ســـــــــوالـــــــــــف♥ زوجــــات الجنوبــــي ♥

الحالة
مغلق و غير مفتوح للمزيد من الردود.
سبق و قلت انه زوجي جنوبي غربي ..

حيآآتي حلوه معآآه .. بس مملله و روتيين ابد مآ يتغير ..

مرآت احس اني مليت من شخصيته بسبب المشآكل اللي تتكرر بينآآ ..

و بسبب غضبه المتوآصل و اتهااآمه لي و صرآآخه

و هذااآ كله بسبب اهله .. الله يبعدهم عنآآ ..

مشكلته كل شي يصير بينآآ يسير يقوله حق امه و خواآآته

ابسط المشآآكل .. يقول لهم ولا ايي يصاآرحني ..

لدرجه انه في مره سااآر وصى اخته تيي تنصحني .. و حلفت لي انه بروحهآآ لاحظت فيني اشياءات و يات تنصحني

و اكتشفت عقب انه هو اللي مطرشنهآ لي ...

كرهت اهله والله ..

ولا احب اقعد عندهم ولا انسجم معآهم ولا سواالف معاهم ولا شي .. وكل هذا بسببه

دايما مشاكلنآ سببها اني ما اقعد عند اهله .. ولا اسولف معااهم ابد

والله غصبن عني .. من اللي شفته منه

ابداا ما يراعي اني حاامل و فشهوري الاخيره و نفسيتي ابدا ما تستحمل الصرااخ على نفس الموضوع كل يوم

انا تعبت معاااه .. لدرجه اني ما اعلق على اللي يقوله ليي ابداا ..

حتى مرآت يهيني .. و يقول لي كلااآآم قوي و يضاايج .. لكن ما ارد علييه لاني مليييييييت

ادخل الحمام و اصيييح و عقب اطلع و ارقد بروحي ..

يفضل اهله عليي .. و كثر عن مره قاالهاآ حقي " اللي ما يحب اهليي انا ما ابيه " و " سيري بيت اهلج "

و " انتي اصلا ما تستحين على ويهج ما تقعدين فالحجره بس " و انتي و انتي .... الخ

والله كل ما اشوف ويهه اتذكر كلااامه .. و ما اتقبله ابد .. حتى فالمعااشره .. اطالع ويهه يوم يتودد ليي و يقول لي كلام حب

لكن فخااطري اقول هذا كله كذب بكذب .. كلااامه عقب هاللحظه بيتغير .. عقب ما يشبع غريزته و شهوته ..

ملليييت منه والله ملييت .. ابد مب فاهمني .. ولا فاهم انه بأسلوبه هذآ بيبعدني عن اهله ..

صاآحني وهو معصب .. انه يزور اهلي مب عشان يحبهم .. بس عشان اناآآ اتأقلم مع اهله ..

اول كنت احب اهله و اقدرهم .. لكن بعد اللي صااآر ما اتقبل اقعد معاهم ابد ..

حتى الاكل عفته والله .. نفسيتي تنسد لماآ اقعد بيت زوجي ..

لا عشى ولا غدى ولا ريوق .. وكل ما اكل احس اني برجع .. لماآ ايي بيت اهلي تنفتح نفسيتي و اكل كل اللي اشتهيه ..

و المشكله انه زوجي .. عقب ما يعصب ويقول لي كلاام جااآرح .. بالباجر ايي وكأنه ما حصل شي ..

يكلامني عاادي و يدلعني و يقول لي كلام حب و يبوسني و يسوي لي حركآآت .. و انآ فدآخلي قهر و ضيييج ..

ليش يطنش سالفه امس ..!!!!!

ما اعرف كيف اكبر بعينه .. بس من نااحيه اهله ما اعتقد بهالسهوله اتأقلم معااهم و اسولف عاادي ..

احس امه ابدا ما اتحبني ..تكرهني

و السبب مجتمعهم ... اهم نااس بدوو .. و انا من عايله متحضره .. اي شي اسويه جدامهم عيب و حرام

اناآ احب زوجي .. بس ما احب تصرفآته ابدا .. و اسلوبه معاايه لماآ يعصب

يكرهني فييه و يخليني ما اطيق اطالعه ..

شو اسوي معااه ..؟؟ بعدني ما كملت سنه معااه .. متزوجه من 8 شهور ..

ودايما يوم يعصب يحسسني انه ما يبيني و انه ليش متزوجني .. لكن عقب ما يرضى يحسسني العكس

تعبت من هالحيااه ..و خااصه نفسيتي تعبت ... و انآ حاامل و ضااغط عليه وااآيد .. فوق التعب اللي اتعبه اتعب زيااده بسبته ..
 
كيفكـــــــــم ياحلوات يامجاهدااااااات هههههههههههه

وحشتوني مررررررررررررره

ان شان الله تكونو بصحه وسعاده
 
مساء الخيرات يااحلى لمه انا قريت كثير عن الجنوبي واعرف الكثير وماخفي اعظم احسه كأنه لغز

حبيباتي ابيكم تساعدوني كيف اتعامل معاه وهو متزوج علي جديد يعني نفسي مسدوده منه

من خبرتكم


والتجارب الي زوجها جنوبي وتزوج عليها كيف حياتها معاه


الاخ يحاول اوقات يدور رضاي وكنه ندمان ويقول غلطة عمره بس الامر صار صار


المشكله في التعايش معاه وانا ماع
دت اشوف له شي غير عيوبه بحياتي والي ترلكمت على كثير ويعميني كذابه والي كثر كثر مره بقوه


ادعولي بحلول مناسبه

وساعدوني​
 
حرم سوافي يالغلا
كيف تصدقين كلام زوجك وهو زعلان وما تصدقينه وهو راضي ؟ حبيبتي اي انسان وهو معصب وزعلان يقول وقت الزعل جارح الجنوبي لايعتذر
ولا يعترف بغلطه

الجنوبي اهم شيء اهله عنده اذا بتكسبين حبه حبي اهله حتى لو مجامله
احبي اهله احبي الناس كلها (عاملي الله ) في الاخير اكيد انتي الرابحه
حب زوجك واهله والاهم الاجر من الله على التحمل والصبر ودفع السيئه بالحسنه

ايضا الرجل يعتذر لزوجته بالجنس لابد ان تقبلي طريقة اعتذاره فهو يعتذر كهذا

بالتوفيق حبيبتي
 
احساس الزهور قال:
حرم سوافي يالغلا
كيف تصدقين كلام زوجك وهو زعلان وما تصدقينه وهو راضي ؟ حبيبتي اي انسان وهو معصب وزعلان يقول وقت الزعل جارح الجنوبي لايعتذر
ولا يعترف بغلطه

الجنوبي اهم شيء اهله عنده اذا بتكسبين حبه حبي اهله حتى لو مجامله
احبي اهله احبي الناس كلها (عاملي الله ) في الاخير اكيد انتي الرابحه
حب زوجك واهله والاهم الاجر من الله على التحمل والصبر ودفع السيئه بالحسنه

ايضا الرجل يعتذر لزوجته بالجنس لابد ان تقبلي طريقة اعتذاره فهو يعتذر كهذا

بالتوفيق حبيبتي
أنقر للتوسيع...


شكرآ على ردج و اهتمامج اختي و يزاج الله خير ..

بس صدقيني حاآآولت وآيد اتقرب من اهله .. بشتى الطرق .. لكن هو ما يقدر هالشي

ودايماآ يدقق بأبسط الامور ..لدرجه انه يسألني كم ساعه قعدتي تكلمي امي ؟!

والله انه ضاغط عليه واايد .. ما يعرف انه الشخص يتأفلم بالتدريج .. مب مره وحده

و خااصه انه شروطهم تعجيزيه .. و تدخلهم واايد يزعجني ..

تخيلي انه امه اكثر عن مره .. حرجتني وقالت لي سيري بدلي ثيآبج .. و كندورتج اشويه ضيجه تبين بطنج ..

ولبسي كم طويل ..

معني البس شمد سااتر يغطي ايدي و يغطيني لين بطني ..

تدخلات مالها نهايه .. و اللي يقهر انه زوجي واقف بصف امه ..

ما اقدر اخذ راحتي فبيتهم ابداآ .. لا فاللبس ولا فشي ..

يباني اقعد عند امه 24 ساعه ..’ ويباني ادخل المطبخ اسوي اكل .. مب عشااان ادلعه

عشاان امه تستاانس وبس ..

كله عشان اهله و امه .. انا بعد انسانه و ليي احسااااس

والله العاالم اني ولاا فعمري تكلمت وبينت له انه هالشي ما عاجبني ولاآآ حتى زعلت و تغيرت معاملتي لامه ..

بس المشكله نفسيتي ما عادت تتقبل اهله .. ,,



..,,,


صح كلامج انه الشخص ما يتحااسب لماآ يكون زعلاان و معصب ..

لكن غصبن عليه يا اختيه .. لماآ تحبين شخص واايد و تشوفينه كل دنيااآج وعقب تنصدمين من كلاامه

قلبج يعورج و صعب تنسيين اللي سمعتيه .. خاااصه لو عااد هالكلام اكثر عن مره .. الله يعلم اني صااابره عليه واايد و متحمله ..

وهو داايماا يشوف انه هو اللي صاابر و مستحملني ..دايما هو الصح و انا الغلط اللي ماآ افهم ..


