رشيقات المستقبل ــــــــــ > الفريق الثاني

[عيون حربية]

مساء الخير كيفكم وكيف ارشاقه معاكم ....
فطرت اليوم حليب قطعة عيش بدون جبن حبه موزه كاس بردقوش
الغدا صدر دجاج مع شوية بطاطس
بكره ان شاء الله راح ابدا المشي .......الله ييسرلنا بس
يابنات احد مثلي يعاني من كسل في الغده الدرقيه ترى هي السبب في زيادة وزني
كل واحده تقول وش السبب في الزياده ومتى زاد وزنها ؟
الله يعطيكم الصحه والعافيه

اول شي عالجي كسل الغده عشان ماتتعبي عالفاضي...
وبالنسبه لسبب زيادة وزني وهو اكييييييييييد سبب زيادةوزن الكثيييييييييير وهو حملي وولادتي ..
بنتي الآن عمرها 5 شهور وقبل حملي يعني في الشهرين الاولى من حملي كان وزني 73 ولما خلصت الاربعين صاااااااااااااار 90 وآخر مرة وزنت 86 ... وإن شاء الله أنزل أحلل شغلات كثير إشتريتها قبل حملي وما إتهنيييت فيها خاصة لأني وقتها تو منزله وزني من حملي اللي قبله بس حملت على حبوب الرضاااعة عشان كذا هذي المره قبل اخلص الاربعين استخدمت حبوب مو للرضاعه وبطلت رضاعة اساسا <<<ما صدقت قلت قصة حيااااتي خخخخخخخخخخخ​

 

[عيون حربية]

رومانسية ضايعة ..
حبيبتي ان شاء الله تواجدي بيزيد :icon26:

عيون حربية..
تسلمييين فديتج الله يسمع منج وان شاء الله كل البنات

::: بنااااااااااااااات انتباااااه :::

حشى مدرسة خخخخخخخخخخ

بنات تدرووووون لو انكم نقصتوا كيلوين فقط ؟!! كيف شكلهم !؟!!؟

جووفوا الكيلوين من الشحم وانصدموااااا

عاد تتخيل كل وحده الشحم الزايد فيها كيف بيكون شكله .. طبعا هذا موزع عالجسم كله ..
بصراااااحه يا فانيلا كرهتينا زياااااده بأجسامنا ما دام فيها هذي الشغلات وهذا دافع قوي عشاااااااان نحرقها ...
والمشكله بأنفسنا ندخل هذا الشحم لأجسامنا عشان لذه تروح بمجرد بلع الأكل ...
يارب تنحفنا من غير شررررررررر...​

 

[أميرة ريلي..]

هلا حبيباتي ..

فتون111... تسلمين عالمعلومات بارك الله فيج ..
سيكرت .. الله يعين .. و ان كنا حمل بنسوي لنا قروب مثل ما قلتي ^^

.....................

بغيت اخبركم اني 3 ايام تقريبا ما بدخل لظروف ..
و ان شاء الله بهالثلاث ايام ما اخبص.

بشتاق لكم
تحياني للكل شوق و عيون حربيه و رومانسيه و خط القلم .. و سيكرت.. و فتون .. فانيلا .. اممم ان شاء الله ما نسيت حد ..
في حفظ الرحمن حبيباتي ..

 

[صدفه جمعتنا]

بنات فيه وحده راسلتلي عالخاص تقولي غيري الصوره لاتتحملين ذنبها بنات صورتي الي في التوقيع فيها شي

 

[*The Secret*]

هلا حبيباتي ..

بغيت اخبركم اني 3 ايام تقريبا ما بدخل لظروف ..
و ان شاء الله بهالثلاث ايام ما اخبص.

بشتاق لكم
تحياني للكل شوق و عيون حربيه و رومانسيه و خط القلم .. و سيكرت.. و فتون .. فانيلا .. اممم ان شاء الله ما نسيت حد ..
في حفظ الرحمن حبيباتي ..

