ساعدوني بموت من الهم

[مجروح&]

أنا لي عشرين سنة متزوجة وماقصرت مع زوجي من جميع النواحي وصابرة عليه لأنه صعبه نفسيته وكل من شافني يمدح في صبري وإهتمامي ببيتي وبجسمي في يوم قال أبروح للبر يومين وجاي وفي اليوم الثالث أرسل يعتذر إنه كذب وإنه متزوج له يومين كانت مثل الصاعقة حسيت إني ........وكل اللي ضحيت عشانه راح وبعد ماجاء العريس قعد يسمعني كلمات أحس إنه يخدعني وبس يبيني ماأزعل وأنا طبعا سعادة أولادي السبعة وأصغرهم عمرها11شهرتسواه ومستحيل أترك بيتي مع إني موظفة وقادرة فمرة أقرر هجر فراشة ومرة أقول ............اطوني مشورتكم الله يفرج لكم:icon1366:

 

[dalal878]

صبري على ريلج شكلة يحبج من صدق و إلا ما كان صارحج بزواجه بسرعة كان خش عنج و مصير الريل لين الزوجة الأولى و أم عياله

 

[سلمى العمر]

يعني و مين هذي يلي تزوجته من وين يعرفها و كيف حتى تزوجها ......؟ و الله الرجال يقرفون

 

[مجروح&]

شكرا حبيبتي على ردك بس أبغى أحسسه بالفرق يعني كيف أنا أول وكيف صرت بعد ماجرحني:tears:

 

[مجروح&]

يقول إنه إخت زميله

 

[@باونتي@]

ياقلبي علييييك
موقفك جدا صعب ومؤلم مررررررره
الله يهون عليك يارب..
بس انتي الان شو اللي محيرك وتبغينا نجاوبك عليه؟؟
محتاره بايش؟؟
اذا كنتي مو قادره تستحملين ضره على راسك انفصلي وحطي لك بيت وعزي نفسك وكرميها وجيبي لك شغاله وسواق والعيال يكونون عندك وبلاش هم ووجع راس اشتري راحتك وسعادتك العيال ماراح يضيعون ربيهم تربيه صح ووفريلهم كل اللي يبونه وكلها كم سنه وبتشوفينهم رجال شادين ضهرك ان شاءالله

لكن....
اذا عادي ترضين على هالحاله وتتكيفين...؟؟
خلاص حاولي تكيفين نفسك ع الوضع وحاولي تكسبين زوجك ولاتجافينه تخسرينه وتخلينه يلتجا للثانيه ولاتحرمينه من اللي يبغاه منك لان الزعل في هذي الحاله ماراح يفيدك بشئ خلاص الرجال فكر وقرر وتزوج وخلص

 

[لمى ص]

الله يرده لك ردا جميلا ويسخر لك ولعيالك

 

[^ملامح جفا^]

الله يكون بعونك ياختي...
طيب حلو انه قالك بس لافات الفوت ماينفع الصوت...
ايش اسبابه اللي خلته يتزوج؟؟؟
واي النقص اللي شافه؟؟
ولا بس مايعرفون سنة الرسول الا بهالشيء...
طبعاً اللي اشوفه انا لو اني بمكانك ماراح اعطيه مثل ماكان...
شخص ماحن لوصالي ماني بحاجة حنينه...

اتمنى من الله ان يرزقك خير من عنده وياخذ حقك عاجل غير اجل...

 

[عبق القرنفل]

عزيزتي حبيت اشارك في النصيحه وهي انج صج تصبرين على ريلج لا تحاولين تروحين بيت هلج انسيه اولا لان عندج عيال وهلج لو استحملوج ماراح يستحملون عيالج وبعدين اشفيها اذا تزوج عندج اكبر مثل الرسول صلى الله عليه وسلم مع انه ان يحب السيدة عائشة بس تزوج عليها صج لحكمه بس بعد تزوج وهذا حقه الشرعي لريلج يمكن هو ريال عنده قدرة جنسيه كبيرة واحسن انه تزوج ولا راح حق الحرام وصدقيني اعرف حريم وايد كانت علاقتهم مع ريايلهم مب عدله ويوم تزوج عليها صار يحبها اكثر من قبل انتي بس لا تقصرين معاه صج بتشيلين في خاطرج وايد وهذا من حقج بس بعد حاولي لاتعطين الفرصه لها تاخذه ويروح لها وماتشوفينه عقب وتندمين بالعكس صيري احسن من قبل عشان يعرف قيمتج وبتكبرين في عينه وعليج بتقرب الى الله سبحانه والدعاء والاستغفار
وتقبلي تحياتي

 

[المراءه الذهبيه]

ياصبرنااااااااااا يا الحريم على ذا الرجاجيل انا جاني موقف يشبهك بس باختلاف شوي في الظروف بس عليك بصلاة الليل والدعاء فيها خذيها عهد على نفسك انك تصلين وتدعين كل ليله واستمري مع الاستغفار والتصدق بنية ارجاع زوجك لك وان يجعل الله في زواجه الخيره لك وله والله عند حسن ظن العبد دائما والله يصبرك الله يصبرك ذكرتيني بجروحي الي لازلة اتألمها بس يا الله لك الحمد ولك الشكروادعي دائما (اللهم يامن رددت يوسف الى اهله رد لي زوجي ردا جميلا والن قلبه لي كما النت الحديد لنبينا داوود)

 

[نهر الحياه]

لا حول ولاقوة الا بالله

المهم أختي انه تزوج ولا خانج وسوى الحرام

فحاولي يا أختي انج تصبري نفسج بهالتفكير

وتستغفري ربج

وأنا أنصحج انج تكوني قويه اكثر معاه

وتستغلي هالفرصه اللي يحاول يراضيج فيها

ومادامانج موظفه لا تفكري تساعدينه ماديا

وخليه هو يصرف عليج وعلى عيالج وبيتيج

خليه يحس بالمسؤوليه

ولا تضعفين جدامه وفي نفس الوقت بيني له انج زعلانه

ولا تكلمي بالموضوع وكوني واثقة من نفسج ولا تفكري بالطلاق

وخليه يكون عادل ولا تتكلمي عن زوجته او اي مجرد تعليق

عشان يحس بالفرق وكوني له الزوجه الحكيمه اللتي اذا نظر اليها اسرته

وفي نفس الوقت حاولي ماتعطيه من وقتج وايد

الله يسهل عليج

و

 

[عبق القرنفل]

عزيزتي بس حبيت اوضح شيء في الموضوع الي كتبته من قبل يوم قلت لج انسيه يعني انسي بيت هلج مب ريلج وهذا للتوضيح

 

[لولي المجنونه]

سوري ع ردي بس انا كرهت الزواج من بعد ماشفت سواة ازوااااجكم فيكم--الله يعطيكم القوه الي تقهرون فيها الرجال--اكرررررررررررررررهم

 

[ام دودي وعصومي]

ما قهر الا قهر الرجال (اللهم اني اعوذ بك من قهر الرجال)الله يصبرك

 

[حلوه وكتكوته]

الله يرده لك ردا جميلا ويسخر لك ولعيالك

 

[مجروح&]

انا ابغى شوركم لان وحدة شارت علي اهجر فراشه فإن كان يحبني من جد فهو بيطلقها

 

[أريد أن أكون]

السلام عليكم ورحمة الله وبركاته
هلا بك اختي مجروح اعتقد ان هذي النصيحه ستهدم بيتك لن تبنيه..
فإن فعلت ذلك فأنت تقدمين زوجك للثانيه على طبق من ذهب..
انشغلي عنه باهتماماتك الشخصيه وان طلبك للفراش فكوني امرأه مثيره..
هنا تعلمي فنون الحياه الزوجيه الصحيحه وتعلمي كيف تجعليه يقترب منك اكثر لاان يبتعد..
وانسي امرها تماما..صحيح انه امر صعب لكنه ممكن...
سهل الله لك امرك وفرج كربك...​

 

[مجروح&]

الله يجزاك عني كل خير بس أنا أحس إني كل ما احاول اكابر وابين إني ماعاد صار النوم معه يهمني زي أول احس انه يطلبني اكثر والمثل يقول اذا طنشتي زوحك بدا يمشي وراك فوش رايك

 

[بنت الكـــويت ~]

حبيبتي الله يقوي قلبج ويعينج خلاص صار اللي صار وتزوج اللي عليج انج تهتمين بنفسج وبوناستج وكفايه تضحيات ألحين لنفسج هو فكر بنفسه ولاخذى شورج فكري بنفسج اطلعي استانسي عيشي جوج الخاص تعاملي مع صالون تروحيلهم على طول سوي عندهم كل شي صبغ حمام زيت للشعر بدكير منيكير لاتخلين شي بنفسج سافري اذا عندج محرم مع اولادج فكري بنفسج انسيه خليه يحس فيج عطيه حقه على اكمل وجهه ولاتقصرين بشي بس الاولويه حق نفسج واولادج وبعدين هو
الله يسخره لج ويحببه فيج زود وزود ولايشوف غيرج يارب

 

[مجروح&]

الف شكر لكل من شار علي او عبر عن رايه والله يلهمني الصبر