كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
جزاك الله خير
متابعة ياعسل
 
نادية بعيدة كل البعد

شكرا لكل من علقت على الموضوع وسامحوني طولت عليكم بس رفيجتي سم الله عليكم بنتها دعمتها سيارةت ووفاتها المنية الله يرحمه فانشغلت معاها .....

ثاني شي ترى انا حطيت اسم النادي بالغلط ولا اعرف اشلون اشيله اعتقد الاشراف يقدرون يشيلونه ..

وثالث شي نادية بعيدة كل البعد عن المنتدى فهي تتثق من تجاربها التي تعيشها يعني تربي نفسها بنفسها ولا تعتقد على قراءة المنتديات ، كما انا لا تشغل نفسها بالنت مو علشان اهي ماتعرف لا لأنه عندها شغلات وايد لازم تسويها بالدنيا ولحظات لازم تعيشها وماتضيعها من حياتها :):blushing:
 
المزييييييييييييييييييييييييييييييييييييييد....
نحن متابعييين....
 
الله يعظم اجر صديقتج و يعوضها خييييييييييييييير..
ومنتظرييييييييييييييينج لا تطولين علينا.......................
 
لا حول ولا قوة إلا بالله ,

الله يسكن البنيه فسيح جناته ,

ويصبر أمها ويطول بالها يارب ,

إنا لله وإنا إليه راجعون ,
 
عظم الله اجرج اختي..

ورجمة الله على البنت..ربي يصبر اهلها..اللهم آمين..
 
رائعة جدا طريقة سردك للأحداث .. و حقيقة شدتني كثيرا و أكثر ما شدني طيبتك و أصالة معدنك الذي دفعك نحو مساعدة شريهان .. حقيقة مبهورة جدا بشخصيتك و بسخاء عطاءك ..

بوركت يا عسولة
 
خلاف بيني وبين شريهان

طبعا انا توهقت وماعرفت ارد عليها ، قلت لها لحظة لحظة شنو الاسلافة انتي ليش معصبة ،ردت علي وقالت لي حماتي تقول انه الورد الي انا دزيته لها انتي قلتي اسم مريم وانا الي مستغربته انه من وين يبتي الاسم وريلي شنو الي ياب له اسم مريم اصلا معناته انه في شي بالنص وهذا الي انا ابي اعرفه ؟؟؟!! وانا لما رحت محل الورد راعي محل الورد درى اني زوجته ن قولي لي يا فلانه عفيه شنو في بالموضوع ،طبعا كلكم الحين تدرون اني انحطيت بالزاوية وبين اني اتكلم والا اسكت واجذب ولو تكلمت مادري شنو ممكن يصير ولو سكت هم بعد مادري شنو ممكن يصير ؟؟!! قلت حقها : شريهان عفيه انا شوي وادق عليج لانه انا مو في البيت وحواليي ناس ن وطبعا ماتصلت لانه مادري شنو اقول ، لكن اهي ظلت تتصل علي وتتصل وانا مارد احقرها غصب علي ، وبعدين ماتوقعت يتني النادي وقالت لي: بكلمج ممكن ، وكانت تبي تبجي كانها حاسة انه في شي ؟؟!! رحت معاها فوق بالستوديو وقعدنه ،قالت لي :قولي لي ولو ماقلتي لي على أي اساس قال مريم ماراح اكلمج مرة ثانيه كلش ، وانا ابي اعرف منج قبل لا اعرف منه اهو ؟؟ في قلبي اقول ياربي شقول شرقع لها الحين ، طبعا غلطتي كانت اني نطقت اسم مريم هذيك اليوم كان المفروض اني مانطق اسماء وانا اعترف بغلطتي هذي لكن هذا اللي الله كتبه ، هني قلت لها : بقولج شي بس ابيج تحلفين انج ما تتهورين ولا تسوين أي شي ممكن يخرب عليج حياتج ،كانت تطالعني بعين جنها تقولي ادري شنو تبين تقولين لي ( ) كانت نظرة حزينة شفتها من قبل في ويهي بالمراية وماتوقعت اني بشوف هالنظرة مرة ثانيه بحيااتي لأني محيتها من دفتر حياتي ،عقب ماقلت لها اللي عندي قالت لي: عيل طلعتي تعرفين اللي انا كنت ادور عليها ولا قلتي لي ليش انا شنو سويت لج ؟؟ ليش ماقلتي لي ،قلت لها :اقولج شي عشان يغثج ويعور قلبج اتني عبالج مكانتج هينه عندي اهي ما همتني ولا ريلج انتي اللي تهميني انتي عبالج لو شفتيها يعني بتشفين غليلج والا بترتاحين لا ياقلبي ببتعبين اكثر واكثر وصدقيني بتظل صورتها في بالج ماتروح كلش حتى لو تعدلت الامور بينكم انشالله ،كانت تطالعني والدموع تنزل من عينها وقالت لي : امبيه انا مو مصدقة احس انه جنه مو صج ليش قاعد يصير لي جذي ليش وتبجي بحرقه سكرت باب الصف وقلت لها : فلانه صدقيني اني احبج حيل انتي اختي ومن خوفي عليج ماقلت لج سامحيني وكانت معصبة ، ردت قالت لي : زين اهي الحين موجوده هني بشوفها قلت لها : لا للأسف خلص اشتراكها ، قالت لي : شلون واهي اشتراكها طويل (هني توهقت) قلت في قلبي ماشالله عليج انتي بعد ماينخفى عليج شي وبصراحة يتني الضحكة هني لانها فطينه وماتنسى J قلت لها : مادري اهي من زمان مايت فاعتقد مو موجوده وانا ماشفتها وايد بالنادي هالايام الي طافت ،عرفتها اني اعرفها بس انه مايصادف انها تيي وايد بالنادي ، هني قالت لي : ترى على فكرة انا وايد ماخذه على خاطري منج وايد واسمحي لي الحين انا رايحة وطلعت شريهان وتركتني ، الله اعلم شلون نمت ليلتها وكنت افكر اقول ياربي هل اللي انا سويته صح والا غلط ياربي قولي شنو اسوي ؟؟!! مر اليوم على خير وبعدها بيومين اتصلت على شريهان ماردت علي ، ودزيت لها مسج " والله والله اعلم شنو معزتج عندي ، ولومه انتي اختي ماسكت وراعيت مشاعرج يمكن اكون غلطت اني ماقلت لج منو اهي بس هم فكري في موقفي انا خاصة شنو راح يصير لو أثر على دوامي لاتقولين انانيه بس انا فكرت في كل النواحي فيني وفيج وفيها اهي بعد" ، ما ردت علي ... ظليت تقريبا اسبوعين وبصراحة كان موقف جدا صعب وطول الوقت مالي مزاج وبس افكر ،في وم كنت رايحة اعطي صف ، خلصت والا القى مسد كول منها ، اتصلت عليها على طول وردت علي وكانت صوتها حيل متضايق بس قالت لي مايخالف اييج انتي وين ؟؟!! قلت لها : بروح البيت تقدرين تيين بيتنه قالت لي ايه عفيه حاسه اني مخنوقة ، استغربت انها يتني ؟؟؟ لما وصلت بيتنه قعدنه بغرفتي وكانت حزينه حيل حيل وبعدين قالت لي عفيه لا تزعلين علي انا ادري انج ماقصرتي معاي وايد ،بس لا تلوميني حست اني مثل الغبيه ، قلت لها : محشومة والله محشومه بس انا ماهان علي اني اضايقج فوق مانتي متضايقه انا اعرف هالشعور وعشته من قبل ومت مرة لما سمعت وحده غيري ولما شفتها صدقيني مت 10 مرات ،تقول شريهان: تدرين انا خلاص مابي منه شي ولا شي لا اهو ولا اهي بس ابي اشيله من تفكيري هذا الي تاعبني مو اكثر من جي ؟؟!! (تصرفها هذا، يدل على تشتتها وعلى انها مازلت تبحث عن شريهان التائهة في عالم الرجل الخائن ، انها تجري يمنة ويسرة علها تجد أثرا لخطواتها على طرق قلبه ،التي لبدتها نادية بخطواتها الموحلة والتي غطت بدورها على اثار خطوات شريهان) ابي اصحى من اللي انا فيه انا اروح دوامي هالايام وانا تعبانه ماقدر اركز في شغلي ، ولولا الي يشتغل معاي بالمكتب جزاه الله خير جان الشغل معلق ، لأنه يحس اني تعبانه وكل مرة اتحجج انه اليهال مايخلوني انام بالليل واهو مايقصر يساعدني ،قلت لها : منو هذا ، قالت لي : اللي قلت لج انه كان بيخطبني مرة ، قلت لها : اها يلا يعطيه العافية انشالله ، سكتت شوي وقالت لي : حتى مع عيالي صار لي فترة ماقدر ادرسهم عدل فأوديهم عند اختي تدرسهم وانا اقعد اقرى قرآن والا اقرى المقالات الي قلتي لي عنهم ، غيرت الموضوع فجاة وقالت لي : منو احلى ؟؟!! قلت لها : بقولج شغلة ،انتي شنو تقديرج لنفسج ... قالت لي :انا مافيني شي وهذا الي ذابحني ، قلت لها انزين شكليا بس والا شنو ، قالت لي: لا شكليا الحمدلله وايد حلوة وادري بس هم من داخلي انتي تعرفيني عدل ،قلت لها: مو مهم انا اعرف الاهم انتي تعرفين مقدراج انتي شنو على اساسه الناس راح تقدرج وحتى اهوه ، ولا تنسين هذا مهم حتى في شغلج اللي انتي الحين فيه ، وعلى فكرة حتى الحين روحتج للشغل وانتي تعبانه منه ؟؟!! ماراح تفيدج بالعكس راح تخليج تنتكسين زيادة وزيادة ، انتي مو على قولتج تبين تفتكين من التفكير فيه ؟؟ ،ردت علي:ايه بلا ، قلت لها خلاص ،الويهه التعبان الي تروحين فيه الدوام وهالجسم الذبلان لازم تقومين عوده ترى الي معاج بالدوام ممكن يقدرج فترة شهر شهرين بس مو طول العمر هم اهو عنده مشاغله وانتي الحين بشركة يعني انتاجج اهو الي يحدد مستقبلج معاهم ،فهمتيني ؟؟! وعلى فكرة لا تعتبرين نفسج خسرانه انتي الحين بالعكس انتي الربحانه انتي ربحتي نفسج وعمرج وعيالج الحين ، والاهم انج تحافظين عليه الحين نفسج لأنه انتي اساس الدار الي انتي ساكنه فيها والبيت من غير اساس مايعيش ، وريلج اهو عامود من عواميد البيت انتبهي على عامود من العواميد، تخيلي انه هالعامود موجود على الزاوية مو مبين ،لكن هالعامود عليه شخابيط ومضايقتج هالشخابيط (العشيقة) ،وماتقدرين تصبغين هالعامود (لاتستطيع تغيير شخصية الرجل) ، ولا تقدرين تكسرينه لانه ممكن تهدمين البيت (تهدم الأسرة) شنو راح تسويين ،ردت علي :اممم مادري ماكو الا اصبغه ،قلت لها : ماتقدرين ،قلت لها في حلول ، ممكن اني اتعايش ويا هالعامود واغطيه بستارة ، ورق حائط، والا لوحات ويفضل تكون لوحات لأنه اللوحات تعتبر شي حلو نطالعه (شغلي ، انجازاتي، دورات ،تربية عيالي،أبني نفسي، نجاحاتي) أو ورق حائط النقوش والزخارف الي على الورق تعبر عن (انجازاتي ،شغلي)،والورق نفسه يعبر عن عدم اهتمامي بالعامود،وانا استبعد الستارة لأنها مجرد غطاء عادي يمكن انه انا اشيله أي وقت وارد اتضايق من الشخابيط الي على العامودJ فكري فيها بهذي الطريقة، طبعا انا كنت اتكلم معاها واهي تبجي تبجي من قلب ، جان تقولي الله يقدرني ياربي مرت الليله على خير وطلعت ، وسبحان الله انا استغربت انه الموضوع مر على خير خيره من الله انشالله انها ما اصرت تعرف نادية وراح تعرفون قريب انه الله له حكمة في هذا الموضوع انتظروا البقية انشاللله

تحياتي

ٌُRealady
 
التعديل الأخير بواسطة المشرف:
بانتظاااااااااااااااااااااااارك ...

/
\
وربي يصبرهاااا ويعوضهاااا ياااارب
 
عظم الله اجرك في بنت صديقتك والله يصبر اهلها يا رب ويوفقج في عمل الخير .....

ومتابع القصه للأخر ..
 
ناطرين الباقي . لاتطولين علينا
 
الله يوفقك ياريليدي ويرزقك بزوج الصالح الي يسعدك
لانك طيبه واصيله وتحبين الخير
 
متاااااااااااااااابعين
وبانتظــــــــــــــــــــــــــــــــــــــــــــــارج
 
بالانتظــــــــــــــــــــــــــــــــار بليييييييييييز لاتطولين:(
 
الحالة
مغلق و غير مفتوح للمزيد من الردود.
عودة
أعلى أسفل