تكفون أبي حل مع زوجي مره تعبت معه

[shed_no_tears]

سوي حمية معه ..أيش المانع...؟؟

فكري في الموضوع من الناحية الصحية أكثر من الناحية الشكلية..السمنة تسبب مشاكل ما بعدها و لا قبلها...

وحلو من زوجك إنه عنده رغبة في التحسين فلا تقتلي رغبته ..بل بالعكس اتحمسي..وعاونيه...

 

[الجده الصغيره]

يالغلا سوي ريجيم وقوي بعد وانحفي وربي بتشوفييين وشلون يتغير........

 

[فتاة تحرس سجين]

غاليتي وفقك الله ورعاك
انصحك نصيحة خالص لوجهة الله تعالى
( اعملي حمية وامشي على نظام غذائي مفيد وروووووووحي على نادي رياضي هو موافق يوديكي نادي انبسطي واطلعي وشوفي الناس) معناتها جوزك اكويس ويحبك ويحب يشوفك باحلى صورة وبحب يشوفك على الهيئة الي يحبها مش احسن ما يصير يتبصبص على غيرك ويبلش خيانات وغيرها وغيراتها بلشي حبيبتي بالحمية والرياضة وسدئيني بس اتبلشي على الرياضة غير تلاحظي تغير على حياتك اول ما اتلاحي تغبر بوزنك 0

 

[أحساسي كتلوني]

بصراحة انتي وايد حساسة لو انا في مكانك بخذها منه مزحة
تعرفين ليش لمل بجولي سمينة وخفي بجوله روح اوزن انت ههههههه
شوفي شو كثر بينقهر بس هو عارفنك وعارف طبيعتك
المهم انا اجولك احسك تخفين وزنك حلو الزوجة يوم تكون نحيفة

وبالتوفيق ان شاء الله

 

[مليت اقول ياليت]

طيب بصراحه بالموقف الاول انتي غلطانه المفروض يوم قالك قومي انشري الملابس وانتي تعرفين انه زعول تقولين للاختك تنتظر دقيقه وروحي انشريها ماتاخذ من وقتك عشان مايلقى لك حجه ويزعل
واذا على السمنه حبيبتي احمدي ربك على النعمه خليك ريلاكس وعادي سوي حميه وانحفي عشانك وعشان زوجك وعشان تقدرين تلبسين اي شي لك وللناس ولزوجك واذا قالك دوبه وسمينه قولي له وانت بعد دوب انحف وانا بنحف معك يعني جازيه بنفس الاسلوب وترى تصرفك غلط يوم امك قالت لك روحي دقي عليه وقولي له كذا وكذا ليش انتي ماتتكلمين لاتدخلين احد بينكم حتى لو امك ويشهد الله انصحك من قلبي لاتخلين احد يتدخل بينكم مهما كان هذي حياتك الخاصه والله يوفقك يارب ويخليك ملكه بعين زوجك
تقبلي وجهة نظري ومروري

 

[الوجه الطفولي]

الله يرجك

ضحكتيني بس شوفي احس زوجك طيب
وانتي مثله

المهم انتي خففي وادخلي نادي صحي
موعلشانه ...علشانك

علشان تطلعي احلى منه واصح نفسيا
وجسديا وحتى عقليا

وحاولي تزني عليه يدخل نادي


<<<<<<زنزنت علىراس زوجها لحد مانحف

والله يسعدك وماعليك كلي كاتشب واشربي ببسي

بس موكثيرررر لانه مضر اصلا


​

 

[حبيبة ميرو]

حببتي الصررراحة وزنك وووايد بالنسبة للانثى
انتي ما عليك من زوجك اهو رجال ومهما اخترررب جسمه اسمه رجل اما انتي بهذه السمنة راااح تفقدين طفووولتك وبررائتك وحتى دلعك

صدددقيني البنات الصيع الي في الشااارع شلون يغرررون الرجال طبعا باجسااامهم الرشيقة ووجوههم الممكيجة

يا ريت تاخذين الموضوع بجدية وتنحفين

 

[رياح الود]

من رأيي إذا قال لك زوجك انحفي قولي له أبشر وحاضر أنا فهمت انه طيب لا تخسرينه يمكن انه متعقد من نفسه ..دايما قولي له انا ودي انحف انا بسوي حمية مو شرط تسوين بس عشان يستانس ويعجبه الكلامز وفقك الله.

 

[فعل ماضي]

يمال لنحافه الي تنحفتس يارب مايخلص رمضان الا وانتي وزنك 60 ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب
وانتي عاد خليك جاده وسوي رجيم وارتحي

 

[الزوجه الاولى]

لازم تنحفين

ترا هو يلقى لك بديله وساعتها بتصيحين من جد
ماحسيت من كلامك انه ممل
وبعدين لازم تسكرين جوالك اذا جا عندك
لازم الاحترام بينكم احترمي وجوده وخلصي المكالمه
لو شي مهم معليش تنكيييييييييييييت وزوجك عندك!
يحق له يزعل وتاركه الملابس
معليش انبسطي بس اذا صار فيه وقت لها
فرضا كان يبك ! بيعصب بقوه بعد​

ايه صح انحفو كلكم سوو رجيم وخليكم صارمين مع بعض​

والله يوفقك ويسعدك يارب ..​

كلام الاخت صح

 

[جرحني حبيبي]

ياحلوك وحلو مشكلتك وربي وسعتي صدري باسلوبك دكرتيني وزني كان 55والان 77 تخيلي ب4سنوات وداخله بال5 واتمنى انحف اسوي رجيم بس اداضاق صدري اكلت اكل موصحي عناد فيه باقهره لاانه يبغاني انحف بعد هوزادوزنه 10كيلو وادا جلس يقهرنيويطنز قلت له شف كرشك بعدين تمسخر علي ربي يرزقني النحف

 

[lina19]

اهلين حياتو ذكرتيني ب بابا كان لما ماما تاجل ولا تتماطل فشي يعمله هو... لاحقا اكتشفت كان يسوي كده عشان تبطل تهاون,, يعني كان يفكر انه هاذ الاسلوب يضرب وترها الحساس ويخليها سنعة.
اما بالنسبة للوزن لا تاخذي الموضوع بحساسية هو حاب يشوفك باحسن صورة بس ما عرف يعبر خذي اقتراحه عمحمل الجد لفايدتك اولا
اتوقع زوجك جنوبي شرقي والله اعلم \
عفكرة دمك عسل

 

[كاتياباسل]

بقولك شي حياتي بس لاتزعلين مني

************************************
أنتي لازم تحطي ببالك أنو أغلب الرجال مايحبوا كثرة الكلام والقرق وأنتي الله يهداك جالسه تسولفين مع أختك ويطلع يصلي يرجع يلاقيك على نفس الحاله ،،،،وليت فيه شي مهم ضحك وسوالف ونكت
يعني مافيه شي الوحده تسولف وتنكت مع أختها أو صديقتها،،،،بسسسسس تراعي وجود زوجها وتخيلي أنو لما دخل عليك حصلك ناشره الملابس ومجهزه فطورك ومبخره بيتك
بالله شو راح تكون ردة فعله؟!!!!!!!
****************************************
الشي الثاني: وهي مربط الفرس (السمنه)
ياحبيبتي،،، ياقلبي،،، ياعمري
ترى السمنه مرض الله يكفينا شرها
لاااااااااازم تناظري المسأله من زاويه منطقيه
خلي زوجك على جنب
لو سألتي أيييي طبيب راح يقولك السمنه سبب لأمراض كثيره منها السكر والضغط وأمراض القلب الله يحفظنا
وكمان الرشاقه والجسم الحلو مطلب كلللل النساء ،،،،،غريبه ماتتحمسي علشان تنحفي،،،، وتسوي رياضه
صدقيني راح تحسي براحه نفسيه وترضي نفسك قبل زوجك
****************************************
فيه نقطه أخيره
ترى زوجك معاه حق (الوجبات السريعه_والمايونيز_والبيبسي_والمقليات)
شــــــــــــــــــر وكللللها أضرار
حاولي ماتعاندي زوجك وأنتي المتضرره بالأخير
وأنا والله أحارب هالأشياء قدر الأمكان وماأخليها تدخل بيتي
*****************************************
الله يهدي النفوس ويوفق الجميع

 

[بنت الوسطى]

مافية ماشكلة حببتي الرجال خائف علي صحتك عادي سوي رجيم انتي واية ودخالي نادي هذا كلة في مصلاحتك ولا تزعلين ولاشيء ----------------------------------- ولاتتعب نفسيتك ولاشيء