مع العلم انه حالياا مسافر تايلند سيااحه مع اصدقائه .. يتصل لي كل يوم تقريبا 4 او 5 مراات يطمن عليه و يسولف

لكن ما احس انـه مشتاآآق ولآشي ..


مآ ادري بصرآحه شو اللي فدااآخله .. وما ادري ليش مب راضي يفهمني ..!!
 
الله يريح قلبك حرم سوافي00000حبيبتي انتي أذا كسبتي زوجك وأتقربتي منه فصديقيني هو راح يميل ليكي ويوقف في صفك000قد ماتقدري عيشي حياتك وشيليهم من بالك عشان تقدري تعامليه بحب ومن قلب000هذا هو الجنوبي 000بس انتي بشطارتك وتطبيقك للدروس رح يتغير في معاملته لك0000ودايم خليكي هائه قدامه وناعمه000لا يستفزوكي 000ربي يوفقك
 
سؤالي لزمان الوصل..
انا زوجي جنوبي واتوقع انه جنوبي شرقي
المهم انا فهمت انه مايحب التصريح بالجنس يعني بالملابس..
طيب والكلام ؟؟
لو اتكلم معه كلام جنسي
موشرط بالتفصيل او تكون الكلمه واضحه يعني تلميح..
هل يعجبه كذا او يشوف انها حركه جريئه؟؟وهذ الشي طبعا مايحبه
انا صديقتي تقول مستحيل ان فيه رجال ما يعجبه الكلام الجنسي؟؟والنكت الجريئه؟؟
ايش رايك في الموضوع؟؟
 
ام نووور قال:
بنات والله اني مقهورة كل ماتحسن الحال رجعنا لورا وربي احيآ نكون مفرفشين ولا شي ومجرد كلمه
مقصد بيها شي تصير سالفه كبيرة يعني الزوجه مو من حقها تاخذ راحتها بالكلام وينقلب الموضوع على
راسها ياربي ضاق صدري
طبعآ اليوم حالنا اوكي زوجي عنده مبارة دوري تبع العمل وجاي مفرفش وباركنا له وكنا مبسوطين
وقاعدين نضحك ونسولف دقت الوالدة قالت ليه عزومه من وحدة جارتنا وقفلت قلت لازوجي قال اوكي
فين الفرح قلت مدري اكيد هذاك القصر الى جنبنا قال احسن قصر قلت صراحه انا مايعجبني احسه قديم
(بجد هو قديم تخيلو من انا صغيرة وهو موجود له اكثر من 35سنه ولا تغير فيه ديكورات ولا شي زي ماهو )
قال ليش يعجب الناس وانتى لا انتى احسن من غيرك قلت لا بس هذا رائي الشخصي قال معني كذا انك ندمانه
انك تزوجتيني؟؟؟ قلت ايش دخل زواجي فيك بالقصر!!! قال مو هو القصر الى تزوجنا فيه قالت ايه بس زوجنا بالقصر
الى ماحبه ماله دخل بعيشتي معاك لو ندمانه ماكان استمريت معاك والحمد لله زوجي الكل يشهد فيه قال لا انتى
هذا قصدك قلت انت غلطان وانا واثقه بنفسي واثقه انا ايش اقصد قال خلص اسكتي لا عاد تجيبي سيرت
الموضوع بهواش الموضوع انتهي انا تركته وقمت رحت عند عيالي قام كلم صاحبه الى عارف اني ماحبه يروح
عندة لانه بطال وحق حريم وقاله بجي عندك وراح حتى ماعطني فرصه اسكر الباب مع انه شايف اني وراه قفل
الباب بقوة وراح قهر
أنقر للتوسيع...
لا تقفي عند أي حديث يقوله لك الجنوبي
ولا تسيري خلف كلامه وتشعباته
بالذات في موقف كموقفك هذا..
أنت بنفسك مدركة بأن لاعلاقة بين زواجك به ورأيك بالقصر
فأنت لا تحتاجين لأن تبرري"
فالأفضل في هكذا مواقف غير منطقية أن تتعاملي معه وكأنك تعاملين طفلاً
وكان بإمكانك قطع الحوار بأي طريقة مرحة كأن تقولي " أصبح القصر قديما بعد زواجنا... "
بدل أن تستميتي في توضيح رأيك ولا يكون منه إلا الإصرار على رأيه
فقط حتى لايبدو منهزماً
أما ذهابه لصديقة لا يحتاج منه البحث عن عذر
لكنه يغفل مراعاة مشاعرك فيجاهر بذلك

بسمة أمـل قال:
ااااااه من الجنوبي كل ما حسيت اني فهمته اكتشف اني اكذب على نفسي
كل مواضيع الجنوبي قريتها
والحمد للهاكتشفت اشياء كثيره كنت اجهلها
وصرت اطبقها
كان صوتي عالي اذا تكلمت >>>>والحين صرت مثل النسمه <<<حتى زوجي يقولي ارفعي صوتك علشان اسمعك
كنت عصبيه مررره>>>وصرت اتحكم في اعصابي شويتن
كنت زعوله واقلبها نكد لحد ما ارضى >>>والحين اتغاضى عن اشياء التافه وتخلصت من التنكيد
كنت ما امدح لاني استحي >>>الحين امدح فيه
كنت اذا جاب شي اسكت ما اشكره >>الحين حتى لو جاب خبز اشكره وانه مو مقصر معاي
كان اذا طلبني للفراش ارفض (الالم الجماع)لاني متزوجه من 5 شهور>> الحين اتدلع شوي ببتسامه يعني موافقه
وللحين احاول اغير من تصرفاتي علشانه

بس هو من شهر تغير
صار مضغوط في الشغل
وصارت حياته روتين
يصحى الصباح يروح الدوام يرجع 12 الظهر ينام يصحى 3 يروح الدوام يرجع 9 واحيانا 12
اذا رجع 9 يتعشى ويطلع يسهر ويرجع 12 او 1 وعلى طول يحط راسه وينام ويصحى ونفس الي صار امس يصير اليوم
واذا جلس معاي يجلس نص ساعه بالكثير ويكون نعسان وماله خلق يتكلم
انا مو مقصره معاه بشي يرجع يلاقي البيت نظيف
والغرفه نظيفه وريحت البخور او المعطرات على طول في البيت كله
وانا اكون متكشخه على طول مو علشانه بس انا احب اتكشخ بشي هادي يعني مو شي اوفر
واستقبله ببتسامه حتى لو كنت شايله على خاطري من تصرفاته وتطنيشه اقول حرام هو مضغوط الشهر هذا واتناسى الزعل واستقبله با احلى ابتسامه علشان ما ابي اضايقه كفايه انه متضايق من شغله
وافرح بالخميس والجمعه
يطلع مشاوير الدنيا على راسه
يصحى العصر ياخذ شاور ويروح عند ابوه لان ما عنده وقت غير الخميس والجمعه يشوفه ويتعشى عندهم ويرجع
ولما يرجع يجلس يلف ويدور ما بتروحي عند اهلك واقوله انت اهلي( يعني ماكو فكه ماصدق بيوم نجلس فيه معا بعض)>>في نفسي طبعا
بقول والله فلان اتصل علي ومن زمان ماشفته وعزمني فشله لازم اروح اقول اوكي كان نفسي اجلس معاك يقولي المره الجايه ياخذني عند اهلي
يرجع يمر علي يحط راسه ينام وانا >>>صفر على الشمال

وغير كذا
الجنس صار شي نادر
وياخذ على اساس انه بينام وهذا الشي يساعد على النوم المريح
وما يكون فيه اي متعه
**انا قريت كثير عن الجنوبي والجنس
وانه ما يحب الي تبادر ومايحب الملابس الجريئه
وانا ماعنده وقت معين للعلاقه
_ وانا متبعه الكلام
قبل ما انام اخذ دش والبس بجامه ناعم واو قميص هادي والوانه هاديه واحط لوشن بروائح بالفواكه او روائح هاديه وعطر هادي
وهذ عاده يوميآ اسويها حتى لما تكون عندي الدوره
وبعدها يا ادخل انام او اجلس معاه اوعلى النت
كان في الشهور الاربع الاولى
كل يوم واحيانا في اليوم اكثر من مره ماشاء الله
وحتى وقت الدوره يطلبني واعطيه بطرق ثانيه وكل شي يسئل متى تنتهي الدوره
والحين مايسئل ابد
ويحط راسه وينام واذا قرب ما احس بااااي متعه لان اصلا المداعبه صارت شبه محذوفه
كان اذا قرب مني يجلس يمهد للموضوع وانا ادلع >>مسويه عروس وتتدلع
لحد ما اقول اوكي
والحين ما يعطيني فرصه اني تدلع فيها
_________________________________

انا مستغربه في التغير المفاجا الي صار له ..؟
وحتى اذا لمحت له من كلامي انه تغير وما صار يجلس معاي يطنش او يتعذر بشغل
بس اصحابه مو مقصر معهم حتى معا ضغط الشغل ..
هل هذي فترة تمر فيها كل زوجة جنوبي ..؟
وكيف ارجعه مثل قبل ..؟

_____________________________
انا فكرت اني اسوي ليله رومنسيه ..,
لان بعد اسبوع ذكرى الملكه (مرور سنه )
قلت اغير جو
ونطلع من الي احنا فيه
لانها بتكون الاجازه وراح يقل دوامه
يعني الفتره الصباحيه مافي
يروح الدوام 3 لحد 9
________________
فكرت اني البس لبس الملكه
عباره عن فستان هادي >>لان مره سئلته يقول نسيت وش كنتي لابسه حتى لما سئلته وش لونه ما عرف
وراح احط مكياج هادي على لون البس وردي
وشعري بسويه بنفسي فير مكسر بحاول اسويه مثل تسريحة الملكه لانه عاجبته

وفكرت اجيب له هديه عطر
وبعد دبله>>لان دبلته ضاعت
وبكتب فيها تاريخ الملكه
وش رايكم ..,؟
أنقر للتوسيع...
أنت قمتي بكل شيء بناءاً على فهمك الجيد للجنوبي
لكن ماذا عنك؟...!
مهما كان الجنوبي مشغول ومضغوط....
تحملي نعم... لكن لا يكون كل شيء على حسابك
من المهم أن تعبري له عن مشاعرك وتطلبي حاجاتك منه بدون جرحه
لا تفترضي بانه سيفهم من نفسه او(يحس على دمه)
كل ماتريدينه أظهريه كإحتياج ورغبات وتمني
لا تتهميه..
(أفهم بأنك مشغول ومضغوط ولا أريد إزعاجك
لكن أنا بشر
وزوجتك... أعاني إحتياج عاطفي
وأنت زوجي سخرك الله لي
لكن أشعربالضيق و الوحدة
أشتاق إليك وأنت بجانبي
أتمنى أن تعطيني شيئاً من وقتك
أتمنى أن تخرجني وتمشيني
علاقتنا الخاصة.. لا أريدها هكذا
أحقق لك رغبتك... وأريدك أن تحقق رغبيتي)
كلام مثل هذا تحدثتي فيه عن نفسك ولم تهاجميه
تجعله يفكر فيه ثم يبدأ بتنفيذه لك
أما مهاجمته وإتهامه تجعله يبحث عن حلول أخرى
كأن يقول إذهبي لأهلك..
أنت بدورك لا تجعليه محور إهتمامك... إذهبي لأهلك وكوني صداقات
إستفيدي من وجود النت عندك لتعلم بعض المهارات...
...
علاقتكما الخاصة...
حتى وإن كانت من أجل النوم مثلما تقولين!!!
لا تجعلي الفكرة مسيطرة على عقلك
وبإمكانك أن تجعلي العملية مثيرة من تفاعلك وتميزك معه
هذا يجعله يطلبه في غير أوقات النوم
ويكون اكثر تفهما لحاجاتك الأخرى
لا تكثري من الروائح على جسدك لأنها تخفي رائحة الفرمونات
المسؤولة عن إنجذابه جنسياً إليك
إكتفي بالإستحمام ثم لوشن خفيف
ثم إبذلي مجهودا رياضياً خفيفاً لتنطلق منك الفرمونات
 
التعديل الأخير:
جوهرة الغد قال:
أختي زمان الوصل ربي يسعدك ..

أنا يا عزيزتي ما أبغى أمدح نفسي والله

لكن بصراحة كيفت نفسي على هوى زوجي ..
صحيح ما كنت أعرف الأنماط من قبل

لكن متكييييفة تماما على هواه ..

كنت أحيانا أتضايق من مزاجيته ..
لكن دايما أقول مو مشكلة
هدا زوجك تقبليه زي ماهو ..

يعني في ال 5 أشهر الأخيرة
تغيرت معاملته لي 180 درجة

سهر كل ليلة للفجر
وأحيانا للظهر
مواااقع إباحية ( حتى مشترك في قروبات أو مدري إيش إسمها يرسلوا المقاطع أول بأول )
وهو مدمن عليها من أول ماتزوجنا لكن زااااااد
شتايم على الطالع والنازل ..
وبدون سبب والله العظيم بدون سبب
صار بس يعيب في جسمي ولبسي << مع إني جميلة جدا الحمد لله وكثييير يحسدوه عليه
ولبسي على هواه ألبس .. وغالبا هو الي ينقيه وأنا أشتري

صح إني شرقية شمالية
لكني كيفت نفسي على بوصلته ..

ومع كدا صارت العشرة معاه ماتنطاق

فرحت لبيت أهلي وطلبي وااااااحد الطلاق وأخلص نفسي من حالة التعب والضيق والبكا الدايم
وقد سبق سويتها كم مرة ورجعت
بعد ما تعهد وحلف أيمان ماعاد يؤذيني

مع إنه اللآن نغرقني رسايل واعتذارات وسامحيني أنا غلطان في حقك

لكن أحس إني قفلت منه ..

هل ممكن إنو ضعفه من ناحية الإنجاب أثر عليه ؟؟؟؟؟
وخلاه يكرهني زيعاملني بالشكل هدا ؟
أنقر للتوسيع...
صحيح
الجنوبي سيحاول الإنتقاص منك... وإظهار عيوبك على الطالع والنازل
إن كان يعاني من ضعف
لكن مـــــــــــــتــــــــــــــــــى؟؟؟؟؟
إن أحس منك تكبر عليه وإنتقاص له من هذا الجانب
ووصله شعور بأنك متفضله عليه بالعيش معه بهذه الحالة...
وقبل كل ذلك ...سيضعك تحت إمتحانات
ويكون شديد الملاحظة والمراقبة لتصرفاتك
وإن لم تكوني منتبهه سيؤول بعضها بما يدعم شكوكة
فالحذر واليقظة واجبه من ناحيتك وأيضاً التعامل بصبر معه .
أكثر مايحتاجه هو التطمينات...
إظهار حبك وأنه هو مايهمك
 
ياليت تتلخص كل الملفات بذكر الشكاوي من الجنوبي والمحاسن والحلول لتلك الشكاوي

مشكورين
 
غاليتي ابي اعرف الجنوبي حين يكون في العلاقة الخاصه فقد على لسانه احبك الله يخليك لي الله لايحرمني منك
احس بحنانك وما الى ذلك ؟؟؟؟؟؟؟؟؟؟
مامعناه وهل هذا معناه انه صادق او بعيد عن الخيانات
صمته وكذبه الذي اصبح كل من حوله مذنب عداه وانه لايفعل هذه الامور ولا يعرف لها كما يقول فهو متزوج مرتاح لاينقصه في حياته شي حتى يفعل ذلك بل يشعر بالتقصير وانه يدعوا دائما بان الله يقدره ان يسعدها
مامعنى هذا ؟؟؟؟؟؟؟؟؟
طبعا دائما هو المحب ولو علمت تلك الزوجه بما في قلبه من حب لكانت تحتار كيف (تشيله من الارض) كيف تريحه وترضيه وانها ما بتلاقي احد يحبها كثره ؟؟؟؟؟؟؟
اما التصرفات تتناقض

اتمنى افهم
 
السلام عليكم ورحمة الله وبركاتة اناججججججدااااااا سعيدة بأنظمامي لكن يالغاليات وبإذن الله اعرف أحدد طينة زوجي بمساعدتكم اللهم ارزق كل محروم بالذرية الصالحة يااااارب آآمين
النت عندي سيء بعض الشيء ولكن لي عودة بإذن الله
 
إرزقني يارب قال:
هل سهل الجنوبي يشك بزوجته ؟؟ولو شك وش مممكن تكون ردة فعله ؟؟
ممكن تقولون لي وش مدى الابتعاااد عن الجنوبي ومدى الالتصاااق ؟؟كم يوم اقدر اطلع وكم ممكن اغيب عته؟؟
خاصة للي يطلع بشكل يومي <<<<سؤال محيرني كثييير
اخاف ابعد يقول هاملتني او يدور ع شيء ثاني ..واخاف الصق فيه يمل مني ويهج ...؟\
سؤالي الثالث ..
لواهديت الجنوبي وش الطريقة اللي تناسبه في تقديم الهدية ؟
لو اهداني وش ردة فعلي المناسبة ؟؟..وكيف اعبر عن فرحي ؟
أنقر للتوسيع...
في الغالب ...لا تكون شكوكاً بمعنى الشكوك
فقط غيييييييييييره
لا يعرف إظهارها بالشكل الصحيح لأنه يخجل من ذلك
ويظهرها كأنه شاك فيك... وأنت تفهمينه على هذا الأساس من تصرفاته
بالرغم من أنه لم يصرح بشكل صريــــــــح بشكه
ويظل يتعامل معك بهذا الشكل الملتوي...المؤلم نفسياً لك
والذي يكون صعباً عليك مواجهته أو حتى الدفاع عن نفسك لأنه لم يصرح كما قلت سابقا
وحتى تفرقي بين الشك الصحيح والغيييرة
انه لو شك بك فعلياً لما تردد لحظة ما في وضع حد للموقف
بينما الغيرة التي لايجيد التعبير عنها إلا على شكل شكوك
فلا شيء يستند عليه إلا مواقف لك يركبها في خياله الخصب... لكن لايستطيع المواجهه بها
ويكثر من قول (أنت تعلمين ماذا فعلتي.... بدون توضيح لما في نفسه) ومن ثم زعله وإنسحابه...
-------------------
الإبتعاد والإلتصاق
إبتعدي عن الجنوبي.... لكن لاتهمليه وتطنشيه
ولا تسعي للإبتعاد الدائم والطويل عنه
كتكرارك الذهاب لأهلك بشكل دائم
في البيت قومي بأموره وتفقديه بين فترات... وأجلسي معه فترات
إن أقبل عليك وجالسك فجالسيه ...ولا تنشغلي عنه
الإلتصاق المذموم... هو الملاحقة وفرض نفسك عليه والتعلق به..
-----------
أهديه بعفوية وإمدحي هديتك وبأنها مميزة وتليق به
وإفرحي وإمدحيه لهديته لك وإمدحي الهدية أيضاً
​
احساس الزهور قال:
هل ممكن الجنوبي يوافق يتركك لو عرف انه سبب وجعك وألمك وهو حزين من نفسه انه مقصر معاكِ بس لان عنده ظروف؟؟

