السلام عليكم ورحمة الله وبركاته
أهلا بأحلى حلوووووووووووووووات وأحلى ملكاااااااااااااااااااااااااات
رجعت لكم بعد طول غياب
رجعت وانا طفشانة مقهورة والله راح ينفجر راسي من الضغط والتعب
مثل ماقلت لكم رجع زوجي من السفر وليته مارجع ليته بقى هناك فترة أطول على الاقل أكون مشتاقه له
رجع من السفر وكان مبين إنه مشتاق لي وجلست اليوم ذاك عايشه بسعاده وضاغطه على نفسي مو مبينه إني متضايقه منه ومن تطنيشه وعدم مكالماته واستقبلته أحسن استقبال
بعدها بيومين اجتمعوا أهله من كل مكان أخواته وإخوانه في بيت الوالد وياهلا فيهم وأكون أنا سعيده بتواجدهم وأروح لهم وأخذ معاي الحلى كم نوع وكل شي
بس المشكلة في أبو الهول وتوني أقتنع فيها يوم طفشني وقهرني
يفتعل المشاكل ويتجاهلني علشان يطلع ويدخل بدون ما أقول وين بتروح
لأني أنا لما يكون مزعلني ما أسأله عن شي وأتجاهله يدخل ويطلع كأني مو موجودة وفرح بهذي النقطة علشان كل وقته عندهم ومطنشني والله تعبت معاه
أنا والله ما أمنعه من أهله بالعكس إذا تأخر ماراح لأمه أقوله ليه اليوم مارحت لأمك وأحثه على برها مع إنه ماشاء الله مايحتاج بس أذكره وأذكره بمواعيدها
مثل مالهم حق أنا بعد لي حق كل اللي حواليني مسافرين من أهل وخوات وأقاربي وأقاربه إلا أنا وهو بعد سافر أحس إني راح أنفجر مليت وليت أهلي موجودين على الأقل لما يروح لأهله أروح أنا لأهلي والله طفشت ومليت
أعذروني على كثر كلامي مع إني حاولت أختصره قبل مايجي أبو الهول
ووالله مالي إلا الله ثم أنتم أنتم خواتي والغاليات على قلبي وارتاح لكم وافضفض لكم
بالله لا تخلوني كيف أتصرف معاه كيف أخليه يهتم فيني
ودي اضغط على نفسي وأتجاهل اللي يسويه وأفرفش بس تعبت من كثر الضغط والمجاملة أخرتها أنفجرت وقلت له أنت ليه كذا أنا مقصرة معاك بشي متضايق مني بشيء قال لا قلت أجل ليه تتعامل معي كذا ليه تجاهلني قال يمكن أنا تعبان يمكن فيني شي قلت لو فيك شي ما سمعت صوتك واصل لعندنا وضحكاتك وعندي مكتم وزعلان وسكت وكأنه تفاجأمن كلامي
وقبل كم يوم كنت عازمه أهله وتعبانه تعرفون العزايم الكبيرة السلطات والمقبلات والحلى وغيرها وكلها أنا مسويتها بس الطبق الرئيسي من برا والله تعب ويدخل علي المطبخ وأنا أسوي اللمسات الأخيرة يقول ياي لسه تسوين هذا متأخرة وهذا ماخلصتيه مع إني مرتبه وقتي وبعد العشاء الكل يمدح فيني واللي يأخذ طريقة الحلى واللي يأخذ طريقة السلطة وغيرها وهو ما عنده إلا النقد والله تعبت تععععععععععععععععععععععععععععععععععععععععععبت
أعذروني كلامي مكركب ومو مرتب بس والله مرررررررررررررررره متضايقه آآآآآآآآآآآآآآآآآآآآآآآآآآآآآآه
