تبون حوار يعني طيب لعيونكم قبل ما انام بنزل هالحوار ..
نبدأ حوارنا بسم الله الرحمن الرحيم..
ندى مصدومه جدا من كلام خالد واعتبرته قاس وجارح ولايمكن ان تتحمله وتجلس مع نفسها وتفكر ياربي اقول لمين استشير مين طيب مابي بصراحه اقول لاهلي لا لا اقول لاختي طيب لا وش عرفها هي بامور الزواج.. طيب نجلا لا لا مابي خالد يطيح من عينها.. وش اسوي اقول لامي.. ياربي نورني.. حيره وتردد من ندى ولاتعرف ماذا تفعل..
أم ندى.. ها يابنتي عساك ارتحتي الحين؟
ندى.. الحمدالله يماا..
أم ندى.. طيب يابنتي ماراح تقولين لي وشفيك امس تبكين؟
ندى..خلاص يما مافي شي شوي زعل وان شالله الامور تمام..
أم ندى.. يابنتي انا ماراح اضغط عليك بس انا امك وسرك واذا تبين تفضفضين ماراح تلقين احد يفهمك ويوعيك مثلي..
ندى.. تقبل امها على راسها.. اكيد يما الله يخليك لي يارب.. ريحي بالك مافي شي..
أم ندى.. ترفع يدها للسماء يارب يهديكم ويصلح اموركم ..
ندى.. ااااااااامين..
أم ندى.. طيب يابنتي تصبحين على خير..
ندى.. وانتي من اهله يما.
ندى تفكر وتفكر أنا احب خالد وماقدر اعيش من دونه بس هو جرحني واهان كرامتي .. مابي يعرف ان هالشي سهل بالنسبه لي ويتمادى بس وشلون اعاقبه.. طيب وش بستفيد من عقابي له يمكن يرجع.. طيب وش الحل ماني عارفه الغلط مني ولا منه..
ندى.. تتذكر كلام خالد .. يعني هو بنظره انا اللي دفعته لهالشي من شكوكي.. خليته فعلا يكلم بنت لا لا بس هذا مو مبرر برضوا..
ندىترسل مسج لخالد.. اتمنى كل واحد فينا يفكر باغلاطه اذا انا غلطت انت بعد غلطت واذا تحبني لازم نصلح اللي انكسر بينا..
خالد.. يرد على المسج ان شاء الله..
بعد يومين.. يتصل خالد على ندى.. متى بترجعين البيت؟
ندى.. برجع بشرط نتفاهم مابي ارجع كذا..
خالد.. حبيبتي الانسان مو معصوم من الخطأ والواحد يتعلم من اخطائه..
ندى.. يعني انت تعترف انك غلطت؟
خالد.. ارجوك سكري الموضوع..
ندى.. لا هالمره ماراح يتسكر تعرف ياخالد ليش احنا مو قادرين نرتاح..؟؟؟
خالد.. ليش؟
ندى.. لان مافي حوار بينا احنا نحب بعض ولايمكن نستغني عن بعض لكن لاحظ التفاهم معدوم من بينا..
خالد.. انا والله سهل بس انتي ماعرفتي تكسبيني..
ندى.. طيب وشفيها اذا علمتني ونورتني قولي اللي تحبه واسويه لك ليش تكتم بقلبك ليش انا المطلوب مني افهم بدون ماتتكلم هذا صعب علي ياخالد..
خالد.. حاولت معك ولمحت اكثر من مره لكن عنادك كان طاغي على تفكيرك وكنتي تمشين اللي براسك وبس..
ندى.. بالعكس انا حاولت اجذبك بس انت تبعد حتى اخر الايام كنت احسك معاي ومو معاي جسد من غير روح عقلك بوادي مشغول بغيري ياخالد..
خالد.. انا عمري مافكرت بغيرك انا حتى لو سرحت او ماكنت معاك بس مو مثل ما انتي مفكره انا مضغوط في العمل وانتي عارفه..
ندى.. طيب فضفض لي مو انا زوجتك مو حبيبتك ارمي همومك علي..
خالد.. انتي تعرفين اني ماحب اتكلم ولا افضفض..
ندى.. وكنت تفضفض لها يعني وتحكيلها ليش هي كانت احن مني عليك..
خالد.. والله انتي مو صاحيه علاقتي معاها ما مست كرامتك بشي ولا احترامك بشي وعموما هذا موضوع انتهى..
ندى.. وكيف اثق انه انتهى..
خالد.. لاني قلت انه انتهى.. واوعدك انه انتهى..
ندى.. بس صعب اثق كذا انا ابي اثبات انه انتهى..
خالد.. ماعندي اثبات الا كلمتي حبيتي تصدقين ونفتح صفحه جديده اهلا وسهلا غيره ماقدر اسوي شي..
ندى.. وكرامتي ياخالد..
خالد.. محد مسها بشي ياندى لاتصيرين حساسه بزياده..
ندى.. بس..
خالد.. ندى خلاص ارجوك عاد سكري الموضوع وخلينا نعيش بسعاده انا تعبت..
ندى.. وانا اكثر انا مليت وحسيت ان حياتنا كلها نكد في نكد وكل مانشوف يوم حلو لازم يجي شي ويعكره..
خالد.. صدقيني الزوجه بيدها مفاتيح السعاده مو الرجل..
ندى.. مو الزوجه بس يد وحده ماتصفق لازم الاثنين يجتهدون في هالطريق ياخالد..
خالد.. وانا باذن الله اوعدك بالسعاده بس ريحيني ..
ندى.. وانا اوعدك اني اسعدك ان شاء الله..
عزيزاتي المتابعات ما رايكن بهذا الحوار وياترى توقعاتكم فيما سيحصل هل فعلا ستنتهي المشاكل ام لا؟ وهل باعتقادكن ان خالد صادق في كلامه وكيف ستثق به ندى؟؟
اراكم مع حوار قادم ونهاية القصه ستكون غدا باذن الله تعالى غدا تصبحون على الف خير..
شاكره متابعتكم وردودكم جميعا الله لايحرمني هالطله المميزه
