[you] اذا انتي موظفه ومتزوجه محتاجينك هنا

نعم أن متزوجه وموظفه لكن أعاني من نفس المشكله، مش بس الصرف علي ، علي بعد التوصيل للمدارس والبرامج الثقافية والعيادات والخياط والسوق وحتى تخليص معملات الخدم وكراج السيارة ، لكن تنبهت ألحين وسأعتمد عليه تدريجيا لأني فعلا تعبت ، هذا الأمر يحتاج وقت وصبر ،
هو الذي جعلني هكذا مثلا إذا عندي موعد يؤجل الوقت إذا لم يعتذر ، وإذا لم أستطع الإنتظار حتى تسمح ظروفه قضيت أمري بنفسي ، فيتحقق الذي يريده ،فهو يتصرف بنفس الطريقه كل مره ،وأنا أقوم بقضاء أموري وأمور أطفالي كل مره، وكذلك الصرف يشكو من الديون والغلا ، مع العلم راتبه 4 أضعاف راتبي
 
انا بصراحه مو موظفه بس يجيني كل سته شهور مبلغ لا باس به اتصرف فيه الشياء الي نفسي اكملها وزوجي ما يقدر عليها مع العلم ان راتبه حلو بس القروض والسيارات ماخلتنا بحالنا عشان كذا انا بصرف من غير طلبه لان لو ماسويت كذا مابيصلح شي مشكوووووووووووووره ع الموضوع
 
هلا يا بنات .. تولهت على المنتدى والله وعلى بلقيسياته..

انا كنت موظفة لمدة طويلة لكني حاليا ربة بيت

طبعا الحين متبعة سياسة تقشف .. تعرفون ربة بيت والمصادر المالية محدوده :tears:

بس لما كنت موظفة، ما كنت اعطيه مجال يناقشني في راتبي، راتبي ملكي بروحي أنا،

أدلل فيه نفسي، وبالمقابل كنت ألزمه بمصروفات البيت جميعها. راتب المرأة لها وحدها،

على كيفها : تحـــرقه ، تـــتبرع به، تـــعطيه اهلها ، على كيفها يا ناس !!! بس اهم

شي انها تحتفظ براتبها وتستثمره للمستقبل اللي محد يعرف شو راح يصير فيه. أنا شو

يضمن لي إن زوجي بيستمر في وظيفته؟ وأكبر مثال: صديقتي ، اللي صار لها عشر سنين

تشتغل وزوجها مسترخي في البيت !! وياليت عنده مصدر دخل !! بطالي عفانا الله :busted_red: وشو

يضمن لي بعد إني انا اصلا راح استمر في هالوظيفه؟ المرأة لابد لها في نهاية المطاف من

طلب الراحة والبقاء بجوار ابنائها.

لا يصيبكم غباء يا بنات، الرجل إذا احتاج ، بيعاونونه اهله واصدقاءه و راح يلقى مليون

ومليون طريقة يدبر الامر ( وأهله وين ان شاء الله؟ )، لكن المرأة إذا احتاجت

فغالبا ما يقولون لها: اطلبي من زوجك ! صح؟ والزوج في خبر كان، إلا من رحم ربي! وخاصة

ظروف الديون والغلاء !

وحدة تقول : ان الموظفة لازم تعطي ريلها النقود كتــعويض عن ساعات غيابها عن المنزل؟

وين بالضبط قريتو هالكلام؟ وليش اصلا نطرح الفكرة هذي من الاساس ؟ وليش نبرمج رجالنا

على تخيلات من صنع ايدينا نحن النساء؟ إذا كان كلامج صحيح، إذا المعاملة لازم تكون بالمثل :shiny:

خلي الريال يتحمل المسؤولية ! عيل ليش الله ميز الرجل بالقوامة؟ كي يقوم بواجباته. ليش

تزوجنا من الأساس اذا؟ نتـــبنى اطفال ونـــعمل ونصرف على حالنا، إذا كان هذا هو الأمر...

