وين اروح ليلة زواج زوجي ؟

أبية قال:
لا اياك تحضري زواجه ... بلا تخلف وليه أروح

لاتروحي وتحرقي أعصابك علشان ترضي الناس

أبدااااااااااااااااااااااااااااااااااااااااااااااااااااااااا


أصعب موقف ...
أنقر للتوسيع...

طبعا مستحيل احضر وافرح الشامتين واكون فرجه لهم ورأيك سليم وهو الي بيحصل باذن الله
 
الله يعينك ويصبرك ويرزقك الذرية الصالحة ..شوفي يا حبيبتي أنا زوجة ثانية ( نتيجة ظروف ) ونصيحتي لك من تجربتي اقضي وقتك في العبادة . لكن لا تتنازلين عن زوجك ابدا ، هي مسألة وقت ، اكيد الناس بتتكلم سواء برأفه أو شماته ، بس صدقيني هذا في البداية ، مع الأيام كل شي عادي سواء بالنسبة لك ، أو بالنسبة لنظرة الناس . وانت وشطارتك اشلون تجذبين زوجك لك ..
 
مزgggن آلشـرق قال:
يابعد عمري والله , لا فاهمتكـ يالغلا ههههههه

لكن انا اتكلم عن حريم واجهتهم كثير ,, يحضرون زواجات رجالهم

عادي ,,,, يعبرون عن مشاعرهم , بطريقه ثانيه :2:

يالله يارب في هذه الليله المباركه , ان تعصم ع قلب حبيبتي الغاليه وتقوي قلبها , وتنسيهها همها , وتفرج كربتها , ويجعل زواج زوجها مايتم , من غير شر , يارب ياكريم يامجيب

الله يصبرك , صبر النبي صلى الله عليه وسلم لما عادوه اليهود
أنقر للتوسيع...

حبيبتي والله ادري انك طيبة ومالك قصد بس انتي ماتدرين عن نظرات الحريييييييييم مايصدقو على الله بشي عشان يتشمتو ويتغامزو وبكون موضوع حديثهم بهذا اليوم
حبيبتي لو حضرت وين بروح من نظراتهم ؟ انا ادري ان زوجي يحبني لاني بدون مبالغة جميلة وصغيرة ومافيني اي عيب غير العيال . لكن همي كله تعدي ليلة عرس الحبيب .
 
ام سارهـ قال:
طيب ياعيوني انا بقلك تجربتي
آآآآآآآآآآآآآآآآآآآه يالله قلبي ينزف

انا ليلة زواجه حضرت الزواج !!!! والله حضرت وكنت بكامل كشختي واناقتي
حضرت وبفضل الله كنت انا اميرة الحفل والله ماهي مبالغه الحمدلله
حبيبة قلبي اوصيك بشئ انا مجربته (( ياجبار اجبر قلبي )) والله اني دعوت بها ليل ونهار قبل زواجه وفعلا ربي جبر قلبي
حضرت الزواج وكنت اضحك وباركت له وحاسه كاني مااعرفهم ولا كان الموضوع يهمني :tears:
وانا محطمه من جوه لكن ربي صبرني

يالغاليه انا اعرف حالات يتزوج الزوج الثانيه وربي يكرم الاولى وتحمل
مايدريك لعل الله يرزقك وتحملين انتي وهي لا
والله اعرف وحده 12 سنه زواج ولما تزوج الثانيه احملت الاولى في نفس شهر زواجه
اصبري يالغاليه
الله يرزقك ويرده لكي ردا جميلا
أنقر للتوسيع...

ماشاء الله عليك وعلى قوة قلبك لا عاد والله ما اسويها واحضر
الله يوفقك ويسعدك انتي وزوجك ويحببكم لبعض اكثر وتسلمي يالغالية ع النصيحة وراح اطبقها بإذن الله
 
المزاج الرايق قال:
فجرا جديد قال:
الله يكون بعونك ويصبرك مالك غير تلجائي لله وتصلي وتدعي ان الله يربط على قلبك واكثري من قول

