شو الشيء الي تسوينه لزوحج واتحسين انه محد ايسويه غيرج ؟؟

[نجوم الليل]

هلا ابخواتي ,,,,,

سؤال محيرني ,,,...؟؟ شو الشيء الي اتسوينه حق ريلج واتحسين انه محد ايسويه غيرج من الحريم المتزوجات ....
لاني انا في اي خلاف مع زوجي ايقولي ..؟؟ انتي شو انسويلي ... ؟؟ ما تفرشيلي الارض ورود ,,.اسالي الحريم شو ايسون حق ازواجهم ... كله ايقولي لا تتحرين عمرج اتسوين شيء انتي مووووووووول ما اتسوين شيء ..؟

فالله ايخليكم كل وحده اتقول ,,,,انتي شو معوده ريلج اتسويله اسبشل ..؟؟ غير الاشياء الروتينيه ؟؟


:clap::clap::clap:

 

[aldana]

ههههههههههههههههههههههههههههههههههههههههه

سامحيني من جد سؤالك يضحك .... وزوجك هذا وراه سالفة ..

مافي شي نسويه سبيشل ...حالك حالنا ...ولا تعقدين روحك

يمكن زوجك يغار من أصدقائه .. يبدعون عليه بالسوالف الخرطي ومصدقهم ..

إسئليه هو ... وش يبي بالظبط

 

[نجوم الليل]

والله يا اختي ما يتكلم .... وفي الايام العاديه رااااااااااضي 100 با 100 ... من تستوي مشكله عاااااااد هاي الاسطوانه .... انتي شو اتسويلي ثرج .... ما اتسويلي شيء .... امووووووووت من القهر ...
قولووولي بلييييييييز

 

[@خوخه@]

السلام عليكم ورحمة الله وبركاته..
اختي ..
يعني حتى لو فرشتيله الارض ورود.. برضه راح يقولك انتي مافرشتيها باللون المناسب اللي على بالي!!!
...
ايش يعني اسويله؟؟
زي الافلام القديمه اول ما يجي من العمل اجري اغسل رجوله واخلع عنه شرابه؟؟
...
حبيبتي زوجك من النوع الانتقادي او المحقر.. مهما سويتي ماراح يعجبه.. اذا انتي استمريتي بهذي الشخصيه..
لا تزعلي مني.. بس لازم تتعلمي كيف تتعاملي مع انتقاداته..
اقراي هذا الموضوع تمام..
http://www.niswh.com/vb/showthread.php?t=8563
شخصية الرجل المحقر من الدورات المجانيه للاستاذه موزه خلفان..
...
ان شاء الله تستفيدي منها...
تقبلي مني كل الحب ..
..
اختك..........خوخه

 

[@خوخه@]

الدانه انا وانتي ردينا في نفس الوقت...
...
حبيبتي..نجوم الليل..
لازم تعرفي انه هذي الشخصيه وقت الزعل تحاول انها تغطي على عيوبها بانها تنتقد وتنتقص من الطرف الاخر..
..
يعني وقت الزعل ممكن يقولك انتي ما تعرفي تربي الاولاد صح.. او بيتك مو مرتب..او شكلك قبيح..
اي اتنقاد ممكن يخطر في باله..
فهمتي عليا؟

 

[نجوم الليل]

لا يا حبيبتي خووووخه ... هو مش محقر .... بس ينسى كل الي اسوويله يوووم يزعل ...
ايقولي انتي وايد بطرااااانه ... انا ابسط حقوووقي ما احصلها منج ...
وايردد الناس كلها تفتكر اني سعيد وطاير من الفرح معااااج ويحسدوووني عليج بس انا الله يعلم بحالي ...اني مش مرتااح ..
ولما يرضي اليوم الثاني اتناقش معاااااااه ايقولي انا ما ابا شيء .... اباااج انتي رووحج اتسوييين ............
شووو اسويي.... قولووولي ... ايقولي شوفي الحريم شو ايسووون حق ريااايلهم .... ؟؟؟

 

[aldana]

حبوبتي ...إحتمال زوجك محتاج أساليب وحركات جديده في الجنس ..سجلي في المجلة احتمال تجددي في حياتك أكثر وتسعدي زوجك بإذن الله .

 

[REEM007]

عزيزتي انتي احسستي انا السؤال حيرج احسستي انا هناك نقص احسستي انا هناك من هو احسن منج لكن لماذا لا نقلب الموازين رأسا على عقب انج توجهين السؤال له تقولين له انت اللي سويت لي انا اشوف الحريم يمدحون ازواجهم يسون ويسون وانت ما اذكر شي سويت لي نكران مقابل نكران جحد مقابل جحد خليه يحس بمدا الالم الذي يوجهه لج يكفي انا ما حاول يقدر لج وقفتج معاه في المره قبل الحلوه

 

[نجوم الليل]

هلا حبيبتي ريم ...
مره قلتله جيه .... جان ايقولي ... انتي ما ايبين في عينج .... لو اسوي ما اسوي ... انتي ما تحمدين ربج على النعمه الي انتي فيها .... ؟؟

 

[نجوم الليل]

هلا الدانه ... انا مشتركه في المجله والحمدلله اتعلم

 

[لحن الوداع]

الله يعينك

والله يهديه
انا اشوف انك تطنشي لما يقولك زي كذا
او انك تسأليه ايش الشي اللي يسونه زوجات اصحابه وانتي ماتدرين عنه على قولته

ولا تنسي تدعي له
والله يعينك

 

[haya_sa]

اذا اتتك مذمة من ناقص فهي الشهادة لي بأني كامل .... ترى هو حاس انك واثقه من نفسك بزياده وشايفه حالك عليه حبتين فيحاول يهزك شوي بس طنشييييييييييييييه ههههههههه ترى هذا اسلوبي مع زوجي بس انا اللي انتقده واقوله انت ما تسويلي شي بس هو عارفلي ومطنش وطريقته جايبه فايده معي

 

[همسات الماضي]

الزوج إذا عصب وزعــل
بطلعك في كل مراءه عييب حتى لو ماعملت الششي
رآح يبين انه هي مقصره في حققو
مثل مايقولون الزوج يتدلع يسوي رووح طفل
انآآ اقول شنو راح تعملي
اهم شي الرومنسيه
مثللا
هو يكون بره البيت انتي بذاك الوقت اعملي كل ششي بالبيت
زيني نشري بالآرض شموع ورود مجففه ورود طبيعه حمرآء
غرفه النوم تكون كلهآ شموع بإسمكـ او إسمو
اكشخيلو كشخــه عمرو كلهآآ ماشف مثل كشخه زوجته وحبيته :icon26::shiny:
وإنشاء الله راح يتفآجئ بالمنآسبآت هدآيآآ مابينكم
إنششاء الله افدتكــ
موفقه خيتو
​

 

[نجوم الليل]

الله يجزااكم خير يا خواتي ... والله اني فرحت على اهتمامكم بي .....
بس قولولي انتوا شو اتسوووون ؟؟
يعني اشياء غريبه مثلا ... اهتمام معين ... مثلا انا كنت اوقف بالفوطه لما يستحم اول ما كنا متزوجين ... الحين لا ... فمره قالي تتذكرين .. انتي كنتي اتسوين جيه ... والحين لا ... انتي اتشوفيني ساكت تتحريني راضي ,.,
ايقولي انتي مش مهتمه بالبسي اذا كانوا انظاف او لا ,.,,,
انا اشوف واسكت ,,,
فا بلييييييز كل وحده اتقولي شو اتسوين حق زووحج خاااااصه ؟؟

 

[الدكتورة نبضة قلب]

روحي لرابط خوخه اللي فوق
وشوفي كيف تتصرفين لما يبدى الاسطوانه

 

[عســـــولة]

اعتقد زوجج يبي الدلع والاهتمام ،وفي شغلات كثيرة تسوينها له تبينين اهتمامك فيه مثل تعطير ملابسه بعد الكوى،تسويله بدكير ومنكير ، تحطيله كريمات قبل النوم للوجه والقدم ،تبخرين كبت ملابسه ، لاطلع بعد الشور الا مطلعه ملابسه على السرير او الطاولة بغرفة النوم تسويله حمام بخار وحمام كريم لشعره

كلها اشياء بسيطة بس من خلال ما اسمعه من صديقاتى ان الرجل يحب انه يتدلع بالافعال والحديث بعد ،حتى انا مثلج كنت ادور على شي غيري يسويه وهذا انا احاول انى اهتم فيه بزيادة .. الله يسخرهم لنا

 

[REEM007]

هلا حبيبتي ريم ...
مره قلتله جيه .... جان ايقولي ... انتي ما ايبين في عينج .... لو اسوي ما اسوي ... انتي ما تحمدين ربج على النعمه الي انتي فيها .... ؟؟

طيب شي حلو اذا هنا واجهيه انت تقول هالكلام وما رضيت وما حبيت تحس بل التقصير من ناحيتي وتشوف نفسك تسوي كل شي وراضي عن نفسك اجل حتى انا اشوف نفسي ما قصرت بحقك وقايمه بكل واجباتي ومسؤلياتي ولا ارضى انك تقارني بأي احد مثل ما انت ما ترضى اني اقرنك بأشخاص

 

[نبع الإبداع]

طيب ماعليه يا بنات أنا حسيت إن أختنا نجوم الليل فهمت شو قصدكم بس هي ألحينه تبا شوية أفكار عشان اتغير اشوي من الروتين يعني أشياء بسيطة إللي انسويها يوميا مثلا : إذا كنت متعوده اتسويله عصير فرشش غيري في شكل الكوب إذا عندج جليتر لماع و بألوان ارسمي على الكوب إلي تبينه أو اكتبيله كلمه حلوة و انثري ورد طبيعي على الصينية و خلاص و الله انه بيستانس هذا شي بسيط و من فترة و فترة سويها بس غيري اشوي و ان شاء الله الباقين يعطونج أفكار من عندهم

 

[....فإنك ملاقيه]

نحن في انتظار افكار الاخوات

 

[البرائة]

الله يجزااكم خير يا خواتي ... والله اني فرحت على اهتمامكم بي .....
بس قولولي انتوا شو اتسوووون ؟؟
يعني اشياء غريبه مثلا ... اهتمام معين ... مثلا انا كنت اوقف بالفوطه لما يستحم اول ما كنا متزوجين ... الحين لا ... فمره قالي تتذكرين .. انتي كنتي اتسوين جيه ... والحين لا ... انتي اتشوفيني ساكت تتحريني راضي ,.,
ايقولي انتي مش مهتمه بالبسي اذا كانوا انظاف او لا ,.,,,
انا اشوف واسكت ,,,
فا بلييييييز كل وحده اتقولي شو اتسوين حق زووحج خاااااصه ؟؟

انا عاااااذرة زوووجك.......
اختي انتي غلطاااانة ...لانك عودتيه على شي هو حبه والحين حرمتيه منه الظاهر انتي كنتي تدلعينه كثييير ببداية زواجكم والحين شكلك مطنشته وهالشي يقههرررر اي انسان سواء كان رجل او امرأة..ارجعي دلعييييييه مثل اوول وسويله حركااات كأنكم توكم عرساان....