وماله داعي الزواج :harhar1: ولا شو رايكم؟

- لا تظلمين الرجل بطلبات ليس لها داع، ولا تخلينه يشيل ايده من المسؤولية.

يعــجبني تفكير احدى صديقاتي: كل مرة تطلب فيها المال ولا يستجيب زوجها لمطالبها تقوم

بالتالي: إذا كانت مثلا محتاجة حفاظات لإبنها ولم يستجب زوجها لطلبها، تقوم بترك ابنها

يأخذ راحته (ويفعلها في البيت)، وحين يأتي الأب يراها تنظف، ويتساءل : لماذا لم تلبسيه

حفاظ؟ فتقول: لا يوجد ! رغم ان لديها مالها الخاص!! لكنها تريد ان يلتزم زوجها بمطالب بيتها،
وهذا المثال تقوم صديقتي بتطبيقه في كل مرة ، حتى اعتاد زوجها على اخذها للتسوق

اسبوعيا :icon30: تــجنبا للمواقف الغير مريحة له هو (وليس لزوجته).

شفتو كيف؟

الخلاصة: أموال الزوجه لهاااااااااااااا فقط ، ولا تــقولي بأن مفتاح قلب الرجل جيبه، بل بطنه

فقط ، أما جيبه للبيت والتزاماته. :bleh: وفي الاخير إذا الزوج يحب زوجته، ما اعتقد بيزعل

لانها ما تصدقت عليه من مالها ههههههه.


اختكم : زهرة البر
 
سمر الحلوه قال:
المثل يقول


((زوجك على ما عودتيه ولدج على ماربيتيه))

المسائله ياخواتى تعويد لالا تعطيه فرصه

وتصرفي على البيت راح يتعود


وكان الله في العون
​
أنقر للتوسيع...


صح لسانج يا سمر ..

اني زوجي تزوجني وآنه أشتغل وتعود انه اللي أبيه أشتريه من راتبي من غير ما أطالب من عنده فلوس .. بس لما استقلت من الوظيفة بسبب الأولاد تعود على هذا اللشي وصار ما يسألني انتي شنو محتاجه وحتى لما أطلب منه الى احتياجاتي الخاصة يقول لي ببرود انتي من متى تشترين كذا وتلبسين كذا !! وهو يا حافظ ما يدري اني كنت أوفر لي الا أبيه من راتبي سابقا.. راتبه زين ويصرف على الأكل والشرب واحتياجات المنزل .. بس يصرف عليي هذي صايرة صعبة عليه لأنه ما تعود انه يحسبني من ضمن ميزانيته..

الله يهديه والحمد لله على كل حال ..​
 
اول حاجه لابد من اخبار الزوج انه واجبه يصرف عليك وانه حق من حقوك الشرعيه واذا بعض الازواج صعب اقناعه فلابد ان تحاولي حتى لو يكون بينكم اتفاق انك تعطيه من الراتب بس اهم حاجه يعطيك مصروف علشان يحس انك بحاجته لو بالقليل وشوفي حبيبتي ضروري تعطيه من راتبك كمكافئه له لانه سمحلك تبعدين عن بيتك ساعات وانشغالك عنه ونصيحه لاتخلين الامور الماليه تاثر على حياتك لابالعكس خليها مصدر السعاده لكما ولاتنسي اشباعه عاطفيا يمكن تخليه يعطيك بدون حساب 0000000ودمتي بخير
 
صباح الخير اولا ليش مانمتوا ماعندكم دوامات لان عندي دوام وماقدر انام عطوني حل ارجوكم بالنسبة لموضوع الراتب انا مع اختي بلقيس اليمانية اتمنى يفكني من الاقساط وماابغاه يصرف علي ولا على اولادي
 
:busted_red:عطووووووووووووووووووووووووووووووووووووووووووووووووووووووووووني حل ارجوكم ابغى انام مو قادرة الي تساعدني الله يسخر لها زوجها والدعوة مستجابة في هذا الوقت:dunno:
 
انا معاكم موظفه وزوجي مقتدر بس مايعطيني مصروف لانه تعود مااطلبه لاني استحي بداية الزواج لكن حسسته اني اساعد اهلي بعدها قلت له انا اعطي امي مبلغ من راتبي كل شهر وانا صادقه وصار يعطيني في المناسبات وشوي شوي جار يتغييره انشالله حتى يصير مصروفي روتيني
اهم شي لاتصرفي ع الاساسيات او اثاث اوكماليات تخص البيت خليه هو يتحملها انتي دلعي نفسك براتبك او ادخريه بحجة ان اهلك محتاجين مساعدتك .. والله يعين الجميع
 
its my first time to write and join a discussion in the net. sorry im writing in english coz im not good in arabic typing but next time i will try to type in arabic
i was attracted by the topic coz i faced some problems in my early yrs of marriage, as i work but i had to take responsibilty of my self as i feel very shy to ask someone to give me mony and if i have to i will prepare my self for at least three days in advance in how im gone ask and when the time comes I fail to ask him, then by time he understand me.now im in unpaid leave and he is taking all the responsibilities.
 
الحمدلله في كثير مغفلات مثلي .... زوجي من النوع اللي إذا ما ساعدته يسوي مثلي يبخل على البيت أو يرميك بكلمة تكسر عظامك مثل (بخيله)
والله قهر أصرف أكثر منه ولايستحي يقول عادي هذولا عيالك انت ماتصرفين على عيال الناس:schmoll:...(((ومن يوم عرفت أن هاللي ندفعه بمساعدة الزوج على مصاريف البيت يعتبر صدقه ممممره استانست :shiny:وارتحت قلت يالله الدنيا مهي طويله خلين اونس نفسي وعيالي )))
 
بصراحة أنا موظفة ومتزوجة ولله الحمد أنا وزوجي الله يحفظه لي ولبنته ما مقصر علي باي شي متفتهمين كثير راتبي يكمل راتبه متعاونين في كل شي وبارادتي وعمري ما اشتهيت شي ورفض يشتريه بالعكس دايما يقولي هذي فلوسك وانت حرة تطلبي الي تريديه حتى لو كنا متأزمين ماديا ما يبين لي عشان مايقتر علي في أي شي مع اني اسمع كثير من الموظفات أزواجهم ماسكين الراتب ويتحكمو فيه ع كيفهم وهنا الحلرمة عاد لازم تتصرف وتوقفه عند حده بس ان الوحدة تيجي مشحونة من البداية وتخلي حدود في كل شي بينها وبين زوجها بعد خطأ في البداية تدرس زوجها صح وع حسب شخصيته تتعامل معاه والله يوفق الجميع
 
بصراحة أنا موظفة ومتزوجة ولله الحمد أنا وزوجي الله يحفظه لي ولبنته ما مقصر علي باي شي متفتهمين كثير راتبي يكمل راتبه متعاونين في كل شي وبارادتي وعمري ما اشتهيت شي ورفض يشتريه بالعكس دايما يقولي هذي فلوسك وانت حرة تطلبي الي تريديه حتى لو كنا متأزمين ماديا ما يبين لي عشان مايقتر علي في أي شي مع اني اسمع كثير من الموظفات أزواجهم ماسكين الراتب ويتحكمو فيه ع كيفهم وهنا الحلرمة عاد لازم تتصرف وتوقفه عند حده بس ان الوحدة تيجي مشحونة من البداية وتخلي حدود في كل شي بينها وبين زوجها بعد خطأ في البداية تدرس زوجها صح وع حسب شخصيته تتعامل معاه والله يوفق الجميع
 
خواتي الرجل السيئ أصلاَ أكيد بيسغلج .. يعني اللي يخون تتوقعون بيكون مسؤول .. ممكن تكون عندي فكرة للخوات اللي يتم استغلالهم .. بس انا مش ضامنه انها تمشي مع الكل يعني كل وحدة لازم تعرف اذا بتمشي معاها ولا لا... مثــــــــــــال :

لما تكونون مع بعض جالسين ابدي ضيقتج وقولي جانا مدير الموارد البشرية زفت والموظفين بعد يحاولون يضرونه ويغلسون علينا في الحضو والانصارف وغيره من الاشياء هذه ... المهم كثير مشاكل تحصلك .. طبعاً بعد فترة تقريباً شهر .. وحالتي النفسية تعبت كثير ومرة دموعج اطيح وانتي معاه وهذا انك تعبانه من الجو السيئ اللي عندكم.. كله مشاكل والموظفين يحفرون لبعض ومن هالكلام .. والموارد البشرية صارت تضغط عليكم في الغيابات والحضور والاستئذان .. وبالأخير قوليله إحنا لازم نعتمد على راتبك ونتعود على هالنظام .. لاني انا تعبت وممكن في أي وقت أقدم استقالتي وانت اكيد تهمك راحتي وانا عارفة هالشي الله يخليك لنا .. يعني وغيره من هالحيل.. مثال آخر ... سرت المستشفى اليوم بعد ما استأذنت من المدير .. وقالي الدكتور اني وايد مرهقة ولازم ترتاحين ولازم من الحين نعتمد على راتبك يعني اجبري بالطرق اللي ما اتحسسه انج ما تبين تصرفين لان هالشي راح يولد نوع من النفور عنج .. أو يشوفج بنظرة انج أنانية

واذا أي حد يبغي مساعده أنا حاضرة وبالخدمة ويريت تقولونلي اذا فدتكم
 
اكبر خطا يوم الوحدة ماتخلي زوجها يصرف عليها لان بيتعود على هالشي حتى لو عندها راتب لازم هو الي يصرف عليها
اعرف وحدة تشتغل ومخليه زوجها يصرف عليه وهي مخبيه راتبها
 
السلام عليكم ورحمة الله وبركاته
انا اليوم سجلت بالمنتدى واتمنى استمر معاكم
بالنسبه للموضوع انا متزوجه ومو موظفه والحمدلله زوجي مايقصر بس لابد يجي يوم مايعطي
 
السلام عليكم جميعا ...
الموضوع حده حلو .. وعجبني الصراحه .. انا من وجهة نظري ان الزوج بالشرع ملزوم يصرف على زوجته وحتى لو هي تشتغل وماعليه من معاشها من طيبها اذا اهيه اتساعده
ومن ناحيتي انا مابي منه شي بس خل يصرف على اعياله والبيت ولا يصرف علي : ))))
 
wifes don't know what to do in this situation
Walla i don't know what to say ...but most of us working married
 
انا موظفه بس ما احب اطلب منه شي على الرغم انه ظروفه الماليه اوكيه
على الرغم انه كلهم يقولون خليه يصرف عليج لو بجزء بسط بس انا ما ارضى ويقولون تراج بتندمين بعدين
ويمكن الحين بديت احس بشوية ندم
 
انا بصراحه حاليا مو متوظفه بس في السابق كنت موظفه لما زادت المشاكل بيني وبين زوجي تركت الوظيفهلأني انا مقتنعه ان الزوج لازم هو اللي يصرف على البيت وهو ماأظلمه ما طلب مني شي بس شكله ما قدر يستفيد من راتبي قام جنني على الوظيفه إلا ان تركتها وسلامتكم...
 
انا بصراحه حاليا مو متوظفه بس في السابق كنت موظفه لما زادت المشاكل بيني وبين زوجي تركت الوظيفه لأني انا مقتنعه ان الزوج لازم هو اللي يصرف على البيت وهو ماأظلمه ما طلب مني شي بس شكله ما قدر يستفيد من راتبي قام جنني على الوظيفه إلا ان تركتها وسلامتكم...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل