&&& الشرقي رجل الأصالة ( 3 ) &&&

[افتقدك بشده]

بنات انا من تجاربي البسيطه مع الشرقي وطبعا الفضل يرجع لمملكه بلقيس استنتجت(احلى ياستنتاج) بس واالله كنت اول ماتزوجنا ابيه يحط لي بعض القنوات وكان رافض وانا اعاند واقول يامسكين اقدر اشوفها في اي مكان وانا ابي اخذ راحتي في بيتي
وكان يهاوش ويقل بالله انتي كيف تكونين قدوه
وبعد ماعرفت شخصيته صرت اطنش ومستحيل اخليه يشوفني على اي قناه مالها داعي

والله والله والله فتح كل القنوات الي ابيها ولا صار يراقبني
وانا ارتحت وهو صار واثق فيني
هااااااااااااااااااه وش رايكم فيني؟؟
واالله عندي مواقف كثيره بس نبي حمماااااااااااااااااااااااااااااااااااااس وشعلله مع هالبرد ...
لي رجعه ان شاء الله.

 

[عذبه أنا..~]

يلا صبايا بلاش نووووووووووم في هالتجمع

نبغاه يصير انشط ملف ونفيد بعضضض

 

[الحب كالسراب]

كيفكم حبايبي انا تعبت مافهمت نفسي عشان افهمه واريحه
شو اعمل

 

[غدا تشرق الشمس]

وووووووينك يااميرة الالماااااااااااااااس وربي يازوجات الشرقيين انكم ترفعوووووووون الضغط وش هالكسسسسسسسل اللي فيكم مالوم شرقيكم لما يكون غامض من سواياكم خخخخخخخخخخخخخخخخخخخخ
ماعدا انا وه ياملحي بس

 

[تباع الشمس]

هذا من سوايا الشرقي عودونا عالبرووود واالبطئ المحبط!

 

[le chocolat]

وين عمدتنا وبنات اللي ما ردت على ميار ترد عليها عشان أميرة الالماس تكمل والله ملينا الملف بطئ وانا شمالية أموت في السرعه
و مستر شرقي منرفزني من بطئه شكلكم صرتوا شرقيات مثلهم

 

[مهاتو]

ياهوووو اش ذا ليه الموضوع موقف حبايب خلونا نتكلم احنا لين ماتفضالنا اميرة الالماس
تصدقون لاحظت ان الشرقي احسن رجل من الانماط بجد رائع في حنيته وطيبت قلبه ماله مثيل
خلونا نذكر محاسنهم وحنا دايم سب فيهم ووكمان يتعلم منك كلامات الحب مثل ماتقولين له يقول لك
ووووووبس وش رايكم

بنات ابي مقلب ينفع مع الشرقي الحياااه سارت ممله ابي اغير من الروتين كيف؟؟

 

[فروشة خجولة]

بسألكم صح ان الشرقي يحب انك تدلعينه وبس تتقربين منه

ويحب المداعبة جاوبوني ...........

 

[ام هومي]

يحب المداعبه والكلمات الحلوه بس الواقعيه يعني مو طول الوقت عمري حبيبي كلشي بوقته حلو

 

[الراسيات]

طيب تكلموا عن الشرقي والسفر

 

[تباع الشمس]

من ناحية الكلمات لاتكثرين منها ولاتقولينه عشان تطلبين منه شي مثلا ولاتكررينها كل اليوم قلليها للحد اللي تحسينه مناسب ويوصل انه يبي يسمع منك انا وحده اكره شي عندي الكلمات الي تطلع كل شوي ومو من قلب اكررررررررررررررررره كذا مررررررررره فمابالك بالشرقي الحساس النبيه!!!!
..
ومن ناحية السفر
آآآآآآآىخ منه ماذقت طعم السفر معه !!مااقول إلا الله يهديه بس
اتوقع انه مايفضله ولازم الف عله وسبب قبل مايقرر ولازم تخطيط تفصيلي ومكان سبق وجربه الا حفظه مايجرب شي جديد بدون قلق وفوق هذا لازم يكون معه مبلغ يريحه نفسيا يعني ياليل مااطولك:40:

 

[الـحـاالـمـه]

أميره ليه وقفتي
كل مادخل احصلك ماجيتي

يارب يكون المانع خير

واحنا مازلنا بانتظارك

 

[تباع الشمس]

من جد طولتي الغيبه أميرتنا والله يهون عليك ويحقق أمانيك

 

[أميرة الالماس]

هلا حبايبي ...

أمس رديت على كل الردود في رد وطااااااااااااااااااااااار مثل ماهوه ولا حفظته ...


انقهرررررت من قلبي ...

لكن اليوم باذن الله راح اكتبها من جديد ..​

 

[أميرة الالماس]

غالبا الشرقيين يحبو الالوان الفاتحه الهاديه

مثل التفاحي والسكري

والملابس تعجبهم القديمه بس بطراز حديث
يعني مثل الجلابيات والتايورات

وانا انصح كل زوجة شرقي انها تلبس الملابس الطويله الساتره
الماااااسكه جدا على الجسم واللي تبرز مفاتن وجسم الانثى

اما في الليل فانصحها تلبس القمصاان الطويله الشفااافه
تعجبو وتثيرو اكثر من القصيره العريانه


بس معناتو انك طول ايامك تكوني هيك معااه
بس استغلي الاشيااء اللي تعجبو في اوقات معينه

لانو التغير اكيد ضروري وان كان بشكل قليل


موفقين حبيباتي

وتسلم يداتك اميرة الالماااس
​

بصراحة الي الان ردك افضل رد ...

وادق رد ...


تسلمي يالغالية ..

العفو مهاتو تسلمين...

أم هومي هلابك ... من جد صعب ,, لكن وين الاقي النمط؟؟؟؟؟؟؟الله يخليك ردي ضروري.
أميرة الألماس كيف تسلمين ع الرد.. كيف اشترك في الدورات؟

الاخوات ماقصروا معاك ياقلبي ..


​

:e052:

<<مطرووده من ملف الشمالييين...
جيتكم عسى ألقى ضاالتي بمسااعدة الأخت إحسااس مايندااس
قالتلي نمط زوجي شرقي شماالي وأنا شرقي جنووبي
ياربي لآتضيعلنا تعب:31:
أبغى رواابط تفيدني للشرقرق وخصوصا ماشووف مواضيع كثثير عنهم مدري ليش !!​

وبإذن الله عمدتنا أمورره ماراح تقصر معاي وتوضحلي الأختلافات ولي عوودة بحااول أفهم أكثر أحسني ضاايعه!
​

الاخوات ماقصروا معاك ياقلبي ..

اسالي واحنا والبنات نجاوب عليك ياقلبي ...


واهلا بك في ملفنا يالغالية ...

معليش صبايا... عندي سؤال الله اعلم هل هو ذكي أم سؤال استحق بعده:a043:

السؤال<<< الله يستر
هل هناك فرق بين شمالي شرقي وبين شرقي شمالي؟

سؤالك حلو ..

لا تخافين ماراح نضربك ..


هههههههه

ياقلبي ايه فيه فرق بين الشمالي الشرقي والشرقي الشمالي ...

الشمالي الشرقي نمطه الاساسي الشمالي .. والشرقيه فيه خفيفه ..

والشرقي الشمالي .. النمط الاساسي فيه الشرقيه والشمالية خفيفة ...

اميرةالالماس

الله يوفقك ويجزاك خير ماقصرتي والله

عندي استفسار
متى يكون الشرقي متطرف
وهل يكون تطرفه بصفه وحده

وكيف اتعامل مع الشرقي اذا كان شكاك

وابي انجح اسلوب معه للتعامل ؟



ربي يسعدك

يكون متطرف لمن يكون ماينطاااق بنوب ...

ممكن يكون في صفة وحده او في صفات ..

الشك يختلف من شرقي الى اخر ..

لكن بصفه عامة هم لديهم قابلية للشك بحكم دقتهم المتناهيه .. وملاحظتهم الدقيقة ...

لكن لمن يبدا الشك يزيد لازم نحط له حد ..

لانه بيصير يضرنا ويقيد من حريتنا وسعادتنا ..

وحياة الزوجين بشك صعبة مرررة ...​

 

[متزوجه ولكن]

بالنسبه لسفر الشرقي صعب جداااااااااا
لو بتسافرين لازم تعطينه خبر قبل سنه
عشان يخطط ويجمع المبلغ ويحدد المكان والفنادق الي بيروح لها وكم يوم وكم بيصرف وكم ديره وكم بيقعد في كل وحده وكم ساعه الطريق ومتى الوقت ومتى وقت الرجعه ويناسب لدوامه او لا ومتى يتناسب مع دوامه والديره هذي وش فيها وايش افضل الاماكن فيها وياليت ارقام تكاسي فيها....................... الخ من تخطيطاته مما قد يؤدي به لكنسله الرحله لان فيه شي ماناسبه
بس لما تسافرين تكون احلى سفره وسفره ماتنسى لكن متى تجي
لو تبين فعلا تسافرين
حددي وجهتك وادخلي الشيخ قوقل
وسوي له بحث عن وجهتك وكل شي فيها كل شي كل شي عشان ماتنط له عقبه من هنا او هناك
يعني ماتخلين له عذر وطبعا تكون التكاليف مناسبه لميزانتيه
يعني مثلا ماتطلبين منه سفر وهو توه ماجمع ايجار السنه لا
خليه يجمعه اول بعدين يتوفر له مبلغ الرحله
بعدين سلميه مخططك
وقولي وش رايك شوف وش فيها ووش مافيها
وعلى فكره لازم تكون ديره حلوه وكشخه والا احلمي يروح لاي شي

صح معقد شوي لكن يمتعك لما تسافرين

هذا استنتجته مع حياتي مع الشرقي
وابي آرائكم هل ينطبق على كل الشرقيين؟!!!

 

[متزوجه ولكن]

بينما الشمالي معدوم التخطيط بالسفر
يعني يقولك يله جهزوا شناطكم بكرا ماشين
ويمكن تركبون وانتم ماتدرون على وين

 

[متزوجه ولكن]

انا نفسي افهم قصه عشق الشرقي للتقلييييييييييييد
وكيف اتعامل معها واقلل منها؟!!!!
مره قريت ابعدي الشرقي عن المراهقين عشان لايقلدهم
المراهقين هم اخوانه واخواني صعب ابعده عنهم؟!!!!
كيف اخلي له شخصيه مستقله ومايقلد كل من هب ودب في كل شي يناسبه او لا

 

[أميرة الالماس]

:2:

:10:
:19:
<<<<<<<اثار معاشرت الشرقيين
ياناس هبل بي:30:
نطلع من خلاف يحطني بخلاف ثاني
مايصبر
ليش يصادر ارائي ويعاند
:8:
ومتقلب الاراء يكون مومتقبل شي وفجاه يقتنع
انا تعبت معاه وكلامه جاف لما يعصب يقهرني
هذا وتونا بكره وش يقول

ههههههههههههه


لمن تعاندية ياوووويييييييييلللللللللك ..


قلنا اول الشرقي لمن تعاندية حطك في راسه يعني راحت حياتك فيها ...

سيبي العناد ..

وتعاملي بانوووثة ...

وترى رجالين في البيت ماتمشي الحياة بنوب ...

ياعلم اللي عندي شرررقي شماالي وشرقيته متطرررررررررفه

ماعدت افرق هل هي غيره ام شك
انتم قولوا لي
طبعا ماحبني اقعد على النت لحالي وينجن اذا درى اني قاعده عليه وهو طالع يقولي فيه مواضيع وحاجات عن ماادري ايش الزوجيه مابيك تشوفينها تفتح عيون الواحد رغم انه يطالبني بقرءاة كتب عن التعامل مع الزوج والحياه الزوجيه اللي دبل تسبدي فيها
واللبس طبعا منتهين منه من عبايه وبناطيل وقصير ومفتوح على طول عيوونه شرااااار
مااطلع ابد ولايحب اروح اي مكان الا رجله على رجلي يعني معه لو ابي القمر وداني له بس مع اهلي مع امي مع اخواتي لااااااااا
اذا مو عنده ودق ماريت يسالن بالله وش كنت اسوي ويقول لي ترى اذا جيت بشوف جوالك بيشوف السجل يعني ممكن مطنشته وقاعده اكلم رغم اني اكون نايمه بس مايصدق ابد

فيه غيرة وفيه الشك ..


حاولي ياقلبي ان تحسسية بالامان وانك طاهرة مطهرة ..


وقولي له قد ايه تتضايقي من الشك ..

ام شوشه مستغربه من الي عندك انا الي عندي نادر مايغلط بالكلام علي مسوي نفسه حكيم واحسه يحاول يمسك اعصابه يمكن عشان تواصلنا بس بالمسن بس مع اهله دايم اسمع انه اذا عصب مره يغلط بالكلام وفوق كذا يضرب يماااااااااااه انا اخاف من الضرب ومستحيل اتحمل يمد يده علي

مره جبنا سيرة هالموضوع وزعل لما قلت اصلا من يمد يده الرجل على زوجته مفروض ماتجلس عنده دقيقه ومرررررررررره انقهر وقال وش هذا وين الصبر ومنها عرفت انه مايمسك نفسه الله يستر منهم
انتي بس حاولي تسايرينه ولا تبدين ارائك خليه يقول رايه وناقشيه فيه

عارفه لمن تقبل المراة تنمد اليد عليها مرة وحده وتسكت .. ياويلها بعدين ..

لانه من امن العقوبة اساء الادب ..

لازم ماتسكت الوحده مهما كانت الضروف على الضرب ..

اعطيه ايحااءات انه لو ضربك ينسى يشوفك مدى الحياة بس مو انه انت لا ..


عمليها حكاية لصاحبتك ..


قولي مثلا صاحبتي ضربها زوجها وقلت لها لا تجلسين ..

تطلقي على طووول ..

يعني بيني له انها مبادئك لو انمدت اليد انتهى كل شيء ..

والله اعرف وحده عيالها تزوجوا وهيه لساتها تنضرب لانها تنازلت عن كل شيء في البداية ...

كانت تقول راح يجي يوم ويعرف خطائة ..

هو الحين لمن يضربك اكيد محتقرك من جواته...​

 

[أميرة الالماس]

الشرقي يحب االلون السادة اكثر من المنقش وكمان الماسك على الجسم

وطووووويل ومايحب كثير التقليعات الغربيه الا نادر

انا يقولي ذوقك يعجبني لبسك وتناسقك للالوان حلووو

وانا شمالية غربيه اميل للاشياء الغريبه والبناطيل والقصير

المفروض ميار ماتخليه يخختار معها لبسها لازم تكون شخصيتها مستقله وتلبس اللي يعجبها

ومن اعجابها بنفسها راح يعجبها اكييييد <<وجهة نظري

يحب الشرقي المنقوش لمن يكون شرقي شمالي ...

ولمن يكون شرقي جنوبي يميل الى القليل من النقوش والسادة احيانا ....

بنات انا بصراحة محتارة بنمط زوجي بالاول كنت اظنه شمالي شرقي لما قريت عنه هالنمط حسيت فيه اشياء بالفعل فيه واشياء لا وبعدين سويت الاختبار وطلع ابو الشباب شرقي شمالي خخخخخ يعني مارحنا بعيد طلع الشرقي 15 نقطة والشمالي 12 والجنوبي 6 واقل شي الغربي بقولكم صفاته وانتم احكموا عليه

بار جدا بامه ويعتز بابوه ويقول اذا جاني ولد بسميه على ابوي واذا بنت على امي مايحبني اسأله بشي مايخصني سواء عنه او عن عمله حتى اسماء اصحابه ماعرفهم خخخخخخخخ غامض جدا ومايعبر بالكلام الرومانسي ابدا ومايحب كثرة الاتصالات واذا كلمته ينهي المكالمة بسرعه زي مايقولون يبي الزبدة وخلاص يحب الالتصاق والضم وقت النوم او مشاهده التلفزيون يحب الملابس المحتشمه والعبايه المحتشمه يحب القمصان الساتان العريانه من فوق بس تكون طويله بالنسبه للفلوس نوعا ما هو حريص لابخيل ولا مبذر يحب الثوب والشماغ مايحب حركات الكاجوال محدود الصداقات بيتوتي نوعا ما يحب الحديث بالسياسه مايحب القراءة يحب الترتيب لكنه بنفس الوقت شخص فوضوي لما يزعل يفضل الصمت او يخرج من البيت مايحب الصوت العالي وعنيد جدا يعتز برايه ويعتبر نفسه هو الصح دائما لايمكن يعتذر ولا يعترف بالهدايا الا نادرا جدا جدا ويشيل هموم عائلته فوق راسه متعب نفسه والناس مادرت عنه واقوله دايما دع الخلق للخالق اخوانك كبار يعرفون يحلون مشاكلهم بنفسهم انت ليش متعب عمرك وايضا يحب طلعات البر ويكره الملاهي والاماكن اللي فيها زحمه ويكره السوق يحب اني اسولف معاه واحيانا تمر ايام ماعندي كلام فيها يظنني زعلانه لاني ماتكلمت!!!!مايحب يمدح شي لا اكلي ولا لبسي يفضل عدم التعبيروايضا مماطل درجه اولى يعني لازم اعيد واكرر يالله يجيب الغرض او يوديني لمشوار ودايما يعطي ووعود ولا يوفيها
هاااااااااااااه ياخبيرات وش يطلع هالكائن>>> حلوة كائن

ايه شرقي شمالية تمام التمام ..


شوفي على سالفة المدح اذا ما انتقد اعرفي انه عاجبة الوضع ... ​