قصة شعيبية

  • بادئ الموضوع بادئ الموضوع جيانة
  • تاريخ البدء تاريخ البدء
وينك يا جيانه عزيزتي ... طولتي علينا
 
السموحة يالغوالي على التأخير..الظروف الصحية أشغلتنا عنكم شوي..دعواتكم بالشفاء....
طبعاً تتذكرون سالفة المول إياها لما خرجنا منه وفاجأتنا ضي بصياحها في السيارة من الألم مما اضطر زياد يسرع بالسيارة لدرجة جنونية واستوقفونا المرور
وقال الشرطي:الرخصة والبطاقة لو سمحت!!
عطاهم زياد وقال:عجلوا علينا الله يخليكم..
الشرطي:وليش كل هالسرعة ان شاء الله؟؟بتلحق على المباراة؟؟؟؟
زياد:لا..بس عندنا ظرف طاريء ومحتاجين المستشفى فاضطريت أسرِع!
الشرطي:إيه خذني بهاالكلمتين يالحبيب كلكم تسرعون وتقولون نفس الكلام!
زياد:ترى أنا مو قاعد أنكت .. هلي معاي بالسيارة وعندنا حالة ولادة..
وفكت ضي هذيك الصيحة اللي اخترع منها الشرطي وقال:امشوا ورافقتكم السلامة!
والحمدلله تغاضى عن تسجيل المخالفة!!
ووصلنا أخيراً للمستشفى وكان مستشفى خاص واتجهنا بسيارتنا لباب الطواريء ونزل زياد وريفان وقالوا:إحنا بنشوف كيف الوضع وانتوا ابقوا بالسيارة!
لكن بعد ماراحوا ..جدتي اعترضت وزعلت وقالت:شلون تخلون البنت تنزل عند السيسترات الكافرات يفحصونها؟!!تبونها تولد على إيدينهم؟؟
أنا:وخير لاولدت على ايدينهم..وين المشكلة؟؟هذا انا وخواتي وزياد كلنا انولدنا بمستشفيات وعلى يدين ممرضات ومافينا إلا العافية!
جدتي:إلا مافيكم إلا الرفالة والطمالة من يوم ماجيتوا على ايديهم!مالت عليكم جميع!
ومر وقت وحنا ننتظر ورن جوال رند وكانت قاعدة بالمقعدة الأخيرة بالجيمس..وطلع المتصل خطيبها وصارت تحاكيه بهمس عشان لاتسمعها جدتي!!
بس جدتي اللي كانت قاعدة بأول مقعدة جنب زياد ماكانت تسمع الا تمتمتها وقالت:وتقولين مافينا إلا العافية ياست شعيبية؟!ناظري أختك من خبالها تحاكي روحها!!!!!!
وطبعاً رند مو معانا بالمرة مندمجة مع سوالف خطيبها......
وأنا وجدتي بس نتناقر ومن ضمن حديثنا..
جدتي:لاااااا هذيل مصخوها أخاف دخلوا البنت ولعبوا فيها السيسترات..شكلهم مايفهمون شي!
أنا:ياجدة كلها دقايق ويبان كل شي..يمكن السالفة شوية مغص والولادة لسه مو هالحين!
جدتي:أقول..سالفة يمكن ويمكن هذي ماتعجبني أبد بأنزل بنفسي وأشوف اش السالفة!!
أنا:انزلي لوحدك!ماني برايحة معك في أمان الله!
وماكذبت جدتي خبر ونزلت وراحت لباب الطواريء لحالها!!
وشوي انتهت رند من مكالمتها وطالعت فيني وأنا قاعدة بالمقعدة الثانية وقالت:بسم الله!وينها جدتي؟
أنا:نزلت للمستشفى!تقول السيسترات بيلعبون ببنتنا!!!!!!
رند:الله يقطع ابليسك!وانتي شلون تخلينها تنزل لحالها؟؟هالحين مابنلاقيها بسهولة يمديها بتطلع من دور لـــــ دور!!!!!
أنا:واش أدواره واللي يرحم والديك؟؟نسيتي وش سوت فينا بالمول ؟حدها تخاف من المصاعد أكيد بتمشي لها شوي بقسم الطواريء وبتتعب !رجولها يالله تشيلها!!
........وطبعاً جدتي لما دخلت من بوابة الطواريء انتبهوا لها الممرضات وكيف تمشي بإنهاك شديد بحكم إنها كبيرة في السن وظنوها مريضة وجابوا كرسي متحرك وركبوها عليه ودفوها لداخل!!
وصارت تصيح وتبربر عليهم لكن مافي أحد فاهم عليها أخذوا ضغطها وحرارتها ونادوا لها دكتور الطواريء اللي جاء يفحصها وطلب منها تطلع على السرير لكنها صاحت فيه:ماانخلق اللي يمس فيني شعرة ياقليل الحيا!!وخبطته بعصاها..
الدكتور وبلهجة مصرية:بتشتكي من إيه بالزبط ياحجة؟؟؟
جدتي:عساك بمن يقطع حقك وحظك!!
الدكتورلبيب المصري:هوانتي جاية لوحدك؟ولا حد جابك؟؟
جدتي:وانت اش عليك؟
الدكتورلبيب المصري:ماهو لازم أعرف هو انتي تعبانة من ايه لامؤاخزة!
جدتي:أنا موب تعبانة أنا أبي ضي بسرعة!
الدكتور لبيب المصري:ضي مين؟؟؟؟
جدتي:اللي نزل بها زياد!
الدكتور لبيب المصري:وزياد مين ده الآخر؟؟
جدتي:أخو ريفان!
الدكتور:ريفان مين ياست انتي؟؟
جدتي:أختهم كلهم!
الدكتور:اخوات مين؟؟؟
جدتي:اختهم كلهم يعني عيال خلف!
الدكتور:خلف مين؟؟دي ليلة سودا من أوِلها!!
جدتي:خلف بن عفيسان!
الدكتور:عفيسان؟؟؟ لااااا دا انتي حالتك صعبة خالص !!يانيرس تعالي شوفي الست دي باين انها بتخرف؟؟ولا شاربة ليها حاجة؟؟؟
جدتي:بتوصلوني محل ماأبي ولاأخلي عصاتي توطوط على ظهوركم بذا الليل؟!!
الدكتور: دا ايه الليلة اللي مش فايتة دي؟؟هو أنا ماعنديش مريض غيرك ولا ايه؟عايزة ايه ياحجة ربنا لايسيئك؟ماتئولي وتخلي كل حي يروح لحاله!
جدتي:وين خذيتوا ضي عسى الله ياخذك انت وشلة الفُنس اللي حولك هاذول؟؟؟طلعوها من باطن الأرض لأشحطكم شحطاتن تنسيكم حليب ميماتكم اللي ذقتوه!لأخليك تحوس ماتدري وين راسك من كرياسك..ولاكوعك من كرسوعك!!
الدكتور:ماتتكلمي عربي ياحجة!ايييييه هو أنا حأشتغل الليلادي في فك الرموز والطلاسم والا ايه؟؟؟؟؟؟
جدتي:وانتي تسمي هالهرج اللي تقوله ذا عربي؟
وديني لضي!
وفي نفس هاللحظات اتصل زياد برند وقال:ترى ضي فحصوها بالطواريء وقالوا لازم ندخلها لغرفة الولادة وريفان معاها..شوي وأجيكم بس طمنوا جدتي!!
رند:أي جدتك؟؟؟جدتك نزلت من أول لقسم الطواريء!
زياد:ايييييش؟؟لابارك الله فيكم!بروحها؟؟؟؟
رند:ايه..وترى مالي شغل شعيبية خلتها أنا كنت مشغولة أكلم بالجوال!
زياد:اشفيكم انتوا؟؟؟؟؟؟ناويين تجيبون لي جلطة؟ماكفتكم أحداث المول؟مشتهيين تسوون أحداث جديدة؟؟؟؟؟
رند:ياخي لاجتك جلطة..فاغتنم الفرصة !!هذا انت لسه بالمستشفى!!
قفل زياد السماعة بوجهها وراح يفتش عن جدته وبعد لفة بقسم الطواريء لقاها قاعدة على الكرسي المتحرك وتتهاوش مع الدكتورلبيب المصري!!
وجاء زياد بسرعة وحاول يقومها من الكرسي
قال الدكتور:يالهوي هو انت ابنها؟؟
زياد:لا حفيدها!
الدكتور:وسايبينها دايرة على حل شعرها ليه بقى ان شاء الله؟؟؟؟
زياد:هي اللي نزلت لحالها من السيارة!
الدكتور:دا أنا بئالي ساعة بسألها بتشتكي من ايه ياحجة؟وماعرفتش ااخود منها حء ولا باطل!!!
زياد:ماتشتكي من شي جاية تشوف حفيدتها ولدت ولابعد!!
الدكتور:روح يابني دا انتَ مش فاهم ايتها حاجة!دا أنا لو اعمل لها فحص كامل مش حألقى حاجة سليمة دي عايزلها قطع غيار!! دا المخ لوحده فيه شوية صدى على خرف على سطلة مش باين ليها أول من آخر!!
زياد:احترم نفسك وروح تسلى بأحد غيرها!هذي كبر أمك!
الدكتور:ياشيخ دي جِدتك دي تاخدها وتروح تعرضها في متحف الديناصورات المنقرزة!!!
جدتي:أنا ماحبيته هالآدمي ولاني فاهمة نص سوالفه لكني أشم ريحة نذالة وتشمت بكلامه!صح يازياد؟؟؟؟؟
زياد:ايه صح!!
جدتي:أجل خذ!!
وطقته بعصاها لين قال آمين وخرجت هي وزياد من المستشفى!!
واتصلنا بأمي وأبوي وخبرناهم بسالفة ضي وتركوا عزيمتهم بعد ماتعشوا وجوا على المستشفى أما احنا رجعنا البيت نعبي هدوم وأغراض لضي..وجهزنا عشا لجدتي..
 
سلاااااامتك الف الف سلامة ياجوجو ماتشوفي شر
وتسلمي على الاجزاء الراااائعه والله انك عسل
 
سلامات ياقمرررررررررر ,,,
ويسلمو دياتك ع البارت الجديد ...
عند اقتراح صغيرون >>> ودي تخلين خطيب رند يزورهم ودي اشوف وش تسوي فيهم الجده !!!
والله ياهي بتفشل رند تفشيل >>> ههههههههههههههههه
 
حراااااام عليك ياجيانه
تراني مووووووووت من الضحك
على الموقف حق المصعد هههههههههههههههههههه
ولا التانيه تقول الشباب يصيدون البنات بالبلوتوث
هههههههههههههههههههه
الله يسامحك سهرااانه للفجر وانا متابعه للقصه
لكي حبي واحترامي

هههههههههههههههههههههههههههههههههههههههههههه
ماني قادره من الضحك بطني توجعني
 
سلااااااااااااااااااااااااامتك ياعسل ربي يسعدك ويعطيك الصحه والعافيه
 
.....طبعاً بعد مارجعنا البيت جهزنا أغراض لضي وأغراض لريفان لأنها بترافق معاها...لأن ريفان أصرت تبات مع ضي وتخلي أمي ترجع للبيت..
وراح زياد يودي الأغراض للمستشفى وكانت الساعة تقريبا وحدة بالليل وجدتي تعشت ونامت وأنا ورند لحالنا إلا دق تلفون البيت ورحت ركض أرد..إلا هو أبوي!
أبوي:السلام عليكم ..مانمتوا بعد؟؟؟؟؟
أنا:وشلون يجينا النوم وحِنا ماتطمنا على ضي؟!!!
أبوي:هههه ..مبروك ياشعيبية صرتي خالة!
أنا:صحيح؟الحمدلله يارب..وش جابت؟؟وشلونها؟
أبوي: جابت بنية..قبل نص ساعة..وهالحين هي بغرفة الملاحظة لما تصحى بينقلونها لغرفتها الخاصة..
أنا:ومتى بترجع انت وأمي؟
أبوي:بننتظرها تصحى ونتطمن على وضعها ثم نجي يمكن عقب ساعة ساعتين..المهم انتم روحوا ناموا لاتنتظرونا...
وكملت مكالمتي لأبوي ورحت أجري على رند اللي ماسكة جوالها وتقرقر مع خطيبها طارق أفندي!!وقمت أأشر لها لين ماأنهت المكالمة وقالت:اشفيك؟الله يشفيك!
أنا:صرتي خالة يالثولة!مبروووووووك!
رند:ماشاء الله ضي ولدت خلاص؟!!
أنا:ايه..أبشرك..وتو أبوي متصل ومخبرني..إنها جابت بنية...
رند:أجل خل ندق على جوال ريفان وناخذ الأخبار!
واتصلنا على ريفان.اللي صوتها كان مجهد وقالت رند:
مبروك يارفونة صرتي الخالة الكبيرة للبنوتة!
ريفان(وبصوت كله تعب):الله يبارك فيكم..
رند:وشفيك تعبانة؟؟؟لايكون ولدوك انتي بدل ضي؟؟ترى هالمستشفيات الخاصة اللعب عندهم والأخطاء الطبية أشكال وألوان!!!!!
ريفان:تنكتين آخر الليل؟؟وش هالرواقة؟أنا رجولي متكسرة من وقفتي مع ضي وقت الولادة...ويديني مرضضة من كثر ماقرصتني ضي وعضضتني لما اشتد عليها الطلق!!!!!!
رند:هههههههههههه...ياعمري انتي..من جدك حضرتي ولادتها كاملة؟؟
ريفان:إيه من جدي! كنت داخلة على أساس أوقف معاها شوي وأطلع بس تفاجأت انه نظام المستشفى يسمح بمرافقة المريضة لين تولد...وكانت حالتها صعبة المسكينة لازوجها ولاأمي حولها..اضطريت أوقف معاها
رند:ماشاء الله يعني حضرت العرض كامل لامشفر ولاتقطيع؟؟؟
ريفان:تصوري!
رند:ياحليلك..يمديك تعقدتي من طاري الزواج والحمل والولادة....
وقتها صحت بضي وقلت:عطيني الجوال عطيني اياه بسرعة بدل سوالفك الفارغة هذي!!!
رند:لا بعدي ماانتهيت!
أنا:أقول لك عطيني اياه لا أصكك بذاك المخمس اللي ينسيك اسمك!!
وأعطتني الجوال وقلت لها:ناس ماتجي الا بالعين الحمراء!!!!!!!!
أنا:هلا ريفان شلونك؟وشلون النونو؟؟
ريفان:الحمدلله بصحة وعافية..
أنا(وبلهفة شديدة)قلت: بشري حلوة مثل خالتها شعيبية ولاشينة مثل خالتها رند؟!!!!!!!!
ريفان:وليش متصورة انها بتشابهكم؟أكيد يابتطلع لأمها يا لأبوها !
أنا:طيب تشبه مين عادل ولا ضي؟؟
ريفان:يابنت الحلال لو تشوفينها..قطعة لحم صغيرة وحمراء مو باين لها ملامح..يالله بعد شهور تبان ملامحها!!يلا عن إذنك هذي ضي باين انها صحت..
أنا:لحظة لحظة..بشرتوا عادل زوجها بولادتها؟؟؟؟
ريفان:ايه كلمه أبوي..وقال بيحجز أول طيارة يلاقيها وبيجي بكرة.....هيا شعيبية مع السلامة
أنا:مع السلامة......

 
يعطيييييييييييييييييييك العافيه ياسكره ع البارت النايس ,,,,
ننتظر اعمام ضي يوم يزورون العيله الكريمه بمناسبة ولادة ضي ,,,
ونشوف شغل الحموات ... ههههههههههههههههه
 
هههههههههههههههههههههههههههههههههههههههههههه
قصة ولا في الخيال متت عليكم من الضحك
ههههههههههههههههههههههههههههههههههههههههههههههه
اول ما نيمت زوجي جيت اركض على النت وقلت لحالي خليني اشوف شوشو
بعد هالايام الي مريت فيها بالمستشفى والحمدلله على كل حال........
كملي واحنا معاكي ---------ومبروك ما جاكم وعقبال كل مشتهي
 
مبروووووووووووووووووووووووك شعيبية

والله وصرتي خالة ...

الله يعنينها اللي بتكونين لها خالة ..........
 
بكل الشوق جيت أكمل.....
نمنا أنا ورند وثاني يوم صحينا لقينا البيت فاضي!!اتصلنا على أبوي وكان الوقت ظهر وقلنا:وينكم؟؟
قال:حِنا بالمستشفى عند ضي!!!!
أنا:حرام عليكم!وليش ماانتظرتونا؟؟؟
أبوي:أساساً موعد الزيارة موب الحين بيبدأ في العصر بس حِنا جينا لضي عشان ناخذ ريفان تجي ترتاح بالبيت وأمكم تستلم مكانها وفي العصر ناخذكم انتوا تزورونها!
أنا:طيب....مع السلامة...
وبعد ماقفلت السماعة.
قالت رند:يعني مابنروح الحين؟؟؟؟؟
أنا:لا في العصر..
رند:طيب اش رايك نستغل الوقت..ونضبط الغرفة اللي بنستقبل فيها ضيوف ضي؟!!!!
أنا:ايه والله فكرة!
وبالفعل بدأنا الترتيبات وكانت ضي من الأول شارية لبنوتتها سرير مشرع بالتل والورد وجايبة خامات عشان نزين فيها الغرفة,وطلبنا من زياد يروح ينزل سرير مفرد من فوق كان لضي قبل ماتتزوج وجبناه وحطينا عليه لحاف فخم ضي شاريته مع أغراض الولادة!!
وأرسلنا زياد يجيب لنا شوية أغراض وجابهم واشتغلنا بالغرفة وكانت هي مجلس الحريم حطينا سرير الأم والبنت جنب بعض ونفخنا بالونات وردي+أبيض وملينا الغرفة وأشكال بالفلين مرشوشة اكليل علقناها نازلة من السقف وفوق سرير ضي سوينا ستارة بالتل وركبنا ورد وطبعنا أوراق بالكومبيوتر فيها تهنئة ورسومات حلوة وعلقناها على الجدار....وبدينا نسوي توزيعات للمباركين شوكولا+أشرطة دعوية ومطويات صغيرة وغلفناها بأقمشة وشرايط ساتان يعني بالصريح سوينا ابداع!!
إلا وجدتنا شعيبية داخلة علينا الغرفة وقالت:ماشاء الله!منهي هذي اللي بتروح عروس؟؟
أنا:الله يصلحك ياجدة!في عروس بتتزوج على سرير؟؟لا وجنبه سرير مولود بعد؟؟؟؟
جدة:أجل وش له هالزبرقة؟؟؟؟
رند:هذي زينة لغرفة ضي اللي بنستقبل فيها الزوار
جدة:ليش بتطلع اليوم؟
أنا:لا بكرة ان شاء الله..بس حِنا قاعدين نستعد من هالحين لأننا العصر رايحين نزورها..
جدة:ماني رايحة معكم!!
إحنا:ليششش؟!!!!
جدة:المستشفى فيها صرصير وأنا ماأداني ركوب الصرصيرات!!!!!!!!!!!
رند:ههههه تقصدين الأصانصير...ماعليك اذكري الله وحِنا بنمسكك زين...عاد مو حلوة بحقك موجودة هنا وماتشوفين حفيدة حفيدتك!!!!!!
واتصلت أمي ووصتنا نجيب ترامس قهوة وشاي وفناجيل وحِنا جايين عشان ضي بيجيها زوار ولما جاء العصر خرجنا من البيت وكانت ريفان توها راجعة مع أبوي..ترتاح بالبيت..واحنا رحنا مع زياد ومرينا محل شوكليت واشترينا سبتات وحركات نضيف بها الزوار
ولما وصلنا سلمنا على ضي وياحليلها آثار التعب واضحة عليها....وقلت بلهفة:وين الصغيرونة؟؟ ملهوفة عليها مرة ودي أشوفها!!
ضي:في الحضانة وأبوها عندها!
رند:ماشاء الله وصل عادل؟؟
ضي:إيه من قبل الظهر وجلس معاي وتغدى..وهالحين مر يشوف الصغيرة ويكمل بعض الأوراق وبعدين بيروح لأهله يرتاح عندهم..
رند:هاه بشري؟؟؟حلوة الولادة؟؟
ضي:تهبـــــــل!!! من حلاوتها ماأتمنى أعيدها مدى الحياة!!!!!
أنا قمت أتلقف ومسوية نفسي فاهمة!! وقلت:شلون ولدتي طبيعي ولا صناعي؟؟؟
قاموا يضحكون....
قالت أمي:اسمها طبيعي ولا قيصري!!
أنا:ايه صح!طبيعي ولا قيصري؟؟
ضي:طبيعي..أساساً ماوصلت المستشفى الا وأنا منتهية وعلى طول دخلت الغرفة وولدوني ماحكت لكم ريفان؟!!
أنا وبكل فهلوة قلت:أصلاً اش يعني طبيعي واش يعني قيصري؟؟؟؟
أمي:وانتي اش لك بهالسوالف؟؟؟؟؟بدري عليك!!
رند:يمه!وش دعوى؟خلها تتثقف لاتفشلنا بكرة!!شوفي ياشوشو القيصري يعني تخدير كلي وفتح بطن بس الطبيعي طبيعي!!!!!
أنا:الأولى وفهمناها!بس الثانية وشهو اللي الطبيعي طبيعي؟!!!!!!
أمي:خلها على عماها أحسن!!
أنا:ولو إني مدري وش تقصدون!بس باين إنها حاجة ماهي بزينة!!
جدة:ان شاء الله باخذك معي الديرة تحضرين وحدة من الولادات وتتعلمين الصنعة من جدتك!!
أنا:وععععع لايكون قصدكم مثل توليد مشبب للبقر؟؟!
جدة:ايه بالضبط..فديته هالمشبب!
أنا:أقول ماودكم تشربون قهوة؟!!
 
ههههههههههههههههه

حلوه وربي ...تسلمين لنا يلغلا
 
خخخخخخخخخخخخخخخخخخخخخخخخخخخخ

لزييززززززة يا جيانة

ننتظر التكملة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل