▲ افضل مستشفى .... افضل طبيبة ▲

  • بادئ الموضوع بادئ الموضوع ليلكيه
  • تاريخ البدء تاريخ البدء
ولا وحده افادتني عن مستشفي رابيه الي علي طريق الخرج
 
صباح الخير
يارب سهل علينا وبلغنا فرحتهم
بنات الرياض الاغلب متفق على الحبيب وبعده الدرجه الثانيه دله
انا بالشهر الثالث وبكريه والله يتمم حملي بخير اتابع في الحبيب
عند الكساندرا سعوديه
مررررره حبوبه واخلاق
اول مافتحت الملف وطلبت برنامج متابعه كنت متفقه معهم على شاكره
بس قعدت خمس ايام ماقدرت ادخل عليها مع انه كان معي تحويل من طواري الحبيب
دخلت اليوم الخامس الساعه وحده بالليل برمضان وكانت خلاص منتهي وقت دوامها
دخلت عليها بطلعة الروح وانا جايه من الساعه تسع ولا استفدت من دخلتي اي شي غير انها قالت لي كم عمر الجنين
اليوم اللي بعده رحت لهم ولاقدرت ادخل عند شاكره تحطمت من المشاوير والزحمه ورحمت رجلي تعب وصيام ودوام وكل يوم ولاندخل
وقلت خلني اغير الدكتوره
ودخلت على الكساندرا وراح استمر معها ان شاء الله لاني ارتحت لها يكفي انها سعوديه وتفهمك وتفهمينها
اتفقت معهم ان الولاده تكون مع شاكره والله يسهلها يارب
مابي الكساندرا لاني مابي اتفصخ عند سعوديه
الله يسهل عليكم بنات مو مهمه المتابعه كثر الولاده
تابعي عند اللي ترتاحين لها وولدي عند اشطرهم
هذي وجهة نظري
سامحوني ع الاطاله والله يسهل علينا يارب ​
 
ياناااااس يامشرفات شوفو لنا حل مع هالموضوع
نبي لكل مدينه موضوع اوعالاقل لكل منطقه زي مااقترحوا قبلي العضوات
انا من الدمام وسويت بحث عن كلمة الدمام طلع لي سؤال من واحده ولاواحده جاوبت عليها
مع اني كملت الموضوع الى الاخر ماالقى الردود الا على الرياض
مااعتقد هالشي يرضيكم اخواتي المشرفات العزيزات
​
 
العين,,, مستشفى توام
اهتمام ,,,و يعتمد عالشفت


:
 
راجية المغفره قال:
ياناااااس يامشرفات شوفو لنا حل مع هالموضوع
نبي لكل مدينه موضوع اوعالاقل لكل منطقه زي مااقترحوا قبلي العضوات
انا من الدمام وسويت بحث عن كلمة الدمام طلع لي سؤال من واحده ولاواحده جاوبت عليها
مع اني كملت الموضوع الى الاخر ماالقى الردود الا على الرياض
مااعتقد هالشي يرضيكم اخواتي المشرفات العزيزات
​
أنقر للتوسيع...


انا اضم صوتي لصوت اختي


انا سويت نفس الشي

بحثت عن الطائف ومالاقيت شي


احسن شي حطوا موضوع لكل مدينه


مررره محتاجينه
 
سؤال للحلوات الموجودات بمملكة بلقيس

ايش رايكم بادكتوره شميم الي فاتحتلها عياده بجده بأحدى العمارات
 
مارايكم بمستشفى رعاية الرياض (التأمينات سابقا) ؟؟
هل الولادة عندهم جيدة ؟
ارجو الرد سريعا ولكم فاااائق الشكر
 
بنات احد جرب ولادة في مستشفى بروكير اللي بالخبر؟
 
اللي تسال عن الدكتور احمد الصالح
هو سوداني حاليا يشتغل بمدينة الملك فهد الطبية
ما شاء الله شاطر
والمدينه فيها وحده كامله للمساعده على الانجاب الله يرزق الجميع يارب..
 
دلع بلقيس قال:
هلا بك حبيبتي,
انا صحيح مدحتها وهي بالفعل الكل يمدحها, لكن تذكري ياقلبي ان كل شخص وله تجربته الخاصة..
مثلي انا الكل مدح لي بأول حمل لي مدينة الملك فهد ورحت لها , اول مادخلت الله لايوريك!!
دتني مصرية وفتحت موية الراس بكل جفاسه وحسبي الله عليها
مع ان الطلق عندي كان خفيف والرحم بس مفتوح 2 سم
وبعدها طردتني شر طرده والعذر او السبب وشو!!!؟؟؟؟!!!!
تقول الحضانة فيها مرض منتشر !!!!!!

مع العلم ان صاحبتي واختها داخلين على المستشفى بنفس الشهر وحده كانت والدة عندهم ووحده كانت بس طوارئ..

فانت عليك بالدعاء بتيسير ولادتك ومالدكاترة ولا المستشفيات الا اسباب..

اما اسمها فهو صحيح نادية الزرقي وتستقبلك في اي وقت
لكن الافضل انك تروحين لها السابع وخذي تحاليلك معك والاشعه اللي مسويتها.


والله يهون علي وعليك يارب,,
وترى دله اسعارهم معقولة في الفترة الحالية الا اذا كنت حابة تولدين بحكومي فهذا شي ثاني


تحيتي’’
أنقر للتوسيع...

حبيت اعلق الله يعطيك العافيه على مجهودك ياقمر
بس بالنسبة لمدينة الملك فهد الطبية
قولي الحمد لله لانه فعلا والله انتشر فيها
فايروس في حضانة الاطفال تقريبا من سنتين او اكثر ماادري بالضبط
لكن اعرف وحده ولدت توأم فيها وربي انها تراجع فيهم الى يومك
وسفرتهم المانيا للعلاج..
<<<< انا اشتغل بالمدينة الطبية في الرياض..
وحامل الله يتمم لي ويتمم لكم بخير وعافيه
بس ابي اسالكم عن التخصصي الطبي ناوية اراجع عندهم وش رايكم...؟؟؟:18:
 
والله الموضوع صار الغالب اسئله دون اجوبه
لااحد يلومني اذا فتحت استفسار لحالي​
 
تكفون ابي افضل مستشفى ولادة وافضل طبيبة في مستشفى خاص اوحكومي بجدة؟
 
السلام عليكم

يابنات ياحلوين يااهل الريــــــاض...لي يومين ساكنه عندكم بالرياض رحبووو فيني

بالله انصحوووني بمستشفى ودكتوره زينه اتابع عندها بس...لاني ناويه اولد بالشرقيه عند اهلي

مااعرف شي هنا...والا اعرف احد ابد ابد

بالله يادلع بلقيس والبقيه بعد والا يهينون...دلـــــوني وفهموني تراني بكريه والحمد لله مامعي مشاكل

ابي مستشفى خاص اتابع فيه وسعره معقول

شكرا مقدما لكل وحده بتقدم لي نصيحه
 
أول موضوع لي عندكم ( أريد مستشفى بجدة يعالج تأخر الحمل )

السلام عليكم ورحمة الله وبركاته

اخواتي العزيزات حفظكم المولى

عندي طلب وأتمنى تلبونه لي وهو

أريد مستشفى مختص أو دكتور مشهور جداً في جده يعالج تأخر الحمل لي ولزوجي

وإذا ذكرتم المستشفى ياليت تذكرون اسم الدكتور ضروري يا اخوات

ولكم دعوه في ظهر الغيب

 
احجزي عند دكتور حسن جمال فالمتحدون ممتاااااااااااااز يجونه من برا جدة ويخاف الله ومو مادي يعني تقدرين تسوين تحاليلك برا المستشفى وتجيببينها له عادي ومايسوي شي ماله داعي
وبكذا اختصرتي الطريق على نفسك وتكوني مطمنة معه حتى زوجك بيرتاحله
ويارب يفرح قلبك بالذرية الصالحة
 
شكراً حرب الاحساس و انفاس الصباح
لوسمحتي انا ماادري لازم لما اروح المستشفى تكون الدورة علي ولا كيف؟؟؟
أنا من المدينة المنورة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل