قصة شعيبية

[وردة تركواز]

خصار ياليت كنت معاكم

اتفرج بس ما اشاركم في الحديث

ننتظر التكملة يا عسل

 

[مملكتي طيبة قلب]

ماشاء الله ابداع والله عشت مع القصة وضحكت مع شخصياتك لك خالص شكري ياابداع

 

[جيانة]

خصار ياليت كنت معاكم

اتفرج بس ما اشاركم في الحديث

ننتظر التكملة يا عسل

ياحليلك0000لايكون انتي بعد تحسبينها قصة حقيقية؟!!!!!!!!!!!!!!!!!!!!!!!!
ترى خيال ×خيال!!!

 

[جيانة]

ماشاء الله ابداع والله عشت مع القصة وضحكت مع شخصياتك لك خالص شكري ياابداع

شكرا ياقلبي على اطرائك000:icon26::icon26::icon26:

 

[وردة تركواز]

ياحليلك0000لايكون انتي بعد تحسبينها قصة حقيقية؟!!!!!!!!!!!!!!!!!!!!!!!!
ترى خيال ×خيال!!!

ادري عشان كده ابغي اتفرج على على الفلم الكوميدي هدا

يللا سلام

 

[إبتسامة الروح]

وين التكمله ؟؟؟ القصة رووووووووووووعه ضحت من خاطري
الله يعطيج العافيه حبوبه^^

 

[جيانة]

وين التكمله ؟؟؟ القصة رووووووووووووعه ضحت من خاطري
الله يعطيج العافيه حبوبه^^

الحقيقة ودي أكمل بس الالهام خارج منطقة التغطية حاليا!!!
لذا أعطوا الحي فرصة!!!

 

[umm yusuf]

فرصتك معك ياقلبي لاتحاتي منتظرينك ان شاء الله قريبا

 

[جيانة]

سبحانك يارب

 

[هاشمية طموحة]

ههههههههههههههه
واااي ربي يسعدلي بنات افكار يجننو
ماشاء الله على الطرح الرائع واصلي وبالتوفيك

 

[جيانة]

ههههههههههههههه
واااي ربي يسعدلي بنات افكار يجننو
ماشاء الله على الطرح الرائع واصلي وبالتوفيك

00
منورة ياعسل

 

[جيانة]

