مع معرفتك لنمط زوجك فهمه وكشف أسراره لم يعدمستحيلاً,تعالي أعلمك$الملف الثاني للأنماط$

[الملكة ع]

يالغالية ما رديتي علي

سؤالي في صفحة رقم 12 او 11

أرجوكي تردين على سؤالي وبسررررررررعة تكفين

 

[هذا رأيي]

عملت الاختبار

وانا شماليه بكل نقاطها وشرقيه بمعظم نقاطها وزوجي جنوبي شرقي
وش الخطوة الي بعدها لا عدمناك

الخطوه اللي بعدها ياقلبي إنك تركبين طيارتك وتقلعين لملفات الجنوبي وتحلقين فوق مطارها ..ثم إهبطي بسلام بين أخواتك ..وإقرأي بتركيز عن الجنوبي وصفاته ونقاط ضعفه...

ثم حلقي مرةً أخرى فوق ملفات الشمالي لتعرفي عيوبهم وأخطائهم التي تنفر الجنوبي فتبتعدي عنها..

أتمنى لك رحلةً ممتعه وموفقه..ولاتنسين التذكره..:22:

 

[هذا رأيي]

بنات حبيباتي صبراً ورفقاً بي..
أنا جالسه أرد بالترتيب ,والدور بيجيكم لاتستعجلون.
ففي العجلة الندامه..

أكيد اللي يستعجلوني شماليات أو غربيات <<عجولات..هههه هداكن الله




دعواتكم عندي إختبار مهم جداً بكرا وتاركته عشانكم

 

[ناآدرهـ]

يعطيك العافيه ياعسل

 

[هذا رأيي]

أنا كل النقاط ال 13 جنوبية

9 شرقية
4 غربية​

اما زوجي فهو 7شمالي
6جنوبي
13غربي
سؤالي هو انو نقاط زوجي في النمط الشمالي والجنوبي متقاربات جدا
شو بيكون؟؟​

زوجك غربي شمالي عزيزتي

 

[هذا رأيي]

شكر عام لمملكة بلقيس والقائمات عليها والكاتبات للمواضيع الهادفة والمفيدة إلي والله أستفدت منها كثييير ، وعرفت من خلالها كيف أتعامل مع زوجي واتجاوز عن هفواته من غير زعل ولاحساسية .. مما كان له الفضل بعد الله سبحانه وتعالى في التقريب بيننا وزيادة المحبة ماشاء الله والحمدلله .
وشكر خاص للأخت هذا رأيي صاحبة الموضوع التي تبذل من علمها وجهدها ووقتها في نفع اخواتها المسلمات .. جعل الله ذلك في موازين حسناتك وزادك علماً وعملاً .

وبعد ماعرفنا شخصياتنا ياليت تعلمينا وبأسلوب جذاب وسهل كيف نتعامل صح مع كل نمط ؟

( وإنتي كريمة ونحن نستاهل ) :32:

أكيد تستاهلون ياعسل ولا كان ماسويت كل هالجهود الجباره عشانكم..



لكن الطريقه الصحيحه للتعامل مع كل نمط هذي بتلقينها يالغلا
في ملفات الأنماط عند كل عمده..هذا شغلها ياقمر..
مملكة بلقيس ماقصرت وضعت لكل نمط عمده خاصه فيه..والعمدات بعد ماقصروا يردون على تساؤلات الأخوات بكل رحابة صدر..


فهذه المملكه الرائعه ياغاليات كخلية نحل,, الكل يقوم بدور المنوط به على أكمل وجه وبكل تفان وإخلاص..

أسأل الله أن يبارك في الجهود ولا يحرمنا الأجور,,



حياك الرحمن..

 

[الملكة ع]

الله يجيزك الجنة على المجهود الرائع ويرزقك على نيتك يارب

عدت الاختبار وطلع لي

12 جنوبي و7 شرقي يعني طلع زوجي جنوبي شرقي

بس بعد أحس فيه من الشمالي وحسب مافهمته من قرائتي لموضوعك يمكن تكون بسبب البيئة او العامل الوراثي

لكن الأقرب هو جنوبي أكثر من الشمالي حسب ما أراه

وانا جنوبية غربية

أريد نصايحك لي يالغلا

 

[هذا رأيي]

حبي هذا رايي مشكورررة والله يجعلكي مباركه اينما كنتي

حبيبتي انا جنوبيه وزوجي شمالي بس مره يصير شمالي جنوبي ومرة شمالي شرقي يعني ياخذمن هنا وهناك

ياعسل اللي متعبني معه اني اذا طلبت حقي يعتبرها مشاكل ورب الكعبه وصلنا للطلاق لاسباااب تاافه الكل جلس يضحك عليها مثلا

اطلبه نسافر مع بعض وهذا من حقي
اطلبه نطلع لوحدنا بدون احد من اهله وهذا من حقي
....والخ من التوافه

المشكله الحين اني بديت اهدي الوضع بس مابي اضيع حقوقي ابي يدري اني قويه بحقوقي من غير مشاكل ياحبي لك ساعديني
وتتوقعين لو تنازلت واعطيته اعذار يجي يوم ويعطيني اياها
يعني مثلا هو يعرف اني اتمنى نسافر لوحدنا عجزت اقنعه والحين تنازلت عن السفر معه بس اما قلت له انا احب السفر وبسافر مع اهلي وتحمل جميع مصاريفنا من تذاكر ....والخ

ابي اصير انانيه ابي انبسط زيه وانت الشكوى لله لك ظروف مع العلم يقول انا بسافر لوحدي قلت له الله يساعدك

حبيتي هذا مثال لشي زي كذا اخاف من خوفي من المشاكل ابدى اتنازل عن حقوقي لحد ماتضييييع ماتحمل اعيش كذا مارضاها لنفسي اخاف اظغط على نفسي وبعدها انفجر ولا اخذ شي ولا استفيد وش رايك؟؟<<<طلعة اللي في قلبها الاخت ماصدقت

حبيبتي السفر والتماشي لاتعتبر من الحقوق الشرعيه التي يأثم بتركها...


يضربك..يهينك..يطردك..مايصرف عليك..يمنعك من حقك الشرعي..يحرمك من أطفالك؟؟؟؟؟؟


هذي الحقوق اللي تزعلين عشانها..



أكيد من حقك السفر مع زوجك بس مو توصل للطلاق أعوذ بالله


الزواج رباط مقدس مايصير نتكلم بالطلاق عشان مثل هالمشاكل

وبعدين هو ماقصر تحمل جميع مصاريفكم وسمح لك تسافرين مع أهلك

وربي ماقصر ..!!

وحده أعرفها زوجها جنوبي يمووووووت بالريال..زوجته تطلبه من سنين يسفرها ..قالها على حسابك؟؟مشينا..!!

كانت ترفض وبالأخير رضت ودفعت تكاليف الرحله من إلى.. وسافروا بلد أوربي..وصرفت تقريبا أكثر من 16 ألف ريال وهو ولا ريال.!!
تقول أبي أنبسط وأشوف الدنيا..وش أسوي؟؟.!!

والثانيه لها سنين متزوجه وتتمنى تسافر لمكه تاخذ عمره..ورافض حتى مع أهلها ..لها 15 سنه ماشافتها...!!!!!!!
لا والطامه الأكبر إن أمها ساكنه بمكه تتمنى تزورها ورافض ..
لكن أمها إذا جت تراجع بالمستشفى تجي لبيتها لكن تسافر لها لأ..
ومع ذلك صابره ومحتسبه وماشيه حياتها ومافكرت بالطلاق..
لما نسمع مصايب الغير تهون علينا مصايبنا..


الله يهديك وييسر دربك...