تروحين وترجعين بالسلامة حبيبتي..
بسس 3 ايام لا تطولين
ننتظرك ان شا الله

بنات فيه وحده راسلتلي عالخاص تقولي غيري الصوره لاتتحملين ذنبها بنات صورتي الي في التوقيع فيها شي

امممممم ما ادري..
احسها عادية..خاصة انو احنا منتدى نسائي فقط..
اجل وش بيقولون عن جينز دلوعة بكين والثونق <<<دلوعة كيف الحال؟ :harhar1:​

 

[*The Secret*]

السلام عليكم ​

ما شاء الله تبارك الله عليكم حماااااااااس :icon30:​

رومانسيه ضميني لكم ابي انقص 2 كيلو ان شاء الله :showoff:​

ادعولي بدأت الإختبارات :tears:​

مدري ليش احس اني البنت الوحيدة في التجمع :cupidarrow: أنتم كلكم حريييييييم :harhar1:؟؟​

ههههههههههههههههههههههههه..
ايه والله ..كلنا ليديز (جمع ليدي) <<<ما تبي تقول انها حرمة :blow:
اتوقع ما عدا فانيلا..شكلها بنوتة توها متخرجة..
وعاد هااااااااااااااااه :busted_red:...ترانا مو كبار بس اهالينا زوجونا بدري :shiny:
وزي ما تقول دلوعة بكين​

<<الا ليت العزووبيه تعود يوما لاخبرها بمافعل بي الغسيلوو​

وش رايك دلوعة سرتي شخص مشهور نقتبس منه :bleh:
​

 

[*The Secret*]

يومياتي..
الخميس 22/1/2010
افطرت شوية كبدة..
تغديت بيضتين مقليات من غير زيت مع نوست بر..
وبعدها رحت لصديقاتي..واكلت شوية حلى..وبعدين حطت برينقلز وبوبكورن (اموووووووووووووووت فيه) فصراحة اكلت..
بس لما حطت بيتزا عالعشاء ما اكلت الا نص وحدة بسس..

لكن اهممممممممم شي قالوا لي ما شا الله نحفتي مووووت..وسويت نفسي متفاجأة وعادي ما اهتميت..وانا من جوا شوي وارقص..الحمدالله ياربي..​

 

[صدفه جمعتنا]

امممممم ما ادري..
احسها عادية..خاصة انو احنا منتدى نسائي فقط..

اجل وش بيقولون عن جينز دلوعة بكين والثونق <<<دلوعة كيف الحال؟ :harhar1:​

مدري عنها طيب وش تنصحوني اشيلها ولا عادي
المهم يومياتي
افطرت توست وجبنه ونص كاس عصير تفاح خالي السكر
غدا توست وجبنه وكاس عصير تفاح وبعد الغدا كليت حب<< فصفص وحبتين تمر <<< تهقون تظر يعني خربتها ولا عادي
العشاء مشوي دجاج وكاس عصير تفاح والبطاطس لاتخافون ماكليته عطيته ولدي ههههه

 

[الساندريلا دانه]

السلام عليكم ورحمة الله
​

كيفكم انقطعت عنكم كثير لان النت أنقطع والحين رجعت لكم بس بعد مارجعت الاثنين كيلو اللي نقصتهم علشان ابدا من جديد(وحده مقهوره وتصلح كأنه عادي)
طبعا ماقرأت الردود لانها صفحات كثييييييييييييييييره من يوم انقطعت وعيوني تعبانه بس قرأت الصفحه الاخيره عالعموم اشتقت لكم جميعا
ندااااااااااااااااااااااااااااااااااااااااااااء ياصدفه اجمعتنا فرحت وزنك مثل وزني بس كم طولك وأيش رايك نتحدا بعض .
استناكي ردي

 

[~سحر الشرق~]

السلام عليكم يالرشيقات

يومياتي ياحلوين

قمت متاخرة الساعة 12 الظهر

فغداي هو فطور وهو سبيشل K مع حليب قليل الدسم

عشاي بيضتين مسلوقة وخبز وجبن وعصير برتقال

اليوم ماسويت رياضة بسبب الصداع وعيالي

وكثرت من شرب الماء

 

[صدفه جمعتنا]

