قصتي المؤلمة وحلبة المصاااارعة بيني وبين زوجي حبيبي ( ساعدوني اريد حلا)

[دموووع أنثى]

السلام عليكم ورحمة الله

اخواتي الغاليات

تزوجنا انا وزوجي قبل سنة ونص وحبينا بعض كثير,, عمري20 وعمر زوجي 24 سنة,, في ايام الخطوبة كنا ما نستغنى عن بعض ابدا عشقته بجنون وامتلكنا وبعدها تزوجنا,, المشكلة انو بعد الزواج اكتشفنا على الرغم من تقارب أعمارنا الا ان افكارنا ما تتوافق ابدا زوجي طبعه غيوور ما يبيني البس على كيفي ولا اتعدل ولا ادرس ولا اكون ناجحة في شغلي ودائما ان طريت اي حاجة او اي سالفة يفهمني غلط وتصير بينا سوء تفاهم لين ما صار مرة مشكلة سب ابويا والله حسيت انو كرامتي تحت وتضايقت منه وصفعته وانا ابكي وهو تم يصفعني ويضربني

المهم انه من هذاك اليوم كل ما يصير مشكلة لازو يكون في ضرب من الطرفين مع ذلك احس اني احبه كثير واحس بحبه لكن الاحترام معدووومة بينا زوجي ما يحترمني ابدا ولا انا ما احترمه
لكن لما يغيب عني او اغيب عنه يتعب كثير ويحاتي علي

اذكر مرة صار سؤ فهم اعتدى علي بالضرب لين ما اغمى علي ولقيت حالي في المستشفى وطلبت الطلاق وتم يعتذر مني ويبوس راسي وانا كنت مصممة على الطلاق ما رضى يطلقني

صارت علاقتنا كئيبة اخاف اكلمه في اي موضوع وما يعجبه ويعصب علي ما ادري شنوه سبب عصبيته وغيرته علي
وكل ما تصير مشكلة انا اطلب الانفصال وفي داخلي قلبي ينبض بالحب له بس وش فايدة الحياة الزوجية بدون احترام وتفاهم !!!

ماادري شنو اسوي
ابي علاقتنا ترجع نفس اول ونكون متفاهمين


انا طبعي
هادية بس لما اعصب اعصب بشرارة
طيبة
حنونة
حساسة وما اتحمل الكلام الجارح
ضغطي كثير يرتفع وقت الغضب لدرجة اني ما اقدر اتحكم في جسمي !!
طموحة
ومرحة
اغار بحدود


زوجي
خلوق
هادئ
وكمان لما يعصب يعصب كثير
اخلاقه رفيعة
غيووور كثير
ما يمسك لسانه ابدا ويجرحني كثير بالكلام







اخواتي شلون اقدر ارجع علاقتنا وهل لأننا تزوجنا صغار صار فينا كذا!!

يقولون العين حق وانا فيني احساس انو في عين صابتنا
وخاصة قبل ما نعلن زواجنا كنا احلى اثنين

!!!!


شلون اقدر اتعامل مع زوجي؟​

 

[أم بشورة]

بداية الغلط ( الصفعة )كانت منك

ماعالجتوا الموضوع واتفااااااقم الوضع.

الحل تجلسوا جلسة مصارحة وأول شي تتواعدوا وعد قاطع و تتفقوا

على عدم الضرب ومد اليد من الطرفين مهما كان ومهما صار ومهما كبر

حجم المشكلة لا لا لا للضرب

والباقي إن شاء الله بينحل.​

 

[معتزه بنفسي]

اختي انا كنت مثلك اعصب على زوجي بس انا اختلف عنك باني اجرحه بالكلام وماوصلت الضرب مثلكم والعياذ بالله
انتي اخطيتي بضربه لانه تجرء عليك وضربك والحين يده تاخذ على الضرب ولازم تاخذين موقف من الضرب
ثانيا انا قبل ولادتي كنا انا وزوجي 3 ايام راضين عن بعض و10 متخاصمن ولانتكلم مع بعض ولا نجلس كمان
بعد ولادتي حسيت وقت النفاس بعيد عني ولازارني الا مره بحكم اني بمدينه اخرى والسبب كله نتزاعل
فاتخذت قرار اني ماعصب عليه ابدا حتى لو غلط علي لاني اكتشفت ان التعصيب عدو الحب
والحمدلله لي الان 4 شهور بعد ولاتي ماقد عصبت عليه او رفعت صوتي
اول مارجعت له كان هو متعود على رفعة الصوت والتعصب وانا اخذتها ببرود استغرب ردة فعلي صار يتفنن بالحركات يبيني اعصب وانا مرررره مروقه مع انه اول مايطلع من البيت اجلس ابكي من كلمه جرحني فيها او حركه بس ماتكلم لاني ابي اكسبه لصفي
تغيرت معاملته لي صار يحترمني
اذا بغيت حاجه يحاول انه يجبها لي مع انه مشغول
وقبل كان يعاند عشان يسويها لي


الخلاصه انتي بيدك تخلي حياتك جنه او جحيم وربي يوفقك وترى يبي لك صبر على بال مايتغير لاتحسبينها بيوم ولليله
وادعي ربك ان يجعل بينكم الموده والالفه

 

[the tigress]

انتو محتاجين نضج

يعني ضرب من الطرفين ؟ قوية

بس خسارة الحب الكبير اللي بينكم ينسحق تحت وطأة العصبية وعدم الاحترام

الآن الحل بايدك انتي

ولا تنسين انك انتي اللي بديتي مسلسل الضرب ( شكل اخوانك مدرسينك )

انتي ابدي احترميه

ابدي سيطري على غضبك -انتي مو طفلة

والزواج ما راح يصمد اذا استمر كذا

واذا صار عندكم اولاد اي قدوة بتكونون لهم

اذا عصب او عصبتي اتركي الغرفة وروحي اغسلي وجهك وسبحي واستغفري

تعلمي تمسكين لسانك وما تغلطين لان الي يدق الباب يسمع الجواب

ناقشي الامور اللي تبين تتكلمين فيها بدوء وبدون انفعال وعطيه فرصة يعبر عن وجهة نظره بدون ما تقاطعينه

اما من ناحية الغيرة فهي من شيم الرحال يعني المفروض ان الزوج يغار​

 

[عزيزه بحجابي]

السلام عليكم

انصحك حبيبتي انك اذا عصبتي على زوجك قومي مباشره اتوضي لأن هذا من الشيطان وهو مخلوق من نار والماء يطفي النار

وكذلك زوجك

وحاولي بعد تتحكمي في اعصابك

حتى لا تخسري زوجك وفهميه بروقان باللي يضايقك من تصرفاته

والله يصلح احوالكم واحوال جميع المتزوجين​

 

[دموووع أنثى]

الله يخليكم لا تتوقفوا عن ردودكم الله يفرج همومكم مثل ما فرجتوا همي وريحتو بالي والدين النصيحة ولو ما كنت ابي الحل والله ما كتبت

 

[مزوح وتروح]

إذا وصلت للضرب والسب والتطاول على الاهل فقدتوا الإحترام اللي المفروض يكون متبادل بينكم !! وتجاوزتوا الخطوط الحمراء >>ماكان المفروض توصل للضرب ابدا
والحب اللي تحسينه ماراح يدوم في ظل تصرفاتكم وكل اللي بتحسيه الآن هي رواسب الحب القديم اللي كان بينكم !
نصيحه تداركي الأمر واتفقوا على ان اللي يزعل يحاول يبعد عن الثاني لحد مايهدأ واتفقوا كمان على إن مسألة الضرب مرفوضة جملة وتفصيلا !
بس على فكره :
انا أشوف إنها صعبه مررررررررررررره الحرمه تضرب الرجال وانتي تقولي حنونه وحساسه >> تناقض صعب فهمه
دمتم للخير ودام لكم الخير

 

[عطرالكلمات]

الله يعينكم على بعض

 

[رونق الشوق]

ربي يوفقك

 

[املي بالله 11]

اقراي على نفسك وزوجك وجيبوا شيخ ثقه يقرا عليكم
وداومي على الاذكار وسورة البقره والله يعافيكم

 

[مييم]

انا من رأيي تبتعدو عن بعض فتره وكل واحد يجلس مع نفسه ويعيد حساباته بروحه وبعدها ترجعون لبعض

بحال ثاني يعني تحاولين تتغيرين من نفسك واذا عصب او غلط عليك حاولي تكتمين بنفسك وماتردين عليه لين

يهدا وبعدها روحي كلميه بهداوه ان اللي سواه جرح مشاعرك وانك تحبينه وتحترمينه وهذا مايعطيه الحق انه يغلط

او يمد يده عليك لانه بكذا يقلل من حبك له واحترامك له وقولي له مو حلوه نستمر على كذا وبكره لاجانا عيال

تصير صورتنا مهزوزه في نظرهم

حاولو تحضرون دورات للتنميه البشريه ودورات حل المشاكل بين الزوجين والله يخلي النت مليئ بهذا النوع من الدورات التطويريه


وبالتوفيق ان شالله

 

[دموووع أنثى]

إذا وصلت للضرب والسب والتطاول على الاهل فقدتوا الإحترام اللي المفروض يكون متبادل بينكم !! وتجاوزتوا الخطوط الحمراء >>ماكان المفروض توصل للضرب ابدا
والحب اللي تحسينه ماراح يدوم في ظل تصرفاتكم وكل اللي بتحسيه الآن هي رواسب الحب القديم اللي كان بينكم !
نصيحه تداركي الأمر واتفقوا على ان اللي يزعل يحاول يبعد عن الثاني لحد مايهدأ واتفقوا كمان على إن مسألة الضرب مرفوضة جملة وتفصيلا !
بس على فكره :
انا أشوف إنها صعبه مررررررررررررره الحرمه تضرب الرجال وانتي تقولي حنونه وحساسه >> تناقض صعب فهمه
دمتم للخير ودام لكم الخير

شكرا على درك الطيب اختي

بالنسبة للتناقض من حقك تقولي كذا لأنني ما شرحت كل شي صار بيننا انا في بادئ الامر كنت استحمل واسكت وامسك نفسي وبعدها صار يستغل سكوتي ويمحوا شخصيتي ويتدخل في كل كبيرة وصغيرة
الى ان جاء اليوم اللي ما قدرت فيها اتحمل خلاص وصار اللي صار يا اختي بس انا مب من اول مرة اسويها وما كان قصدي بس والله فجاعة الكلمة اللي قالها عني انج بنت حرام وانتي وانتي والسبب تافه انو انا كنت ابي اشتري سيارة وهو رافض وتطوالنا باكلام

 

[حبيبت رشيد1]

الله يسخره لك ويحنن قلبه عليك

 

[عسل حضرمي]

ان شاء الله ترجعون من الاول واحسن
اهم شي عدم التعصيب وخليك بارده

 

[الجده الصغيره]

ضرب مره وحده !!!!!!!!!!!!

قويه بصراحه...حتى لو كانت منه البدايه لازم فيه احترام وتقدير بينكم.........ابدي بنفسك سيطري على اعصابك واقري كثير عن فن التعامل...وان شاء الله يتعدل الوضع.........

 

[كرز توت]

اختي انا كنت مثلك اعصب على زوجي بس انا اختلف عنك باني اجرحه بالكلام وماوصلت الضرب مثلكم والعياذ بالله
انتي اخطيتي بضربه لانه تجرء عليك وضربك والحين يده تاخذ على الضرب ولازم تاخذين موقف من الضرب
ثانيا انا قبل ولادتي كنا انا وزوجي 3 ايام راضين عن بعض و10 متخاصمن ولانتكلم مع بعض ولا نجلس كمان
بعد ولادتي حسيت وقت النفاس بعيد عني ولازارني الا مره بحكم اني بمدينه اخرى والسبب كله نتزاعل
فاتخذت قرار اني ماعصب عليه ابدا حتى لو غلط علي لاني اكتشفت ان التعصيب عدو الحب
والحمدلله لي الان 4 شهور بعد ولاتي ماقد عصبت عليه او رفعت صوتي
اول مارجعت له كان هو متعود على رفعة الصوت والتعصب وانا اخذتها ببرود استغرب ردة فعلي صار يتفنن بالحركات يبيني اعصب وانا مرررره مروقه مع انه اول مايطلع من البيت اجلس ابكي من كلمه جرحني فيها او حركه بس ماتكلم لاني ابي اكسبه لصفي
تغيرت معاملته لي صار يحترمني
اذا بغيت حاجه يحاول انه يجبها لي مع انه مشغول
وقبل كان يعاند عشان يسويها لي


الخلاصه انتي بيدك تخلي حياتك جنه او جحيم وربي يوفقك وترى يبي لك صبر على بال مايتغير لاتحسبينها بيوم ولليله
وادعي ربك ان يجعل بينكم الموده والالفه

ماشاء الله تبارك الله


الله يخليك له ويجعلك قرة عين له

اعجبتني حكمتك ربي يسعد قلبك

 

[انا اعترض]

ذكرتيني بوحده كتبت قصتها ونفس السالفه تضربه ويضربها .
اعتقد انج لازم تقعدين معاه جلسة مصارحه وتصارحينه واذا ما قدرتي اكتبي له رساله وراعي الاسلوب .. واكتبي كل شي اي شي يزعلج منه واي شي يعجبج فيه واتفقي وياه انج ما تمدين ايدج ولا يمد ايده ودايما لما يعصب اسكتي ولاتزودينه ووخري عنه .. ولما يهدأ حاولي تفهمينه او بالمسجات .

الله يهديكم ويعينكم

 

[أم البيان]

لازم تتعودي انك تتمالك نفسك عندالغضب
بعدين هذا زوجك واجب عليك احترامه واذا هو اتمادى انت اسكتي واخرجي من المكان اللي هو فيه
ولاشوفتي رايق اتكلمي معه واتفاهموا
ترى الاحترام في الحياة الزوجيه اهم من الحب الله يوفق بينكم ويسخركم لبعض

 

[دموووع أنثى]

فعلا هذا زوجي واجب علي احترامه
بس اذا كان الرسول صلى الله عليه وسلم وصى بالنساء خيرا

ليش الرجال كذا يعاملون

الازواج اللي لازم نراعيهم راح زمانهم اختي
هم ابائنا واجدادنا بس ازواج اليوم كله هدفهم المشاكل

انا استحملت كثير بس يجيني واحد ويقول لي روح عند ابوكي ومارسي ...... والسبب اني واجد احب ابوي

 

[الزوجه الاولى]

بداية الغلط ( الصفعة )كانت منك​

ماعالجتوا الموضوع واتفااااااقم الوضع.​

الحل تجلسوا جلسة مصارحة وأول شي تتواعدوا وعد قاطع و تتفقوا ​

على عدم الضرب ومد اليد من الطرفين مهما كان ومهما صار ومهما كبر ​

حجم المشكلة لا لا لا للضرب​

والباقي إن شاء الله بينحل.​

انا مع الاخت في كلامها