******اسمهان وعبدالرحمن********من جديد

[أميرة حبييبها]

بصراحة مادري شنو اقول عنج
انا مو من النوع الي تحب تقرا قصص ولا اذا كلش بقرا لازم على دفعه وحده مو اقعد ادووور
بس انتي غيييييييييير
جننتينا ومخليتنا كل يووووووم ندخل ونترياج
الله يعطيج العافيه ويخليج يارب
ويرسم الابتسامة على ويهج مثل ماونستينا

 

[دمعة بلا دمعة]

الله يعطيك الصحة والعافية
لا تبطين علينا ربي يخليك ويشفيك

 

[هند بنت عتبة]

هلا هلا بجيونة تصدقين صارلي يومين ما ادخل لانه النت مقطووع بس حسيييت بغصه

هههههههههههه اتخيل المواقف الي صارت وربي بغيت انجن ودي اشوف الاجزاء الي نزلت

بس صراحة بيضتيها ربي بيض ويهج بالدنيا والاخرة

كيفت عالاخر ههههههههههههه الاجزاء روووووووووووووووعة

 

[المتميزة دايما"]

:19::19:السلام عليكم يا بلقيسيات جمعا
قبل الانتقال من الجزء هذا عندي نصيحة لاخواتي البلقيسيات اود انبة جميع البنات العرايس ان لا يدخلوا اي كان غرفة النوم وان كنت واثقة بهم العين حق وهذه الغرفة فقط للزوج والزجة فقط لالالالالا غير
اختكم المتميزة دائما
ملاحظة: اكبر منك بيوم اعرف منك بسنة.:23:

 

[نور الإسلام]

صادق يالمتميزه
مع اني من جنبها ولاجتني وحده تقول فرجيني على بيتك قمت افرجها على كل ركن بالبيت
<<<<مامني فايده قد مااخذ على راسي الا اني هبله

 

[جيانة]

