تعرضت لتحرش وتركت خطيبي الشرقي الشمالي
التسجيل

من فضلك يرجى الألتزام بالقوانين ، للتسجيل أضغطي على رابط التسجيل نتمنى لكم وقت ممتع .

Follow us on Facebook Follow us on Twitter Watch us on YouTube
النتائج 1 إلى 12 من 12
  1. #1
    ملكة الصورة الرمزية القطار السريع
    التسجيل
    16 - 12 - 2009
    الدولة
    في منزلي المتواضع
    المشاركات
    728

    Tears تعرضت لتحرش وتركت خطيبي الشرقي الشمالي



    السلام عليكم ورحمة الله وبركاته

    ما بكتب مشكلتي هالمرة بالترتيب لان مخي احسه متشتت من كل الاشيا اللي صارت لي بالفترة الاخيرة
    اولها اني كنت متعرفة على بنت في الفيس ما تطورت علاقتي معاها غير النت والتلفون
    بس انها اول ما عرفت اني مخطوبة وصارت بيني وبين خطيبي مشكلة رسلت رسالة لخطيبي هانته فيها وسبته
    وهو خلى اللوم كله علي
    وظل يقول كلام جارح موت ويقول ان صديقاتي بلا اخلاق وقال لي انت عديمة اخلاق وسافلة
    اسفة ادري الكلام وايد
    بس خلوني افضفض كل اللي بداخلي
    حاولت اتركه فترة حتى يهدا وهو ما يهدا

    البنت هذي انا تركتها وما قمت اكلمها
    ويوم حسيت ان السالفة انقلبت عليها قامت تهددني ان يومي قرب
    وهي الثانية ظلت تكتب الفاظ عيب على اي انسان يتلفظها
    وساعات ترجع وتقول والله احبج ما اقدر اتركج انتي عطيتيني معنى للحياة
    رحت اشتكيت على هالبنت في مركز الشرطة
    في المركز قالولي ان هالبنت " بوية " اصلا وانا تعرضت الى قضية تحرش من بنت شاذة

    لما عرف خطيبي بهالشي هدا شوي
    لكنه بعد كم يوم رجع متنرفز مرة ثانية
    كنت ادق عليه يسكره بوجهي
    لما رد قال لي كلام مو طبيعي
    بقول كل الكلام وكاني اكلم نفسي ما برتب ولا شي
    قال :
    انت اصلا انسانة كذابة ما ادري شنو مسسوية روحج بنت الله وانت ولا شي
    انا اللي ولد شيوخ انتي لا ابوج ولا اخوج شيوخ
    شايفة نفسج على الفاضي
    ولما عطيتج اوراقي تدورين لي على شغل شنو سويتي ؟؟ اشتغلت ؟؟ لا هذا انا قاعد
    لا اشتغلت ولا شفت الشغل
    لا وفوق هذا تعايريني انج تطلعين تدورين لي شغل
    " خطيبي يعيش بديرة مو ديرتي وكان يبي يشتغل في ديرتي عطاني اوراقه حتى ادور له شغل
    ووالله العظيم انا ما عايرته على شي
    انا كنت اقول له اذا بطلع حتى يكون على علم بخطواتي مو اكثر
    وما قدرت اسوي شي لان هذي ارزاق مع اني كنت آخذ سيارتي الساعة 3 الظهر واطلع الى العاصمة واخلي اوراقه في كل مكان"
    وقال لي بعد:
    انت تخلين صديقاتج يجون يهينوني ويسبوني
    انت وحدة بدون اخلاق مثلهم
    مع اني ما قلت لصديقاتي يكلمونه احنا كلنا موجودين على الفيس بوك وبامكانهم بدون استشارتي يكلمونه
    ليش يحملني ذنب غيري؟؟؟
    وقعد يقول انا من يوم عرفتج لا استانست ولا فرحت ولا ضحكت



    الكلام كان جاااارح وهو مو عاطني مجال حتى ارد عليه
    كان هو بس يتكلم واذا اتكلم يسكتني ويظل يتكلم
    لحد ما خلص كلامه كااامل وسد التلفون مع اني انا اللي متصلة له

    عرف ابوي بالموضوع كله فقال خلاص زواج من هالانسان ما في

    امتنعت عن الاتصال فيه مدة 9 ايام
    كنت اموت في اليوم مليون مرة
    هو انا افكر بحبي له وموتي فيه
    والا افكر باهانته لي بكل الايام اللي راحت
    ما كان عندي شي اسويه غير اقول حسبي الله ونعم الوكيل
    في تاسع يوم اتصل
    وكان بعد مشدود
    ويقول لي انا اعرف كل تحركاتج من وراي
    وذكر لي كذا شغلة انا سويتها
    وقعد يقول اي مسحتي ارقامي
    قلت له انا ما مسحت شي
    قال لي ليش هالتغير قلت له ابي اعيش حياة صح وما اكون كذابة
    وقلت له انت جاي حتى تعرف ان هالبنت اللي هي انا للحين تتالم؟؟
    قال : لا انا حبيت اسمع صوتج واتطمن عليج لكني ما راح اتصل مرة ثانية وخلج لحياتج الجديدة وراح

    مت من البكا مكاني لحد صلاة الفجر
    لاني للحين متشتتة مو عارفة انسى حبه ولا عارفة انسى اهاناته
    وكلما جيت اسامح اتذكر كلمته لي بيوم من الايام اللي دقيت عليه فيها وهو يقول لي " الانسان يكون عنده كرامة وما يتصل "
    شورو علي
    شووووووووووووووووورو علي





  2. #2
    ملكة متميزة الصورة الرمزية يالوردي
    التسجيل
    27 - 05 - 2011
    المشاركات
    3,619

    افتراضي



    احمدي ربك انك لسى بااول الطريق مع خطيبك لاصار زواج ولاشي
    اذا هو شاريك ويحبك بيتصل عليك وبيتسامح منك
    اما مسألة انه يعايرك انتي مو بنت شيوخ عيب هذا مو من اخلاق رجل عافل يقولك هالكلام
    حتى لوفرضنا انك مادورتيله على شغل انتي مو ملزومه تدوريله انت حره هذا مستقبله وهو الي ملزوم فيه
    لا وظيفه ولا اخلاق زينه الله يرزقك باالي احسن منه يارب...





    دورة كروشيه عبر الواتس مع الاستاذه صباح مدة الدوره شهرتبدا11 ربيع ثاني 1436 للتواصل ومن ترغب مراسلتي خاص
    من مواضيع يالوردي


  3. #3
    ~◦ღ( مميزة قسم الإستشارات الزوجية )ღ◦ الصورة الرمزية معلمة متألمة
    التسجيل
    14 - 04 - 2011
    المشاركات
    1,006

    افتراضي



    قبل حطيتي كم موضوع لج و شرنا عليج و ما اخذتي الشور..
    اول شي اتركي الزفت الفيس وعقب رتبي حياتج..
    انتي عافسه عمرج وعافسه خطيبج وقاعده تدورين ف حلقة مسكره..

    يا بنت الحلال الفيس بوك هو سبب مصايبج كلها ليش مؤ راضيه تفهمين..
    اي واحد يبتعد عن الباري حياته بتكون عبارة عن نكد وضيق وكدر ف مابالج لو عصيناه؟!
    انتي تدورين حل مصيبتج و الحل عندج..

    يا اختي اتركي كل ما يغضب الباري و ستنفرج همومج واحد تلو الآخر...
    بدل ما تنعدل امورج كل مره تزيد اكثر و السبب انتي عارفته و نصحناج بس انتي للحين ما اخذتي النصيحة ..

    اول شي اتركي المصيبة الاكبر الفيس بوك و الباقي بينفرج اول ماتتركينه
    يا غاليه و الله العظيم قلبي محروق عليج من اول موضوع قريته لج..و محروق من وضعج لإأنج مؤ قاعده تشوفين الباب..

    الله يهدينا و يلزمنا طااااعته حتى الممات.. نجابه الباري بذنوبنا و نحن لا نعلم مدى عظم ما نفعل.. اللهم ارحم ضعفنا و اجمع شعثنا و تولّ امرنا و لا تجعل الدنيا أكبر همنا ولا مبلغ علمنا و لا الى النار مصيرنا..





    من اعتمد ع الناس ملّ..ومن اعتمد ع عقله ضلّ ..ومن اعتمد ع سلطانه ذلّ .. ومن اعتمد على ماله قلّ..
    ومن اعتمد على
    الله فلا ملّ ولا ضلّ و لا ذلّ و لا قلّ ..



    سامحوني على الغيبة اللي كانت خارجه عن ارادتي..
    وحشتوني موت الله لايحرمني منكم

    من مواضيع معلمة متألمة


  4. #4
    ~◦ღ( مميزة في قسم الإستشارات الزوجية )ღ◦ الصورة الرمزية رازيا
    التسجيل
    05 - 08 - 2010
    المشاركات
    11,186

    افتراضي



    مع الغالية معلمة اسمعي كلامها





  5. #5
    ملكة الصورة الرمزية القطار السريع
    التسجيل
    16 - 12 - 2009
    الدولة
    في منزلي المتواضع
    المشاركات
    728

    افتراضي



    انا فعلا لغيت حسابي في الفيس
    وهو رجع حتى يسالني ليش؟؟
    قلت له انا حابة ابدا صح







    قال الحق في الحديث القدسي:
    " من شغله ذكري عن مسألتي اعطيته افضل ما اعطي السائلين"

    من مواضيع القطار السريع


  6. #6
    ~◦ღ( مميزة قسم الإستشارات الزوجية )ღ◦ الصورة الرمزية معلمة متألمة
    التسجيل
    14 - 04 - 2011
    المشاركات
    1,006

    افتراضي



    خطوة موفقه..
    دام انتي عزمتي وماراح ترجعين له.. هذي بداية موفقه.. و خطيبج بيراجع حساباته معاج و ليقدر انج بنت ناس و محترمة نفسج و دينج و قبلها ربج.. ترى الرجال كثير يهتمون لهااشي و يحسبون له حساب.. خصوصا لو صلاتهم قويه..
    و بعدين لو خطيبج مايحبج ترى مايغار و ما يزعل.. هالشي مفروض تحسبينه لحسابه..
    بعد صديقتج اللي بالفيس و عقب عرفتي انها بويه اتركيها وبدليها بصحبة طيبه لان الصاحب له تأثير كبير ع صاحبه اقل شي بيحصله منه هو الكلام يعني لو صاحبتي وحده صحبتها مش طيبه اقل شي بتحصلينه من وراها هو الكلام يعني اصل شي بينقال عنج انتي رفيقتها..
    انتي مخطوبة حاسبي ع تصرفاتج و على اللي تعرفينهم.. و انتبهي ع عمرج و خطيبج و اهتمي ب نفسج من كل النواحي و انشغلي بكل شي يفيدج.. مثل المكياج و المطبخ و اللبس و الثقافه بشكل عام..
    و قبل هذا كلللللله قوّي علاقتج بالباري ترى ما لنا غنى عنه ابد..
    خصصي لج لو ساعه باليوم حق ربج ( دعاء قرآن استغفار او سماع محاضرة من النت)..
    و حاولي ترتبين وضعج مع خطيبج و تراضينه ترى اللي مر فيه مؤ شي عادي..
    و الخطوة اللي بديتيها مع خطيبج بداية خير.. و كلمتج حلوة يوم قلتي له ابي ابدأ صح اول شي عشان ربج و عقب عشان نفسج يا غاليه..
    حاولي تراضينه و تهتمين ب نفسج و صلااااتج ترى الصلاة اذا صلحت ارتحتي كثير....

    بالتوفيق يا رب و الله يسخر لج خطيبج و يسهل لكم أموركم...

    تحياتي





    من اعتمد ع الناس ملّ..ومن اعتمد ع عقله ضلّ ..ومن اعتمد ع سلطانه ذلّ .. ومن اعتمد على ماله قلّ..
    ومن اعتمد على
    الله فلا ملّ ولا ضلّ و لا ذلّ و لا قلّ ..



    سامحوني على الغيبة اللي كانت خارجه عن ارادتي..
    وحشتوني موت الله لايحرمني منكم

    من مواضيع معلمة متألمة


  7. #7
    ملكة مؤهلة الصورة الرمزية مسك الليــــــل
    التسجيل
    15 - 09 - 2011
    المشاركات
    311

    افتراضي



    شوفي غلاتي ..مادري كيف تفكريك حيرتيني
    يعني كيف تخلين الكل يعرف مين خطيبك عالفايس وقت ما بقى فيه ثقه بحد والنتيجه اديك شفتيها بعيونك الحمد لله انها هاوشته وما خطفته منك
    انا مشتركه بالفايس من سنتين او يمكن اكثر لكن لو ما اعرف الشخص معرفه شخصيه ما اقبله بصداقاتي فمن شان هيك استغربت جداااااااااا كيف تضيفي وحده ما تعرفيها زين والاحسن انك تديها رقمك وكيف تخبريها انك تهاوشتي مع خطيبك هادي يابنت الناس اسرار بيوت ما تطلع لبرا وهالشي لازم تتعودين عليه من اول ادينا قدامك فضفضي زي ما تبغي لكن صديقاتك وغيرهم لا تخبريهم بمشاكلك






  8. #8
    ملكة الصورة الرمزية القطار السريع
    التسجيل
    16 - 12 - 2009
    الدولة
    في منزلي المتواضع
    المشاركات
    728

    افتراضي



    انا فعلا تعلمت دررررررررررس لا يمكن انساه في حياتي ابدا
    بس شلون اسامح خطيبي ؟؟؟؟؟
    هذا معناه اني اتغاضى عن اسلوبه بس حتى اتزوجه
    السب والشتم والتصغير كل هذي اشيا تناقض الحب
    وهذي الاشيا بعد جربتها مع زوجي السابق وعشت معاه سبع سنين الى ان انفصلت
    انا محتاجة اخليه يحس بظلمه واهانته لي
    لاني اعتذرت له بدل المرة مليون بسبب هالمشكلة ومع هذا كان يزيد في اهاناته
    قلت له وايد انا تعلمت درس من اللي صار وهو بعد يهين
    ابيكم تساعدوني بالتفكير شلون ابدا حياتي الزوجية الجديدة صح مو اتغاضى عن اهاناته واحنا للحين ما تزوجنا





  9. #9
    ملكة نشيطة الصورة الرمزية مطرية
    التسجيل
    29 - 08 - 2010
    المشاركات
    1,155

    افتراضي



    كلام مسك الليل كولش حلو
    زائد أنو تنسين خطيبك وترميه ورا ظهرك
    رجال مايستاهل ولاراح ترتاحين معاه
    مهما كان قدر االمشكلة من يلجأ للسب والشتائم وانتو بعدكم بفترة الخطوبة
    فتخيلى بعد الزواج شنو يطلع منه
    أنسيه وخلى هذه الموظوع درس ألك فى حياتك القادمة





  10. #10
    أميرة جديدة
    التسجيل
    01 - 06 - 2012
    المشاركات
    9

    افتراضي




    غاليتي استخيري الله قبل اي تصرف وكلي امرك لله عندما يغضب الرجل يقع مالا احد يتمناه اتركيه فتره يراجع حساباته واطلبي منه الاستخاره في امر زواجكم وذا ربي كاتب انه يتم راح يتم باذنه
    وادعي دائما ان كان لك خير في هاذا الانسان بان ربي يسهل امورك معاه
    والله يصلح حال الجميع ويتمملك امورك علي خير





  11. #11
    ملكة نشيطة الصورة الرمزية norahmed
    التسجيل
    15 - 04 - 2008
    المشاركات
    1,207

    افتراضي



    لللو تبغي ترتاحي اسمعي الكلام اللي بكتبه زييييييييين،، طنشييييييييه حاليا ولا تتصلي ولا تسألي فيه ،، كفايه إهانات وتقليل من إحترامك، بالله عليكي كيف تبغيه يحترمك ويققدرك وانتي معطيتييه مجال يسبك ويهينك لا وبعد ماسكه التللليفون بدل ماتسكري وتقولي مابي مشاكل مسكه وهو يسبك ويهينك يعني كنتي مفكره اه بعدها بييعطيككي مجال تتكلمي طبعا لآآآا،، لاتكلميييييه حالياولو اتصل كمان طنشيه خلليه يرسل رساله يقول ابي اكلمج ارجوووووووووج وبيسويها لا شافك مستقله عاطفيا مش تجري وراه وتطلبي رضاه وهو يهينك لو اديتيه مجال من دحين يهينك ويهين اهلك ابشرك انك بعدين حتكوني مجرد خادمه بالبيت زيك زي الكرسي،، وقفيه عند حده ولكن بهدوء من غير سب ولا إهانه وإنمآبأخلاق الأنثى ولا تستعجلي مهما اخذ وقت طوييلل ولجأي لربك ولملا تتركي الفيس مو عشانه انما عشان حياتك انتي وع فكره لو مقدرتي ذاتك لاتتوقعي انه بيقدرها ولو ماحفظيتها من الإهانات لاتتوقعي انه يحفظها





  12. #12
    ~◦ღ( حكيمة الإستشارات الزوجية )ღ◦ الصورة الرمزية الجده الصغيره
    التسجيل
    10 - 03 - 2010
    الدولة
    في قلب أحبتي
    المشاركات
    3,717

    افتراضي



    انت اعتذرتي...وصححتي خطأك....خلاص...لا عاد تتصلين او ترسلين...يبيك يدل دربك...






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 02:18 م
Powered by vBulletin
Copyright © 2015 vBulletin Solutions, Inc. All rights reserved.
المواضيع تعبر عن أراء ومعتقدات كاتبيها فقط , جميع الحقوق محفوظه لمنتديات نسوة