هو غباء ولا ضعف ولا خوف الراتب بيد الزوج ؟؟؟؟

  • بادئ الموضوع بادئ الموضوع ميوسه
  • تاريخ البدء تاريخ البدء
الحالة
مغلق و غير مفتوح للمزيد من الردود.
راتب الزوجه

شيء آخر قال:
أصلا العتب ليس على الزوجة التي تعطي زوجها راتبها ..

فهي قد تتعرض لـِ ضغط أو خوف أو ردء للمشكلات ..
بلْ العحب كل العجب من ( شبه الزوج ) الذي يأخذ راتب زوجته !!!​

بنظري أنْ العيب ليس على الزوجة بلْ على الزوج الماااااادي !!​

أنا مع أنّ المرأة من الذوق والفضل ( وليس الفرض ) أنْ تساعد زوجها
وتقف إلى جانبه وأنْ لا تكون إنسانة لا تحركها إلا المادة !!
ولكنْ بحدووووووود ..​

هذه الحدود أنّ الزوج هو المسؤول عن البيت والأولاد والزوجة بكلّ شيء ..
هي لها أنْ تضيف ما تريده من كماليات تكون زيادة أو مرهقة للزوج ..​

مثلا مو من حقها تجبر زوجها على مصاريف (( مكياج \ ملابس \ اكسسوارات ))
كلّّ أسبوعين كل شهر .. كل ما نزلت سوق عطني عطني عطني ..
إي نعم ( عطني بحدود ) والزيادة من عندي ..​


المسألة تحتاج إلى عقل ..​
أنقر للتوسيع...



صحيح


العتب على شبه الزوج وين الرجوله هالايام


وعلى فكره لكل وحده تغدق على زوجها تبني له بيت

تاخذ قروض وسلفيات عشان يشتري سياره فارهه


بكره راح يتزوج عليك لانو يعتقد انو انتي غبيه لانك ماخذه دوره كرجل

ابدأي من اليوم خذي راتبك من يده واتعلمي تقولي لا بيزعل فتره بيضغط عليك انا مديون انا راح انسجن لاتصدقين كلامه

ولاتعاندين بمنعك له جيبي سبب غير حقيقي لاحتياجك للراتب

لان الرجال يطلعون الفلوس من تحت الارض


وبعدين اي زوجه المفروض مايشركها زوجها باموره الماديه سكري اذانك اذا بيعلق على ضعف اموره الماديه

قولي له هذي مشكلتك المهم تصرف على البيت من اشياء اساسيه

وبس

موفقين

 
راتب الزوجه

malak قال:
تسلمي اخت ميووسه علا الموضوع الحلو
انا اشوف ان الي ياخذ مال زوجته مورجال والمفروض ان القاعده هي الرجل يصرف علا المرأه لان الرجال قوامون علا النساء ولابالله علا ايش القوامه مالت عليهم ههههههه
أنقر للتوسيع...


هما لو يطبقوا الدين صح اختفت المشاكل من عالمنا
 
راتب الزوجه

الأسطـــــورة قال:
اذا كان الراتب يصل الى يد الزوج بدوون مقاومة الزوجة فهو احدى الاسباب التي ذكرتيها لامجال للجدال
ولكن عندما تكون الزوجة متصرفة براتبها تبدأ هي بالمساعدة البسيطة للزوج عن قناعة كاملة وبمرور الوقت تأخذ الزوجة مكان الزوج في المصروف ويبدأ هو بالانسحاب تدريجيا من كامل مسؤلياته ولايقدر ان هذا من كرم الزوجة
أنقر للتوسيع...


صحيح المفروض تنتبه لان الرجل اناني ماراح يقدر تضحيتها
 
انا استغرب .. وما اتخيل زوجي ياخذ معاشي ..
او الرجال اللي حوالي .. اخوي ,, خالي .. ولد اختي ...
المجتمع ساكت على اساس ان هذا شي عادي ..
 
اقسم بالله العظيييم ان راتبي كلله بيد زوجي وبطاقة البنك ....والحمدلله راضيه ومبسوطه
 
بنات بستشيركم في مشكلة ربيعتي..هي ماشاالله وارثة من ابوها وينزل لها سنويا مبلغ ..وهي وااااااايد تقهرني اونه ريلها ياخذ الفلوس عنها والعذر انها مبذره وهو يبا يحافظ عليهن!!!!!!!!!! ويشلهن ويحطهن في حسابه!!!!!!
وفوق هذا يحاسبها على اللي تصرفه وبخييييييييييييييل وياها وايد..(على فكره ربيعتي مش واثقه من عمرها وتحس ان زوجها ممكن يشوف غيرهاوتغار عليه وايد ودوم همها وين راح)
احسها الحين تتضايق منه..لانه مصخها كل شوي يطلع لها سالفه اونه بيدرس ويحتاج فلوسها ومره يبا ياخذ سياره ويباها تدفع النص وهي تساعده...الحين تبا حيله عشان تفتك من الفلوس اللي وارثتها شو تسوي؟؟ انا قلت لها تتفق مع اخوها عساس تشاركه في مشروع بس نفس الشي بياخذ الارباح(ارجوكم ساعدوها في حيله مقنعه)
 
وردة توليب قال:
انا استغرب .. وما اتخيل زوجي ياخذ معاشي ..
او الرجال اللي حوالي .. اخوي ,, خالي .. ولد اختي ...
المجتمع ساكت على اساس ان هذا شي عادي ..
أنقر للتوسيع...


توليب مو كل رجل مثل الثاني يختلفون وفيه نماذج سيئه
 
AD LADY قال:
بنات بستشيركم في مشكلة ربيعتي..هي ماشاالله وارثة من ابوها وينزل لها سنويا مبلغ ..وهي وااااااايد تقهرني اونه ريلها ياخذ الفلوس عنها والعذر انها مبذره وهو يبا يحافظ عليهن!!!!!!!!!! ويشلهن ويحطهن في حسابه!!!!!!
وفوق هذا يحاسبها على اللي تصرفه وبخييييييييييييييل وياها وايد..(على فكره ربيعتي مش واثقه من عمرها وتحس ان زوجها ممكن يشوف غيرهاوتغار عليه وايد ودوم همها وين راح)
احسها الحين تتضايق منه..لانه مصخها كل شوي يطلع لها سالفه اونه بيدرس ويحتاج فلوسها ومره يبا ياخذ سياره ويباها تدفع النص وهي تساعده...الحين تبا حيله عشان تفتك من الفلوس اللي وارثتها شو تسوي؟؟ انا قلت لها تتفق مع اخوها عساس تشاركه في مشروع بس نفس الشي بياخذ الارباح(ارجوكم ساعدوها في حيله مقنعه)
أنقر للتوسيع...


فكرتك جدا رائعه

ولازم تقوي شخصيتها شوي حتى تتحمل الصدمات اذا منعت عنه المال فهي احق منه بالتصرف فيه

وهو ملزوم بالصرف عليها باساسيات البيت
 
انا عن نفسي اعتبر هذي اشياء خاصة يعني مو مفروض الزوج يعرف
رقم السري ويروح هو ويسحب الراتب لزوجته هذا الشي يرجع
لشخصية المره فعلن ؛؛مافيها شي اذا الزوجه تساهم فبيتهالان
اهم ما بين الزوجين التفاهم التعاون؛؛بس طبعن مو بدرجة السذاجه
يعني ما تسوي روحهاساذجه وطيبه عالاخر ترا الشي اذا زاد عن حده ينقلب ضده
 
التعديل الأخير:
haven قال:
انا عن نفسي اعتبر هذي اشياء خاصة يعني مو مفروض الزوج يعرف
رقم السري ويروح هو ويسحب لي الراتب لزوجته هذا الشي يرجع
لشخصية المره فعلن ؛؛مافيها شي اذا الزوجه تساهم فبيتهالان
اهم ما بين الزوجين التفاهم التعاون؛؛بس طبعن مو بدرجة السذاجه
يعني ما تسوي روحهاساذجه وطيبه عالاخر ترا الشي اذا زاد عن حده ينقلب ضده
أنقر للتوسيع...


عين العقل:icon30:
 
انا عجبني كلام الاخت اسطورة لانه الي قالته صحيح انه الزوجه بلبدايه اتحاول اتساعده بشئ بسيط بس بعدين تفجأ انه كل شئ صاااار عليها وهو شال يده خير شر


بعض لرجال راسهم يابس ممكن لو الحرمه قالت له راتبي ومن حقي

يقول لها انا بعد راتبي ومن حقي >>> اتخيلوا شنو بصير في هذا الوضع

واذا ما بتحطين باليبت وبساعديني ماااافي شغل لانه شغلش على احساب بيتي وراحتي ويأخذ من وقتي ووقت لعيال

الشمالي يسوي دي الطريقه دام تشتغلين انا ما بعطيش ولين تركتي الشغل بعطيش

والجنوبي احسه يتضايق من الموضوع لانه يحب التعاون فيفكر هذي ليش انانيه وليش ماتساعدني خصوصا اذا هي كانت شماليه واصرت على رأيها

اذا ممكن وحده عندها فكره عن الموضوع تعطينا افكار بحيث نقنع الزوج انه ماله دخل في راتبنا وفي نفس الوقت اخذ من راتبه وخليه على الحديده؟؟؟؟؟؟؟....>>>> صدق شريرة
 
نبع الحياة قال:
انا عجبني كلام الاخت اسطورة لانه الي قالته صحيح انه الزوجه بلبدايه اتحاول اتساعده بشئ بسيط بس بعدين تفجأ انه كل شئ صاااار عليها وهو شال يده خير شر


بعض لرجال راسهم يابس ممكن لو الحرمه قالت له راتبي ومن حقي

يقول لها انا بعد راتبي ومن حقي >>> اتخيلوا شنو بصير في هذا الوضع

واذا ما بتحطين باليبت وبساعديني ماااافي شغل لانه شغلش على احساب بيتي وراحتي ويأخذ من وقتي ووقت لعيال

الشمالي يسوي دي الطريقه دام تشتغلين انا ما بعطيش ولين تركتي الشغل بعطيش

والجنوبي احسه يتضايق من الموضوع لانه يحب التعاون فيفكر هذي ليش انانيه وليش ماتساعدني خصوصا اذا هي كانت شماليه واصرت على رأيها

اذا ممكن وحده عندها فكره عن الموضوع تعطينا افكار بحيث نقنع الزوج انه ماله دخل في راتبنا وفي نفس الوقت اخذ من راتبه وخليه على الحديده؟؟؟؟؟؟؟....>>>> صدق شريرة
أنقر للتوسيع...

ههههههههههههههههههههه مو للدرجه هذي ارحميه شوي

شوفي اتفق معاك انو الزوجه العامله تشيل نفسها تشارك باشياء بسيطه للبيت كماليات ليس الا مو اساسيات

بكذا راح يحس انو شاركت لان يكفي انو تصرف على حالها

اشرتي لنقطه ممتازه انو طلعت واشتغلت على حساب بيتها كلمة حق تشارك باشياء بسيطه وتحفظ حقوقها لو شاركت بمنزل ولا سياره تكتب باسمها او يكتب البيت باسمها


بس مو ياخذ الراتب بايده وبطاقة البنك ويصرف عليها من راتبها؟؟؟؟؟؟
هذا تهميش لها كانسانه لها كيان
 
نفسي أعرف ليش انفتح هالموضوع !!!!!!!!
 
انا اشوفه غباء وضعف وخوف
غباء : في زوجات غبيات مع الاسف اول ما تتزوج وتكون متخرعه على روحها تعطي الي فوقها والي تحتها لزوجها وعلى بالها انها راح تكسبه بهالاسلوب وتخليه يحبها اكثر لما تتنازل وتعطيه كل شي ونست ان هذا قمه الغباء وان الدهاء والذكاء يكون لما تخلين زوجج يصرف عليج ويقوم بمسؤوليته على اكمل وجه
ضعف : زوجه ضعيفه عانت في بيت ابوها من ضرب واهانات وتنتظر اليوم الي تتزوج فيه ويستر عليها ولد الحلال ولما تزوجته ماكانت تبي الا الحنان والستر وقامت تتنازل وتعطي بسبب ضعفها وقله حيلتها وفي الاخير انصدمت ان هذي غلطه عمرها
خوف : مع الاسف اغلبهم جذي تخاف زوجها يهج من البيت او يطلقها او يطقها او يكفخها وتقوم وتعطيه تعبها وجهدها وعرق جبينها وبالاخير تزيده تمادي وسلطه وهي تزيد خوفها وعقدها .....
 
أنا على يقين أن التي تصرف على زوجها ظنا منه أنه سيحبها

لن تحصل على هذا الحب الذي تتمناه و هذا عند أغلب الرجال و ليس الكل

لأن الرجل لا يحب إلا ذات الشخصية القوية التي تحافظ على حقوقها

لا يخيفك بزعله أو صراخه أو بخله

تذكري دائما أن المسدس بيده

أقصد أنه قد يكسر بك يوما ما

فلا تتفاني

انتهى زمن الاخلاص للناس

الاخلاص فقط لرب الناس فهو الأحق بالولاء و الحب المطلق

له الحمد و الثناء كما يحب ربنا و يرضى
 
لا الحمدلله ......... ان شاء الله ماأندم .......... زوجي امين بمعنى الكلمه .... ومايقصر علي بشي
بس كله يشيله لمستقبلنا ولبيت العمر ....... ونا طلباتي كثيره كل ماجمعنا شوي ... اجيب مشروع ولا اروح السوق ويطييييييييير التجميع هههههههههههههه
 
اخواتي معاكم حق في كل اللي قلتوه بس كيف آخذ البطاقه منه من دون مايسير مشاكل وخصوصا انه لها ثلاث سنوات معاه
 
الحالة
مغلق و غير مفتوح للمزيد من الردود.
عودة
أعلى أسفل