نهاية الشك في زوجي وزوجة اخوه حرقة قلب فظيعه

الحالة
مغلق و غير مفتوح للمزيد من الردود.
لا حول ولاقوة الا بالله

اللهم استرنا فوق الارض وتحت الارض ويوم العرض

الله يفرجها علي وعليك وعلى امة محمد صلى الله عليه وسلم
 
الله يصبرش يا اختي وسويتي عين العقل والتسحيل نزليه ونسخي منه كم نسخة عشان يكون دليل عندش

وتطلقي منه هذها ما منه رجا ايش يعني يسويها من برع ولا داخل الحرام حرام

الله نجاش منه لانه يحبش ومايريدلش تتعذبي مع هالاشكال القرف
 
حسبي الله ونعم الوكيل


تدرين اختي احسن شي في سالفتك وشو ..؟؟؟


يعني وش طلعتي به من التجربة المرة هذي ..؟؟



انك ماجبتي عيال يربطونك في انسان فاسد وقذر ..


انا قريت الموضوع الاول وشكك من البداية فيه


مدري وش صار لي وانا اقراه


عادة يوم اقرأ مشكلة اي وحده من البنات اقترح حلول كثيرة تجي في راسي على طول


لكن مشكلتك ماكان فيه حل في راسي الا نك تستفردين فيها وتمسكينها بالجزمة الله يعزكم ولا بعصا وبكل مكان بجسمها واذا خلصتي منها تقولين افتحي فمك بكلمة ثم اعلم على بلاويك كلها .. وليا سألك احد تقولين له اسألوها ولا هي تدري ليه ولا تستاهل وبس ...!!!!






لاتندمين ولا تبكين الا على نفسك وحظك والايام اللي مريتي فيها بهم ونكد ...




بقول لك سالفة ..!!


وحدة اعرفها زين وصل عمرها الخمسه وعشرين
كانت يائسة ان احد بيخطبها

خاصة انه ولامرة تقدم لها احد ..

سبحان الله فجأة خطبها واحد قمة في الجمال وقمة في الشباب وروح الشباب وكان شاعر كلن يعرفه ويحبه ، ولبق وله مكانته في المجتمع يعني مواصفاته حلم كل بنت ..

كانت طايرة من الفرحة وعشقته من اسمه وطاريه وان اسم فلان هو زوجها .......

المهم تزوجت بعد الخطبة بشهر فقط ،

ومن الاسبوع الاول اكتشفت انه يحب وحده ثانية هي تعرفها ، وانه غزلنجي وانها آخر اهتماماته يحذف عليها كلمات استحقار ومذلة وصبرت لأنه رجل غير وحلم ولازم تكسبه ....



هي على فكرة ملتزمة وبنت قمة الذوق والاخلاق والاحترام الله يوفقها ويسعدها وين ماتكون ..



ماقدر زوجها يعيش معها وطلقها بدون علمها ..

وداها تزور اهلها ومادرت الا بورقة الطلاق في يد ابوها ...

طبعاً تتخيلون مدى صدمتها

وفرحتها اللي انكسرت في عزها ..


وحزن عاصف مرير غيبها عن العالم والناس وكل شي ......





تخيلوا بس


مجرد ماانهت العدة تقدم لها شاب من جماعتها عازب ماسبق له الزواج ملتزم ويعشقها بجنون ..



شوفي نصرة ربي لعبده بس ..

كيف العوض ..؟؟


الحين ماشاء الله عليها كملت دراستها وتخرجت بعد مامنعها زوجها الاول من مواصلة الدراسة ...


وجاها عيال وكل شوي مسافرة من ديرة لديرة من كثر مايغليها زوجها ماشاء الله تبارك الله .. اذكروا الله ياللي تقرون ..

سبحان الله كأن الله يقول شفتي الاول وريتك مساوئه الصدق ... عشان اعطيك بديل افضل وتشوفين محاسنه ..



زبدة كلامي لك يااختي تأكدي انها ماتضيق الا وتفرج


احتسبي عند الله


وتصرفك كان قمة المنطقيه والعقل والدين ..

حتى لو كنتي في لحظات جنون ..



الله يمهل ولايهمل وربي فضحهم على يدك ..

وزوجها لابد يصحى من غفلته وعلى يدك


ماسويتي الا اللي لازم يتسوى .. لاتشيلين هم ولا تخلين الشيطان يوسوس لك باسم تأنيب الضمير وانك فرقتي ولا خربتي العلاقات ..

علاقات القذراة لازم تتنظف ..



موفقه حبيبتي ويارب يندمل جرحك ويحالفك نصيب انقى وأطهر وأجمل بكل شي ..
 