 

[سكر اسمر]

تمنياتنا لكم بالنجاح دنيا وأخرى

 

[هذا رأيي]

الله يعطيج العافيه ويجعله في ميزان حسناتج

انا طلعت شماليه شرقيه وزوجي بعد شمالي شرقي
عندي سؤال نحن دائما في مشاكل وصريخ انا وهو نتراضا يوم ونتزاعل شهر ومرات يمر شهر بدون مايقرب صوبي هل هذا لانا نفس النمط ارجوا الرد وشكرا​

النمط الشمالي معروف بالصوت العالي والعصبيه..
لكن تعديل الصفات أوتخفيفها ليست بالأمر المستحيل أو الصعب
المسأله ياعزيزتي تحتاج لعزم ورغبه صادقه في التغيير نحو الأفضل..



ومو عشانك شماليه يعني مستحيل تقصرين صوتك..وتطولين بالك وتتعودين على الحلم..


بالتدريب والتعلم والصبر والدعاء كل شي ممكن يتحقق..



خوذي قدوتك الرسول صلى الله عليه وسلم:لما بدأ دعوته مع قريش


بدأ بنهيهم عن عبادة الأصنام..تخيلي..شي تربوا عليه..ومن صميم عباداتهم..يعني مستحيل يغيرونها..لكن الرسول إستعان بالله وحاول معهم بالتدريج..وبالأخير الواحد منهم لو أمره بأنه يلقي نفسه بالنار ماتردد...صلى الله على نبينا ورضي عن الصحابة أجمعين..

 

[Najmeh]

مسائك فل وعسل من مدة وانا ارى الموضوع واتجاهله لانني يأست ان احدد نمطي فانا عضوة منذ 2008 ولكنني منذ ذلك الوقت كل يوم في رأي وكل يوم في تغيير المهم انني عندما تجرأت وفتحت الموضوع وجدت انكي قادرة على مساعدتي ان شاءالله فأرجو الا تبخلي علي بذلك يا غالية ... عزيزتي بعد الحساب والتمحيص والتدقيق وجدت التالي :

6 صفات شمالية و 3 صفات جنوبية و 4 صفات مشتركة بين الشمالي والجنوبي فماذا اكون برأيك

 

[هذا رأيي]

عجبتني ردودك التي قرأتها على عجل
وحابة أسألك عن الانماط هل ممكن ان تتجمع الانماط الاربعة في شخص واحد؟


مشكوره هذا من ذوقك..
ياالله جاء دورك يالعجوله..
نعم ممكن عزيزتي تجتمع ,,



لأن زوجي لاحظت ان به صفات من كل نمط فمثلا

سريع الغضب وسريع الرضا وعنيد وقائد وعدة أمور توضح لي انه شمالي
فالمقابل حساس جداااا ويحب التغيير وفيه صفات من الجنوبي
وعملت له اختبار للشرقي والغربي ولاحظته اكثر شي شرقي


لا إذا لاحظت على زوجك إنه حساس فهذي من صفات الشرقي بعد..من قالك إن الشمالي الشرقي حجر ومايحس؟؟
بالعكس هو إنسان حساس جداً ,ويحمل داخله ذوقاً رفيعاً..ولكنه لايبدو لك واضحاً بسبب شخصيته القويه التي لاترضى بإظهار ألمه ويستطيع كبت مشاعره,,




أما أنا جنوبية غربية طبعا نكدية ههههههههههه

فياريت تفيديني في موضوعي لاني حاولت جدااااااااا في تغيير زوجي وللاسف افشل بسبب عدم تحملي ونرفزتي ونكدي وهذا كله بسبب نمطي

فما هي نصائحك لي؟ واتمنى لا تنسي ان تردي على سؤالي عن الانماط الاربعة هل ممكن ان تتجمع في شخص واحد ؟

جزيتي الجنة

وليش النكد ياقلبو؟؟.!!
بالعكس نمطك أكثر واحد مسترخي ومستمتع..

الشمالي الشرقي ماجاء على الكيف؟؟هههههه

وسعي صدرك ولاتاكلين بعمرك ..الشمالي الشرقي صعب تغييره..
إلا بتقديم تنازلات ولاتطالبينه الشي بزعل ونكد لأنه أكثر شخص يكره النكد..ويحب أن يكون بيته مأوى للهدوء والإسترخاء
وزوجته ملاذاً وسكناً يأوي إليه بعد تعب العمل ,,
إذا كنت العكس فلا تستغربي إذا نفر منك..وهرب من ملاقاتك..

ومعليش ياقلبي أنا قصدي بنبهك.. لاحظتك عجوله ومافيك صبر وتريدين تنفيذ طلباتك بسرعه.. :18:
والشمالي الشرقي إنسان متأني ويفكر بعمق قبل إتخاذ أي خطوه,
فإذا قلت ماتريدين إتركيها تختمر بعقله ,ويقلبها بذهنه,وإذا إقتنع بها سينفذها لك ولو طال الزمن,ولاتخافي من نسيانها,فهو لا ينسى ماشاء الله..ولكن لديه أولويات ومهمات,وماترينه مهما لا يراه هو كذلك,فانتبهي نكدك وزنك على الطلب لايلبيه لك بقدر مايكرهك بسببه,,

 

[مدللة2009]

السلام عليكم ياليت تسامحيني على اعادة الاختبار ودلك لحرصي الشديد لمعرفة نمط حبيبي وفهمه وفعلا عندما اعدت الاسئلة وجدت اختلاف لاني كنت اساله بجانبي دون ما اوضح له شي عشان اتاكد وما ارجع اسال فارجو منك مشكورة معرفة نمطي ونمطه لاني احترت جدااا انا ,,7 لشمالي و6 جنوبي و6 شرقي و7 غربي وحبيبي .. 6 شمالي و7جنوبي و6 شرقي و7 غربي
لا حظت قرب النتائج من بعض فمادا يعني دلك جزااك الله عنا خير الجزاء وبلغكي ماتتمنيه ووفقك في اختبار الدنيا والاخرة يارب عدرا للاطالة وسامحيني مرة ثانيه مشكوورة

 

[هذا رأيي]

اللـهـ يوفقكـ فـي الـداريــن ويجعلهـا في مـوازيــن حســانتك



طلعت جنــوبيه غــربيه وزوجـي شمــالي غــربي وأتأثرت بنمطــه كثيير وأخذت من صفــاته والحمدلله



ننتظــرك بفـارغ الصبــر يــامدرســة بلقيــس

وإياك حبيبتي ومشكوره على هالمجامله الرقيقه..
وش تنتظرين غلاتي؟؟
دوري إنتهى بمعرفة نمطك..ويبدأ الآن دور عمدات الأنماط..

زوري ملف الشمالي وتعرفي على عالم زوجك أكثر وأكثر..
ثم ملف الجنوبي لتتعرفي على أخطائك وعيوبك فتعدليها..
نورت ..

 

[هذا رأيي]

مشكورة على الرد يامتفانيه ومعطائه راح القبك هالالقاب اسمحي لي ويخلي لك ابنائك ويقر عينك فيهم يارب

بس بس يامدللة إرفقي علي ترى ما أتحمل..ومشكوره ياقلبي
الله يرزقك بالزوج المحب اللي يدللك ويدلعك قولي آمين..

 

[هذا رأيي]

اسفه على الي قبل بس عجزت اعدل الرد وتوني ادري انه في اساله

من خلال الاسئله
زوجي
4 شمالي
6 جنوبي
9 شرقي
3 غربي
بس بعض الاسئله ماجاوبته عليهن لاني للان مدري
والله يعافيك انا ابي اعرف هووو كيف

الله يوفقك ويرزقك من واسع فضله امين يارب




****
لااله الاانت سبحانك اني كنت من الظالمين
لاحول ولاقوة الاباالله العلي العظيم

وإياك حبيبتي مشكوره على دعواتك الطيبه..

زوجك غناتي ْْْ شرقي جنوبي ْْْ نورت,,

 

[محرومة من الحب]

يعطيك العافية على هالفائدة الرائعة اللي قدمتيلنا ياها
أنا جنوبية مية بالمية وغربية بفارق ثلاث نقاط للشرقي
وجوزي شمالي مية بالمية وشرقي بفارق نقطتين للغربي
وهي النقاط اللي بتحكي عن الاقتصاد في المال
هو أبدا مو اقتصادي
بس بتوقع هالشي ناتج عن التربية اللي بتشجع عالتبذير
جزاك الله ألف خير​

 

[هذا رأيي]

السلام عليكم

طلعت جنوبي شرقي بس حللت شخصيتي من قبل فكانت شمالي غربي

شو صااار ههههههههههههه هل البيئة اثرت علي ؟؟؟؟

و بالنسبة لشخصيتي الجديدة ممكن تساعديني في فهمها اكثر حتى اكون قريبة من نفسي اكتر و اعرفها

و جزاكي الله كل خير على كل معلومة علمتينا اياها ........

وعليكم السلام..


هههه..معقول؟؟ العكس تماماً..يمكن كنت غلطانه سابقاً..



المهم..بالنسبه لشخصيتك ..تريدين الإقتراب منها عن طريق القراءه عن الجنوبي وعيوبه وصفاته..


ثم تقرأين عن نمط زوجك لتعرفي صفاته ومايكرهه وترين هل أنت تتصفين بها أم لا..لتبتعدي عنها..


هذا كله عزيزتي ستجدينه عند ملفات الأنماط..فهذا هو عملهم..



أما أنا فأخبرك بنمطك فقط...شرفت مكاني..

 

[هذا رأيي]

