احس خطيبي مايبيني !!
التسجيل

من فضلك يرجى الألتزام بالقوانين ، للتسجيل أضغطي على رابط التسجيل نتمنى لكم وقت ممتع .

Follow us on Facebook Follow us on Twitter Watch us on YouTube
صفحة 1 من 3 123 الأخيرةالأخيرة
النتائج 1 إلى 15 من 43
  1. #1
    أميرة فضية
    التسجيل
    26 - 07 - 2011
    المشاركات
    49

    Icon1366 احس خطيبي مايبيني !!



    بنات انا مضايقه ابيكم تساعدوني
    انا مالجه واكلم خطيبي بتلفون بس ماادري احسه مايبيني مايكلمني عدل كله ساكت واذا تكلم يقول كلمتين عن امه ولا خواته ويسكر التلفون والله بنات بس خمس دقائق ويقول بسكر اقوله وين بتروح يقول ولامكان بس بخليج خلاص ويسالني بتتصلين بأجر اقوله انت شتبي يقول انا عادي عندي بس اذا ماتقدرين عادي ومن كلامه مايبيني اتصله حتي مره مادقيت عليه عادي عنده يوم كلمته ماسالني ليش مادقيتي
    هو مايدقلي لان انا اكلمه بتلفون البيت ولازم انا اتصله لانه ماعندي جوال
    وانا مضايقه وفالعيد جاني بس قعد اشوي وساكت عقب طلع والخطوبه يشوفني كاشخه مايقولي شي
    ماادري شفيه بنات
    ماادري ليش مايسولف معاي
    بتقولون لي انتي سولفي افتحي مواضيع هو يسكرها ويرد علي بالمختصر اشوي ويقولي خلاص بسكر
    بنات مايكلمني حتى يوم يسلم علي مايمسك يدي عدل يوم الخطوبه انا ماسكه يده هو ترك ايدي
    لاتقولون لي يخجل منك
    لا هاي في شي بس ماادري وشو بنات ساعدوني بليييييز احس مرات أني مب عاجبته ومرات احس انه يحب وحده ثانيه
    بنات ساعدوني ساعدوني والله قلبي محترق المفروض هاي احلا ايام لكن هو كلش مب زين معاي مايحاجيني عدل مايقولي شي والله بصيح





  2. #2
    ~◦ღ( مشرفة قسم الزوج والزواج )ღ الصورة الرمزية نسيم القلوب
    التسجيل
    30 - 01 - 2010
    الدولة
    بوادي بين جبال عسير الشاهقة
    المشاركات
    622

    افتراضي



    ينقل للإستشارات الزوجيه





  3. #3
    ملكة نشيطة الصورة الرمزية معاداحبك
    التسجيل
    04 - 12 - 2010
    المشاركات
    1,530

    افتراضي



    هلا حبيبتي
    انا من رايي انك ماعاد تتصلين عليه لما هو يتصل تغلي لا تصيرين لزقه فيه رجال مايحبون الحرمه اللي تركض وراه يحس انها خانقته ومن ناحية كلامة قليل يمكن طبع مايحب يسولف وشوفي نمط خطيبك وشوفي وش يحب وش يكره وموفقه قلبووو





  4. #4
    أميرة فضية
    التسجيل
    26 - 07 - 2011
    المشاركات
    49

    افتراضي



    اختي انا مادقيت له اسبوع عادي عنده
    وشلون اعرفه وهو مايتكلم
    وهو مايقدر يتصلي ع البيت أبوي مايرضا يعني لازم انا





  5. #5
  6. #6
    أميرة فضية
    التسجيل
    08 - 05 - 2011
    المشاركات
    74

    افتراضي



    انا مثلك بس اهون شويآت لو ماارسل مايرسل ولو مااتصل مايتصل علما ان عندي جوال هو جايبه

    وعموما لاحظت إذا سحبت عليه وثقلت يرجع هو يرسل ويتصل

    اسحبي عليه عشان يجيب لك جوال وشريحه عشان يقدر يكلمك ... اذا كل شوي اتصلتي من الثابت مارح يصير يتصل لان صعبه يدق ع البيت عشان كذا اسسسسحبي عليه سحبه قوويه ماعليك لين يتحرك ويجيب لك جوال وويصير يتصل ..

