ترتيلة حب
New member
- إنضم
- 2010/04/06
- المشاركات
- 35
السلام عليكم
بنات انا مالي الا الله ثم انتو الجأ لكم وافضفض لكم
انا تزوجت من 3 شهور ونص وما تهنيت بولا يوم بزواجي كلها مشاكل وخلافات
زوجي لا يحترم ولا يقدر اللي يحترمه واللي يسكت عشان تعدي المشكله قال عنه ما عنده شخصيه
متعود على حريم قواي كل وحده لسانها يلوط اذانها توصل فيهم انه يتهجمون على الواحد في بيته اذا غلط بربع كلمه في حقهم وانا ما تربيت على جذي ودايما احاول استخلف الله بموضوع الخلاف بس الحين كرهت نفسي
بنات انا سكت وايد ويموووووووووووت من السكته وانفجرت هني عندكم تحملوني واسمعو سالفتي وعطوني حلول وادعولي الله يفك كربي وضيقتي عشان اطلع من اللي انا فيه
بنات انا حامل توني واتوحم وعمره ما جاب لي شي من نفسه الا لما اطلبه وطبعا لازم يكون قبل وبعد مشاكل تخليني اكرهها وغير هذا .. كل الناس يدرون باللي جابه يتصل على اخواني يسألهم عن شبس ولا فاكهه..!! على اساس شوفو انا اجيب لها..!!
عمري ما طلعت معاه مكان حتى لو موعد الا ارجع ودمعتي على خدي وحتى فشهر العسل يسوي اي شي بس ما يشوفني مبتسمه والله يا بنااات انه يتضايق لما يشوفني فرحانه..
كرهت كرهت كرهت كل شي معاااااااااه عمري 22 سنة والله والله من خذته انترس شعري شيب ابيض
قبل يومين كنت مصخنه ومررريضه غير الترجيع والوحام وكله اقوله ظهري يعورني تخيلو شنو يقولي؟؟
لا تطلعين من حجرتج وتسلمين على امي وخواتي اخاف عليهم
وبطلي الدرايش عشان تتهوى الغرفه عنج ونامي على كرسي الصاله لا تعاديني انتي صخونتج سهله وانا اتعب لي مرضت؟؟
هذا وانا ظهري بينقص من الوجع وحامل؟
والحين يبات برى البيت ولا يتاخر لل1 وال2 وال3 ويسويلي مشكله لما انام قبل لا يجي ولما اكلمه مثلا وين كنت يرد علي باستحقار منو تكونين انتي عشان تسأليني؟؟
كل ما اطلبه شي ما يرضى .. ما عنده شخصيه ولا كلمة يلتزم فيها يوافق على الشي وبعد ما يقولون له ربعه ولا اهله شي او اذا قالو لاء علطول يرجعلي ويرفض باسباب كلها ما تدخل العقل .. اهانات والفاظ ما تليق انه تكون لوحده باول شهورها فالحياة الزوجيه..
مربي لحيه ومسوي روحه مطوع وملتزم وكل كلمة قال الشيخ الفلاني قال والشيخ العلاني سوى وكل هذا وهو ما يصلي من لاساس!!
وحتى يوم اقوله قوم صلي يقولي وخري لا ارفسج في ظهرج ويهاوش لما اقعده لصلاة الفجر..!!
كل هذا بس عشان الناس تقول ما شاء الله فلان ملتزم وربعه اهل دين وللأسف هذا اللي غر اهلي فيه ووافقو عليه
واذا ماله خلق يتصلون له ربعه المطاوعه عشان يجيهم في ندوه ولا شي يقول "خيركم خيره لاهله وانا خيركم لاهلي.. لازم اقعد مع زوجتي واهلي " وطبعا يسكر منهم يلبس ويطلع ويروح لمجلس الشباب اللي ما يعرفونهم ربعه الاوليين < شلة الشباب اللي مو ملتزمين وما اشوفه الا اليوم الثاني او اخر الليل..
دايما ينزل من قيمتي وبقولكم مواقف تتكرر بشكل دايم وانا ساكته واقول بقلبي كبري عقلج ولا تردين وتكبرين المشكله واهوه يعتبر الموضوع ضعف مو احترام:
1- خواته يطلبون منه يوديهم مكان ويبوني اكون معاهم (لان الحمدلله علاقتي بامه وخواته حلوه ) يأشر بطرف ايده لما اودي "هذي" بيت اهلها راح اوديكم وين ما تبون !! ووقت القعده انا عديتها لاني لو تهاوشت معاه قدامهم قدري بيطيح من عيونهم وسكت وعديت الموضوع على انه غشمره < وطبعا حتى يوم يبي يروح الحجره ولا لما نكون بنطلع لاهلي يأشر لي بطريقه أمر جنه يعامل خدامة
2- كل كلمه قالي انتي شايفه نفسج بالمنظره قبل لا تكلمين؟؟ ما اجذب عليكم واقول اني ملكة جمال بس انا بنت جمالي متوسط وشكلي عادي مثلي مثل غيري وكل ما اكلمه من باب الدعابه يقولي خلي الدلع لاهله مو لايق عليج!!
3- يا الخديه// يا البقره // يالفاشله // يا الدثويه << الفاظ الغشمره اللي متعود عليها !!!
4- ما يناديني باسمي ابدااااااا كل كلامه اوامر ومن غير ذكر الاسم ولما يحب يغير يناديني باسم قبيلتي يا الفلانيه!!
5- مافيه استشاره او اخذ راي باي شي مثلا بيت خالتي عازمينا اليوم وهاليوم يكون في يوم جمعه اهلي اللي مو شايفتهم من اسبوعين ولا يقدر وبالغصب لازم اروح؟ مرت فلان ولدت اليوم وبتروحين لها تباركين وما يراعي انا مريضه لي خاطر اروح ولا لاء؟ واذا رفضت الله غاضب علي ساعتها من الزف والهواش والصراخ ..
6- احاول اكسب قلبه واتودد له اقوله كلام حلو مثل احبك الله لا يحرمني منك وتخيلوو شيرد علي؟ انتي كذابه ومنافقه وانا اكره اللي يجاملوني
7- فالوقت الحميمي بين الزوجين يتطنز ويعيب على كل شي ومره من باب مداعبات الوقت هذا كتم نفسي بايدينه الثنتين لين ما اختنقت والدموع قامت اتطافر من عيوني ويقولي احسن ابي اخنقج عشان تموتين..!! ولا كانت امنيتي اتزوج اي وحده من بنات خالاتي بس خذتج انتي!!
وغيره وغيره وغيره وربي ما عاد قلبي يتحمل شي والذي رفع 7 وبسط 7 اني تعبــــــــــت اهلكني التفكير احاول اكون الزينه بس ما اقدر اكمل هالدور
لو انه حلال جان ذبحت روحي وافتكيت من التنقيص والاحتقار اللي عايشته
اللي ناويه عليه الحين اني احطه قدام الامر الواقع ومجرد ماروح لاهلي ببلغه اني ماعاد ارجع وبطلب الانفصال لان اللي هذا اوله ينعاف تاليه لا حشمني ولا خلالي كرامه
ولا حشم اهلي اللي يوجبونه ويرزونه بصدر المجلس والذبايح توصل لين عنده حتى لو بزياره عاديه ..
ردوو علي وبردولي قلبي
بنات انا مالي الا الله ثم انتو الجأ لكم وافضفض لكم
انا تزوجت من 3 شهور ونص وما تهنيت بولا يوم بزواجي كلها مشاكل وخلافات
زوجي لا يحترم ولا يقدر اللي يحترمه واللي يسكت عشان تعدي المشكله قال عنه ما عنده شخصيه
متعود على حريم قواي كل وحده لسانها يلوط اذانها توصل فيهم انه يتهجمون على الواحد في بيته اذا غلط بربع كلمه في حقهم وانا ما تربيت على جذي ودايما احاول استخلف الله بموضوع الخلاف بس الحين كرهت نفسي
بنات انا سكت وايد ويموووووووووووت من السكته وانفجرت هني عندكم تحملوني واسمعو سالفتي وعطوني حلول وادعولي الله يفك كربي وضيقتي عشان اطلع من اللي انا فيه
بنات انا حامل توني واتوحم وعمره ما جاب لي شي من نفسه الا لما اطلبه وطبعا لازم يكون قبل وبعد مشاكل تخليني اكرهها وغير هذا .. كل الناس يدرون باللي جابه يتصل على اخواني يسألهم عن شبس ولا فاكهه..!! على اساس شوفو انا اجيب لها..!!
عمري ما طلعت معاه مكان حتى لو موعد الا ارجع ودمعتي على خدي وحتى فشهر العسل يسوي اي شي بس ما يشوفني مبتسمه والله يا بنااات انه يتضايق لما يشوفني فرحانه..
كرهت كرهت كرهت كل شي معاااااااااه عمري 22 سنة والله والله من خذته انترس شعري شيب ابيض
قبل يومين كنت مصخنه ومررريضه غير الترجيع والوحام وكله اقوله ظهري يعورني تخيلو شنو يقولي؟؟
لا تطلعين من حجرتج وتسلمين على امي وخواتي اخاف عليهم
وبطلي الدرايش عشان تتهوى الغرفه عنج ونامي على كرسي الصاله لا تعاديني انتي صخونتج سهله وانا اتعب لي مرضت؟؟
هذا وانا ظهري بينقص من الوجع وحامل؟
والحين يبات برى البيت ولا يتاخر لل1 وال2 وال3 ويسويلي مشكله لما انام قبل لا يجي ولما اكلمه مثلا وين كنت يرد علي باستحقار منو تكونين انتي عشان تسأليني؟؟
كل ما اطلبه شي ما يرضى .. ما عنده شخصيه ولا كلمة يلتزم فيها يوافق على الشي وبعد ما يقولون له ربعه ولا اهله شي او اذا قالو لاء علطول يرجعلي ويرفض باسباب كلها ما تدخل العقل .. اهانات والفاظ ما تليق انه تكون لوحده باول شهورها فالحياة الزوجيه..
مربي لحيه ومسوي روحه مطوع وملتزم وكل كلمة قال الشيخ الفلاني قال والشيخ العلاني سوى وكل هذا وهو ما يصلي من لاساس!!
وحتى يوم اقوله قوم صلي يقولي وخري لا ارفسج في ظهرج ويهاوش لما اقعده لصلاة الفجر..!!
كل هذا بس عشان الناس تقول ما شاء الله فلان ملتزم وربعه اهل دين وللأسف هذا اللي غر اهلي فيه ووافقو عليه
واذا ماله خلق يتصلون له ربعه المطاوعه عشان يجيهم في ندوه ولا شي يقول "خيركم خيره لاهله وانا خيركم لاهلي.. لازم اقعد مع زوجتي واهلي " وطبعا يسكر منهم يلبس ويطلع ويروح لمجلس الشباب اللي ما يعرفونهم ربعه الاوليين < شلة الشباب اللي مو ملتزمين وما اشوفه الا اليوم الثاني او اخر الليل..
دايما ينزل من قيمتي وبقولكم مواقف تتكرر بشكل دايم وانا ساكته واقول بقلبي كبري عقلج ولا تردين وتكبرين المشكله واهوه يعتبر الموضوع ضعف مو احترام:
1- خواته يطلبون منه يوديهم مكان ويبوني اكون معاهم (لان الحمدلله علاقتي بامه وخواته حلوه ) يأشر بطرف ايده لما اودي "هذي" بيت اهلها راح اوديكم وين ما تبون !! ووقت القعده انا عديتها لاني لو تهاوشت معاه قدامهم قدري بيطيح من عيونهم وسكت وعديت الموضوع على انه غشمره < وطبعا حتى يوم يبي يروح الحجره ولا لما نكون بنطلع لاهلي يأشر لي بطريقه أمر جنه يعامل خدامة
2- كل كلمه قالي انتي شايفه نفسج بالمنظره قبل لا تكلمين؟؟ ما اجذب عليكم واقول اني ملكة جمال بس انا بنت جمالي متوسط وشكلي عادي مثلي مثل غيري وكل ما اكلمه من باب الدعابه يقولي خلي الدلع لاهله مو لايق عليج!!
3- يا الخديه// يا البقره // يالفاشله // يا الدثويه << الفاظ الغشمره اللي متعود عليها !!!
4- ما يناديني باسمي ابدااااااا كل كلامه اوامر ومن غير ذكر الاسم ولما يحب يغير يناديني باسم قبيلتي يا الفلانيه!!
5- مافيه استشاره او اخذ راي باي شي مثلا بيت خالتي عازمينا اليوم وهاليوم يكون في يوم جمعه اهلي اللي مو شايفتهم من اسبوعين ولا يقدر وبالغصب لازم اروح؟ مرت فلان ولدت اليوم وبتروحين لها تباركين وما يراعي انا مريضه لي خاطر اروح ولا لاء؟ واذا رفضت الله غاضب علي ساعتها من الزف والهواش والصراخ ..
6- احاول اكسب قلبه واتودد له اقوله كلام حلو مثل احبك الله لا يحرمني منك وتخيلوو شيرد علي؟ انتي كذابه ومنافقه وانا اكره اللي يجاملوني
7- فالوقت الحميمي بين الزوجين يتطنز ويعيب على كل شي ومره من باب مداعبات الوقت هذا كتم نفسي بايدينه الثنتين لين ما اختنقت والدموع قامت اتطافر من عيوني ويقولي احسن ابي اخنقج عشان تموتين..!! ولا كانت امنيتي اتزوج اي وحده من بنات خالاتي بس خذتج انتي!!
وغيره وغيره وغيره وربي ما عاد قلبي يتحمل شي والذي رفع 7 وبسط 7 اني تعبــــــــــت اهلكني التفكير احاول اكون الزينه بس ما اقدر اكمل هالدور
لو انه حلال جان ذبحت روحي وافتكيت من التنقيص والاحتقار اللي عايشته
اللي ناويه عليه الحين اني احطه قدام الامر الواقع ومجرد ماروح لاهلي ببلغه اني ماعاد ارجع وبطلب الانفصال لان اللي هذا اوله ينعاف تاليه لا حشمني ولا خلالي كرامه
ولا حشم اهلي اللي يوجبونه ويرزونه بصدر المجلس والذبايح توصل لين عنده حتى لو بزياره عاديه ..
ردوو علي وبردولي قلبي