نستكمل ياصبايا​

بدأت عزيمة اسمهان بحضور الضيوف أخواتها+سماح+أم زوجها+أم تركي وهند
والرجال أبوها وأخوها وأزواج أخواتها وأخوان زوجها وتركي...
وأهلها كانوا جايين ومحملين بالهدايا لبيتها...
ولما دخلوا بنات ابتسام مسكتهم اسمهان على جنب وأعطتهم كاتيا وقالت:هذول الثنتين تربطينهم جنبك ولو خربوا لي شي بالبيت انتي اللي بتتسطرين بدالهم!!!
كاتيا:ههههه..أوكيه مدام..
أما سماح جات هي وهند من غير عيالهم لأنهم خلوهم بالبيت نايمين ومعاهم الشغالة...
اسمهان:ليه ماجبتي أولادك ياسماح؟؟بنات ابتسام هنا خل يكمل الطقم مرة وحدة!!!
سماح:لاياحبيبتي!أنا أدري إن العرايس يتضايقون دايماً من الأطفال الصغار!!
وكانت الجلسة حلوة والكل يسولف وشافوا أهل اسمهان أنواع الحلى مزينة الصحون واستغربوا!!
أما أم عبدالرحمن عرفت انه شغل خادمتها سيري!!
أسماء وهي تهمس لاسمهان بوسط المجلس:بِس بِس!
اسمهان:خير؟؟
أسماء(بصوت منخفض):هالحلى شغل مين؟؟
اسمهان:شغل إيدي طبعاً!
أسماء:الله أكبر!والله لو تفحطين ماسويتي مثله!!
اسمهان:عبدالرحمن سوَّاه!!
أسماء:ياشيخة؟؟الرِجال حطيهم عند الشوي..وش فهمهم بالحلى؟
اسمهان:يختي شغالة خالتي سوت الحلى..ارتحتي؟؟
أسماء:آه يالخايبة!تعزمين خالتك أول مرة على أكل شغالتها؟؟
اسمهان:أوووف!!!
وقامت تباشر على الضيوف..
وقبل العشاء راحت تعبي صحون الفاكهة وتغرف السلطات..وتجهز السُفر..
وانحطت تباسي الكوزي الفاخرة على السفرة وهي مزينة باللحم والمكرونة والمكسرات والبيض المسلوق والخضار..بالإضافة للسمبوسة..وصحون ايدام بامية وايدام رجلة من المطعم...والسلطات والفاكهة وقوارير موية الصحة والمشروبات الغازية...
أم تركي:الله يعطيك العافية يابنتي..ماشاء الله بنات هالزمن مرتاحين بعزايمهم..مو مثلنا قبل كان أبوتركي يذبح الذبيحة في البيت ويصلخها ويعطيني اياها أطبخها!!
أم عبدالرحمن:لاالحمدلله ماقد طبخت ذبايح بس أبوعبدالرحمن الله يرحمه زمان كان يطبخها بنفسه ومع الوقت صرنا مانجيبها إلا من برة..بيني وبينكم ألذ وأريح..الواحد وده يقابل ضيوفه لازاروه..مو يقضي ليله بالمطبخ!
أم تركي:صدقتي ياوخيتي..أصلاً الناس اختلفوا وظروف الحياة ماهي بمثل أول..الناس تدور على الشي السريع والراحة..أنا لو يصير ببيتي عزيمة هالحين ماعرفت أتصرف من دون بناتي!ولاكأني ذيك اللي كنت أحط وأشيل من قبل!!
أم اسمهان:ومين سمعك!بعد كل زواج أو ملكة لأحد من عيالي رجولي تظل تآلمني أسبوع..الصحة صايرة يارب لك الحمد..يالله حسن الختام بس!
أم عبدالرحمن:صراحة مافي أزين من القعدة بشمس الصباح وشمس العصر...تنعش القلب وتشد العظم..والهوا الرباني أحسن من هواء المكيفات اللي يدخِل علينا غبار..
أم اسمهان:ماشاء الله تبارك الله ياأم عبدالرحمن إنتي أحسن مني ومن أم تركي!أنا حاطة حيلي بالأكل عشان كذا منتفخة!وأم تركي حارمة نفسها لين ماصارت مثل العود!
أم تركي:أنا هذي طبيعتي أكلي قليل وجسمي ضعيف..ماتشوفين عيالي كلهم طلعوا لي..
وقاموا يتناقشون عن الأجسام والأكلات ولما انتهوا من الأكل وقاموا يرفعون السفرة جت سماح تساعد اسمهان في رفع تبسي الرز بس صاحت فيها هند:سمـــاح!لاتشيلين شي ثقيل حرام عليك!خلي الشغالات يشيلون!
سماح:يوووه نسيت!
اسمهان:خير؟اش السالفة؟
سماح:أنـــــــا...عقبال عندك حامل بشهرين..
اسمهان:مبروووك..اش سالفتك انتي وابتسام تتنافسون؟؟
سماح:لا تنافس ولاشي..السالفة جت كذا من غير تخطيط!وبيني وبين ابتسام أسابيع بس أناسابقتها..
اسمهان:يالله ان شاء الله ربي يرزقكم بنية حلوة مثلي!!
سماح:هههه لو تدرين ياسمهونة عن أخوك محمد..أول ماعرف إني حامل قال ان كانت بنت بأسميها اسمهان!وإن ولد بأسميه عبدالرحمن!!!
اسمهان:فدييييييته هالحمود كله ذوق..
ورجعت اسمهان خلت شغالة أهلها وشغالة أم عبدالرحمن يرتبون المطبخ وجلست مع ضيوفها!!
وناداها عبدالرحمن....
اسمهان:نعم؟
عبدالرحمن:وين الشاي الله يهديك؟صار لنا ربع ساعة من يوم قمنا من فوق العشا!!
اسمهان:ماسويت!!بس اش تبون؟شاي أخضر ولا أحمر؟؟
عبدالرحمن:الله يصلحك يااسمهان المفروض مويةالشاي تكون على النار من قبل العشا وعلى نار هادية ومواعين الشاي زاهبة بالصينية!!هيا بسرعة عجلي علينا!
ودخلت تسوي الشاي للرجال والحريم ونست تحط سكر!
وصب عبدالرحمن الشاي لضيوفه ويوم جاء يشرب لقي الشاي مُر!
ودق على اسمهان وطلب سكرية!
ومرت العزيمة على خير الأمهات الثلاث يسولفون سوى وهند وأسماء سوى واسمهان وسماح وابتسام سوى!!
أما في مجلس الرجال كان الحوار يدور عن أشياء مختلفة منها...
أبواسمهان:ياولدي ياتركي الشباب هالحين صاروا يتأخرون عن الزواج بسبب الظروف الاقتصادية والمعيشية الصعبة..بس انت ماشاء الله عليك مو قاصرك شي..ليش قاعد تِضيعْ الأيام؟؟خل أمك تفرح بعيالك على الأقل!!
تركي:كل مافكرت بالموضوع تراجعت عنه..ان شاء الله الأيام الجاية بتتيسر!
عبدالرحمن:مدري ليه عندي احساس إنه لاجانا بنت وكبرت بنلاقيك جاي تخطب!أخاف صدق يجي ذاك اليوم وإنت ماتزوجت!
محمد:خله يصف جنب ناصر ولد عمه!مضرب عن الزواج ويبيله ضرب على أفكاره المتشائمة عن الحياة الزوجية!!
الجميع:ههههههه
محمد:إلا صدق وش أخباره ناصر ياتركي؟؟سوى جريمته بأشكالكم ولازدنا شفناه!!
تركي:إلا جاء زواجنا بس كان متلثم!
محمد:ليييييييش؟
تركي:لأني حلقت شنبه وسكسوكته!!
الجميع:هههههههه
===========
وخرجوا كل الضيوف وهم يدعون لاسمهان وعبدالرحمن بالبركة..
اسمهان:ها اش رايك في العزيمة يادحومتي؟؟
عبدالرحمن:حلوة..بس الشاي اللي جبتيه ماعرفنا الأخضر فيهم من الأحمر!كلهم نفس اللون!!



