السلام عليكم ورحمة الله وبركاته:
هذي اول مشاركه لي في هالموضوع الاكثر من رائع والي ان شاء الله يكون سبب بعد رب العالمين في تغييرنا في حياتنا الزوجيه وارتقائها للافضل
وبما انكم ماشاء الله مبدعات يازوجات:santa_1: ش/ش الي معذبينا عندي لكم اسئله جاوبوني عليها؟؟؟
هلا فيج حبيبتي بينا.. ان شاءالله انا نعين ونعااااااون..
س1_ ما طريقه ش/ش في ارضاء الزوجه:schmoll:؟؟
شوفي حبيبتي..النااااس تختلف من شخص لشخص.. ع حسب تقاليدهم واعرافهم والاهم تربيتهم..
لكن اذا بنتكلم بشكل عام ومن واقع تجربتي.. الشمالي الشرقي.. مايعتذر بصريح العباره..
حتى لو يدري انه غلطان في شي معين..بس ممكن تتغير معاملته معاج.. يمكن يتم فتره
يداريج شوي.. يتم يسالج شو ناقصكم من اغراض .. او اذا طلبتي منه طلب يحاول ينفذه
لج قدر المستطاع.. لكن اذا حس انه مب ملزم مابينفذه.. ولا يحب انج وايد تتعززين..
لانهم وايد وايد.. عزيزين نفس.. ومايحبون حد يذلهم.. تثيقلي بس بحدود.. بعض الاحيان
او نادرا يمكن يبين غلطه.. وانه مستعد انه يعوضج.. بس هالشي نادر مايحصل.. ع حسب
المشكله والاهم ع حسب تصرفج معاااه..
س2_ ما مدى تأثير نقد:tears: (المقربين له خاصه والناس عامه) في حياته وعائلته بشكل عام؟؟
شوفي هو يمكن يتاثر بكلام الناس ويمكن اكثر من الناس المقربين له.. لانه هالشي
جاي من شرقيته..بس مب دايما يتاثر.. يعني ع حسب الكلام وع حسب الشخص اللي
قاله الكلام شو يعني له.. وع حسب ثقته فيج.. بس من واقع تجربتي.. مهما عزج وحبج ووثق
فيج.. هو يتاثر من كلام الناس.. وبالاخص من الناس اللي يعزون عليه.. بس هنيه تقدرين
تحلين هالمشكله .. هو باسلوبج لتقبل كلامه.. واقناعه.. باسلوبج..وتبينين له ثقتج بنفسج
اذا شافج واثقه .. مره ومرتين.. صدقيني.. مع كثر ترداد الكلام .. ماراح يتاثر..وترى هو
مستحيل يجي ويخبرج فلان قال عنج .. وفلتاااان قال.. بس بيبدا تلميحاات .. ويمكن بشكل
مباشر..
س3_ كيف يعبر ش/ش عن حبه:icon26: لزوجته؟؟
ومثل ماقلتلج.. يختلف من شخص لشخص.. بس .. طرق تعبيره.. غالبا تكون.. ماديه..
نادرا تكون معنويه.. يعني يمكن يقولج.. شو رايج.. نروح المطعم الفلاني.. او شو ناقصكم من
اغراض في البيت.. وهكذا.
:icon26:وشكرا لكم جميعا واخيرا اسأل الله في هذه الليله كما جمعنا في دنيا فانيه ان يجمعنا في جنة عاليه قطوفها دانيه اللهم آمين:icon26: ........