ههههههههههههههه واخيرا لقيت وحده مثل وزني ماشاء الله كل البنات الي هنا اقل مني بس ماستحيت وقل لازم ادخل معهم بالتحدي
اوك يالله انا توني باديه رجيمي لي اسبوع والحمد لله نزلت 3 كيلو بالاسبوع واستنى الثلاثه الثانيه ان شاء الله الاسبوع الجاي
طولي ياطويله العمر ومحفوظه السلامه 159
وشوفي من بكره راح انقل لكم يومياتي بالصور من فطور وغدا وعشى ولو فيه تخبيص الله لايعقب شر بصوره بعد

 

[~سحر الشرق~]

يابنات عندي كرش الله لا يوريكم طايحة لوعت كبدي

وماعقدني شي بجسمي كثرها

تعتقدون ممكن تروح وارجع مثل اول والا مستحيل؟

 

[صدفه جمعتنا]

ههههههههههههههههه سحر الشوق شوفي الصوره الي بتوقيعي وتتشجعين
والكرش عندنا وعندك خير بس الله الله بالشاهي الاخظر والنعناع وابعد البعد الابدي من الغازات بانواعها وكل انواع الاكل الي تنفخ البطن

 

[رومانسيه^^ضايعه]

بنات
اليوم وزنت وياليتني ما وزنت < اعذروني لأني ما أقدر أروح لأهلي على نهاية الشهر
وزني ثابت مانزل ولا واحد جرام ياالقهر ورياضه ومساج وتمارين على الفاضي.......
كنت مخططه اليوم أخذ ايس كريم من باسكن روبنز بس كرهته وكرهت كل أنواع الشوكولاته حتى الجلكسي < حتى عشاي ودي أستفرغه ههههه لو تسمعني أمي تقضي علي...
عندي اللحين 3 جلكسي بس شكلي بأوزعها على الجيران < وااااااااي نفسي منسده مررره
بنت عمي حزنت علي قالت ترى الأكل يوزن كيلو وأنتي توك آكله < بس ما صدقتها
ما أدري شو أقول ؟؟؟؟؟؟؟؟؟ بس أنا خلاص مليت من كثر ما آكل < لا تصدقون
بنوتات أنصحكم لا تاكلون < الظاهر بديت أخبص بالكلام
يارب أنحف من غير شر ..................... ادعوووووووووولي
خلالالالالالاص أنا ودعت الأكل وأبي أعيد أقرأ خواطر ذهبيه مررره ثانيه إن شاء الله

له له له يا خط القلم ليش هيك الاحباط
اقولك على شي بتفطسين على نفسك من الضحك
ترى طول الاسبوع الماضي كنت مزكمه والدوره والحاله حاله ولا ذقت شي غير السلطه والمشروبات الساخنه بانواعها وتخيلي اليوم ما قدرت الا واوزن والاقي نفسي زايده كيلو خخخخخخخخخخخخخخ تدرين ليش
بعد مباحثات مع نفسي اكتشفت اني الي قلت لك عليه باتركه اللي هو الحليب طول الاسبوع الماضي كنت احط زنجبيل وقرفه وحليب وبالرغم من انه خالي من الدسم الا انه سبب لي نفخه وهالشي اللي مخليني ازيد لذلك طلقت الحليب اليوم بالثلاثه وباحاول اسبوع ما اشربه
بس هالشي ما سببلي احباط بالعكس الا زدت حماس لاني تعبت من نفخه البطن وخلاص بابطل هالحليب والله يعين
بس تعالي اذا الاحباط لهالدرجه مسبب لك كابه شوفي عندي اقتراح شو رايك نأجل الاوزان يعني 31 بيطلع يوم الاحد نأجلها لاخر الاسبوع ؟؟؟بيكون 5\2 ؟؟؟؟ احسن من اول الاسبوع شو رايك
يعني بيكون بدل 10 ايام اسبوعين ؟؟؟؟ فكري وشوفي وبنشوف شو راي البنات يعني نتحمس اكثر

 

[~سحر الشرق~]

ههههههههههههههههه سحر الشوق شوفي الصوره الي بتوقيعي وتتشجعين
والكرش عندنا وعندك خير بس الله الله بالشاهي الاخظر والنعناع وابعد البعد الابدي من الغازات بانواعها وكل انواع الاكل الي تنفخ البطن

ان شاء الله بالشاهي الاخظر والنعناع موجودين عندي بس مااشربهم خايفة من الطعم:schmoll:

 

[رومانسيه^^ضايعه]

رومانسيه ضايعه
الظاهر إنك بتطرديني حبطتكم < مع إني استحق الطرد
احذفيني من توقيعك واكتبي خط القلم للشهر القادم ستحطم المقاييس العالميه للأوزان < هههههههههه يازين الكلام سهل.
تقول الأخت سندريلا إن أفضل أنواع الكريمات واللي يظهر مفعولها بسرعه كريم نيفيا للسليوليت وكريم روك للسليوليت لأن بعض الكريمات تقول ليس لها مفعول
ألف شكر على الرساله الخاصه وإن شاء الله بأطبقها

شوووووق
ماتفقدين غالي حبوبه ألف شكر
بس من بعد ماوزنت اليوم شكلي بأجلس على الصفحه 24 ساعه
أنا حاسه إن وزني ما نزل من عيالي اللي كل ما أكلتهم أكلت الأكل عنهم بس شكلي بأجوعهم معي < قلبي ما يطاوعني

دلوعة بكين
من صدق إنت في بكين < فضول زايد


إن شاء الله أبشركم إني نزلت 10 كيلو في شهر < ههههههههه

كل البنوتات لا تسووون مثلي قال قاده حماااااس أنا يا زين الكلام عنديييييييي

يا ويلك ان عدتي هالكلمه مره ثانيه ليستوي فيكي طرد من المنتدى بكبره خخخخخخخخخخ

ودعي الاحباط خيتو وبلاش هالميزان تشوفيه ونبي الحماس اللي عودتينا عليه مش بسببك خليتينا نرجع ونتعهد ونعمل لنا تاريخ ويوميات والا نسيتي؟؟؟؟؟؟؟؟

يا الله يا قائدتنا خليكي ماشيه نحو القمه للوصول الى الهدف واحنا وراكي لكن انك تحبطينا يا ويلك نبي حماس اكثر وشجاعه اكثر والنشيط يكسب

 

[رومانسيه^^ضايعه]

وأنا مثلكم باقي حبتين من حبوب منع الحمل وبعدها بتجي الدوره..شكلي بأكمل الحبوب لبعد التحدي..
وإذا معاك الدوره ما تسوي رياضه ؟؟؟ ما ظنيت المشي مثلا يضر لأنه أفضل رياضه ..!! قوليلي بالله تضر!!!
المشكله الرياضه أنساها مع الصغار وسي السيد:santa_1: والبيت .. والمشكله ما يحلاله الأكل:essen: إلا آخر الليل.. وعاد أنا لازم أنقنق معاه<<<أنقنق === تعني آكل االقليل من الأكل معه في كل مره:bigsmile: ....​

لا لا عزيزتي لا تخربطين في الدوا وخليكي على راحتك وعجبتني جملتك انو نخلي التحدي كامتحان ننتظر نتيجته ترى صدق هزت فيني هالجمله شغلات كتيره
وصح كلامك الرياضه ننساها مع العيال والبيت والمسؤوليه لكن لمتى نهمل في نفسنا علشان بيتنا؟؟ مو لنفسنا حق؟؟؟؟ وبدننا حق؟؟ هيك تعلمنا

بس خلينا نشد حيلنا والا راح يمر فينا العمر واحنا ما انجزنا لنفسنا شي وضحينا علشان اولاد وبيت وزوج اما لنفسنا ما نسوي لها شي هذا هو العيب

 

[رومانسيه^^ضايعه]

صح ما جفت ولا مره فرنسيه دبه ..
اصلا احسهم انيقات بكل شي ..حتى كلامهم يعيبني ..ابا اسير فرنسااااااا :icon26:

المهم عن ماء الورد .. كنت اعرف وحده ما شاء الله عليها ويها حلووووو صافي المهم عرفت انعا دايما يوم اتنش من النوم تغسل ويها بماي الورد و ه1ي عاده عندهم بالبيت ..ما شاء الله ...