الله ينصرج عليهم وكرري حسبي الله ونعم الوكيل
 
انتي راااااااااااااائعه

وشجااااااااااااااااااااااااااااااااعه

موقفك كان جدا راائع برغم انهيااارك


الله يعوضك يارب ويصبر ويبرد قلبك وينسيكي اللي صااار


الله يعوظك باللي احسن منو الف مررررررررررررررررررررررررره
 
حسبنا الله ونعم الوكيل أكثري أختي من قول انا لله وانا اليه راجعون اللهم أجرني في مصيبتي واخلفني خيرا منها
عسى الله يعوض عليك بالزوج الصالح وينصرك على من ظلمك
 
نسيت أقول لك ياقلبي طمنينا وش صارمعك ترى قلوبنا معاك كلنا وأنا واثقة ان الله بيعوضك خير
ياصديقتها المخلصة طمنينا عليها هي اكيد ذالحين مشغولة وامورها مخبوصة
 
اهم شئ انتي مايجيك شئ وهم ان شاءالله في جهنم استغفر الله العظيم
نا بس خايفه عليك اقري على نفسك الاذكار
ولا زوجك الدمعه خساره عليه
​
 
الله يعينج على مصيبتج بس كان لازم تتصرفين بطريقة أفضل من الطريقة اللي شرحتيها كان ممكن تهددينها هي وريلج وتعرفين كيف تحلين الأمور بتقولين كرهته وماطايقة أشوفه أن معاج بس الأمور تتاخ بطريقة ثانية وااايد من الرياييل سوون هالحركات وبعدين يندمون عليها ويتبون
الله يفرج عليج مصيبتج
 
لاحول ولا قوة الا بالله ....
والله من اول ماقريت قصتكي وانا افكر فيك وادور لك حل والحمدلله ربي كشفهم لك
وزين ان ربي كشفه لك قبل ماتجيبين منه عيال والله يعوضك ويصبرك وبالعكس لاتبكين مفروض انك تفرحين وهذي الله لايوفقهااااااا حقيره قهرتني ..... وحسبي الله ونعم الوكيــــــــــــــــل
 
لاحول ولا قوه الابالله

صدق خير تعمل شر تلقى

يعني اخووه واثق فيه وسكنه معه وفي الاخير تجي الطعنه ممن احسنت اليه

وانتي الله يعينكـ ويعوضكـ بزوج صالح تقي

واحمدي ربكـ نها صارت على كذا مو موقف اخوه الله يصبره ويعوضه
 
ااااااااااااااااااااااااااااااه مدري وش اقول نفس معانتي مع خطيبي عايش عند اخوه من 7سنين وكثير يمدح بها وبكل شي تحكم حتى باللي يسويه لي تخيلو حتى بتواصلنا تحكمت والسوق ماتروح له الا معه وحتى سفر تسافر معه وتركب عنده قدام ومهمشهزوجها وبس تمدح بخطيبي وكمان تكشف عنه وتقول مثل اخوي مااقدر اتغطى عنه وكل شي تدخل به حتى الزواج قالت علي انا راح ارتبه كله تكفون انقذوني قبل يصير لي مثل ماصار لختنا الله يفرج عليها وينصرها
 
لا حول ولا قوة إلا بالله العلى العظيم
مدري وين الخوف من الله ما يدرون الناس اللي يرتكبون المعاصي والذنوب أن الله يراهم
وأنتي يا عزيزتي ربي سبحانه يحبك لإنك أكتشفتي خيانة زوجك من بدري ولا تتحسفين عليه
الله يحاسبه على ما سوى والله يرزقك بمن هو أحسن منه وأتقى لله
 
اسأل الله أن يشد على قلبك اختي ..

بالنسبة لتسجيل انسخية وحتفظي بالنسخة في مكان بعيد عن اعين الناس .. لانه دليلك الوحيد الآن إلى أن تمر الأزمة على خير إن شاءالله .

وبعد ماتنحل الامور و الله ايسر امورج تخلصي من كل التسجيلات واستر على المرة و الجال .. ليس خوف عليهم ولكن لامر اعظم من هذا بكثييييييييير وهو ستر الله لك يوم القيامة ان شاءالله ^_^

والله يسعدج ويعوضج خير
 
قسم شوي وانجلط حسبي الله عليهم والله ماتوقعت تصير هالسخافات الا بالفلام اهم شي كرمي نفسك وبيجيك الي يعوضك عن هالحثاله حسبي الله عليهم
 
الحالة
مغلق و غير مفتوح للمزيد من الردود.
عودة
أعلى أسفل