انا وزوجي ذا نمط جنوبي شرقي ولاختلافات هي كالتالي

زوجي :كسول وأنا نشيطة ارتب انظم امور البيت وهو مرتاح ان اخطط لكل شي حتى البنزين اسئل بكم علشان ما يهز الميزانية، يحب ربعه واصحابه مرة ويتأثر بكلامهم وبصراحة اصحابه مرة اكرههم لاني اثرو على حياتي الزوجية كثير ،هو هادي وصوته واطي وانا صح صوتي حلو وكله غنج لكنه عالي وبالذات لما اعصب بصراحة هو هادي لدرجة الملل ،
المشاكل سواء كانت زوجية او غير زوجية انا اللي احلها له وهو يهرب الين ماتنحل ، انا سخرت وقتي له ولاولاده حتى اقاربي ما اشوفهم كثير وصحباتي في المناسبات فقط ، هو احسه سعيد بحياته معاي لاني اوفرله كل شي اماانا ما يقدملي شي بس اكل وشرب اطلب مشوار يوديني ما يمانع ما يفاجئني بشي احبه احس اني اعطي بلا مقابل وهو يقول انا ماني مقصر بشي ،
في بداية زواجي كنت اسكت وارضى بعدين صرت انقده كثير ويزعل ولافي اي تغير بعدين صرت ارميها في وجهه وماعلي منه،
انا كلامي وسواليفي وحتى طريقتي في الكلام جذابه ومرحة لكن احس ما بنبسط ويروح لاصحابه ، اهتم في سواليفي بامور التربية والاكل الصحي والاخبار العلمية
وهو مافي اندماج بينما هو سواليفه عن الحريم فلانة طلعت مع رجال وفلانة مادري ايش سوت في السوق وفلانة حجابها مرة فاضح حتى لما نروح السوق بس نقد في الحريم وحجابهم وانا عارفة انه معجب بهم ولو مايخاف الله كان غازلهم ،
احسه يحب الحريم لانه مرة قالي انا لو بيدي اتزوج عشرة ، احيانا من الفضاوة والبرود اللي عايشه احس ما يفكر الا بالنساء ويستمتع بالكلام في علاقتهن المحرمة ،اكثر من مرة حاول يتزوج وفركشها بنفسه دون ان ادري ، لم اجد سببا لزواجه بغيري ، جاف غير رومانسي وانا العكس احب الاحضان والرمانسية روتيني ولا يحب السفر وتغيير الجو و انا العكس احب السفر موت ولو كان بيدي كان اسافر كل اسبوع انا طريق السفر احبه اسولف اضحك منعي من اللعب في بالالعاب الكهربائية بحجة اني امرأة ولازم اثقل اساسا صار مايوديني لها انقطعت عن السباحة بعد زواجي كنت اروح البحر مع ابوي قبل زواجي واسبح الحين لا واذا رحت البحر مااتحرك علشان عيب بعدين الرجال يشوفوني اذا روحنا مطعم اللي كانت بداية زواجنا محرمة لانه فيها اختلاط ما اضحك ولا نتكلم ناكل ونمشي اذا خرجنا مايتكلم بس ساكت وانا اللي بس اتكلم انا اللي اخطط للطلعات في البر علشان بعيدة عن اعين الناس ومافي رجال ما عليناواجهز كل شي علشان ما يمل وينبسط حتى السفرات انا اللي اجمع فلوس علشان نسافر ولا يتأزم ويقول بعد ليش نسافر ما يخطط ولا يعرف يمشي نمل ونرجع بعد يومين او ثلاث ،اجيب هدايا وهو لا، اسوي حفلات رومانسية ومافي تفاعل
ممل مملللللللللل بمعنى الكلمة وبسببه جاني اكتئاب وصرت دايما احس الدنيا مافيها شي حلو
بطلت اطلب تمشيات لاني عارفة اني ماراح انبسط ادور السعادة معاه واحسها تبعد عني ولقيته يخوني وطلبت الطلاق لانه ماعليه حسافة لكن هو انجن وقعد يبكي ويقول مايقدر يستغني عني وان اقوله يازوجي العزيز انا اقدر استغني عنك لانك ماقدمت شي عشاني ولا اسعدتني زمان كنت زوج وحبيب الان زوج فقط لاانتظر معه اي سعادة سامحيني انا اكبر اخوتي ولم اتكلم عن مللي من زوجي لاحد وكأني ما صدقت احد قالي شو الاختلافات ماني عارفة ايش ابغا لكن ابغى اقتنع بزوجي والله يعينك على قراءة ماكتبته سامحييينيي

الله يعينك ياغاليه بجد معاناة..!!!


وين زوجات الشمالي يشوفون النعمه اللي عايشين فيها؟؟.!!!!!



طيب حبيبتي إنت متأكده من أنماطكم؟؟وجاوبت على أسئلتي؟؟

لأن الواضح إنه جنوبي بس شاكه إنه غربي..
وأنت كأنك شماليه غربيه مو؟؟

مدري صفاتك ماخذه من كل شي..

لكن أنصحك نصيحه وبإذن الله تستفيدين أرسلي كلامك هذا لعمدة الجنوبي الأخت المهاجره وإطلبي منها الشور..ترى هي أعلم بالجنوبي مني..وأكيد بتفيدك وتريحك..

أسأل الله العظيم أن يشرح صدرك وييسر أمرك ويسخر زوجك..آميييييين..

 

[هذا رأيي]

تسلمين هذا رائي ع الموضع الرائع مثلك
بس عندي سؤال انا كنت جنوبيه غربيه الحين تفآجات اني جنوبيه شرقيه وزوجي مثلي كان جنوبي غربي الحين جنوبي شرقي ودي اعرف ليش تغير النماط ؟؟!
ارجو الرد علي غاليتي
وتقبلي ودي وشكري لك

ههههه..حلو سؤالك..:31:



ماتغير ولاشي حبيبتي..الأنماط زي ماهي..أنا بس جبت لكم صفات أوضح وأسئله أكثر..لكن الصفات نفسها..

يمكن أنت فهمت غلط وجاوبت على أساس فهمك؟؟


فكري ..