    صدقيني هالكلام من تجررربه





  7. #7
    ملكة الصورة الرمزية المحبه مقادير
    التسجيل
    08 - 06 - 2009
    المشاركات
    505

    افتراضي



    الله يصلحه لك و يسخركم لبعض
    طيب ليش ماتجيبين جوال !! عشان مايصير له عذر انه مايقدر يتصل
    و بقولك نصيحه لا تتصلين فيه .. خليه لحد هو مايتصل
    ادري بتقولين الكلام سهل و التنفيذ صعب .. انا جربت هالشي بس فعلا مايصلح انتي اللي تتصلين عليه وهو و لا همه
    وصارحيه بكل اللي تحسين فيه وقولي له اللي بخاطرك ابدي حياتك معه بالصراحه
    هذا اللي اقدر اقوله و ان شاءالله باقي الاخوات مايقصرون





    حســـــــــــبي اللهـ و نعم الوكيــــــــل .. حســـــــــبي اللهـ و نعم الوكيــــــل .. حســــــــــبي اللهـ و نعم الوكيـــــــــل
    من مواضيع المحبه مقادير


  8. #8
    أميرة فضية
    التسجيل
    26 - 07 - 2011
    المشاركات
    49

    افتراضي



    امه قالت انه كان بجيب لي جوال
    بس انا أبوي مب راضي يعطيني يقول كلميه من تلفون البيت





  9. #9
    ملكة مؤهلة الصورة الرمزية natsomi
    التسجيل
    15 - 06 - 2010
    المشاركات
    333

    افتراضي





    بنات انا مضايقه ابيكم تساعدوني
    الله يفرج عنك وعنا
    انا مالجه واكلم خطيبي بتلفون بس ماادري احسه مايبيني
    إذا فكرتي إنه يبيكي راح تحسيه يبيكي
    مايكلمني عدل كله ساكت واذا تكلم يقول كلمتين عن امه ولا خواته ويسكر التلفون
    الحمد لله إنه مش راعي بنات ولا يعرف لهم
    وش تبيه يقول لك؟
    هو عايش مع أمه وأخواته، وما يشوف غيرهم، يفكر إن هذا الكلام اللي يعجبك
    يمكن إنت تتكلمي عن أهلك
    قام يتكلم مثلك
    والله بنات بس خمس دقائق ويقول بسكر اقوله وين بتروح يقول ولامكان بس بخليج خلاص
    إلتمسي له الأعذار يمكن مايعرف يكلم مكالمة طويلة
    ولأنه مايعرفك، عشان كذا مايدري شو يعجبك
    شوي شوي بتجي السوالف لاتستعجلي
    يمكن محصور وده يروح الحمام؟
    يمكن أحد يناديه؟
    يمكن مشغول بيطلع مع أحد الشباب؟
    كلميه في وقت متأخر قبل ينام، باله مرتاح، مستلقي على سريره
    بس يفكر فيكي
    قولي ليه كلام رومانسي
    علميه لأنه يمكن مايعرف
    ويسالني بتتصلين بأجر اقوله انت شتبي؟ يقول انا عادي عندي
    في لغة الرجال، هذي الكلمة معناها أنو يبغاك تتصلي عليه
    وأنا مستعدة أحلف لك على صدق كلامي
    بس اذا ماتقدرين عادي
    وهذي الكلمة، لأنو يخاف يزعجك أو يضغط عليكي، خصوصاً إنو ماعندك جوال
    اشتري جوال و شوفي كيف بيتحسن الوضع بينكم

    ومن كلامه مايبيني اتصله
    يمكن يحس بالإرتباك شوي، ومايعرف يكلمك إلا في مكان خالي ويكون مش مشغول
    كلميه في وقت متأخر
    يمكن يخاف أهلك يتضايقوا وكل شوي شايلين السماعة
    حتي مره مادقيت عليه عادي عنده يوم كلمته ماسالني ليش مادقيتي
    لأنه رجل!!
    تفكير الرجل مختلف عن المرأة، لاتعامليه كأنه إمرأة!!
    أكيد هو عاذرنك، لأنك يمكن ماعندك جوال، أو يمكن مشغولة، وإذا فضيتي بتتصلي أكيد
    هو مايدقلي لان انا اكلمه بتلفون البيت ولازم انا اتصله لانه ماعندي جوال
    هذا هو سبب المشاكل كلها ×__×
    وانا مضايقه وفالعيد جاني بس قعد اشوي و ساكت عقب طلع
    عادي!! الرجال عموماً مش هذارين
    ويمكن المكان اللي جالس فيه كل شوي أحد يدخل أو أحد يناديك
    يمكن خجلان
    إنتي تكلمي عن هواياتك، واسأليه عن هواياته
    تعرفوا على آراآء بعض في المواضيع المهمة

    والخطوبه يشوفني كاشخه مايقولي شي
    في رجال أبـــد مايعبروا
    وفي رجال يخجلوا و يعبروا بعد الزواج


    بتقولون لي انتي سولفي افتحي مواضيع هو يسكرها ويرد علي بالمختصر اشوي ويقولي خلاص بسكر
    زي ماقلت لك، تكلمي في الآراىء وإسأليه
    بنات مايكلمني حتى يوم يسلم علي مايمسك يدي عدل يوم الخطوبه انا ماسكه يده هو ترك ايدي
    لاتقولون لي يخجل منك
    في ناس كذا اسلوبهم، ما يمسكوا اليد عدل في السلام
    قولي له، مستحب مسك اليد باحكام في المصافحة، وطوال ما احنا ماسكين أيدي بعض، الذنوب تتساقط كما تتساقط أوراق الشجر
    لا هاي في شي بس ماادري وشو بنات ساعدوني بليييييز احس مرات أني مب عاجبته ومرات احس انه يحب وحده ثانيه
    هذا ابليس يحاول يخرب بينكم
    انتبهي!!
    الزواج رباط قدسه الله سبحانه و تعالى
    والرجل المتزوج والمرأة المتزوجة أصعب بكثييير على ابليس من العازب والعزباء
    لذلك سُمي الرجل المتزوج "رجل محصن"
    والمرأة المتزوجة "إمرأة محصنة"
    إبليس لعنه الله يحاول بشتى الطرق تخريب هذا الزواج
    أبعدي هذه الفكرة من رأسك، فهي مجرد مخاوف






    وكم لله من لطفٍ خفي***يدقُ خفاه عن فهم الذكي

    وكم يسرٍ أتى من بعد عسرٍ***ففرج كربة القلبِ الشجي

    وكم أمر تـُساء به صباحاً***وتأتيك المسرةُ بالعشي

    إذا ضاقت بك الأحوال يوماً***فـثـق بالواحدِ الفردِ العلي

    من مواضيع natsomi


  10. #10
    ملكة مؤهلة الصورة الرمزية natsomi
    التسجيل
    15 - 06 - 2010
    المشاركات
    333

    افتراضي





    أبوك مارضى عشان يقدر يراقبك هاههاهه
    عادي خليه يجيب لك بالسر
    عشان تاخذوا راحتكم

    ونصيحة مني
    كلميه مرة بس في اليوم
    و طوال اليوم رسائل شوق
    عشان يحس بالفرق بين المتزوج والعازب اللي محد داق له خبر
    وعشان يشتاق يكلمك في الليل
    حددوا ساعة كل ليلة تتصلي فيها، وإذا مشغول عادي أخريها لحتى يفضى
    وإذا نعسان وتعبان، بس اتصلي قولي له: تصبح على خير حبيبي، بس حبيت أتطمن عليك، بكرة بكلمك لأنك الليلة تعبان، أنا ودي ترتاح و تاخذ كفايتك من النوم ولاترهق نفسك حيل

