شكرا على الترحيب الحار
بس عندي تعليق على ردك
انا قرات بموضوع الجنوبي غربي
ان الجنوبي لما يكون بحاله ضرف سي يحب يختلي بنفسه ومايحب ان احد يساله ايش فيك
قلت في كثير من ردودي وفي ملف الجنوبي الغربي
ان الجنوبي يختلف عن الجنوبية
..صحيح يتشابهون في الاساسيات كثيراً
ولكن كثير مايختلفون في التفاصيل الدقيقة
بالنسبة للخلوة بالنفس اثناء المرور بظرف سيء
بس في الساعات الاولى فقط الى ان يجمع افكاره
اما اذا كان معصب فهو يحب الاختلاء بنفسه بعض الوقت
عشان مايغلط على الشخص اللي قدامه
بين لو اني مثلا اعرف جنوبيه مرت بضرف سي بسببي
هل تحب اني اكلمها بنفس اللحظه اواجل الموضوع
بالنسبة لي افضل انك تتركيني كم ساعة لحد ما اهدئ او ابكي وتروح الحرة
وبعدها اتصالك راح يكون احلى من العسل نفسه خاصة اذا كان اتصال راقي .
مو مثل بعض الاخوات سواء جنوبية او شمالية
تغلط وتخبص الدنيا واذا اتصلت تأخذها العزة بالاثم
وبدل ماتعتذر تصير تبرر لنفسها !!!!
وتختمها بانها ماتشوف نفسها غلطت !!!!!<<< صارت لي كثير وصارت لصديقاتي كثير !!!
الشي الثاني
لو انها مرت بضرف مالي يد فيه
هل تحب اني اسال باستمرار عنها
طبعاً..... وتكونين راعية الجميل بعد ..
كجنوبية اعتبر مواساتك لي جميل فوق راسي واتشقق من السعادة
حتى لو كانت الاتصالات كثيرة والسؤال مستمر<<< طبعاً على حسب الاسلوب يعني الشخص يميز الاهتمام من الفضول
مااعتبره التصاق قد ما اعتبره اهتمام
وشعور الاطمئنان اللي يخالجني لايعادله شعوووور
اقصد ان اللي فهمته من موضوع الجنوبيين
اني اسال عنها بدون ما اتكلم بالتحديد عن اللي مزعلها
لكن بشكل عام اكون قريبه
لا ... اذا كنت صديقة او مشروع صديقة تكلمي بشكل مباشر
وادخلي في الموضوع بدون حدود
لان كلامك عن الموضوع بدون تحديد
يحسس الجنوبية انها غريبة وان العلاقة مازالت تتأرجح
فهالشئ يؤلمها ويحيرها ويخلي الخيال كالعادة يشطح بعيد.
غير كذا قرات هنا بالموضوع للاخوات الجنوبيات
يقولون انهم مايزعلون من صديقاته اذا انقطعوا عنهم فتره طويله ولا يتشرهون عليهم
عجييييييييييييييييب
لاوالله ياعذاري بالنسبة لي كجنوبية غربية كتبت في بدايات الموضوع
اني شرووووووووهة جداً جداً الى درجة قد تنفر الناس مني
عشان كذا سيطرت على تصرفاتي
ولكن ماقدرت اسيطر على مشاعري
بصراحة .. ازعل وابتعد قليلاً عن اللي مايتواصل معي <<< هذا ظاهرياً
وابكي واعاتب والوم واتسأل واتخيل اسباب كثيرة <<<هذا بيني وبين نفسي
وانا شخصيا اعتقد ان الجنوبيه غلط معاها انك تسالين باستمرار عنها
بالنسبة لي الي ماتسأل عني باستمرار مثل ما اسأل عنها
اعتبرها ماعرفت لي .
احب التواصل مع المقربات لانهم بصراحة قليل
ويسون عيوني واحس الحياة معهم احلى واسهل
وعشان اكون معك اكثر مصداقية احس بالقوة والراحة في التواصل مع من يعنيني امرهم
ويتهربون من الل يقربون منهم ؟؟
مو دائما ياعذاري .. لاتقارنين الزوج بالصديقة ولا تقارنين الرجل بالمرأة
شوفي بالنسبة لي كجنوبية غربية مدركة عيوبي تمام الادراك
وكذلك مدركة محاسني
فأنا هنا ماابرر للجنوبيات ابد ولكن احاول اوصل لك طريقة تفكيرهم من خلالي
يمكن لما تتواصلين كثير مع الجنوبية تحس بالطمأنينة والراحة
وانك صرتي صديقة مقربة
فبالتالي تقدر تمارس باقي حياتها وهي مدركة ومطمئنة انك معها
يعني هي ماتطنش ولكن مطمئنة لك ..
هي ماتتهرب ولكن هي تمارس التزاماتها اللي عليها
وترجع لك في وقتك المخصص .
ايش رايك ؟؟
اسفه على الفضول بس حبيت ادلي بدلوي
وحبيت اوضح لك الصورة اللي تمثلني
لاحظي اني تكلمت معك عن الجنوبية الغربية كصديقة وكأخت وكأمرأة
يعني مختلفة تمام الاختلاف عن الجنوبي الغربي كزوج ورجل
وحتى اني اتمنى من قلبي نتكلم بكل صراحة واحترام عن عيوب الجنوبيات الغربيات
بدون ما نلون هالعيوب ونقلبها بقدرة قادر لمزايا
مثل عيب معظم الحريم ( قلبها طيب) !!!!!!!!!!! :thumbdown:
في البداية قلت ان قلبي مو طيب مرة
طيب مع الناس اللي احبهم وعادي مع الاخرين اللي مايعنون لي شئ
وكمان لما قلت في بداية الملف عن ان بعض الجنوبيات احياناً فيهم سوء ظن.
وقيسي على ذلك