ظروف الله اعلم متى تنتهي
أنقر للتوسيع...
فقط إن أحسستيه دائما وذكرتيه بأنه سبب لما أنت فيه
فسيرضخ لهذا الضغط الذي مارستيه
ليرتاح ويريحك
فقد دفعتيه لهذا الحل الوحيد
حزنه... هي مرحلة الإشفاق على الذات(انا المسكين ...الجميع ضدي)
 
بليييييييييييييز يالحبايب انا 10 ايام تعبانة جسدي ونفسي بعد سنوات من الزواج ابو طبيع مايجوز من طبعة... فلان طيب

حنووووووووووون على بناته وانا مايظهره لي الا بالشحذه ...وعيييييييييييييبه وخطاه اللي يعيد ويزيد فيه ان عينة تطير في

السوق او التجمعات للحريم المتبرجات ...اعني اللي ماتتغطى خالص واللي تزين عيونها وتلبس بررررقع ......مع اني مااقصر

على نفسي معه بشي وبرى الحمد لله ماأقدر اتبرج ابد...ارررررررررررجوكم ساعدوني وش طينته اخاف يجيني اكتئاب

،واذاناقشته يكون اسد علي واحياناا يرد بضعافة ويطلعني انا الغلطانة واني اتهمته !!!!!!!!!!عاد من قريب ماااااااعاد فكرت

اناقشة ابدا وش الحل معه ..يارب ترزقني بأخوات عاقلات يردني للصواب .
 
حبيبتي زمان الوصل ساعدني ارجوكي واللي عندها نصيحة مفيدة لا تبخل علينا

انا خايفة ينخرب بيتي و يضيع مستقبلي من تصرفات زوجي و مش عارفة كيف انصرف
شغل زوجي يبيلو جهد بدني كبير و دوام طويل و كمان الراتب مش و لابد
فاول ما يبدا يشتغل و يتعب يتعذر باي مشكلة مع المدير و يستقيل
ثم نقعد ايد من ورا و يد من قدام شهور حتى يلقى شغل ثاني بنفس المواصفات
و يعيد نفس السناريو و هو دالحين يريد يرجع يسوي نفس الشي
و ان خايف تطول هالمرة و نظل على طول هيك
وين المستقبل يا ناس
انا اشوف هادا عم مسؤولية و تفكير مرة طفولي و دلال و انانية
ايش ممكن اسوي عشان يبطل طيران و يثبت عوظيفة وحدة ننطلق منها

انا شمالية شرقية و م فهمتو كيف يفكر و لا كيف ممكن اتعامل معاه
 
استودعكم الله واتمنى اجد رد على اسفساري

اللهم ياحي ياقيوم لا تدع لنا ذنبا الا غفرته ولاعيبا الا سترته
 
احساس الزهور قال:
عندي سؤال أخر وقت (الزائره الشهريه) نفسيتي تتعب
وما اتقبل اي احد يزعلني واحيانا اختلق مشكله او اعمل من الحبه قبه
وهو يطالبني بالاتصال الدائم حتى لو هو قصر لازم انا اكمل
( من وجهة نظره) وهو على طول مقصر
أنقر للتوسيع...
في الغالب الرجل لا يعرف سبب تغير نفسية زوجته وتقلباتها
ولا يعرف شيئاً عن أمر الهرمونات وتأثيراتها
وأن الوضع برمته لادخل للزوجة فيه
ولايجد تفسيراً منطقياً لتصرفاتها سوى أنها زوجة نكدية تبحث عن المشاكل
أنت كوني المثقف والمعلم لزوجك...
فهميه طبيعة هذه المرحلة والمراحل الأخرى
وفهميه مالذي تريدينه بالفعل منه...وما الأشياء التي تساعد على خفض توترك
وتساهم في راحتك
وأيضاً إسبقي كل ذلك وقدمي إعتذار عن مايكون من عصبيتك معه مع التفسير
وإمدحي سعة صدره وطولة باله
وأشكريه ولو بتحامل على نفسك على وقفته معك
يعني...
خليه يقتنع بأن الهرمونات هي المسؤولة
وأرشديه لبعض الحلول التي يمكنه فعلها لك
لأنه سيسعد بأن يكون المنقذ لك..
 
نبض دافئ قال:
سؤال ....لاخت زمان الوصال
ايش الالتصاق للى يحبه الجنوبي مثل قصة الاستاذة ناعمه ان الجنوبيات دافئات ملتصقات
وللى فهمته انه ملول ولا يحب اللصقه هو يلتصق
وشكرا
أنقر للتوسيع...
إضافة لردي أعلاه
الإلتصاق نوع من أنواع التعبير عن الدعم والرعاية والإهتمام عند الجنوبيين
سواءاً للأخذ أو العطاء
يمل من الإلتصاق المبالغ فيه من الزوجة
لأن ذلك يشعره بمطالبتها له بالإهتمام (الدائم ) بها وقد يكون ذلك في أوقات غير مناسبة له
إبتعادها وإنشغالها يحسسه بأنها بخير وقادرة على إسعاد نفسها
على أن لايكون إبتعادها بتطنيش واللامبالاة به
وأفضل شيء كما أرى
دعي الإلتصاق للجنوبي...هو من يقوم به لا أنت (أي وظيفته هو... لأنه يحبه لنفسه ...ليعبر به عما يريد)
أنت فقط تجنبي الإبتعاد أو تركه لفترات طويلة
​
احساس الزهور قال:
بحكي عن الالتصاق متل مافهمت وياريت طبعا زمان الوصل تفيدنا بخبرتها

الالتصاق هو الاحتضان ( الالتصاق الجسدي ) اذا هو لصق لاتمنعيه او تهربي منه

احضنه بالليل علشان يتعود عليكِ وقت النوم

اذا رجع من العمل وايضا هو رايح العمل ( احضنيه وقبليه وابتسمي له بحب )

لكن اللي يكرهه الجنوبي هو الملاحقه يعني مو كل شويه تتصلين فيه وتقولين انتا فين

او تاخرت ويلا تعال وتربطينه جنبك وتلاحقينه بالاسئله

ولما يحب يكون وحده مثلا تضايقينه

وتفرضين نفسك عليه وبدك تعرفين ليه وحده وبكده يهرب

اذا حسيتي انه مهموم وحاب يضل وحده خليه في كهفه الا ان يخرج من نفسه ممكن تقولين مالك حبيبي ؟

مره وحده اذا جاوب كان بها اذا حب يضل وحده خلاص اتركيه وبعد يومين متلا حاولي تجذبيه بطريقه ما
أنقر للتوسيع...
صحيح ما كتبتي
الإلتصاق له أشكال عديده
وكما ذكرت دعي الجنوبي من يقوم به
وتجاوبي معه
لأن بإلتصاقه يعبر عما يريد في نفسه... إهتمام رعاية...إظهار عدم تقصير من ناحيته
مثال على ذلك
لاحظيه مع أمه وأخواته ومحارمة...يلجأ للإقتراب منهن أحياناً
فقد ليشعرهن بإهتمامه بهن وليطمئنن ويرتاحون له ويفضفضن عما فيهن​

حيره وخوف قال:
زمان الوصل
سجلت بالمنتدى عشانك
خطيبي انسان طيب ويجامل ويعامل الانسان زي مايعامله يعني لمايكون يحكي مع انسان متدين يصير متدين واذا عادي يصير عادي بس يخاااف ربه مره ولايهتم بالمظاهر
واذا سالته عن شي يجيب الاجابه بالتفصيل يعني مثلا احد يساله بالمسنجر انت من وين يقول الرس ويوريه خريطه للرس يعني يعطيييييييك الاجابه بالتفصيل وخجوووول جدا ويراعي العادات والتقاليد اكتشفت ان عنده بنات بس قريت المحادثات كانت كلها استفسارات عن الدراسه(لانه حاط ايميله في موقع) وكلامه جدا محترم معاهم وقايل لها انه خاطب ومتعلق في خطيبتي
ودمه خفيف مررررررررررررره - ويحب الاستهبال يعني تلقينه يقولي شي وانا اصدقه واخرشي يطلع يستهبل
واذا كنا نتنقاش في موضووع واقوله رايي(ورايي يكون غلط)يجلس يقولي ليه قلتي كذا وايش المنطق وايش المبررات ويجلس يقنعني برايه(ويكون رايه صح بس انا ابي اشوف تفكيره)
ومايبدا ويبادر ويتكلم في موضوع الا لما انا اخليه يتجراء ويفتحه بعدين يتكلم
هل زوجي جنوبي واذا جنوبي شرقي ام غربي؟
وشااكره لك مقدما
أنقر للتوسيع...
جنوبي شرقي​
 
التعديل الأخير:
الحالة
مغلق و غير مفتوح للمزيد من الردود.
عودة
أعلى أسفل