    صدقيني أنو بيصير ينتظر الليل و ينتظر متى متى تجي الساعة 10 مثلاً أو 12 أو 1
    الساعة اللي متفقين عليها تتصلي فيها
    و مرات سويها فيه، لا تتصلي، بس مسجات على إنك مشتاقة وبتتصلي
    و بعدين.....اسحبي عليه
    وقولي له يوم ثاني: جسمي كان مرهق من مساعدة أمي ونمت بدون إحساس، سامحني حبي





    وكم لله من لطفٍ خفي***يدقُ خفاه عن فهم الذكي

    وكم يسرٍ أتى من بعد عسرٍ***ففرج كربة القلبِ الشجي

    وكم أمر تـُساء به صباحاً***وتأتيك المسرةُ بالعشي

    إذا ضاقت بك الأحوال يوماً***فـثـق بالواحدِ الفردِ العلي

    من مواضيع natsomi


  11. #11
    أميرة فضية
    التسجيل
    26 - 07 - 2011
    المشاركات
    49

    افتراضي



    فديتج تدرين انا ماعندي رقم جواله اكلمه من تلفون غرفته وقتله عطني رقم جوالك يقولي ابوج قال لا بس تلفون البيت
    يعني مستحيل يعطيني جوال واذا عن مشغول انا اكلمه فالليل ويكون في غرفته وماعنده شغله اكلمه قبل ماينام هو قايلي اتصل هالوقت لأني اكون فالغرفه يعني مافي سبب عن كل هاي والله بجن ماادري شفيه هالرجال





  12. #12
    ملكة مؤهلة الصورة الرمزية natsomi
    التسجيل
    15 - 06 - 2010
    المشاركات
    333

    افتراضي





    خلي أخوك الصغير يشتري لك جوال بالسر
    و عطيه الرقم





    وكم لله من لطفٍ خفي***يدقُ خفاه عن فهم الذكي

    وكم يسرٍ أتى من بعد عسرٍ***ففرج كربة القلبِ الشجي

    وكم أمر تـُساء به صباحاً***وتأتيك المسرةُ بالعشي

    إذا ضاقت بك الأحوال يوماً***فـثـق بالواحدِ الفردِ العلي

    من مواضيع natsomi


  13. #13
    أميرة فضية
    التسجيل
    26 - 07 - 2011
    المشاركات
    49

    افتراضي



    مستحيل بعلم اهلي وحتي خطيبي أكيد بيتكلم وراح يقول لامه
    يعني هالشي مستحيل بتصير سالفه





  14. #14
  15. #15
    أميرة فضية
    التسجيل
    08 - 05 - 2011
    المشاركات
    74

    افتراضي



    اهااا

    لا لا خلااص بعذرره اجل

    طبيعي كذا تكون ردة فعله ..

    بما ان ابوك رفض الجوال فالرجل مايبغى يكون ثقيل ع تلفون الثابت ..

    انا ام زوجي طلبت رقمي ووقتها ماعندي جوال .. وزوجي حسب انو ابوي مايبغى نعطيهم رقمي ماصدق ان ماعندي جوال

    بعدين لمن اخذت جوال عطيت الرقم اخته وصرت اكلمها وجلسنا يمكن ثلاث اسابيع او اسبوعين مايكلمني ولا فكر يتواصل معايه ..

    وبعدها جاب لي جوال ولا كلمني عليه بس اضافني مسن وجلسنا بس ايميلات وفي المسن دردشه ولو مااتصلت اناا من الجوال وبينت له انو عادي عند ابووي كان مااتصل .. قال احسب ابوك مايبيني اكلم شدراني خفت اطلع خفييف وثقيل دم عليكم ... عشان كذا جلست فتره مااواصلك


    نفس الشي خطيبك ... ابوك رافض الجوال وحاصر الامر على تلفون البيت معناته مايبيه ياخذ راحته معاكي وزوجك فهمها عشان كذا مايطوول .... بس هذي كل السالفه .. واعتقد مالها حل الا تقنعي ابوك بالجوال ..........






صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 07:59 ص
Powered by vBulletin
Copyright © 2015 vBulletin Solutions, Inc. All rights reserved.
المواضيع تعبر عن أراء ومعتقدات كاتبيها فقط , جميع الحقوق محفوظه لمنتديات نسوة