تعالو شوفو زوجي وش قاعد يهددني فيه؟؟

  • بادئ الموضوع بادئ الموضوع ســاره
  • تاريخ البدء تاريخ البدء
الله يكون بعونك حبيبتي
والله انا تو زوجي قايل لي بيسافر بس للدمام ومع اخواني مو حد غريب المشكلة فاجأني بيسافر بعد ساعه وانا تناقشت معه قبل كم يوم قال مادري ما اتفقنا لسه يمكن ما اروح
والقهر ما قدرت اقول له شي توه طالع من عملية في عيونه مو حلوه اخانقه وهو تعبان
بس وربي قهر مع اني عارفه انه ما بيساوي شي وواثقه من اخواني لكن بعد قهر خصوصا مالنا كم شهر من زواجنا واول ما جته اجازه مرضيه بيسافر معهم هو يقول ما بيتأخر يومين بس وانا اقول لو ساعه تفرق الفكرة هي الاساس..
الله يهديهم بس
 
لاحول ولا قوة إلا بالله العلي العظيم
الله يعينك عليه , ويسخره لك
 
غرااام المحبين قال:
حااااولي تمنعينه واذا ما قدرتي استودعيه الله بقولج

اللهم ان استودعتك زوجي وقلبه وبصره وفرجه يامن لا تضيع ودائعك

وخلاص ريحي بالج ,,, هذا انتي مريضه قولون من كثر التفكير به وهو ولا همه

انتبهي لعمرج ولصحتج واهتمي بعائلتج والله يرده لج الرد الجميل يارب
أنقر للتوسيع...


مشكوره ع الكلام الحلو ..

تفكيري مو بس في السفر لا .. دايما افكر بعشيقته السابقه !!!

ياناس كان عايش معها سنتين كاملات ..

مو معقوله الحين بيسافر لبلدها ومايشوفها << مو داخله مخي ..

هذا اللي مقلقني صار لهم عشر سنين ماشافو بعض ويقولي مو محتفظ برقمها

ولاعنوانها لانها اصلا من شقه لشقه ..

بس قلقاااانه جدا ..
 
NANDOOOOS قال:
ياقلبي الا ازعلي وكبري الموضوع واتركي البيت وخليها توصل لها الدرجه ولا توصل لامور اكبر وامور لاتحمد عقباها ليش يسافر ويستانس وانتي تجلسين بحسرتك خصوصا ان له سوابق تعتقدين انك راح ترتاحين لو خليتيه يسافر لاحبيبتي راح تلاحقك الذكريات المره لعشيقته السابقه وراح تجيك وساوس وتخيلات صعبه لاتستسلمين ولاتخافين من تهديده انه راح يحط جوازه في المكتب وهالكلام اللي قاعد يهددك فيه لا لا لا تخضعين لتهديداته ابدا خليك قويه وحازمه ومدامه يقدر زعلك ازعلي وخليه حتى لو راح مو مشكله اهم شئ مايروح وهو مستانس وعندك عذر قوي ان له عشيقه سابقه من نفس البلد قولي انا عطيتك ثقتي وانت فرطت فيها واذا رحت راح يكون اخر مابينا وصدقيني ماراح يفرط بحياتكم علشان سفره وعموما استخيري قبل كل موقف تتخذينه وعليك بالدعاء الله يسخرله يارب ويهديه
أنقر للتوسيع...

كلامك في الصميم وربي انك شجعتيني جدا وزدتي من ثقتي الله يجزاك كل خير
والله يسعدك ويسخر لك من تحبين ..
 
أميرة قصري قال:
خلاص قوليله انت خذيت وقتك وتمتعت فيه انت الحين راعي بيت وعيال واذا تبي تسافر سافر معانا احنا اولى او انه يغير البلاد المحظورة واستمري بزعلك واذا جابلك هدايا لا تقبليهن لانه قاعد يرشيك ولا تردي على مكالماته .
أنقر للتوسيع...

انا قاعده افكر بالرشوة على رايك..

