&&& الشرقي رجل الأصالة ( 3 ) &&&

الحالة
مغلق و غير مفتوح للمزيد من الردود.
ياحبي لك موجوده عدلت ردي
 
اميرة الالماس
الله يسعدك على المجهود الله يجعله فميزان اعمالك

بقولك صفات خطيبي ولادري هو شرقي اكيد ولالا
اختبر نفسه بنفسه وطلع عنده النمط الغالب شرقي جنوبي
هوبارد يقول انه كتوم ويجمع فقلبه ويكبه فجاه ولما يتضايق واساله
وش فيك يعصب ويقول اللي فخاطره واللي مضايقه يقولي لاسكت لاتساليني
يستحي بس مومره طيب مايسنى ابد ابد:33:يتتذكر كل شي وبالتفاصيل:33:
ماحسه تقليدي الشي الي يقتنع فيه يسويه وماعليه من احد
انا صحيح ماعاشرته عشان اقول بالضبط هو كيف احدد نمطه بس اتضح لي كذا
اختي هل الشرقي اذا وعد بشي ينفذه يعني انا طلبت اكون فبيت لحالي مهما كانت الظروف
وقالي اوعدك دام امي ماتحتاجني لان امه عنده اخو ه الكبير
وبعد بسالك هل الشرقي شكاك في طبعه

انتظرك
 
انا شكاكة جدا بقول لكم عن نفسي لاني شرقية جنوبية يمكن تستفيدون
 
السلام عليكم حبيباتي البلقيسيات وربي اني استفدت منكم كثير الله يكتب اجركم يارب
حبيت اسالكم انا زوجي شرقي مره وفيه شي بسيط من الجنوبيه وتونا عرسان لنا شهر
بس الي قاهرني انه مش رمنسي مايعبر عن الحب ابد وخجول وانا احسني كمان خجوله
اش تنصحوني وهل تعجبه المقالب ولا وابي شي يخلي لحياتي طعم روتيني مره هو وانا مااحب الروتين اطفش بسرعه ياليت اتفيدوني..
وكل عام وانتم بخير يالغوالي
 
هلا اختي اميرة الالماس

زوجي شرقي شمالي من خلال الاجابه على اسئلة الانماط

9درجات شرقي 8 درجات شمالي

لكن هناك صفات من التي تذكرونها لاتنطبق على زوجي

مثل قضيه الغموض والبخل

زوجي من ثاني يوم زواج قال لي حبيتك من كل قلبي وكل يوم يغرقني بالكلام الحلو

وكتاب مفتوح لي كلمني عن اهتماماته وخططه وقصصه الطريفه مع زملاءه واصدقائه ويبوح لي بأسرار

تخص اهله احيانا او زملاؤه

ايضا مسألة المال لايحسب له حساب مع ملاحظة انوه يدقق في الجوده كثير

قضية الدقه والصرامه في النظام ايضا ليست بالدرجه اللي تقولوها

صحيح اغراضوه منظمه لاكن عادي ممكن وهوا يفتش في ملابسه يقلب فيها ويتغير التنظيم

تزعجني قضية بسيطه مايحب يكلمني لما اكون عند اهلي مقل جدا جدا جدا انا اللي ابادر بالمكالمات

واحس انها رسميه كيف حالك وايش عامله وايش اخبارك حتى وانا في بيتي المكالمات رسميه

لكن وجها لوجه يغرقني بالكلام الحلو

هل زوجي حقيقه شرقي شمالي او شرقي او شخصية اخرى

وكيف اتصرف في العلاقه الخاصه

يطالبني بطلبات جريئه وانا اخجل انفذها لوه ومازلت اصر على اطفاء الانوار

رغم اني آخر يوم قبل اسافر لاهلي في زياره تجرأت بشكل بسيط جدا وتجنن وتولع اصبح يبث اشواقوه عبر

المسجات رغم انوه اول ماكان يهتم للمسجات
 
جزاك الله خيرماينفذ و سخر الله لك زوجك وجعله في عينك أجمل النساء
معلومات قيمة وتعب تشكرين عليه
 
بحاول احلل قصة ميار وماجد وهي نفس قصتنا

الشرقي من خلال عشرتي معاه متقللللللللب جدا

يعني ياخذ شهور مهتم اهتمام شديد با اخته يصحى وينام على مشاكلهم واحتياجاتهم وتستمر معاه 6 او 7 شهور وتبدا تخف من غير اسباب واضحة

ثم يطلع اهتمام جديد وهذي المره بامه يوميا معزومة عندنا او احنا عندها ونشوف طلباتها وتدري عن كل مشاكلنا ويومياتنا وتفاهاتنا حتى

والان طلع اهتمام اصحابة يسهر معاهم ولا حاول يسافر معاهم لكني كنت له بالمرصاد وهون عن الفكره

وانتي يا ريماس وقت الاهتمامات هذي محطوطة على الرف لين يتذكرني واناما انكر ان اخذت سنة بكامها كل الاهتمام لي بس نفسي اعرف هو ليش يسوي كذا ؟؟؟؟

احس اني دائما في قلق لتطلع لنا اهتمامات بناس ثانين وينسانا

ولمن قرات قصة ميار وماجد . قلت الله يعين ميار الظاهر زوجها طلع له اهتمام بس هي لسه ما لاحظت هههه
 
من تزوجت زوجي وانا حياتي معه من روتين ممل الى مشاكل كبيره تنتهي بأني اروح بيت اهلي بعدين ارجع لبيتي وكأنك يابو زيد ماغزيت
لين عرفت هل منتدى وعرفت طبع زوجي الله يجزاهم كل خير الي قايمين فيه
الشرقي روتيني ومايعرف يجدد بالحياة بس يحب المفاجأت من شريكه ويتقبله ويمكن تنصدمين من ردة فعله
هو نظامي حتى بالجنس تلاقينه محدد ايام بلأسبوع له بس لو انتي جيتي له كل يوم ومتلهفه راح يكون هو متحمس اكثر منك
أذا رايه ماعجبك لاتضغطين عليه انه يغيره قولي رايك ومبرراتك واسكتي بتلاقينه غير رايه حتى لو بعد كذا يوم
زوجي اذا كنا مسافرين يتغير يترك حرية الطلعه والدخله لي حتى لو اقرر ندخل مكان غالي مو متعودين ندخله اتفاجأ انه ماعنده مانع كنت اول اتجنب هل اماكن لني متعوده عليه حريص بس بسفر غيييييريقلب ميه وثمانين درجه
الشرقي مايحب المتردده يحب الواثقه من نفسها الهاديه الحريصه على عيالها لنه يموت عليهم حتى لو مابين عليه
طول عمري كنت احسبه لما يستنقدني انه يستنقصني عرفت الحين انه يقوم الغلط الي يشوفه فيني وهذا مو عيب من حقه
مستحيييييييييييييييل يعتذر حتى لو ميت وده ترضين عليه
مره زعلت عليه ورحت عند اهلي شهرين ولا سأل ويوم دقيت واعتذرت على طول سامحني ويوم رجعت لقيته مخطط لسفره انا وياه من دون عيالنا وهذا كان شي مستحيل اول
كان هو مزعلني بس زعل ليش اطلع من بيتي
الشرقي الجنوبي رجل بمعنى الكلمه طيب وحنون يبيله بس طولة بال
ولا تطلعين كثير من البيت

 
مرحباً بعود تك أميرة الالماس

ننتظر المزيد بلهفة والله حيرني معاه
 
ام هومي الله يجزاك خير ويبارك لك ماآآرهـ استفدت من ردك فكل سطر ألقى تحليل للشرقي المحيرني وبعده حلك يعطيك العافيهـ
 
اااااااااااااااااااااي والله اناااااا زوجي شرقي لكن مايحب الجنس ولايتشوق لي كلش وكان محدد لي يوم في الاسبوع اللي هو خميس انه يكون يومنا الخاااااااص لكن مافيه فاااايده بعد اشلون اتصررررررف معاه حتى لو قربت منه يقوووولي مالي خااااااااااطر
 
ام هومي الله يسعدك :)


فعلا كلام مختصر وخبرة عريقة .


بس برأيك وش السبب اللي يخليه مستحيييييييييييل يعتذر ؟ هل هو عناد ولا مكابرة ولا عزة نفس المشكله هذا وانتم تقولون انه حقاني .

طيب افضل طريقة لكسب رضاه وش هي ؟

وعندي سؤال ثاني بما ان الشرقيين كتومين وانتقائيين بصداقاتهم ؟ متى يبوحون بأسرارهم ؟ وهل يندمون على ذلك ؟


الف شكر للجميع .
 
يعافيك اختي تباع الشمس
اختي nayzالاعتذار يحسه ضعف وهو يكره احساس الضعف
تكسبين رضاه بهتمامك بيتك واولادك دراستهم اهم شي لانه يهمه المستقبل
لما يشوفك تطبخين اعرفي انك كسبتي رضاه
احترمي اهله مو ضروري تعزمينهم وتشوفينهم كل يوم اهم شي لما تشوفينهم يكون بينكم احترام وانسجام
منى يبوحون بأسرارهم هذا السؤال ماقدر اجاوبه لأني للحين ماوصلت لنقطه هذي
 
السلام أخوات​

أنا أول مرة أدخل هالموضوع، أعرف إن زوجي شمالي شرقي.
بس ما أدخل ملفات الشمالي الشرقي....ما أدري ليش!
علموني وش سالفة هالموضوع​

شو تعمل هنا أميرة الماس؟<<يمكن سؤال عبيط
شو قصة ميار و ماجد؟
أفيدوني​
 
الحالة
مغلق و غير مفتوح للمزيد من الردود.
عودة
أعلى أسفل