للمتـزوجات المجروحات الغافلات ...شوفي نصرة ربي لي بعد صراع دام ست سنوات

الله يقويك على صبرك
 
زخرفت حياتي بالصبر ,,,,,, منهو كدي صبر
سيحت ادموعي نهر ,,,,,,,, في وحده وسهر
 
الله يعافيج لاتطولين علينا كثير
نحن في أنتضارج حبيبتي
 
(11)
قالت انتي وعدتيني انك تسامحيني
قلت لها وعدتك
قالت احلفي
قلت بتتكلمين ولا لا
قالت احلفي
قلت ما راح احلف
بكت وترجتني
قلت يا بنت الناس حيرتيني معك شو سالفتك بالله عليك ...
قالت تعرفين انه سبب مشاكلك مع عمتي انا السبب فيها
قلت ادري
انصدمة من ردي
قالت تدرين
قلت ايوه ادري وادري انك كنتي تزنين على راسها علشان تزوج زوجي وانتي الي تخليها تهاوشني وانه منع الخدامات بامر منك وحتى عزومة العروس للبيت كانت من تدبيرك علشان انقهر
وقالت ليش ما كنتي تتكلمين
قلت ماله داعي
ادري انه ربي بينصرني على من ظلمني وليش انا ادافع عن نفسي وعندي ربي ما راح ينساني ...
قالت بخبرك شئ ولازم تعرفيه عمتي حاطه براس زوجك انك انسانه مو مريحته
قلت ومن مريحه
قالت هي كانت يوميا تقول له زوجتك مو بنت ولو تبي تتاكد تزوج بنت وبتكتشف انها كانت مو عذراء
ابتسمت لها وقلت جزاء الله الف خير وانتي انا مسامحتك دنيا واخره وما كنت اتمنى ابدا انه زوجك يتزوج عليك ولكن قولي قدر الله وما شاء فعل ...
وام زوجي كل افعالها مسموحه فيها الا هذي الكلمه ابيها تتحمل وزرها علشان تعرف ترمي المحصنات الغافلات الحافظات لفروجهن
ورحت توضيت وصليت ركعتين استخاره ورحت لزوجي لقيته منسدح بغرفة التلفزيون تحت
سكرت التلفزيون وقلت له فلان
قال نعم
قلت كم جبت لك عيال
قال هاتي من الاخر
قالت من الاخر هذولا مو عيالك ما دري كيف وقف
انا شفته طب واقف وسكر الباب بقوه وسحبني من يدي لعنده شو تقولين
فكيت يده منه بقوه
قلت الي سمعته
وقال تقولينها بكل وقاحه
قلت ايوه اقولها بكل وقاحه هالعيال عيال امك مو عيالك لاني يوم تزوجة الظاهر والله اعلم انه امك كانت داخله علي مو انت
سكت تجمد وجهه من قوة الفشيله
قلت الظاهر انك يا اهبل ولا تستهبل انت ماخذ ثنتين مو وحده لو ما كنت انا العذراء فاكيد الثانيه كانت العذراء الشريفه واكيد كنت بتعرف من فينا الطاهر يا طاهر
عموما الكلام واقف ولنا وقفه عند ابوي وللاسف راح ابوي قبل لا اخبره هالموضوع
مات الله يرحمه في نفس اليوم المساء الله يغفر له ويرحمه ورحت لبيت اهلي جلست مع امي فترة الحداد كامله وما كان بيننا اي نوع من انواع الاتصال كان يجي يزور امي وكنت اطلع لما يجي يزورها ...
طيلة هذيك الفتره كنت افكر ارجع له ولا اطلب الطلاق واريح نفسي
جيت جلست عند امي خبرتها بالموضوع بعد ما خلصت عدتها
قالت امي ما عليك منها يا بنتي بيتك عيالك لا تنسين عنك خمس عيال ومحتاجينك
قلت وانا والاهانه والجرح
قالت ربي بيعوض صبرك خير صدقيني
قلت امي تعبت صدقيني من كل يوم يبي حرمه وانا لليوم ادور معنى كلمة حرمه وما فهمتها
قالت وانتي شو مو حرمه وهي تضحك
قلت والله هذا الي اعرفه
قالت انتي من قال لك انه زوجك يبي حرمه
قلت ابوي الله يرحمه
وجهه امي صار بهذا الشكل
وقالت وانتي جلستي تدورين المعنى
قلت ايوه
قالت المعنى الرجال يبي يحس بوجود زوجته بفراشه يبي يحس انه الي عنده حرمه
قلت اهاااا
قلت زين الحين فهمت ورحت لغرفة اخواتي لقيت اخواتي المتزوجات
وقلت لها ممكن سؤال؟ كيف الرجال يبي يحس بزوجته انها عنده بالفراش
جلسن يضحكن علي وقالوا اني لليوم ما عرفتي
قلت لو كنت اعرف ما كان زوجي كل يوم يركض يبي زواج ...
واخذت درس محترم من اخواتي وفهمت المطلوب ...
وجا زوجي وقال يلا بنروح للبيت
قلت زين ركبت انا وعيالي للسياره وانا اشوف الطريق مو هو طريق بيت اهله
قلت لوين رايحين
قال للبيت
قلت اي بيت
قال البيت
سكتت عنه قال هذا للحين يستهبل ...
وقفت سيارتنا قدام بيت غير بيت اهله
قلت بيت من هذا
قال بيتك الي ابوك الله يرحمه شرطه علي وهذا انا جبته لك
وهنيه اكتفي بهذا القدر عن حياتي واقولكم انا الحمد لله سعيده ومرتاحه اللهم لك الحمد ...​
 
