعف شلون اقويه مثلا زوجي جنوبي غربي والنمط الاضعف عنده هو الشمالي شلون اقوي النمط الاضعف

جزاك الله الف خير[/QUOTE]




وإياك..تقوية النمط يجب أن تكون برغبه من الإنسان نفسه..وعزم على التغيير من شخصيته نحو الأفضل...

جنوبي غربي وتبينه يقرب للشمالي.!!!
الله من الكسل والبرووود ههههه....الله يعينك..
طيب ممكن تستخدمين الإيحاء النفسي,,يعني تمدحين بصفه من صفات الشمالي اللي تحبينها وكرري إن هذي الصفه رائعه وإنها من علامات الرجوله,,طبعاً عن طريق السواليف والدردشه لا الأمر يمكن بعد كم مره تلاقينه يسويه بدون كلام,,جربي ولاتنسين الدعاء وأثره الإيجابي ,,وفقك الله ,

 

[هذا رأيي]

حبيبتي الله يعطيك العافيه على المجهود الرائع

زوجي12جنوبي1شمالي
12غربي1شرقي
انا10جنوبي3شمالي
9غربي4شرقي
ايش انماطنا وياريت تحطي روابط لدراسة كل نمط
معليش ثقلنا عليك تحملينا الله يوفقك

أهلين ياعروس..
أنت وزوجك جنوبيين غربيين بلا منازع..

أما الروابط فأبشري بضيفها بنسخة القراءه ..تامرون أمر..:20:

 

[ام حمدان82]

جنوبيه بالقو و زوجي شمالي مع شويه صفات شرقيه

 

[ام حمدان82]

الغاليه هذا رأيي

شخصيتي هي:
12جنوبي
2شمالي
5 غربي
8شرقي

و شخصية زوجي هي:
9 شمالي
3جنوبي
7 غربي
6 شرقي

ما هي انماطنا و هل استطيع ان اتفاهم معه لاني دايما في صراع معه

 

[لحظه ممكنه]

ماني عارفه شلون اشكرك


بجد تستاهلي الخير ياوجه الخير

والله يرزقك من فضله ويجعله بموازين حسناتك​

 

[ام حمدان82]

زوار هذا الموضوع الآن: 20 11 عضو و 9 ضيف


ماشاء الله ..

 

[هذا رأيي]

أنا أعلمكم وشلون تشكروني

الدعاء بظهر الغيب بكل ما أريده وأتمناه..
صلاح زوجي وأولادي ..وأن يجمعني بهم على خير
والرزق الحلال..وفك أسر أخي الحبيب
وحفظي وأحبابي من شر العين والحسد والسحر..
والله يعيني في إختباري بكرا ....تكفون

مو كأني كثرت .؟؟

 

[ام حمدان82]

الله يعطيج كل الي قلتيه و الله ينولج الي في بالج ... و الله يرزقج الخير انتي و ريلج و عيالج مثل ما نورتينا و علمتينا

 

[yara1]

السلام عليكم و رحمة الله و بركاته

الله ينولك اللي في بالك و يسخر لك زوجك و يصلح لك اولادك و يفك اسر اخوك
و يرزقك بالحلال من أوسع أبوابه و يوفقك في الاختبار ان شاء الله
و يحفظك انتي و كل اللي تحبيهم من العين و الحسد و السحر


اختي انا جنوبية شرقية
و خطيبي شمالي غربي

كيف اقدر اتفاهم و اتعامل معاه؟


و مشكووورة و جزاك الله خير على مجهوداتك

 

[نعم ولكن]

7 شمالي
5 جنوبي
8 شرقي
5 غربي

بس احس بعض الاشياء اميل للجابنين
مثلاً الروتين
اني من النوع الا اميل للروتين واحب كل شيء بنظام واتردد في التغيير بس اتقبل التغيير بعد فترة بمجرد اعتاد عليه
ممكن اكون متعودة على النوم من صلاة الفجر للظهر وخلاص امشي على ذا الشيء كم يوم
بعدها يمكن عادي اصلي الظهر وارجع اواصل انام للعصر
ممكن اعتاد على نظام طول الاسبوع في الويك اند احس بفوضة لان ما عندي عمل اقوم به
وهذا

النظام اميل ليه وبشدة ويضايقني فوضة المكان او المواعيد بس ممكن اني اتصرف بفوضة وقت ما اكون مزدحمة ويانبني ضميري على هذه الفوضة

احس شخصيتي مستقلة وارفض التدخل وكنت سابقاً ارفضة داخلي فقط اليوم صرت هجومية واعبر عن رفضي للتدخل
بس المشكلة اني اهلي احياناً يوجهوا ليي رأي هم يعتبروه نصيحة وكان هم الا يعرفوا كل شيء واني الجاهلة الا ما اعرف وما اقدر وما وما وما
ويقولوا ليي احنا نهتم فيهش وتهمينا
ما يقدروا اني خلاص صرت كبيرة وفاهمة واقدر اتصرف
ما ادري احس عندهم الكل كبر الا اني بعدهم يمبوا يوجهوني
يعني بس لان طول عمري بس اسمع منهم وانفذ احترمهم خلاص يعني لليوم لزم اسمع
يعني لمتى اضل كذا ؟؟
ما ادري اني صح او خطأ ؟؟


احب العمل بس من النوع الا اخاف من التجارب الجديدة برغم من اني لو دخلت تجربة جديدة بسرعة اتأقلم عليها وابدع في المجال الا اوضع فيه
المضحك في الموضوع ضليت سنوات احس نفسي خايفة من الزواج ومسئولية الزواج واليوم والله اتمنى هذه الشيء وعارفة اني قادرة على هذه المسئولية

بعد الاختبار وبعد كل هذه الهدرة ويش نوع شخصيتي ؟؟
شرقي - شمالي - جنوبي غربي ؟؟
​