مين هناك .. وحده متخفيه ادخلت علي .. لا تطلعين بدون كلمتين بليييز

حبيبتي يالقلب الكبير نفسي أساعدك و لكن في البداية يجب البحث عن الجامعات التي تكون معتمدة لدى وزارة التعليم العالي ، والاّ راح تعبك هباء" منثورا" ،، يعني لازم تبحثي عن الجامعات المعتمدة لدى وزارة التعليم في بلدك كي تتمكني بعد الدراسة من تصديق شهادتك حبيبتي ،،
أتمنى اني أكون ساعدتك ولو بالقليل حبيبتي

حبيبتي سم ون .. اي نعم عارفه يا عمري هالشغله
لكن انا بعرف الجامعات اول و تالي اروح اسأل عنها في التعليم العالي
ما اقدر اروح اسأل بدون معرفه عالاقل اسم الجامعة .. بقولون وين الجامعة اللي تبينها !!

ثانكيو لكل اللي ادخلو و طلو عالموضوع و انحاشو
و ثانكيو حبيبتي سم ون ..

بس انا سامعة في البحرين جامعه يدرسون فيها بالانتساب .. و هذه اعتقد معترفه عندنا
ياليت اللي اتعرف عنها اي حاجة تتفضل اتقولي

اهلين يالقلب الكبير

ان شاء الله بسألج أخوي وراح ارد عليج

أهوا متزوج بحرينية

هلا حبيبتي مشرفتنا الحلوة :bye1:
أنا من البحرين لكن الصراحة ما أدري عن سوالف الانتساب و شنو الجامعات المعترفة في الكويت

عطيني اسم الجامعة و أنا اسأل لج عنها لو حبيتي

دانة ابعين بحارة .. والله يالغاليه انا ابي اسامي جامعاتكم .. ما اعرف ولا شي
اعتقد في جامعة الخليج العربي في البحرين
لكن هل فيها انتساب ولا لأ .. مادري !!

حبيبتي إلي أعرفه ان جامعة الخليج العربي هي للطب

عندنا جامعات وااااااايد لكن أي وحدة للأنتساب بصراحة ما أدري
بستفسر لج و ان شاء الله ارد عليج

أختى القلب الكبيرر انا بحرينيه ادرس بالجامعه العربيه المفتووحه وعندكم الفرع الرئيسى بالكويت
ودراستها تعليم مفتوح يعنى يوم واحد تحضرين بالاسبووع وفيها بكالوريس اداره اعماال
واغلب المتزوجات يدرسون فيهاا بس صعبه ويبى لها لغه الانجلينزيه قوويه اذا لغتج اوكيه راح تواصلين فيهاا ... والله يوفقج

عزيزتي القلب الكبير

اليوم كلمت اخوي وقالي تقدرين تنتسبين لجامعة الخليج بالبحرين

نظام الانتساب عندهم ممكن ومعترف بها بالكويت

بس لازم كل شهر تروحين البحرين 3 أيام لزوم الدراسة

وأي استفسار انا حاضره

القلب الكبير العسل تسأل
اول شي : الخليج ما فيها انتساب والتخصص فعلا في طب وفي دراسات عليا
وبالنسبه للاستراليه ليش ما صار ما فهمت
وعندج جست يقبلون انج تكملين
وبالنسبه للبحرين حبي الثاني والدانه اللي تشرح القلب <<<<< ولائي العلمي بالشهادات القويه بحريني

عندج الجامعه الخليجيه اهي مو انتساب لأ عندهم نظام تروحين 3 أيام كل شهر محاضرات مضاعفه وتعادل الساعات الدراسيه حق الشهر كله ،وغالبا معترف فيها كباكالوريوس
وعندج الجامعه الأهليه توهم قايلين انه الكويت اعترفوا فيها بس هم تأكدي من التعليم العالي أفضل
واذا تبين بنوتاتنا البحرينيات ما يقصرون اييبون لج الأرقام وتأكدي من التخصصات ونوع الدراسه
الله يسهل كل امورج ويكتب لج كل خير

الجامعه الخليجيه في البحرين تختلف عن جامعه الخليج العربي
الخليج في السلمانية والخليجيه في منطقه يم المطار اتوقع اسمها عراد

هلا وغلا بالغالية القلب الكبير وبالاخوات اللي ساعدوها
اتمنى ان تنحل مشكلتج الغالية

الأخت فتاة من البحرين .. الجامعة العربية المفتوحه عندنا بالكويت عليها مشاكل و رحت سألت عنها ما عندهم هالفترة تسجيل جديد و الكل يشتكي منها .. عندي صديقاتي اهناك و متوهقين فيها

طيري الاخضر مشكورة حبيبتي .. بس شنو تخصصاتهم .. عندج خبر ؟
واااااااااااااي جان زين القا تخصص يناسبني من باجر اروح

مشكورة المسك هدا اللي انا قصدته الجامعة الخليجية

ووضحت بمشاركتي انه لازم تروح 3 أيام بالشهر لزوم الدراسة

اتمنى يكون واضح

حبيبتي المسك مشكورة على الرد
الاسترالية ما قالوا شيء .. بس الوهقه دوامي رافضين تفرغي الدراسي
فقلت يا اما ادخل جامعة انتساب او اجازف و اسجل بالاسترالية على احسابي و ازرق من دوامي الصبح ...... بس التزرق فيه مجازفه كبيره .. اخاف
الجست مافيها هندسه .. انا عندي دبلوم هندسة الكترونات من كلية الدراسات التكنولوجية و كنت حابه اكمل عليها و اصير باش مهندسه

خل اشوف الجامعو الخليجية بالبحرين الحين اذا لها سايت
مشكورين حبايب قلبي على الردود و الاهتمام بالموضوع .. الله يوفقكم دنيا و آخرة ان شاء الله

إن شاء الله