​

 

[أثير الطائف]

مشكوووورة على هذا الجزء ياعسل وننتظر المزيد من الابداع و التألق

وأنا مع الاخت المتميزة دائما في ملاحظتها وتعليقها الجميل وبدون زعل

بارك الله فيكم ودمتم بهناء وعافية

 

[nana9379]

يسلموا

 

[جيانة]

مشكوووورة على هذا الجزء ياعسل وننتظر المزيد من الابداع و التألق

وأنا مع الاخت المتميزة دائما في ملاحظتها وتعليقها الجميل وبدون زعل

بارك الله فيكم ودمتم بهناء وعافية

صح كلامكم...أنا من الناس اللي ماأسمح لأحد يدخل غرفتي حتى لأخواتي وإن كان فيه ضرورة! بس مو عشان العين...أحس إن غرفتي عالمي الخاص وماله داعي أحد يطلع عليه..
وحتى زوجي دايماً يوصي بأني ماأسمح لأي شخص يدخل غرفة النوم...
وجزاكم الله خير...

 

[ام صوبي]

:32::32::32::32::32::32::32::32:
thanks alot

 

[تعجبني نرجسيتي]

تسلمين يااروع جيونه

والله اني اتعلم منك اشياء منها: موية الشاي تنحط من قبل العشاء
بربع ساعه ع نار هادئه... ههه ماراح انساها ودعواتي لك
بالتوفيق والسداد بكل خطاك ياااااارب...

 

[نور الإسلام]

مشكوره ياقلبي على الجزء الحلو
من جد حسيت كني معهم وهم يسولفون هههههه

 

[رهومــا]

ياقلبي حلوات الاجزاء عقبال الباقي هههه

 

[حور و عمر]

مشكوووورة على هذا الجزء ياعسل وننتظر المزيد من الابداع و التألق

وأنا مع الاخت المتميزة دائما في ملاحظتها وتعليقها الجميل وبدون زعل

بارك الله فيكم ودمتم بهناء وعافية

عين العقل حبيبتي
جزاكي الله كل خير

 

[أثير الطائف]

وإياك عزيزتي حور وعمر

وكذلك كاتبتنا العزيزة جيانة

لكما كل الحب والتقدير

 

[رغدالحربى]

ههههههه تسلم اناملك يامبدعتنا الحلوه

 

[حور و عمر]

وخرجوا كل الضيوف وهم يدعون لاسمهان وعبدالرحمن بالبركة..
اسمهان:ها اش رايك في العزيمة يادحومتي؟؟
عبدالرحمن:حلوة..بس الشاي اللي جبتيه ماعرفنا الأخضر فيهم من الأحمر!كلهم نفس اللون!!
هههههههههههه و الله حلو الجزء ده فشلته اسمهان و هي محظوظه بالشغالات و مكبره مخها
احس انه في كتير منها فيه
جزاكي الله خير جيانه

 

[حور و عمر]

و لكي المثل يا اثير الطائف
بارك الله فيك

 

[حبي هلي]

سيري:ماما أم أبدورهمان لما في إيجي ديوف أنا أسوي كله هلى..أنا يئرف سوي(تشيزكيك-هلى كيري-هلى كورن فليكس-قوالب بسكوت بالتوفي-بسبوسة-كنافة).....​

اسمحي لي اعلق على هالجزء هالمقطع يموت ضحك يضحكوني الاندنوسيات لما يتكلمون عربي ....
اعتذر لك ياجيونه على كثرت الردود .....لكن الله العالم بالهم اللي داخلي ...انا وزوجي نعاني من الظلم والاذى من بعض الناس حسبي الله عليهم .....لكن قصتك هذه خففت علي الكثير من الهم
انت كسبتي فينا اجر ...جزاك الله كل خير ودايما ندعي لك لانك ادخلتي السرور بقلوبنا ....والله كل كلمة كتبتها نابعة من صميم قلبي ....انت اللي تستاهلين التكريم والشكر ....
اشكرك يالغالية واوعدك ان هذه اخر مرة ارد او بالاصح مابرد عليك الابعد اكتمال القصة ....اعتذر لكل بنت تضايقت من ردودنا !!
اهدي احلى سلام لصديقاتي هذولي :32::32:سوري غلطت اقصد هذولي :10::25: توت كرز وحبيبي بو عيالي ...على فكرة صديقاتي عمري في العشرينات وعندي ماشاء الله طفلين الله يحفظهم لي....تصبحون على خير ....

 

[هناء 10]

ما شاء الله عليك اختي جيانة الله يحفظ لك زوجك واولادك ويديم بينكم المودة والرحمة