نكمل الاسئلة

وانتي كيف تعاملك معه وكيف تجذبينه ؟

تعاملي معه بأسلوب راقي فأنا دائما اتخيل زوجي هو ضيف عندي وبالفعل هو كذلك فالزوج معك لفترة يعلمها الله أما ان يموت او تموتين قبله هذا ان لم يفرقكم شئ غيره .

هذا الاحساس يجعلني أكون رسمية معه واتخذ معه أسلوب اللباقة والاتكيت والاحترام مو انسى نفسي واسوي كشه ولابسه بيجاما مفككه ازاريرها وحالتي حاله .

دائما اجعل من نفسي رائعة الملمس والملبس والمشم .واتكلم معه بأسلوب راقي بعيد عن الدفاشة والخشونة .انظري لزوجك وهو يكلم طفلتك كيف يكلمها بهدوء!!

لانها ناعمة هادئة وحنونه .هذه المفروض تكون صفاتك انتي وانا وكل انثى .

كيف يمكن للمــرأة ان تجذب زوجها لها ؟

هناك عدة طرق .
الطريقة المعروفة اللي تسويها كل وحده تتسبح وتلبس وتتعطر كل ليلة
وطول النهار اللهم يا كافي تطفش بلد ما تصير انثى الا بعد الساعه تسع بالليل .

الطريقة الثانية اللي تخلي الزوج مثل البطارية اللي تنشحن كل دقيقة ومن تنشحن زين تيدأالعمل

كيف هالطريقة :

يقوم من النوم يحصلك صاحيه قبله مجهزه الفطور وحاطه بخور بالبيت وشكلك بالبيجاما اللي الوانها زاهية وشعرك مرفوع بطريقه حلوه وكحل خفيف قلوس ويكون فمك ريحته عطره .

يروح للعمل وانتي تدعين له بأحسن الدعوات .الله يحفظك .الله يوفقك .الله يستر عليك ويخليك .
وتوصينه حبيبي ممكن تدق لي رنه من توصل
ادري بيقول مو لازم
قولي عندك مو لازم بس عندي ضروري يا عمري
بيروح وبيطنشك
قومي انتي دقي له بعد نص ساعه لو مكان عمله قريب
لو بعيد دقي بعد ساعه وقولي هاه قلبي وصلت
بيقولك أيه ايه يلا مشغول عطيه ضحكه نعومه وقولي ادري انك مشغول بس حبيت اطمن انك وصلت ي اعمري
وسكري عنه وانتي تقولي "عنبو ما يعرف هالانسان الحنيه "

قبل لا يرد من العمل تكوني انتي نظفتي ورتبتي وخلصتي امورك علشان يوصل يحصل قصره الوردي وردي اللون من الروائح العطره ويحصلك يا أميرته تنتظرينه .بيفرح لشوفتك بس ما راح يعطيك وجه بعد طنشي الظاهر بطاريته ما نشحنة ولا كان طار مخه .
المهم بيتغدا وبينام والعصريه جهزي له شئ ياكله والمغرب بيطلع الين ما شاء الله يجي بالليل يشوفك شئ ثاني وبيبدأ يتذكر صورتك .
الصبح نعومه بالبيجاما .
الظهر بثوب خفيف نهاري .
العصر بلبس غير وهادئ ممكن جلابيه
بالليل بقميص نوم احمر .
هنيه بيعرف انه اللي قدامه انسانه مهمته لنفسها وتستحق من يهتم لها .
لانه الزوج يحب اللي تهتم بنفسها يعشقها ويعشق يكتشفها ويعرف خباياها .

مو شرط يجذب الزوج لبس احيانا يجذب ريحة عطرك .
ريحة شعرك ولونه .
احيانا لما يشوفك تحطين كريم الليل قبل النوم .

وحده من صديقاتي تقول كانت تحط كريم الفازلين تخيلو هالكريم كيف فضيع
المهم وهي تفرك الكريم بيدينها زوجها استثار منه؟! وجا لها ملهوف ..!!!

ومنهم من يشوفك وانتي تحطين غلوس بشفايفك يجنن جنونه .
كل وحده تشوف زوجها شو ممكن يجذبه .
وتتفنن بسحر زوجها بالحلال .

نظامي مع زوجي ذكرته من ناحية الجذب .
اني اكون جذابة بكل وقت والجاذبية ما تكون باللبس فقط
الجاذبية تكون بالملس والشكل والهمس والمشم .

تقول إحدى خبيرات التجميل القديرات "لا تكمل جاذبيتك الا بنعومتك "
وهي لا تقصد نعومة جسدك وللعلم نعومة الجسد مفعولها يذيب الجليد.
بل يصهره انصار في ثواني فما بالك بزوجك وهو يلمس جسدك كانه حرير .؟!!

الخبيرة تقصد نعومة افعالك وضربت مثال على النعومة إحدى الفنانات فقالت هذه الفنانة رمزا للانوثة طبعا هذه الفنانة لم تولد من بطن امها وهي تعرف كل هذه الاساليب .!!!

هنا نطرح سؤال هل النعومة درس يجب ان نتعلمه

الاجابة نعم يجب ان نعلمه كلنــــا

فكيف يمكن ان نكون نعومات دلوعات بأفعالنا .؟
وهل هذه الصفات محصوره على الفتاة الصغيرة بالسن والكبيرة ليس لها نصيب من هذا الدلع؟

الاجابة لا.

الصغيرة والكبيرة كلهن اناث والفرق يكمن في كيف يمكنك ان تبرزي انوثتك امام زوجك.؟

مثلا تدخلين عليه وهو يقرأ جريدة " الحبيب بأمانة الله جالس تجيبن انتي يالدفشه بكل قواك وعضلاتك وتطبين تجلسين جمبه ومن جلستك يتحرك الكرسي يقوم يفز المسكين من مكانه يفكر دبابة ولا قذيفة طاحت جمبه ...
هنيه انتي في قمة الخشونه ونوضع على وجهك على X

ولكن لما تدخلين عليه وهو بنفس المشهد السابق وتجلسين بهدوء بدون لا يشعر بك وتكلمينه بصوت هامس كأنك تهمسين له بسر لا تريدين ان يسمعه غيرك ماذا برأيك سيقول هذا الرجل عنك يا زوجته الرائعه ؟

نظامي مع غيرت كثير من الامور :

طريقة كلامي واكلي وشربي ومشيتي واستبدلت الخشونه بالنعومة والصوت العالي بالهادي .

استبدلت طريقة الطلب التي كانت مجرد امر بطريقة طلب مؤدب بإضافة رتوش رومانسية مثلا حبيبي ممكن تجيب لنا ......
ما عليك امر يالغلا ؟
فديتك ممكن تمر على اخوي ابي منه هالشئ اذا ما عليك كلافة .
عمري ابي جلاكسي خاطري فيه الله يخليك

صرت ما اتصل فيه الا لو فيه شئ ضروري وطبعا من زوج يختلف لو زوجك يحبك تتصلين وتكلمينه خليك على نفس العاده انا شفت انه هالطريقة تناسب زوجي وتناسب وضعي الجديد فأرتحت له وهو ارتاح بعد.

رتب الاولويات والاوقات بحياتي وهالطريقه ريحته وريحتني لاني عطيت كل ذي حق حقه .

الصمت والغموض والاحتفاظ باموري وخصوصياتي اللي ماله شغل فيها لنفسي وهالشئ خلاه يقدرني ويقدر خصوصياتي

بعد صرت ما اسال كثير في اموره ولا عن اهله ولا اصدقائه اذا حب يتكلم حياه وما يبي بعد له مطلق الحريه

*** يتبع إن شاءالله *** ​
 
كيفك يالمشتاقة اهنيك على عودة حياتك لطبيعتها وفوق هذا كله رجوع زوجك لك واهتمامه فيك
مع انك اختصرتي بعض التفاااصيل وكااان عندي تساااااااؤلات كثيرة لكن خلص هونت الله يوفقك:icon30::icon30::icon30:
 
الغالي::ة قال:
عزيزتي شاكرة لك اهتمامك ورد علي الي اثلج صدري ، وحسيت اني اقدر افضفض لك اكثر

انا من النوع الي اهتم بزوجي وعيالي اكثر من حالي بكل شئ افضلهم على نفسي، وادري هذا شئ طبيعي لكل ام ، بس انا نفسيتي تعبيت لاني منعت حالي حتى من صديقاتي وقت وجود زوجي بالبيت ، واهو اصلا ما يطلع وايد ، بس على طول شابك بالنت وكلام بالماسنجر والي ....الخ ، واعتقد فهمتيني ؟

بغيت اطنش لاني احترق لما يهملني ويجابل الانترنت وانا ادري شنو يسوي واحترق !!!!

اصلا قصتي قصه مع هذا الزوج الي بعد 15 سنه ماني عارفه للحين اتعامل او اتكلم معاه ، صدقيني مو موضوع فراش الا بهذا الشئ اهو حيل مرتاح منه معاي بس امور ثانيه وطرق التواصل بينا تكاد تكون معدومه
سامحيني عزيزتي وايد طولت عليج
أنقر للتوسيع...
لا ياقلبي انا اختك مايهمك
شوفي ياقلبي انا جربت كم طريقة حاولي
تعرف مفتاح زوجك
حاولي تعلم
شوفي انا زوجي كذا بس كان متعلق بالكورة
انا ماحب الكورة
وكان متعلق بالاسهم
ايش كنت اسوي افتح تلفزيون
واشوف الاسهم ايش طالع وايش نازل
وخلاص
واتناقش معا واحاول حتى يتكلم
شوفي زوجك ايش يحب نت موضيع نزلي واذا جاء شوف يابو فلان موضوع هذا لقيت تناقشي معا لاتخلي على نت الواحدة باستمرار
خليك معها
ونسبة الخروج روحي صديقتك
كل شي نظام حلو ياقلبي لاتعودي زوجك انك ماتروحي ترى مو حلو
خلي يومي تروحي ويومين لا
يوم الخميس الجمعة اهلك واهل زوجك
 
الله يوفقج يااااااااااارب ويا عيالج وريلج ويخلييهم لج
بس قصة حلللوة .. واسلوبج احلى
 
المشتاقه الله يوفقك دنيا وآخره إختك إعجبتني نعم اااالإخت
 
الله يسعدك يامشتاقه بالقرب من الله
ويسعدك مع اولادك ويسخر الله لك زوجك ويجعلك جوهرة في عينه وقلبه
يشهد الله انني استفدت منكي كثير رغم انك اختصرتي في قصتك الا انك ابدعتي في طرحها
والله اني احببتك في الله
غفر الله للوالد وجعله في فسيح جناته والله انه نعم الاب
 
القصه جدا رائعه الله يعطيج العافيه على هذا السرد الأكثر من رائع
 
قصه رائعة استفدت منها الكثير
الله يرحم ابوج يا رب
 
فعلا ملكه بكل معنى الكلمة
اخلاق عالية تربية سنعه ذوق رقه كل الصفات الحلوة فيك من اول قصتك الين آخره
والاحلى ان عندك خفت دم رهيبه ماشاء الله عليك الله ياجرك على صبرك ويسعدك مع
زوجك ويجمعك معاه العمر كله اللهم آميين​
 
قصتك رائعة وكلامك درر:icon30:
انا شخصيا استفدت من قصتك في بعض النقاط اللى غلط عندى وباغيرها باذن الله
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى أسفل