بس قولي لي اشكثر تشربين ماي ورد ؟؟ و كم مره باليوم ؟؟
و اي نوع من ماي الورد ؟؟ انا عن نفسي دايما اشتري اللي يبيعونه بالجمعيات ..

على طاري ماء الورد ترى جربته فتره اسبوع وعلى طول بطلت لاني قريت انه يكبر الصدر وانا مو ناقصني طبعا شربه مو وضعه على الجسم

 

[رومانسيه^^ضايعه]

اميره ريلك: لا عزيزتي ما اعرف شلون شكل الكركم الطازج لكن سمعت انو الاندونيسيات يستخدمونه للرشاقه ونصحو البنات فيه
وحلو اقتراحك على تمارين البطن عقب كل صلاه هيك اكيد ما بنتكاسل بس خلها تخلص الحلوه اللي عدمتني هالمره
وترى انا كنت استخدم جينيرا لكن طلقتها بالثلاث هي وثلاث انواع ما ناسبوني وسببولي عصبيه وماي تحت الجلد وتوتر وخمول وو وبالنسبه للياسمين ما ادري يقولون وايد يمتن لانه يلعب لعب بالهرمونات وانا مو ناقصني وعلى قولتك الطبيعي يكسب
وليكون حاااااااااااااااااامل؟؟ ترى على طول بيستوي لك طرد من قلب خخخخخخخخخخخخخخخخخخ امزح معاكي
بس تدرين دايما يستوي لي هالحاله وخصوصا وقت النهار اول ما اصحى من النوم لازم هاللوعه قبل وبعد واثناء حملي حتى ايام العزوبيه (الا ليت الشباب يرجع يوما) ما دري شو سالفه هاللوعه

انزين اسألي خدمكم و ودي وحده للعطار و خلها تقول لج الوصفه ..

و انا بمسكم وحده من الخدم و اسألها .. و الله هالاندونيسيات داهيه ..

اووووووووووويه دبه .. تبا تطردني :sad_1:حتى لو حامل بدور لي رجيم للحوامل و تمارين للحوامل ..عشان ما انتفخ ههه

انا من كم يوم بس مب دوم اتيني اللوعه , اليوم فيني لوعه بس اهون عن امس ..

.................................................................

فانيلا .. فديتج تسلمين و بطمنكم ان شاء الله ..

عاد انا ما سويت تحليل و كل يوم اقول بتيني الحلوه اليوم و كل يوم على هالحاله ..ههه عندي امل ..

الله كريم ..
...............................................................

خط القلم .. عيل احيد بأيام الدراسه ابله الرياضه اللي كانت ادرسنا وايد كانت تنصحنا انه بوقت الدوره انحرك اجسامنا عشان ما يصير لنا خمول و سمنه عقب .. يمكن تمارين معينه هيه اللي ما تناسب تكون عنيفه .. ما ادري بعد ..​

اي خدم يا حلوه لا ما عندنا خدم ولله الحمد ولا حتى بيت اهلي بس باسأل خدامه رفيجتي ان شاء الله يكون عندها الخبر اليقين

 

[رومانسيه^^ضايعه]

البقدونس

وهو من النباتات المتوافرة في السوق بأثمان زهيدة ، وفى متناول الجميع ، ومع ذلك فهو في المنزل صيدلية شبه متكاملة ، حتى سمى بحق ( ملك الخضروات )​

يحتوي البقدونس على كميات وفيرة من الكالسيوم ، بل و بنسبة أكبر من وجود الكالسيوم في اللبن .
​

العــلاج :


1. الريجيــم :


عصير البقدونس يساعد كثيرا على إنقاص الوزن ، بما له من فعالية واضحة في إذابة الدهون والشحوم المتراكمة في جسم الإنسان .
. الدورة الدموية والقلب :



يفيد البقدونس في علاج حالات فقر الدم ، وبذلك فهو علاج للأنيميا ،
كما يساعد على توسيع الأوعية الدموية ،
ويعمل على تجديد الشعيرات الدموية الدقيقة ،
وينظم الدورة الدموية في الجسم ،
إلى جانب أنه نافع للقلب .

​

​

​

​

​

​

مشكوره على المعلومات بس انا بغيت يغمى علي اول ما شربته بس شكلي بارجع عليه