باختصار شديد
زوجي من تزوجنا وهو يمشيني على مزاجه
عنده مبدأ ( لا للشورى )..وإن اضطر وشاور فهو مع مبدأ ( شاوروهن وخالفوهن )
على سبيل المثال اشتهينا نروح حديقة أنا وأولادي واحنا معاه في السيارة يوقف عند باب أهله أو احدى
أخواته ومن دون ما يعطيني خبر يركبون الجماعه مع خداماتهم حتى يبان علي اني ما عرفت يجيتهم معانا
أصير ما عملت لهم حساب بالقهوة او العشاء أو الفرش حق الارض!!!!
مثال آخر
نوى نروح عمرة في شهر رمضان او في وقت اجازة يروح حق أهله ويتفق معاهم ويعزم خواته وبناتهم
وعيالهم المتزوجين عشان يروحون معانا فنفس السيارة
وأنا ما عندي خبر
حتى أجي أركب وأشوفهم سابقيني عالسيارة
حاولت أناقشه أقول أنا علاقتي مع هلك زينه والحمدلله بس ليش ما تخبرني قبل
يعني يحرجني يوم تجي وحده من خواته وتقولي تجهزتي للسفر وأنا ما عندي خبر أصلآ عن السفر من أساسه
لأنه يخطط لوحده حسب مزاجه
واحيانآ الركاب اللي عازمهم يروحوا معانا يكونوا عارفين موعد السفر ومستعدين وانا والله ما عندي خبر
واذا عارضت وقلت ليش ما تقولي على الخطة زي ما تقولهم ...ولا لازم تحرجني قدامهم !!!!
يرد علي ويقول ويش فيها لو عرفتي قبلهم بالأخير أنتي عرفتي وبتروحين معنا
واذا أصريت على موقفي وقلت يا أعرف زي الناس يا ما أروح معاكم
قال : أنتي قلبك أسود وحاقدة على أهلي ...علمآ اني أموت في أم زوجي وعلاقتي معاهم تمام وهوعارف هذا زين
ويعدها يقول لو ما رحتي معانا ترى والله ماكوا سفر
وهذي طريقتي وأنتي تافهه وتدورين عالمشاكل والنكد
تصدقون اني رديت عليه بكل تنازل قلت خبرني عالعمرة عالاقل عشان أنظم وقت الدورة الشهرية
لانه كم مرة صادف وقت العمرة وقت حيضي !!!!
ولا تاب لانه يعتبر هذي محاولات تسلط مني !!
مثال يقهر
في احدى المرات شافتني قريبة لنا في المدرسةوفي نفس الوقت صديقة وقالت ياغامضة كيف موعد سفرك اليوم الساعة 2 بعد
الظهر وما جبتيلها طاري
ضحكت وقلت لها غلطانة وهذي اشاعات عشان وقت رمضان الناس تتوقع كذا
يوم رجعت من المدرسة لقيت زوجي ينتظرني بسيارته ويقول يالله تأخرنا عالناس أنا وعدتهم بمرهم عالساعة 2
قلت شالسالفة قال بنسافر عمرة !!!
قلت عفوآ أنا مو طاهرة !!!
هو انصدم قال تروحين معانا وتجلسين في الشقة
قلت حلوة ...أسافر في الزحمة واهمل عيالي عشان برستيجك الاجتماعي
طبعآ هو خجلان ويش يقول لأهله واخوانه وحريمهم ما عطيت حرمتي خبر
طيعآ أنا أصريت وما رحت ويوم جا من السفر الا هو زعلان وما يكلمني وكأني ذابحة أمه أو أحد خواته
ويوم داومت يوم السيت لقيت صديقتي زعلانه وقالت أخرشي أتصوره منك الكذب علي
ويش خايفه عيه ..أحسدكم مثلآ ..عمومآ الله يتقبل منا ومنكم
المهم أنا رحت أكلمها وأعطيتها التفاصيل كاملة حتى رضت وسامحتني وقالت الله يعينك على زوجك
أرجوكم يا بلقيسيات عطوني حلول لمشلتي الأزلية لأنها هي أساس مشاكلنا