أستكمل معكم0000قصتنا التاريخية!!!
أنا بس شردت لغرفة أخواتي دخلت وحطيت راسي ونمت نوما عميق من كثر ماتعبت وانكسرت رقبتي على الكرسي الهزاز قبل صلاة الفجر000أضيفوا على ذلك الاجهاد اللي حسيته بعد الطلعة والنزلة عشان أجيب لها الموية إذا باقي متذكرين في الأجزاء السابقة!!!!
مالكم بالطويلة000بس حبيت أسترجع مكان ماوقفت اخر مرة00
الساعة 8صباحا ويجينا الاعصار!!!
جدتي صحت من نومها ودخلت علينا الغرفة أنا وخواتي لتعلن عن غضبها واستنكارها00بصوتها الجهورييامِخْمِجـــــــــــــــــــــــــــات!وراكـــــــــم بعدكــــــــــــــــــــم رقـــــــــــــــــاد00الساعة صارت 8 والفطور مازهبتوه لجدتكم؟!!!!)
ريفان:معليش ياجدة00الحين نصحى ونجهزفطورك000
أنا رديت وبكل تثاقل من كثر ماالنعاس ساحب عيوني لتحت!: وشفيك ياجدة من الصبح00ياكافي00كل ذا جوع؟!!!
جدتي:قومي قومي00لابارك الله فيك00والله مايسوي فطوري الا انتي!!(وعطتنا مقفاها وطلعت من الغرفة)
أنا: إيـــــــــش؟؟ ومين قال إني بأصحى هالحزة؟
باقي بدري والظهر ماأذن!!!
ريفان بهمس:يالهبلة قومي واكفينا الشر!وشفيك ناوية على نفسك الليلة؟!!!!!!!!!
جدة:يـــــــــــــــــاشويشة لازهبتي الفطور طلعيه فوق ماني بنازلتن لتحت كراعيني تكسرت من الدرج يـــــاخلق!!
أنا:حسبي الله بس! إن شاء الله ذي تكون اخر سفرية لأبوي وأمي اللي بهالوهقة!!!
ونزلت ريفان ورند للمطبخ00 وضي أم كرشة منتفخة قعدت مع جدتي الموقرة بصالة فوق يسولفن لين مانجيب لهم فطور!
وأنا رحت أتشطف وأبدل هدومي واكتشفت إن (؟؟؟00الشهرية شرفت!!) قلت ياالله ربي رحمني من مراقبة جدتنا شعيبية لصلاتي!
وأخذت علبة مناكيرفوشي!!كشخة!
ونزلت المطبخ وسحبت كرسي وحطيت رجل على رجل وقمت أتمنكر!!!!
صاحت رند:الظاهر الأخت غلطانة بالعنوان!!
قومي انتي مو برايحة مناسبة 00انتي وراك فطور ومطلوبة بالاسم تسوينه!!!
أنا:لاياحبيبتي00البركة فيكم وفي الشغالة تساعدكم!أنا ماصدقت تطول أظافري خلني أدلعها وأمكرها!!
رند: عشتوا!!أقول قومي طاح حظك00لو يوصل لجدتك علم خلت عصاها تغطرف على ظهرك!!!
ريفان:ياشيخة خليها براحتها لاتفشلنا اللي يسمعك يقول عاد تعرف تسوي شي00راس مالها لااجتهدت سوت لنفسها كوب نسكافه ومر بعد!!!
أنا: وشفيها لاكان مر الرشاقة مطلوبة!!!(إلا من العجز لا أدور مكان السكرية!!!!!)
وفعلا راحوا الضعايف يسوون القهوة ولوازمها والفطور وتوابعه00و00و 00الخ
وقالت ريفان:روحي طلعي الأكل بنفسك عشان جدتك ترضى وتصدق إنك سويتيه!
رند:ماشاء الله إحنا نتعب وهي تقدمه على الجاهز!!
أنا:واللي يسمعك عاد يقول طابخة ذبيحة!والله لو خطيبك جاي كان اشتغلتي يومين بالمطبخ تجهزين اصناف وماتقولين أح ولا امبــــاااع!!!!
رند:وش قاهرك يالحسودة؟ خطيبي ويستاهل وماطلبنا منك شي!و000قاطعتنا رند وقالت:
خـــــــــــــــــــــلاص!عيب عليكم ودوا الفطور وريحونا 00جدتكم بتفضحنا000
أنا خليت الشغالة مسكينة تشيل تبسي الفطور الثقيل وطلعت أنا بالسفرة أفرشها00
وعاد جدتي انشكحت وصارت تقول:الله00الله وش هالزين كله00اثاري معك عقل يابنت وتعرفين تزينين أكل!!
أنا عاد وصل راسي للسقف وصار شعوري مثل شعورأي طفل لالبس ملابس جديدة بالعيد وقاموا الناس يمدحونه!!!!
وقلت:هـــــــــاااه تحسبين محد غير ريفان بذا البيت يعرف يتجمل؟!
وفجأة تغيرت ملامحها وصارت تناظر ايديني(طبعا قبل00 ماقد انتبهت ان أظافري طويلة ومبرودة00لأنها كانت ابيض وأسود00بس اليوم شافتها بالملون!!!!)
وصاحت:وش ذا المخــــــــــالب لعنبو ابليسك!!!من شاف يدك ماذاق أكلك!!
قلت:وشفيها لاتزينت؟!
جدتي:أي زينة مالت عليك لوعتي كبدي!!!!قومي00قومي شيلي هالأكل عني والله ماينزل بطني!مايندرى وش مخبى تحت أظافرك!!!
وضي ميتة ضحك ماشاء الله عليها !جت ريفان ورند يفضون الاشتباك00وجدتي لسانها مشتغل هواش وتهزيء
وحالفة ماتذوق الأكل من كثر ماتقرفت!
فاستغلت رند الموقف وقامت تشعللها
وقالت:ياجدة ماعليك منها هالرفلة اللي يسمعك يقول عاد حطت يدها في شي!!!
وقمت أغمز لها النذلة00وهي طايحة فيني تشميق بعيونها!
وقالت جدتي: وشهوووووووو؟
اااااااه يالعاصية00ماسويتي الفطور مثل ماقلت؟!!
000
0000
00تتوقعون اش صار؟!!!!!!!
ماني بقايلة لين ماأشوف الردود السنعة!!!!!!!!!!!!(طلعت انذل من رند!!!!)هههه