لا اله الا انت سبحانك اني كنت من الظالمين

اللهم اني اسالك باسمك الاعظم الذي اذا سالت به اعطيت واسالك بكل اسم هو لك يا حي يا قيوم يامجيب الدعاء اللهم اربط على قلبها وصبرها واجعل همها رفعا لقدرها ودرجتها وعجل في فرجه يارب
اللهم اجعلها قرة عين لزوجها وكبر مكانها في قلبه واجعلها عينه التي ترى واذنه التي تسمع واجلها نبضا لقلبه
اللهم اجعل ضرتها اختا لها وازرع حبها في قلبها اللهم اجعلها عونا لها لا عليها واجعل قدومها بردا وسلاما عليها
اللهم ارزقها الذريه الصالحه الباره وارزقني معها يالله
اللهم هذا الدعاء وعليك الاجابه اللهم انت مولانا فلا مولا لنا سواك اللهم غلقت الابواب ولا باب لنا الابابك
اللهم استجب دعائي ياحي يا قيوم لا الله الا انت سبحانك اني كنت من الظالمين
اللهم صلي وسلم على محمد وعلى ال محمد كما صليت على ابراهيم وعلى ال ابراهيم

اعذريني اختي لاشي عندي اقدمه لك الا هذا الدعاء الذي خرج من قلبي
أنقر للتوسيع...

والله ان هذا الدعاء افضل كلام ويااااااااااااااااااااارب يستجيب دعاءك وما أقول غير ( اااااااااااااااااااامييييييييييييييييييييييييييييييين يارب انك على كل شيئ قدير)
والف شكر لك حبيبتي
أنقر للتوسيع...
 
جسدبلاروح قال:
يارب يارب اربط على قلبها يارب وسخر لها زوجها وجعل زواجه بردا وسلاما لها يارب انت الحي القيوم اجبركسرها واشرح صدرها
حبيبتي انا حاسه فيك والله مريت باللي مريتي فيه والله اكتب لك ودمعي في عيني يوم زواجه رحت للثمامه وسهرنا هناك بس والله ان قلبي معه وش سواء حلوة اولا ومن وساوس الشيطان ولان له 2سنه والله ندمت على كل دمعه نزلت والله مالك الا الله الجي له وادعي ربك واستغفري والله مرده لك والحمدالله انت عارفه قصده الاولاد ما تدرين الخيره وين الموت اللي يقهر زوجته ويتزوج وهي جايبه له عيال واقفه معه
اصبري والعاقبه للمتقين
وما الحب الا للحبيب الاول مهما صار وكان
اسال الله العلي القدير يفرج همك ويربط على قلبك اصبري اصبري اصبري
أنقر للتوسيع...

جزاك الله الف خير وفعلا مالنا الا الصبر
ويارب يسعدك ويوفقك مع زوجك ومايشوف احلى منك
 
..Pink.. قال:
حيبتي انا ابوي تزوج على امي

ولا بينت شي قدامنا

بالعكس لبسته وكشخته وعطرته لبسته البشت كانه تزف ولده مو زوجه

والله ان ابوي بعد ساعه داق يقول كيف امك الحين سلميلي عليه

وكان قايل لامي بجلس معه شهر بسافر اسبوع بعدين بجي واجلس عنده 3اسابيع

ثم بجي لمك ونسافر اسبوع بعدين

ابدى اقسم بينكم

قالت امي الله يساعدك تروح ترد بالسلامه

تخيلي بعد زواجه 3ايام جاء لم امي وجلس عنده يومين بعدين طلع الفجر مشاء مع زوجته 2 لمكه وجلس 4 ايام

وجاء من مكه لم امي على طول جلس يومين بعدين رحنا لمكه

والله الحين يقول لكل الرجال لاتتزوجو الاول وبس مع العلم ان زوجته الثانيه على ذمته ولا ينصح احد بالزواج الثاني
أنقر للتوسيع...

ماشاء الله لاقوة الا بالله ابوك انسان رائع بمعنى الكلمة وامك انسانة عظيمة ياااااااااااااااارب يوفقهم ويسعدهم في الدنيا والاخرة .
بس ما اعتقد اني بكون مثل امك ولا زوجي بيكون مثل والدك عسا بس مانتهاوش ونجيب العيد
الله يستر وربي اني خايفة اسوي شي اندم عليه
( استغفر الله العظيم )
 
يالله يارب ياكريم اسالك باسمك الاعلي اللذي اذا دعيت به اجبت
واذا طلبت به اعطيت ان ترزقها الحمل السليم المعاااافى قبل زواج زوجها انت ولي ذالك والقادر عليه
انت الذي لايصعب عليه امره ياممن امرك بين ككاف ونون ارزقها الحمل السليم يارب
وان تسخر زوجها لها وتجعلها ملكه قلبه يارب يارحمن
واعصم على قلبها ياكريم
هذا اللي اقدر اقوله لك
 
روض الياسمين قال:
أختي نصيحة مني إلجأي لخالقك ومولاك ... من هو أرحم بكِ من كل البشررررررررر

اجعليها لحظات خلوة مع الله .. ادعي .. وبثي له همك وشكواك .. والله ستنزل السكينة والطمأنينة على نفسك وستشعرين بالراحة ...

وإذا كان باستطاعتك مجاورة الكعبة في هذه الليلة فهذا أعظم وأفضل

والله يا أختي من تجربتي ... لا يبرد القلب غير اللجوء إلى الله والدعاء .. صحيح أنني لم أعلم بخطبته وزواجه إلا بعد زواجه باسبوع تقريبا ... ولكن الصدمة الأولى تكون قوية خصوصا أنني علمت أنه تزوج مررررررررررة واحدة !!!

ولكن الحمدلله صبرت وتحملت لأني أعلم علم اليقين أن هذه الدنيا فانية ولا أريد أن أخسر آخرتي لأجلها !!

أسأل الله أن يربط على قلبك وأن يرزقك الصبر والحكمة

وفقك الله
أنقر للتوسيع...

ياريت ما اعرف الا بعد ماينتهي الزواج لكن للأسف الي بياخذها من الاقارب يعني بكون اول العارفين بالموعد . ومدري كيف بيكون حالي من يوم اعرف لحد ماينتهي يمكن اكون مييييييييييته ومحد درا عني
 
جسدبلاروح قال:
يارب يارب ياسامع النجوى يامن هو اقرب من حبل الوريد اليك نشكوضعفنا وقلة حيلنا انت القادر على كل شئ ان اردت شيئا قلت له كن فيكون اسالك ياارحم الراحمين ان تفرج همي وهم اخواتي وتربط على قلوبهن وان ترد لنا ازواجنا ياجواد ياكريم
اللهم اجعلنا اجمل النساء في عينهم يارب واجعلنا قرة اعينهم انت القادر ولا غيرك يقدر
اللهم يامالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شئ قدير لا تحرمنا الاجابه انزل لنا الفرج والسكينه يارب من لدنك يا ارحم الراحمين
اللهم امين آآمين
ارجو التامين لمن تقرا الدعاء من بعدي يارب لا تحرمنا يارب لا تحرمنا
أنقر للتوسيع...


امييييييييييييييييييييييييييييييييييييييييييييييييييييييييييييييييين ياااااااااااااااااااااااااااااااااارب
 
الامل المستحيل قال:
غلا ناصر : وحشتيني ياقلبي وتسلمي يالغلا
أنقر للتوسيع...

والله إنتي اللي وحشتيني يالغاليه وإشتقت لك وماأملك غير إني أدعي لك عند كل صلاه من كل قلبي
يارب ياكريم ياسميع الدعااااااااااء يصبرك ويهون عليك جميع المصائب اللهم آميييييييييين​
 
الله يربط على قلبك مثل ماربط على قلب ام دحومي ...ويرزقك بالذريه الصالحه........:sadwalk:حسيت بالذنب .......(زوجه ثانيه)
 
أم حميدة قال:
أنا مع الذين قالوا ، روحي وسوي عمرة وفكري فقط في هذه العبادة واكثري من الدعاء هناك وأسأليه أن يرزقك ذرية صالحة واٍسأليه أن يربط على قلبك وأن يبدل حزنك سرورا وفرحا وخليك فيها ثلاثة أيام مثل ما قالوا الأخوات

وأنت صابرةو لقضاء الله وقدره لأنه أمر مكتوب وهذا هو المطلوب ومدام أنك صابرة لا تقولي الصبر لها حدود ثم تنفجرين ،، لا يا عزيزتي ،امسكي على قلبك مستعينة بالله في كل حين،،،، يعني حبس النفس عن الضجر ومعاه الرضا

و لتعلمي أن انتظار الفرج نفسه هو عبادة

( واعبد ربك حتى يأتيك اليقين ) ( وما يلقاها إلا الذين صبروا وما يلقاها إلا ذو حظ عظيم )
واشغلي وقتك أوقات فراغك بقراءة القرآن وتعلم تفسيره واقرئي أيضا الأحاديث وابحثي عن شرحه ،،
وستشعرين بلذة وراحة في نفسك ،، أما الدنيا كلها ملعونة ملعون مافيها إلا ذكر الله وما والاه أو عالما أو متعلما كماجاء ذلك في الحديث
فلا شيء في الدنيا يستحق أن يجعل همه بها إلا ذكر الله وكيف يتوصل الشخص إلى رضا الله وفعل مايرضيه أو طلب العلم النافع الذي يقربك إلى الله
وحتى زوجك عامليه أنه جسرك للوصول إلى الجنة وهو اختبار لك ،، أتريدين النجاح أم الخسارة في الاختبار ؟؟؟
( وجعلنا بعضكم لبعض فتنة أتصبرون ) فتنة : أي اختبار

تيقني بالله وثقي بالله أنه سيرعاك ولن يضيعك ( إن الله مع الصابرين )

فالتعلق بالله راحة والتعلق بغيره عذاب
أنقر للتوسيع...


والله اني اتمنى ان اذهب للعمرة لكن ما اعتقد بيكون احد فاضي لي خاصة وان كل الاقارب حاضرين
قسما بالله محد مطالع بوجهي لكن مالي غير الحي القيوم خالق الاكوان كلها .
وانا واثقة اتم الثقة ان زوجي راح يندم على زواجه ويرجع لي لكن انا همي تعدي ليلة زواج حبيبي (كان حبيبي )
 
ربي يفرج همك ويصبرك يارب
الجئ لربك (ان الله مع الصابرين)
الله ينزل عليك السكينة والرضا والسلوان ويعوضك خير
ويفرح قلبك باللي يطيب خاطرك حبيبتي
 
شماليه متطرفه قال:
انا البارح كتبت رد بس مو عاجبني ولا احس انه وصل صوتي لاني كنت اتابع المباراه
فحبيت ادخل وارد عليك
=========
ارجوكم لاتزايدون عالحرمه وتقولون لها
احضري الزواج
لان نحن معشر النساء نفهم بعض يعني مستحييييل الوحده تحضر زواج زوجها وهي كاشخه ومسويه تسريحه
ومستانسه وكانها تقووول للناس انا موزعلانه عليه الا كلنا ندري ان اللي تحضر زواج زوجها ان قلبها زي النار والمشكله تكااابر
والحريم يعرفون اللي يزعلهم ويضايقهم
وللي تقول احضري علشااان لفت الانتباه
احب اقولك فعلا الناس مستحيييل انكم بتلفتين انتباهم بشكلك او طلتك
لاوالله بيحاااولون يدورون الحزن والانكسااار فعينك
ويتشمتووون هذا غير النغز وقط الحكي وانتي ماااره بين الطاولات
والله اللي تحضر زواج زوجها هاذي وحده مع احترامي الشدييد جدا لها ولكن رائيي ولازم اقوله
انها وحده مو معطيه نفسها قيمه ابدا وتكاااابر والحريم عاارفين ان قلبها زي النار
=========
لاتحضرين
لاتزايدين على نفسك بالتملق والمثاليه الزايده الباليه
لاتتنازلين عن حقوقك ابدا
طالبي بالعدل
====
الله يفرحك قلبك بالضنى
أنقر للتوسيع...

كأنك جالسة تقري افكاري وقلتي كل الي انا حاسة فيه ومابزود على كلامك شي
وبالنسبة للمباراة خيرها بغيرها : مدري بس حاسة انه هلالية .
 
مشكورة اختي دلة قهوة – أبية – الحياتي حلوة – koko - القطار السريع سمورة 22- فلونا – ورد الجوري – أوراق ملونة – ورده بلا شوك – دمعة بريئة – نجدية – سمسم – هبوب الجنة – عطر الكلمات – الدرة المصونة – ام حميدة .
ورد الفل : تسلمي يالغالية وزوجي فعلا يحبني لكن اهله اجبروه على الزواج لكن عمر السعادة ماتكمل ( الحمد لله على كل حال )
 
يمكن خيره لك زواجه يمكن تحملين باذن الله كثير اسمع حريم حملوا بعد زواج زوجهم
 
الله يثبتك ويجبر قلبك والله حاسه فيك لاني مجربه بس انا مادريت الا بعد زواجه بس بغيت اموت والحين الحمدالله زوجي تحسن معي كثير ماقول الا الله يجبر قلوبنا ويعوضنا خير لان حرتها وحده كل الايام
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل