فكاهيات 4 ..... ( يوميات رضيع )

احصائياتى
الردود
23
المشاهدات
4K

arwy

متميزة بمنتدى القصة القصيرة
معلومات arwy
إنضم
16 فبراير 2009
المشاركات
778
مستوى التفاعل
2
النقاط
0
الإقامة
مصر
فكاهيات 4 ..... ( يوميات رضيع )
وددت أن أختم معكن سلسلة فكاهيات بنص كتبته منذ فترة طويلة وهو باللهجة المصرية يغوص بنا فى عالم نقى وبرىء تماما فتعالوا معى نرى الحياة فى عيون رضيع لا يعى عن همومنا شىء
أرجو أن تنال إعجابكن إن شاء الله وترسم بسمة صغيرة على وجوهكن


********************

أنا اسمى توتو .. توتو هو اسم الدلع بتاعى .. ماما سمتنى كده عشان مش بتحب اسم توفيق .. بابا سمانى على اسم جدو وماما بتقول ان الاسم كبير عليا وانا صغير .. انا مش بحب توفيق ولا بحب توتو انا عايز اسمى يبقى (جيرى) زى الفار اللى بييجى فى الصندوق الصغير وبيضرب القطة الكبيرة .. عايزين تعرفوا عمرى قد ايه .. بس انا مش باعرف اعد لسه..


بابا وماما بيحبونى خالص ويقعدوا يلعبوا معايا بس ما بيتكلموش معايا زى الكبار .. صحيح انا مش باعرف اتكلم كويس لسه بس أنا بافهم هما بيقولوا ايه وباتغاظ منهم لما يلاعبونى باللعب الصغيرة .. ليه ما يتكلموش معايا.. بابا على طول بيتفرج على الحاجات اللى بتييجى فى الصندوق الصغير العجيب ده فيه كل حاجة بس ليه مش عارف بابا حابسهم فى الصندوق .. كمان ماما على طول ماسكة حاجة كده ليها ديل طويل وتقعد تكلم نفسها .. حتى القطة الكبيرة بتاعتنا على طول نايمة كل ما اجى العب معاها واشد ديلها تفتح عنيها شوية وترجع تنام تانى .. محدش بيتكلم معايا مفيش غير انى اعيط واصرخ عشان يعرفوا انى موجود..



وكمان لما باخرج معاهم بيحطونى فى العربية الصغيرة ويمشوا يتكلموا مع بعض ولا يسألوا فيا .. بس انا باتفرج ع الناس الكتير وكمان باشوف أطفال صغيرين زيى اللى راكب عربية واللى حاطينه فى شنطة .. تصوروا حاطين النونو فى شنطة .. ايوة هو نونو عشان لسه صغير وانا اكبر منه ومحدش بيقولى يا نونو ده مرة كنت فى الجنينة وكان فيه ناس جنبنا معاهم شنطة .. قصدى نونو وبعدين وهما ماشيين نسيوا الشنطة قصدى نسيوا النونو .. ما هما لو كانوا شيلينه معاهم ماكنوش نسيوه لوحده .. كويس انى باركب عربيه احسن ما كانوا يحطونى فى شنطة زى الخضار اللى بتشتريه ماما..



انا بحب نينة اوى كل ما تيجى تجبلى شيكولاته وحاجات حلوة كتير .. صحيح هى بتاكلها من ورا ماما .. هى تقولها انا جايبة الحاجات دى لتوتو .. وتوتو بعد كده يمص صوابعه .. يلا بالهنا يا نينة كفاية اللعب الحلوة اللى بتجيبهالى .. هى برضه بتقعد تلعب بيها .. اظاهر ان نينة ماعاشتش طفولتها .. هى بس ناقص تلبس البامبرز بتاعى بس ما يتهيأليش ييجى مقاسها..



كمان انا بحب جدو اوى .. جدو بيعاملنى على انى كبير .. بيشتريلى كتب ملونة ومجلات حلوة .. ويقعد معايا صحيح هو يقعد يضحك من غير ما يقولى على حاجة اظاهر كمان جدو ما كنش عايش طفولته ده انا حتى مرة شوفته بياكل من الريرى بتاعى .. بس يلا مش مهم انا بحب جدو..



كمان بحب خالتو شوشو أوى هى اسمها شكرية هى برضه مش بتحب اسم شكرية وبيدلعوها يقولولها شوشو .. آهو كويس عشان ما بقاش لوحدى اللى اسمى توتو .. شوشو بتحب تلعب معايا وكل ما تشوفنى تهرينى بوس .. بابقى شبه الأراجوز من الألوان الحمرا اللى بتحطها فى بقها .. وبعدين تقعد تتكلم مع ماما .. حتى انتى يا شوشو ما بتتكلميش معايا ..



اللى بحبه كتير هو عمو مصطفى هو مرة جابلى عربية صغيرة كنت فرحان قوى وبركبها وهى بتمشى لوحدها صحيح من ساعة ما جبهالى مبقاش فيه ولا فازة فى البيت وماما كانت زعلانة أوى وساعات بتخبى العربية منى .. المهم عمو مصطفى بييجى ومعاه بنته كاريمان هى أصغر منى شوية وملهاش اسم دلع .. عمو مصطفى بينادلها باسمها كله مع انه كبير عليها .. بس انا سمتها كوكو ..انا بحب العب مع كوكو بس هى على طول بتعيط لما العب معاها .. آخر مرة عمو مصطفى زعل أوى وحلف انه ميجبش كوكو عندنا تانى .. فيها ايه يعنى لما آكلتها أكل بوسى .. بوسى دى تبقى قطتى . أنا باشوف ماما لما يجيلها ضيوف بتقدملهم أكل .. يعنى الحق عليا انى باعمل مع كوكو واجب..



احكيلكوا على بابا شوية .. أنا باشوفه مرتين فى اليوم مرة لما بيرجع من الشغل ييجى يبوسنى ويقولى ازيك يا توفيق هو مش بيقولى توتو .. ومرة بالليل بس اكتر الوقت باكون نايم . بس مرة كان بابا جه بالليل وهو بيبوسنى صحيت من النوم .. كنت مبسوط انى شفته وعملتله هيصة كبيرة .. وطبعا ماما صحيت من النوم وزعقت مع بابا عشان كان جاى متأخر ... والله ما كنش قصدى .. بس بابا مش زعلان منى ..


أنا نفسى أكبر بسرعة .. واتكلم مع ماما وبابا وجدو ونينة وخالتو شوشو وعمو مصطفى .. انا بحب عيلتى كلها وهم كمان بيحبونى خالص ..


آه انا تعبت اوى ولازم انام دلوقت .....مع السلامة ..
 
اسم الموضوع : فكاهيات 4 ..... ( يوميات رضيع ) | المصدر : الروايات

هدوء أميرة

New member
معلومات هدوء أميرة
إنضم
15 أكتوبر 2009
المشاركات
16,306
مستوى التفاعل
1
النقاط
0
الإقامة
الرياض
الموقع الالكتروني
www.m44k.com
ياحبيبي ياتوتو مسكين واللشوكلاتة
الله يرحمها خخخ قصة رائعه
يااحلى قاصة ضحكت شوية
من جد رائعه
بس ياتوتو ماتعملش
هيصة مرة تانية
 

last Dream

New member
معلومات last Dream
إنضم
29 يناير 2009
المشاركات
2,326
مستوى التفاعل
0
النقاط
0
الإقامة
A السعوديه A
فديت قلبك ياأحلى توتو
شكله كلبوس وطعم و يأخذ العقل
روووووووووعه القصه خليتينا ندخل جو مع هذا الطفل الرائع
بس وش أقول عن هذا الأبداع المتدفق منك يارائعه
غيرالله يعطيك الف عافيه على الطرح الممتع
ونحن في إنتظار المزيد منك ياقمر
وهاي أحلى بوسه لأروع و أجمل كاتبه :3:
لك مني أطيب تحيه
 

arwy

متميزة بمنتدى القصة القصيرة
معلومات arwy
إنضم
16 فبراير 2009
المشاركات
778
مستوى التفاعل
2
النقاط
0
الإقامة
مصر
ياحبيبي ياتوتو مسكين واللشوكلاتة

الله يرحمها خخخ قصة رائعه
يااحلى قاصة ضحكت شوية
من جد رائعه
بس ياتوتو ماتعملش

هيصة مرة تانية

شكرا لكِ غاليتى أم همس

بارك الله فيكِ

تحيتى
 

arwy

متميزة بمنتدى القصة القصيرة
معلومات arwy
إنضم
16 فبراير 2009
المشاركات
778
مستوى التفاعل
2
النقاط
0
الإقامة
مصر
فديت قلبك ياأحلى توتو

شكله كلبوس وطعم و يأخذ العقل
روووووووووعه القصه خليتينا ندخل جو مع هذا الطفل الرائع
بس وش أقول عن هذا الأبداع المتدفق منك يارائعه
غيرالله يعطيك الف عافيه على الطرح الممتع
ونحن في إنتظار المزيد منك ياقمر
وهاي أحلى بوسه لأروع و أجمل كاتبه :3:

لك مني أطيب تحيه

شكرا يا أحلى وأرق دريم

تسعدنى طلتكِ دوما

دمتِ بخير غاليتى

تحيتى
 

arwy

متميزة بمنتدى القصة القصيرة
معلومات arwy
إنضم
16 فبراير 2009
المشاركات
778
مستوى التفاعل
2
النقاط
0
الإقامة
مصر
وااااااو روعه عيشتيني جو مع توتو
اسلوبك جميل جدا"
شكرا لكِ غاليتى

تسعدنى متابعتكِ جدا

تحيتى
 
معلومات ظبية الإسلام
إنضم
1 أغسطس 2008
المشاركات
611
مستوى التفاعل
0
النقاط
0
العمر
35
الإقامة
بين عينيك الآن
إبداع متدفق كما ذكرت دريم ..
لله درّك من مبدعة ..:32:
بوركتي وبورك منك الحرف والسطر
أتوق دوماً لمتابعة نصوصك الطيفيّة المنوعة ..

احترامي
 

arwy

متميزة بمنتدى القصة القصيرة
معلومات arwy
إنضم
16 فبراير 2009
المشاركات
778
مستوى التفاعل
2
النقاط
0
الإقامة
مصر
إبداع متدفق كما ذكرت دريم ..

لله درّك من مبدعة ..:32:
بوركتي وبورك منك الحرف والسطر
أتوق دوماً لمتابعة نصوصك الطيفيّة المنوعة ..

احترامي

شكرا لكِ ظبيتنا الجميلة

يسعدنى مروركِ دوما

دمتِ لى

تحيتى
 

"ام سلومي"

New member
معلومات "ام سلومي"
إنضم
13 مارس 2010
المشاركات
1,616
مستوى التفاعل
0
النقاط
0
ياحبيبي ياتوتو
كل ده شيله في خاطرك
خخخخخخ ماشا الله عليك خشيت جو مع توتو:24:
مبدعه
 

arwy

متميزة بمنتدى القصة القصيرة
معلومات arwy
إنضم
16 فبراير 2009
المشاركات
778
مستوى التفاعل
2
النقاط
0
الإقامة
مصر
ياحبيبي ياتوتو
كل ده شيله في خاطرك
خخخخخخ ماشا الله عليك خشيت جو مع توتو:24:
مبدعه

شكرا لمروركِ غاليتى

أسعدنى جدا

تحيتى
 

arwy

متميزة بمنتدى القصة القصيرة
معلومات arwy
إنضم
16 فبراير 2009
المشاركات
778
مستوى التفاعل
2
النقاط
0
الإقامة
مصر
ههههههههههههههههههههههههههههههه مرة تضحك الله يرجج مشكورة الله يخليك لنا

شكرا لكِ غاليتى

أسعدنى مروركِ

تحيتى
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه