صفحات لـم تـقـرأ بـعـد...>>معلمة متألـمـة... - الصفحة 21
التسجيل

من فضلك يرجى الألتزام بالقوانين ، للتسجيل أضغطي على رابط التسجيل نتمنى لكم وقت ممتع .

Follow us on Facebook Follow us on Twitter Watch us on YouTube



اخر مواضيع المنتدى

صفحة 21 من 72 الأولىالأولى ... 111718192021222324253171 ... الأخيرةالأخيرة
النتائج 301 إلى 315 من 1077
  1. #301
    ~◦ღ( مميزة قسم الإستشارات الزوجية )ღ◦ الصورة الرمزية معلمة متألمة
    التسجيل
    14 - 04 - 2011
    المشاركات
    1,021

    افتراضي




    حياتي بسومه.... وحشتيني موت.... شحالج..؟؟

    سميه.... منوره يا غاليه..... افرحني ردج.... وبكرة بسوي سيرج..اليوم مافضيت من قلب انضغطت... الصبح ع خير اشوفكم..

    بنات اعتذر منكم انضغطت اليوم... ع الخاااص وبالدوام.... موعدنا بإذن المولى غدا مع تكملة البارت...

    أسعدكم أرحم الراحمين....






    من اعتمد ع الناس ملّ..ومن اعتمد ع عقله ضلّ ..ومن اعتمد ع سلطانه ذلّ .. ومن اعتمد على ماله قلّ..
    ومن اعتمد على
    الله فلا ملّ ولا ضلّ و لا ذلّ و لا قلّ ..



    سامحوني على الغيبة اللي كانت خارجه عن ارادتي..
    وحشتوني موت الله لايحرمني منكم

    من مواضيع معلمة متألمة


  2. #302
    أميرة فضية
    التسجيل
    19 - 04 - 2011
    المشاركات
    87

    افتراضي



    في حفظ الرحمن حماك الله من كيد الاشرار





    ربي اصلح لي ذريتي وجعلهم قرة عيني وحفظهم من شياطين الانس والجن
    من مواضيع بنت العطاوي


  3. #303
  4. #304
    ~◦ღ( مميزة قسم الإستشارات الزوجية )ღ◦ الصورة الرمزية معلمة متألمة
    التسجيل
    14 - 04 - 2011
    المشاركات
    1,021

    افتراضي



    ستار بينك فديتج منورة....

    بنت العطاوي اجمعين..

    اشوفكم ع خير تومورو....
    واي احد يقرا حروفي تكفون تدعون لاختنا عفوك ربي بالفرج العاجل وان يرزقها ربي الذريه السليمه الباره عاجلا غير آجل هي واختنا منتظرة الفرج وامنيتي ضمة طفل... ( دوم بدعي لهم)
    والدعاء لأختنا منى 25 بالشفاااء العاجل توني اقرى موضوع عنها .... ادعوا لها بظهر الغيب وليس بالموضوع ف الدعوة بظهر الغيب افضل.... والملائكة تأمن عليها ( حملة العرش) عليهم السلام..

    تحياتي لكم وامنياتي لكم بالفرج من كل كرب....





  5. #305
    أميرة ماسية
    التسجيل
    12 - 06 - 2008
    المشاركات
    223

    افتراضي



    الله يسلمك هموده ويحفظك من كل شر

    يعلم الله كم اسعد بدعواتك وبعواتي اخواتي هنا

    فالله وحده كم المتني الوحده التي اعانيها من اكثر من 10 سنوات

    والحمدلله على كل حال

    اللهم عجل لنا جميعاً بالفرج يارب يارب يارب

    حسبنا الله سيؤتينا الله من فضله ورسوله إنا إلى الله راغبون

    حسبنا الله سيؤتينا الله من فضله ورسوله إنا إلى الله راغبون

    حسبنا الله سيؤتينا الله من فضله ورسوله إنا إلى الله راغبون





  6. #306
    ملكة متوجة الصورة الرمزية يارب نورقلبي
    التسجيل
    12 - 01 - 2010
    المشاركات
    6,406

    افتراضي



    آسعد الله الجميع بكل خير
    وبارك الله فيك آختي هنودة وحقق لك جميع آمنياتك
    وربي يفرجها على الجميع ويحقق لهم مبتغاهم ويرزق كل محروم
    بالذرية الصالحة وكل مريض بالشفاء العاجل ..يا رب آنك سميع
    مجيب الدعاء

    غاليتي منتظرة الفرج

    آسال المولى آن يفرج همك ويرزقك بالذرية الصالحة المباركة آنه على ذلك لقدير ..
    توضيح غاليتي دعاء

    حسبنا الله سيؤتينا الله من فضله إنا إلى الله راغبون
    آذآ كنتي تقصدين الدعاء فقط يذكر من غير رسولة
    لان الفضل من الله عز وجل فقط ...
    فمن ضاق عليه الرزق يتوجه بهذا الدعاء ليس على سبيل التجريب و لكن من قلب خاشع موقن بان الله هو الرازق بيده مفاتيح الرزق .










  7. #307
    ملكة متميزة
    التسجيل
    16 - 08 - 2008
    الدولة
    الرياض
    المشاركات
    3,229

    افتراضي



    هند الغالية:
    متابعتك ودعواتنا لك بالتوفيق وربي يحقق لك الأماني ويسعد قلبك ..





    *. . اللهـمَّـ فرِّج هَمَّـ المهمومين و نّفس كرْبَ المكرُوبين
    وَ اقضِ الديْنَ عن المَدِينين
    و اشفِ مرْضَانا و ارْحم مَوتانَا
    و انْصُرِ الإسْلامَـ و المُسلِمين ..~
    ::
    اللهم صَلِّ علَى مُحمد و على آلِ مُحمد . . كَمَا صَليْتَ على إبْراهيمَـ و على آل إبراهِيمـ إنكَ حَميدٌ مَجيد
    . . *

    من مواضيع رواق الخريف


  8. #308
  9. #309
  10. #310
    ~◦ღ( مميزة قسم الإستشارات الزوجية )ღ◦ الصورة الرمزية معلمة متألمة
    التسجيل
    14 - 04 - 2011
    المشاركات
    1,021

    افتراضي



    صبــاحــكـمـ:

    شلونكم!!!

    توته وحشتيني.....

    منتظرة أبشري ماضاقت الا وفرجها قريب.....

    يارب نور قلبي: شلوووووونج من طول الغيبات!! جاب الغنايم :) منووووره...

    شهوووده شلونج انتي والنونو :)

    مهرة مالها خيال.. منوره حياتي....

    رواق منوره حياتي انتي..... ربي يبلغج ب بنتج يااااارب بنجاحها وزواجها ع الزوج الغني التقي النقي يارب....

    شلة مساطيل فاقدتهم من زمان عسى المانع خير..
    >>مع البارت





  11. #311
    ~◦ღ( مميزة قسم الإستشارات الزوجية )ღ◦ الصورة الرمزية معلمة متألمة
    التسجيل
    14 - 04 - 2011
    المشاركات
    1,021

    افتراضي



    عقب ما فطرت مع ام ناصر ( مفروك ) استأذنتها وقلت لها يمه انا بروح لهلي... تامريني ع شي.... قالت لي سلامة عمرج بس متى بترجعين ..؟ ( واجد كناين بيتضايقون من سؤالها لو مكاني والبعض ما الومهم لأن بعض امهات الازواج غليظة وشديده قلب ف مع اسلوبهم وغلظتهم بعد يسالوني!! مب من زين معاملتها معاي وتدخلاتها بيني وبين زوجي وثلاث ارباع مشاكلي هي سببها.. اف ش تبي تسالني (وكلهم بيحسبونها ان سؤالها بعد تدخل منها ) بس انا حتى لو كان سؤالها لي و زوجي مسافر وهي بالفترة اللي تغيرت علي فيها للاسوأ بعد ما راح احسبها تدخل...) والله يا بنات بسؤالها احس بنظرتها ونبرة صوتها واشوفه فيها شوقها ل ناصر... تشوفه فيني...!!!

    قلت لها يمه ما راح اطول عليكم... انا بعد ماستغنى عنكم ولا عن مكاني.... قالت لي المره السنعه ماتبعد عن بيتها ذاك البعد... ابتسمت وبستها ع راسها قلت لها من عيوني... وطلعت وخذت شاور سريع وبدلت وكلمت اخو ناصر اللي ناصر وصاه يوديني مع السايق اي مكان ابيه.... وقلت له فطرت.. لان توه قاعد امه قعدته عشان يوصلني....( مسألة ان امه قعدته لي هذي نقطه حسبتها لعمتي ف عيني واشوفها شي كبير منها ... والله هي ماهي ملزومة تقعد ولدها عشان يوديني.... ولا حطيته ف بالي اصلا كنت ناويه اقعده لما اخلص وانتظره لين ما يفطر ويكلم السايق.. ف حركتها واجد ونستني مع ان الكثير والغالبيه بيشوفونها شي عادي... وروتين اي وحده مكان عمتي بتسويها.. بس انا ما فكرتها ابد بهالشي.. بالعكس كبرها بعيني وكل ماسوت شي زين على طول اخزنه ب رصيدها عندي عشان لو لا سمح الله تغيرت علي مع الوقت او غيروها العدوان على طول افكر ف رصيدها معاي ويشفع لها عندي وبالفعل وربي وربي انه شفع لها في كل شي سوته معاي.... وعمري ما نمت وانا ماخذه بخاطري عليها مع انها مرت علي ليالي سود بذكرها لكم....
    الطيب مع ام الزوج ما يضيع ابد وبالمقابل الشين معاها بعد مايضيع تشوفه كنتها بروحها وزوجها وعيالها.. بنات قسم بالله اللي اقوله لكم واقع شفته بعيني..... محد قاله لي...

    وطلعت مع السايق و اخوه.... ورحت بيت ابوي.... هالكلام الساعه 11 الظهر.. نزلت عندهم وقالت مرة ابوي ليش جايه يد ورى و يد قدام وين اغراضج!! قلت لها اي اغراض..؟؟ قالت لي ملابسج لايكون مب بايته عندنا!!! قلت لها وليش انام عندكم؟؟ انام ب بيتي... قالت لي ناصر مسافر.... قلت لها واذا!!!؟؟ وعصبت علي.... وسيده ع غرفة الشيبااااان و هات يا تشييش علي!!! طلعت غرفتي وبدلت ولبست جلابيه وخذت شيليت ونزلت لغرفة جداني واول ما دخلت بستهم ع روسهم وجدي قال لي.. هند ليش ماتنامين عندنا!!! ناصر محد مالج حق تنامين ب بيت هله توكم ماعندكم عيال!!! وهوااااش ومرة ابوي مو مقصره.... وانا كل ما انقهرت منهم اقول ب خاطري ( تكفير ذنووووووب ياهند الصبر زين... الصبر الصبر تمحيص من ذنوبي ورفعه لي عند ربي) واسكت ويروح الحزن كله.... و شوي استأذنت مرة ابوي وراحت حق ابوي.... ما كفاها هواش الشيبان لي... و شوي الا ابوي داخل وقمت اسلم عليه ولمني بصدره دخل والشيبان يهاوشوني.... وهي داخله وراه ( ترى مرة ابوي انا افكر واقول مب بس تبي تضايقني ترى لو بنتها بعد بتسوي اللي سوته وتبي بنتها عندها اذا زوجها سافر وهالشي شفع لها عندي ...لأنه ب مجتمعنا اغلب الحريم يبون بناتهم عندهم وازاوجهم مسافرين لانهم يشوفون ان وجودهم ب بيت حمولتهم بالذااات لما مايكون عندهم عيال....... مع انه غلط. وغلط كبيـــر بعد ف يا امهات نداء مني لكل ام تقرا حروفي لاتضغطون ع بناتكم خلوهم ع راحتهم ماتدرون وش ظروفهم ومهما بنتج كانت صريحه معا ترى مايدري ب اسرارها الا ربها.... لاتصيرون انتو و الزمن عليهم...... امي عمرها ما قالت لي تعالي وناصر مسافر مخليتني ع راحتي..فديتها لانها بدورها ماكانت ترتاح الا ب بيتها.... مو ب بيت اهلها )

    المهم يوم دخل ابوي ولمني بصدره فديت روحه قال لي ش عندكم ع بنتي... ابتسمت له وقلت له يبه مشتاقين لي!!! ما كنت اعرف ان بعض الشوق نشبه!! وانفجر ابوي يضحك.... وقال لي يابنيتي... اللي يحب مبتلي.....وضحكت وهو يغمز لي ويقول لي بصوت واطي لاتاخذين ب خاطرج ع عمتج ( يقصد مرته) والشيبان... ترى مايشوفون اللي انتي وانا نشوفه ( ابوي نفس تفكيري ).. قلت له يبه مستحيل اخذ بخاطري ع عمتي وعلى جداني وانت عارفني يبه.. وقال لهم ابوي خلو هند ع راحتها بيتها اولى بها... قالت مرة ابوي حق ابوي والله لو انها بنتي نفس الشي بقوله لها... لفيت ع مرة ابوي وقلت لها عمتي وربي اعرف.... وقال لها ابوي وربي لو بنتج ما اخليها.... بناتي كل وحده تتزوج منهم مكانها بيت زوجها....هذا الكلام اللي لازم ينقال.. وسكروا الموضوع... وارتحت.....

    وقعدت اصب القهوة عليهم واذن الظهر ورحنا نصلي ونزلت لقيتهم حطون الغدى وانا مالي نفس ... تغديت معاهم.... وانا اتغدى يرن جوالي ( مسج) فز قلبي وسيده ع الجوال... وافتحه الا ناصر..... (آآآآه ياربي فرجها عليك.... ربي يحفظك يانظر عيني) ورديت وانا اتغدى ومرة ابوي عصبت وجدتي تقول مب حزته التلفون استحي... سكت وما رديت عليها..( بنات هذا احد اخطائي اللي سويتها وماعاد عدتها من هاليوم.... لاتبينون لهفتكم وحبكم قد ماتقدرون ترى ما في القفا صديق.. اذا الاقارب عقاارب ف مابالكم ف الابعد!!! لان الحركة اللي سويتها وحده من الجوانب الل بينت فيها حبي لناصر ... ومرة ابوي تقول ربي يعطي بنت اختي زوج مثل ناصر..... قلت لها آمين (وربي مافكرت انها حاسدتني.... لاني حاطه ف بالي انها من حبها لابوي مستحيل تتمنى لي شر....) الطيبه اللي مالها طعم ولا لها وقت اكبر نقمة ع راعيها.....)

    أعلنت (حبــّكـ ) ليـن كلـن تمـنـاكـ..
    غلـطـه وغـيـري من خطــاي استفـادي!!

    وخلصت الغدا وطرشت له مسج طويل عريض.... وقبل الارسال غيرت رايي قلت حرام المفروض اطرش له مسج كلمتين مب وقت اشوقا وبالفعل ماكان وقت اشواق هو رايح يأدي فريضته وانا وبليس عليه.... مب وقته اصلا ولو كان وقته ماراح ينفعه المسج كثر مابيضايقه....... وبيحس بحزني وانا مابي اضايقه.. كفايه التعب اللي هو فيه... ارسلت له ( ربي يحفظكم ... بس طمني بمسج كل مافضى وقتك...)...

    وحسيت الوقت يالله يمشي... والعصر جاتنا عمتي وبنتها الخاينه.. وانا مستانسه.... وطايره من الفرحه لان يا بلفيت بنت عمتي اللي احبها من كل احد عندي وخذت جوالي وتقلب فيه وتشوف رسايلي انا و ناصر وهذي غلطة عمري.... وربي ماتعرفون ش كثر اكررررررره روووحي لما اتذكر هالشي.... و ش كثر كنت غبيــــه وما احس على دمي زوجها مهملها ورايح مع غيرها والكل عارف ويكفي انها هي والجدار واااااااحد وانا عكسها تماما وما قصرت في اي شي يفرق بيني وبين حبيبي ... ويكفي انها سبب طلااااقي حسبي الله ونعم الوكيل نعم المولى ونعم النصير اللهم ارني فيها عجاااائب قدرتك....

    آآآآآآآه يابنات وربي اكتب لكم ودمووووعي تحرق عيوني الحين
    اكتب لكم مابي اي وحده منكم تفراق زوجها مهما بلغت مشاكلهم ترى اغلب مشاكلكم مو منكم ولا من ازواجكم (من شياطين الانس والجن ومن كلام ينقولنه لكم وانتو ماحضرتوا على مصداقيته....مب هذا اكبر قهر!!!!)
    اكتب لكم ب دم قلبي كل حرف وانا اعي ربي لكم بالسعاده التي لايتلوها شقاااااااء....
    اكتب لكم وانا احس اني مفارقته البارحه كل موقف اكتبه لكم اعيشه لحظة كتابتي له!!

    وصيتي لكل متزوجه وسعي الخااااااطر ع شريك حياتج اللي خلا بنات العالم واختارج عليهم....
    وكل زوجة معدد اصبري اصبري اصبري لابد في جوانب ايجابيه تصبرج عليه ترى المره مالها الا زوجها
    كلام مجربه وذايقه المر بأنواعه..

    مب سهل على الانسان يفتح جرووح بعضها ينزف لين اليوم ..وربي غلاتكم تجبرني اني افتح ملفات لها سنين مسكره وجروح لها سنين تنزف ولو كانت من دون الم..
    خروووووج ب حزن.... برتاح شوي و برجع......





  12. #312
    أميرة ذهبية
    التسجيل
    28 - 05 - 2008
    الدولة
    في عالمي الخاص
    المشاركات
    180

    افتراضي



    الله يفرج همك يا قلبي وان شاء الله ربي يجمعك انتي وناصر وتحجوا مع بعض واتقابل معاك >>>>>>>> هذا همي خخخخخ

    الله يجعل فراقك هذا اخر احزانك ويجمعكم انتم وناصر وذريتكم تحت سقف واحد مافي شي بعيد على الله





  13. #313
    أميرة فضية
    التسجيل
    19 - 04 - 2011
    المشاركات
    87

    افتراضي



    بكيتيني ع هالصبح ربي ياخذ بحقك بالدنيا قبل الاخره والله هند كلامك درر





    ربي اصلح لي ذريتي وجعلهم قرة عيني وحفظهم من شياطين الانس والجن
    من مواضيع بنت العطاوي


  14. #314
    أميرة فضية
    التسجيل
    19 - 04 - 2011
    المشاركات
    87

    افتراضي



    بكيتيني ع هالصبح ربي ياخذ بحقك بالدنيا قبل الاخره والله ياهند كلامك درر





    ربي اصلح لي ذريتي وجعلهم قرة عيني وحفظهم من شياطين الانس والجن
    من مواضيع بنت العطاوي


  15. #315

صفحة 21 من 72 الأولىالأولى ... 111718192021222324253171 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 12:58 ص
Powered by vBulletin
Copyright © 2015 vBulletin Solutions, Inc. All rights reserved.
المواضيع تعبر عن أراء ومعتقدات كاتبيها فقط , جميع الحقوق محفوظه لمنتديات نسوة