 

[Step For Change]

والله يا اختي انا ما اشوف الريال غلطان وباين عليه انه يحبج وما يريد يخسرج علشان جذي يالس يقول لج بالف طريقة (مباشرة وغير مباشرة) انه يريدج تنحفين شوي ولا تقارنين نفسج فيه اذا هو سمين انتي لازم تسمنين لا يا اختي خلي لج الدافع ان الحرمة لازم داااااايما تكون الاجمل وصدقيني واسمعيها من اخت مجربة ما دام زوجج طلب منج هالشي سويه وحتى انتي نفسيتج بتتغير ما فيها شي ابدي ريجيم معاه والاكل ما بيطير بعني خلج على المشاوي والمسلوق لمدة شهر او شهرين وبعدين تقدرين تاكلين اللي تريدينه فكري عدل ترا اللي فهمته من كلامج ان زوجج طيب ويحبج وذا مب شارنج صدق ما بيقول لج عن وزنج صدقيني بسير يطالع برع (الله لا يقول يارب) اختي شكلج صغيرة بعدج الله يرزقج بالذرية الصالحة ويوفقج في حياتج ان شاء اللهولا تزعلين من كلامي انا قصدي النصيحة وبس

 

[روحي بلقاك]

الله يسعدكم حبوبة

بس بصراحة ما شفت منه شي غلط
هو يبيج ويحبج ويبيج تنحفين له
انتي ماعليج من وزنه هو عليج من وزنج وشكلج حتى لو نحفتي اللبس يطلع عليج احلى

وعن سالفة نشر الغسيل ترى معاه الحق يزعل
ترى حلو الواحد يعترف بخطأه

بس فعلا فعلا لازم تنحفين مادام انه مشجعج وخاصته ان هالشي امنيته
نفذي كلامه قبل لا يحط عينه على وحده غيرج وبعدها ما يفيد الندم

اكسبي الوقت مادامت الكرة في ملعبج
والله يوفقكم لما يحبه ويرضاه

مشكوره حبيبتي على النصيحه وربي عسل دعواتك يالغلا

 

[روحي بلقاك]

حسيتك تاخذين منسعه وهوجاد مايحب المزح انصحك ركزي بشغل بيتكم وخليه اذا مالقا غير السمنه يتكلم عليها قولي على ايدك ساعدني عشان نتخلص منها نسوي حميه انا وياك

لا وربي ماأخذتها من سعه بالعكس لو ما خذتها من سعه كان ماكتب موضوعي لكم واستشرتكم
مشكوووره حبيبتي على الرد وجزاك الله خير

 

[روحي بلقاك]

لووول يا حلاتج
انا نفس الحاله زوجي على اقل شي يزعل بس الحمدالله عرفت اتعامل مع الوضع
بس اول عندي ملاحظات بسيطه :

كنتي تقولين له حبيبي لا تشغل نفسك بمسؤوليات البيت كافي عليك مسؤولياتك و بس . سكري القضية ، لا تقولين ان شالله و تعطينه مجال
و تفهمينه انه اهوا مشرف عليج !!! يعني انتي فتحتي على نفسج باب
لانه اهوا عطاج امر و انتي وافقتي عليه و لمن رجع ما نفذتيه ، اهوا هذا اللي يفهمه و على شان جذي زعل .

لا يا عمري
لا تاخذين الموضوع على انه تجريح انتي الغلطانه بهالسالفه
هذا زوجج و من حقه يطلب منج الشي اللي يحبه
في بنات ازواجهم يطلبون منهم لبس معين و عطورات معينه
و صبغي شعرج اللون الفلاني و اشتري الشي العلاني
ما فيها زعل بالعكس المفروض تفرحين حيل
زوجج يحبج و ما يبي غيرج
يعني يهون عليج انه بدال ما يقولج نحفي يروح يطالع وحده نحيفه ؟
و صدقيني اهوا مو محتاج يروح يطالع ، الحين الحرام اللهم يكافي يروح
لحد عندهم يا بالنت ، يا بالدش ، يا بنات الحرام اللي ما يخافون ربهم و
ما يخلون احد بحاله .
لا تتعذرين و تقول اهوا بعد دب اذا مو عاجبج الوضع كنتي تقولين له و كا اهوا
ما قصر قالج نسوي رجيم مع بعض .
ديري بالج على زوجج اهوا دب بعينج بس بعين غيرج لا .

قولي الحمد الله بدال المره ألف
روحي يا قلبي ألقي نظرة على مواضيع بعض الخوات اللي بالقسم
و بعدها راح تحسين بقيمة زوجج
يا قلبي زوجج فيه صفه حلوه حيل ، والله انه مو كل ريال يعتذر
بعض الرياييل حتى و اهما غلطانين ما يعتذرون
و يخلون المره تفرك بقهرها و فوق هذا تراضي نفسها و تروح تراضيه
زوجج ما راضاج ضعفا منه ، لو ما غلاتج ما عبرج
________________________________
الحين ملاحظات عالسريع :
- بعد هالعشرة اللي بينكم اتوقع انج قدرتي تعرفين شنو اللي يزعل زوجج
و شنو اللي ما يزعله ، حاولي على قد ما تقدرين تتجنبين اللي يزعله .
- طبعا الناس ما راح تعرف شنو اللي يزعل زوجج مثلج فأكيد احد من أهلج بدون ما يقصد بيزعله و راح ايي زوجج كالعاده يشتكي لج انتي لا تلقينه وييه على طول قولي لا حراااااااام عليك مو قصده لا انا ما فهمت الموضوع جذي أنا فهمته ... الخ لا تصير حساس حبيبي ترا الموضوع ما يسوي و اشوفه عادي حيل ، يعني برري لخوج مثلا و اوقفي بصفه و بيحس نفسه اهوا اللي غلطان .
- ان حصل لا سمح الله و زعل منج بدون قصد لأي سبب لا تلحقينه و تبررين لنفسج و تقولين اقصد و ما اقصد و شفيك و ما فيك ، لااااااا انتبهي ، حاولي تطنشن الموضوع على قد ما تقدرين و لا تفهمين زوجج انج تدرين انه زعلان خليه يحس انج مو منتبه أو بالأحرى انتي ما سويتي شي يستاهل انه يزعل علشانه ، و في حالة عاتبج قولي و الله @@ آسفه حبيبي ما كنت اقصد .
- في حالة زعلتيه و ما كنتي مروقه و عصبتي بنفس الوقت و لقيتي اهوا عصب على طووووول اعتذري بسرعه لا تخلين السالفه تطول و تكبر اكثر بتلاقينه فجأة يطخ .
هذا كل اللي طبقته مع زوجي و الحمد الله ياب نتيجه و ان شالله اذا وحده
من الخوات عندها فكره تفيدنا .

مشكوره حبيبتي على الرد والنصايح الحلوووووووه
تسلمين يالعلا وربي انكم ماقصرتووو
دعواتك حبيبتي

 

[روحي بلقاك]

اهلين
ياحبيل قلبك الله يسعدك
طيب سوي اللي يبي ونزلي كم كيلو
وابدو حميه انت وياه
واعقدي اتفاق معه مثل ماتبيني انحف ابيك نتحف انت وافرح بجسمك

وعاد خبرينا وش يصير
موفقين
.................

لبى قلبك مشكوووره حبيبتي على النصيحه
وربي أنك عسل
دعواتك يالغلا

 

[روحي بلقاك]

السلام عليكم
ربما تكون مشكلتك طريفه بعض الشي وهذه ميزه عن بقية المشاكل
نصيحة يااختي تنحفين
ليس لاجله بقدر ما هو لاجلك
جميله هي الثقه بالنفس ولكنها اجمل عندما تكونين حققتي انجازاً وخففتي من وزنك
لاجل نفسك لا لأجل احد
...
ثانيا ارى زوجك يصرح ويلمح بكل وقت على امل ان تقتنعين وتقررين التخفيف
ولكني اراك غير مهتمه بالمسأله وترين انه يجرحك بهذه العبارات
وهو ليس جرحاً لمشاعرك بقدر ما هو اهتمام بك وبأنه يود ان يراك بوزن اخف

بالتوفيق ..

شكرآ حبيبتي على نصيحتك وربي أنك ذوووق
بس وربي إني مهتمه اسوي حميه يومين ويتركها اهو واتركها مدري وش دخلني خخخخخ
دعواتك حبيبتي