 

[جيانة]

؟؟؟؟؟؟؟؟؟؟؟

 

[في داخلي حكايه]

تكفيـــــــــــــــــن حمستيني .. وش سوت الجده فيك ؟؟؟؟؟؟؟؟؟

أنتبهي من عصاتها << تراها تعور .. أح

هههههههههههههههههههههههههههههههههههههه

 

[وردة تركواز]

ها ايش صار

 

[rno0od]

ههههههههههههههههههههههههه.."

من جد مآتخيلت أبدن أبدن أنه بنآت أفكآرك,,:shiny:

لكن أبدعتي يآحلووتي

يالله ننتظر يآحبيبتي..:icon26:

لآآ تطولي علينـِآ فيه نآس تحبك وتنتظرك..":icon26:

تقبلي مرووري..":icon31:



!

 

[اخت حمودي وهنود]

نتظرك بكل شوق.....

 

[¨ (تولين) ¨]

اتوقع انو اخذت لك كم ظربة بالعصا

 

[جيانة]

نكمل ياحلوين الجزء السابق000
طبعا بعد مادرت جدتنا المصون إني ماحطيت يدي بالفطور انبسطت من جهة000انه بينزل في كرشها أكل نظيف!!!!
وزعلت من جهة إني ماانصعت لقرارها وطلبها!!!
وتعالت الأصوات والهتافات وكانت جلستنا هذي كلها قدام غرفة أحمرالخدين زياد!!
وطبعا ربي سلمني من عصاتها لأن زياد خرج من غرفته وشوشته نافرة ومعصب وصــــــــــاح:
ياعالم ياهووووه!حرام عليكم ماقدرت أنام من الفجر 00وتجون تكملون الناقص بذا الهواش كأنكم بزريبة دجاج!!

جدتي:حِنا دجاج ياالديك؟!!00لو فيك نخوة كان قمت لصلاة الفجر لحالك!!لكن محد علمك السنع إلا عصات جدتك شعيبية!!!!!
وقالت ضي:ههههه000حتى زياد ماسلم من عصاك ياجدة00والله إنك موب هينة!!
قلت أنا: خل يذوق ماذقته! وليتك ياجدة اليوم تنزلين في ضيافته وتنامين بغرفته!!
زياد: استحي ياشوشو00واقضبي لسانك00(وراح لغرفته قال إيش بيكمل نومه!00وثواني الا وهو راجع لنا بالصالة وقام يهاوش:
مــــــــــــــين اللي شقق الصور اللي أنا معلقها على الجدران؟؟؟
جدتي وبكل فخر قامت تطق على صدرها وتقول:أنا00
زياد وبعصبية:لـــــــــــيه؟؟؟؟
جدة: وش تبي بالكفرة الفجرة اللي فرحان بصورهم ومعلقنها على جدران الغرفة000لو فيك خير كان علقت صورة جدك عفيسان!!!
زياد: والله ياجدة الكل يدري إني ماأسمح لأحد يدخل حجرتي إلا بإذن فما بالك باللي يتعدى على ممتلكاتي الشخصية!!!
جدة:وشهو ياالتيس الأغبر؟ ترفع صوتك علي ياشبيه الرجال؟؟لاقيمة ولاحشيمة؟؟؟؟
زياد وبكل عصبية:لأنه مو من حقك!!
00وتوترت الأجواء وقاموا ريفان ورند يغمزون له يبونه يسكت وهو فلت لسانه كلمة منه وكلمة من جدتي شعيبية00راح أخذ نفسه ودخل غرفته وغير ملابسه وطلع000
وهو خارج راحت ريفان تناديه وتلحقه(عاد خبركم00هو الولد الوحيد في البيت والكل مدلعه وهو سندنا بعد أبوي00بس جدتي الله يسامحها وش بنقول!!)
قالت جدة:أقول خله ينقلع درب يسد مايرد!!!
يالله بسم الله خل نفطر000
وقعدنا على السفرة ناكل مثل المغصوبين000وقضينا الوقت من سالفة لسالفة000لين ماأذن الظهر00ودخلت ريفان المطبخ تسوي الغدا00وكل مابغت تطبخ شي تلقى شي ناقص00
وقالت:وش أطبخ هالحين؟ مافي إلا دجاجة وحدة00والخضار ناقصة0
قالت ضي:اتصلي على زياد يجيب النواقص00
قالت ريفان:ليش ماتعرفون زياد لاطنقر والله مايعطينا وجه!
قالت رند:ويزعل علينا ليش؟ اش سوينا له؟ جدته هي اللي مزعلته!
ريفان: عاد حركات مراهقين!!! تكفين ياشعيبية الله يسعدك زياد مايسمع الا كلامك ويحبك لأن عقليتك مثل عقليته!!اتصلي عليه يمكن يرد عليك!
وبالفعل اتصلت مرة ومرتين وثلاث وهو مطنــــــــــــــــــــــــش! وحالف مايرد!
قلت:والله مافي أمل00زيادوه00متكرن على الاخر0
ريفان: وبعدين وش الدبرة؟ كل اعتمادنا عليه هالولد في غياب أبوي00
قلت: أحسن مو لازم نسوي غدا ولاقالت جدتكم ليش نقولها زرعن زرعتيه لازم تحصدينه!!!!
ريفان: قطيــــــــعة! صدق إنك ماتستحين000أصلاً عيب عليه يزعل من جدته ويترك البيت لو درى أبوي كان سواها له سالفة!!
قالت رند: شوشو00زياد ماخذ عليك انتي و انتي اللي تفهمينه أنا أقول لو تكتبين له مسج حلو من مسجاتك وأشعارك الحلوة أكيد عقبها بيرد على اتصالاتنا!!
قلت: ابشروا أنا لها!
وبالفعل أخذت الجوال وقمت أكتب00وأرسلت المسج000وبعدها بدقايق رجعت ريفان تتصل به لــــــــــــــكن لقت جواله مغلق!!!!!!!!!
قالت ريفان بدهـــــاء: تعالي يالنذلة انتي وش أرسلتي له بالضبط؟!!!!
قمت أبلع ريقي وقلت: مسج من مسجاتي الحلوة مثل ماطلبتوا!!!!
قالت رند:أقص إيدي لو كان مسج زين أصلا باينة مثل الشمس ماقفل جواله الا وهو قاري شي فضيحة!!!000هاتوا الجوال نشوف وش أرسلت هالمطفوقة!!!!
وأخذوا الجوال وفتحوا على الرسايل المرسلة ولقيوا مسجي اللي أرسلته لزياد وكان كالتالي:

لو ماتتعدل
وتــــــتبدل
بتتبــــــهدل
فهمــت؟؟
ياأهــــــبل!
0000000
بالله اش رايكم ماهو مسج حلو؟؟؟؟:icon30:
الله يهديهم أخواتي لايعجبهم العجب ولا الصيام برجب:busted_red:!!!!!!​

 

[جيانة]

تكفيـــــــــــــــــن حمستيني .. وش سوت الجده فيك ؟؟؟؟؟؟؟؟؟

أنتبهي من عصاتها << تراها تعور .. أح

هههههههههههههههههههههههههههههههههههههه

أنا كملت اقرأي وتعرفين!!!