دخيييييييييييييييلكم ردو علي

[انفاس انثى]

السلام عليكم ورحمه الله وبركاته

عزيزاتي انا كنت كاتبه مشكلتي مع زوجي وخياناته لي واتأزمت الحاله

ووصلت للطلاق بسبب محادثاته مع البنات وانا هددته اني معي نسخه

من محادثاته وحتى خبرت والده ووالدته بالموضوع وقلت لهم عندي محادثات

وسخه لولدكم تدخلو بالموضوع وكلموه وقال لهم انه بيتزوج وحده من اللي يكلمهم

واذا مو عاجبني اجلس ببيت اهلي لكن الوضع الان هدا اشوي انا في بيت اهلي

ولا خبرتهم عن مشكلتي مع زوجي وهو مسافر الان للشغل وبيجي بعد عشر ايام

ابي رايكم الله يخليكم كيف اتعامل معاه اذا جا واخذني لان كل هالفتره مابينا اتصالات

ابد وانا اتندمت كثير اني خبرت اهله عن محادثاته لاني حسيت انه حقد علي لكن هو

اجبرني على هالشي سبع سنين كلها خيانات تعبت ومليت مو قادره اصبر ابي حل

لمشكلتي علشان كذا دخلت اهله بالموضوع بالله عليكم علموني كيف اقابله بعد

اللي صار بينا وكيف اتعامل معاه اسامحه علشان اولادي ولا ارجع لبيتي وماعطيه

وجه ابي رايكم وردودكم بالله عليكم لاتبحلووون علي تكفووووووووووون .

 

[دمي ولادموع أمي]

الله يفرج همك وهمي

 

[عبير الوفاء]

وعليكم السلام.... شوفي يا قلبي انتي انا صراحه وانا اقرى موضوعك حطيت نفسي مكانك وانغثيت بالحيل وش عاد انتي ................. اوصيك ثم اوصيك ثم اوصيك بالدعاء الله وحده سبحانه اعلم بنواياه وبحبه لك بس الخيانه مره مره قووووه ان قالت الواحد اتطلق ما تدري وش يصير عليها هي تلقى اللي افضل من طليقها والا لا ولا تدري هي بتنجح والا تفشل ثانيه لكن الدعاااء هو اللي يبرد القلب عليك بالدعااااء كل ليله لين ربي يكتب لك الخيره بس كوني متفائله دائما وان الفرج قدام.,.. الله يفك ازمتك ويهدي سرك يارب

 

[فيافي 2]

حبيبتي اكثري من الدعاء والصدقة والأستغفار ولاتنسين تدعيلي معاك أسأل الله العظيم رب العرش العظيم أن بفرج همي وهمكن .
اضغطي هناء
http://www.tvquran.com/add/Al-Asiri.htm

 

[امنتك قلبي]

لاتسوي شى تندمين عليه فكري قبل ماتفكري في نفسك فكري
بي عيالك وبيتك هل تقدري تصبري منه هل تقدري تحرمي اب
من عياله المشكله تبدى صغيره وتكبر بس انتي خليها كبيره وبتصغر
لاتندمي على يوم ما ينفع فيه الندم اخني اصبري يمكن لحظت طيش او نزوه0
المهم لاتخربي بيتك بي ايدك

 

[تررف القصيد]

يوم خبرتي أهله ماكان تصرفك خطأ.....أنا أشوف إنه هذا إلي لازم يصير خاصة إنه متمادي في خياناته.............
وتطنيشه وعدم سؤاله ردت فعل متوقعه إن شاء الله يكون أستحى على وجهه........
ماراح تقدرين تفكرين وش تسوين إلا إذا رجع...
خليك ببيت أهلك معززه مكرمه والأولى يجي يراضيك.......
دعواتك لاتحرميني منها

 

[أم حميدة]

أنك تفضحينه عند أهله هذا غير صحيح ، لأنك شوهتي صورته عند أهله ، والي يخون يخون من وراءك أو قدامك ، حتى لو قال لأهله خلاص ، أنا خلاص ،،،،،، لكن يرجع يسويها لأن المهم هو رقابة الله
وأن يخاف الله ،،،،،،
فالان حصل الذي حصل ، قدر الله وما شاء فعل ، فعامليه عادي ، ولا تراقبيه ولا تتابعيه واعلمي أن خيانته هو خيانته لربه ، ،، وومكن ترسلي له رسائل تخوفه من الموت ، وممكن تعلقي أشياء في الغرفة تخوف عن الموت
ومممكن تحكي له قصص ناس ماتوا ،،
وكل هذا النصيحة بالطريقة الغير مباشرة
وادعي من قلبك في كل وقت أن يغفر الله عنه ويتوب عليه ويغفر عنك أيضا ويتوب عليك
وادعي الله أن يصرفه عن الحرام ويصرف عن رفقاء السوء ويرزقه بصحبة صالحة
وادعي الله أن يغض بصره ويحفظ فرجه عن الحرام
يعني حلك الوحيد هو اللجوء إلى الله والانكسار إليه من قلبك ، ادعي الله كأنك غارقة في البحر وتريدين من ربك أن ينقذك من ذلك
، وادعي الله أن يؤلف بين قلوبكم

 

[*روعه*]

الصراحه لمن اشتكيتي لاهلك هذه اكبر مشكله .. لانها تهز الرجال وتحسسه كانه طفل مراقب ولازم يتعاقب من والديه .. وصدقيني عمره الاسلوب هذا ماجاب نتيجه .. لانه اللي يبغى يخون حيخون حتى لو اهله ضربوه ..
في النهايه انتي الي راح تكوني خسرانه ..
نصيحتي بالاضافه للي قالوه الاخوات من دعاء واستغفار لربنا ..
لازم انتي تشوفي ايش اللي بيخليه يخون كل هذه الفتره .. ايش اللي ناقصه في حياته ..
عشان المشكله ماراح تنحل الا اذا عرفتي سببها ..
ونصيحه لمن تشوفيه المره الجايه طنشيه وطنشي الموضوع وافتحي صفحه جديده ..
وانتي اتغيري وحاولي تعرفي منه ايش الي ناقصه بطريقه غير مباشره ..
وخليكي واثقه من نفسك وتوكلي على الله فوق ده كله ..
والله يفرج همك وهمي

 

[حنين احمد]

اللهم اجعل لنا و لكي و لكل المسلمين من كل هم فرجا و من كل ضيق مخرجا و من كل بلاء عافية و من كل عسرا يسرا

 

[رجاي الله]

هو انصدم لانك ساكته سبع سنين لو من الاول استنكرتي وكبرتيها كان وضع ثاني
لكن هو في باله انك صبرتي لانك تحبينه والحين حقد عليك يبي يتركك لانه عارف انك
ماتستغنين عنه
وماانصحك ترجعين وتخربين اللي سويتيه خليك حازمه وبيني له انه ماصار مهم بحياتك
اتعبي شوي عشان ترتاحين احس ماترجعين ويرجع اردددى من اول
وبترجع حياتك عذاب
نصيحتي لك الجي لربك من لجا له ماخاب واتركيييييييه اتركيييييييييه اتركييييييييه
مررده لك وهو عارف هالشي بس يبي يضغط عليك عشان تتقبلين الموضوع وتخلينه براحته


وققت ماانتي عند اهلك اهتمي بنفسك وحاولي تتعلمين كيف ممكن تتعاملين معه وكيف تجذبينه
صدقيني فيه شي هو يبي عندهم وانتي ماعرفتي تلقين هالشي حااولي تعرفين مفتاحه
وماضنيت اهله بيخلونه يسوي اللي براسه
الله يوفقك​

 

[فروع الياسمينه]

اختي ليه توصلينها للطلاق
اتركي كل شيء و ألجأي لله طلباً وعباده

بتطلقين والثاني بيكون ملاك
فري المنتديات وشوفي كثرة الخيانه
لا تيأسين و أدعيله
أحسني الظن بالله انه سيستجيب لك
أدعيله في سجودك وقيام الليل بالهدايه والصلاح
وان الله يسخره لك ويجعل بنات السوء وبنات الحرام أبغض الخلق اليه والى قلبه

عندك عشرة ايام عليك بقيام الليل لا تتركيه ابد ابد
وعليك بسهام الليل فأنها لا تخطيء
قبل لا تنامين نامي على وضوء و إذا صحيتي الليل قولي
لا إله إلا الله وحده لا شريك له له الملك وله الحمد وهو على كل شيء قدير, الحمد لله ,وسبحان الله , ولا اله إلا الله , والله أكبر , ولا حول ولا قوة إلا بالله ثم أدعي له وبما شئت فبإذن الله دعائك مستجاب
و أكثري من
حسبي الله لا إله إلا هو عليه توكلت وهو رب العرش العظيم
اللهم أكفني في كل أموري ظاهرها وباطنها ,,عالمها وغيبها , ما أعلمه ومالا أعلمه
اللهم أصلحلي شأني كله ولا تكلني الى نفسي طرفة عين
​

أحفظي هذا الدعاء وقوليه في سجودك وفي كل وقت
( اللهم سخر لي زوجي كما سخرت الريح لسيدنا سليمان وكما سخرت البحر لسيدنا موسى والحوت ليونس وآلنه لي كما ألنت الحديد لسيدنا داوود و إجعل غضبه برداً وسلاماً علي كما جعلت النار برداً وسلاماً على إبراهيم )
​

 

[انفاس انثى]

الله يجزاكم الخييييييير وشكرررا لكم كثير
ماقصرتو ياعزيزاتي