لو ماقبلتها ابدا ربما يسافر بالمرات الجايه وبدون ماادري وماراح يهتم لامري
واذا قبلتها معناته اني قبلت اعتذاره..

يوووة من اللخبطه ............................... ماادري وش بسوي!!

الله يعين بس....
شاكره مرورك اختي..
 
أم الجاسم قال:
طيب حبيبتي هو متعود عليك انك بتزعلين وداري اذن اتركيه يروح وقوليله بس الحياه سلف ودين واللي يخون لازم يجيه يوم وينخان وبنات الناس مو لعبه لا انا ولا غيري واذا عندكم بنات ذكريه ببناته اسم الله عليهم

بس ذكريه ان الدنيا غداره ولو راح ولاتهتمين والله عيشي الحياه طلعات ووناسه وان جا ولا تفرق ادري انها صعبه بس لو شاف ان انتي مره متعلقه فيه والله يسوي اللي يسويه ويدري انك بترجعين لا تتاثرين
أنقر للتوسيع...

شكرا لك عزيزتي ..
 
ممددة بالصالة قال:
انا الصراحة مادري عن موضوعك ان كان نزلتية قبل بس استودعية الله وهو خير الحافظين وأكثري من الأستغفار بنية حفظ بصرة وفرجة وتوكلي على الله فمن توكل علية كفاة الله يفرج همك ويقرعينك فية ويقر عينة فيك
أنقر للتوسيع...


جزاك الله خير عزيزتي..
 
beautifulmind قال:
اول شي استغفري ليل نهار من ذي اللحظة (واستيفني انها راح تقرج بحول الله وقوته )
ثانيا -لاتبدين اي نوع من القبول حتى في الخوض في هذا الموضوع
وإذاتكلم فيه ابدي زعل وتغير على ملامحك وقولي صدقني ماراح اعدي لك الموضوع على خير وهذا الشي غصبا عني
موبيدي لأني راح انكد عليك ومعد اصفى لم ابد الدهر وقد أعذر من أنذر(مع استمرارك الدايم على الاستغفار والدعاء)
ثالثا -اطرحي عليه فكرة سفرك معه وانك أولى من غيرك وذكريه قد ايش انتم محتاجين لفرصة تقربكم من بعض وانك تعبانة ومحتاجة نقاهة زيك زيه وانه ماناقصك شي كلك انوثة لكن محد ملتفت لها غير رجال عيونهم زايغة 0صدقيني كلامك ذا فيه تهديد له في اللاوعي انه مقصر معك وانه ممكن يخسرك 9
رابعا -استعيني بالله الله يسدد خطاك ويوفقك وطمنينا وان شاء الله اكون افدتك
أنقر للتوسيع...


الله يطمنك ومشكوره على كلامك الحلو

وانا مرااابطه هنا مالي غيركم راح افضفض يمكن ارتاح ..

بس دعواتكم ..
 
waimnnn5 قال:
والله وانا اختي انا انصحك انك ما تخلينه يروح انتبهي والله اذا شافك متهيونه عن الموضوع ما راح بعدها يجيبلك خبر انا كذا سواها زوجي مره وسافر خليته يروح وانا اسبوع كامل ما اكلمه واتصل عليه واتهاوش انا وياه ولما رجع قلته خلاص استانست يالله مع السلامه تدرين وش سوا حب رجولي عشان اجلس قلته والله لو تكررها مره ثانية بتشوف شي ما شفته بحياتك لانه عارف ان مشكلته العيال ما يقدر يتحمل مسوليتهم
والله يسهل عليك بس ارجع واقولك لا تخلينه يروح نصيحة اختى ترا بيحترق قلبك وهو هناك مبسوط وانت تحترقين
أنقر للتوسيع...

اما يحب رجولي كثري منها << ماحب يديني عشان يحب رجولي

زوجي ممكن يقعد شهوور مايكلمني عااااادي مايهمه .. وصبووور جدا جدا

وباله طويل..

صح اني راح اظل على حالي وازعل جدا بس روحه لبيت اهلي لا صعبه << لي سالفه وسابقه ماتساعد ابدا..

شكرا لك..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل