زوجي فشلني وكسر بخاطري في السوق قدام خلق الله
التسجيل

من فضلك يرجى الألتزام بالقوانين ، للتسجيل أضغطي على رابط التسجيل نتمنى لكم وقت ممتع .

Follow us on Facebook Follow us on Twitter Watch us on YouTube



اخر مواضيع المنتدى

صفحة 1 من 3 123 الأخيرةالأخيرة
النتائج 1 إلى 15 من 38
  1. #1
    أميرة فضية
    التسجيل
    24 - 10 - 2009
    المشاركات
    97

    Icon1366 زوجي فشلني وكسر بخاطري في السوق قدام خلق الله




    السلام عليكم
    بدخل بالموضوع من غير مقدمات
    زوجي جا من السفر له تقريبا اسبوع وانا امس رحت انا وياه للسوق واحس ان مو بخاطره

    مع العلم ان هو مارح يدفع من جيبه قرش واحد
    وبروحتي للسوق مضطره له
    انا صرت اخاف امشي بجمب رجلي والله ولامشيت بجمبه مهما كنت محتشمه احس نفسي
    امشي عريانه لان دايم القى منه انتقادات على مشيتي على يديني على على




    نزلنا من البيت مرينا صيدليه وهو مانزل معي كان جواله يرن طول الطريق قلت له اجل بنزل انا
    وانت رد على اتصالك؟!ليش قلت كذا لان عارفه ان اللي متصله زوجته

    وانا مابي اسمع مكالمته ولا اتظايق دخلت الصيدليه وخذت غرضي وطلعت


    جيت بركب اشر لي زوجي بيده ان لا تركبي
    لان مابعد خلص مكالمه مع زوجته جلست انتظره في الشارع عند باب السياره

    المهم خلص وركبت السياره ورحنا للسوق دخلنا ومن اول مادخلنا يالله يامكالمات
    شوي امه شوي زوجته شوي عياله




    والله مانزل السماعه من اذنه وانا لازم اسكت مااتكلم عشان صوتي مايطلع ويدرون اني

    معه المهم سكر وقلت له اسئل الرجال عن المقاسات xl سأل اليمني وقال له وش تبي

    بلاايز ولا سبور قلت انا لرجلي سبور المهم

    رجع رجلي يكلم بالجوال مره ثانيه وكان محتوى كلامه ان امه بتروح لعند ولدها اللي بالديره الثانيه
    وعياله بكذا لا سافر الاب بيبقون لحالهم مع العلم هم كبااار مو صغار



    المهم اليمني شافني محمله اغراض بيدي جا وعطاني كيس وخذته وبعدين صار يوريني
    وين المقاسات الكبيره

    شوي ولا رجلي فوق راسي كل ماتصددت عنه عشان مااسمع مكالمته القاه فوق راسي
    المهم سكر ولا يقول لي الحين انتي وش عندك ماغير تلااحقين اليماني




    محرم لك هو متبعتيه جالسه يتخير لك على ذوقه

    المهم خلااني وراح شوي الا اسمع هواش بينه وبين اليماني راح له وصار يتهاوش معه
    مع العلم رجلي عمره تقريبا57 سنه يعني كبير ومفروض يكون محترم ولبق

    االمهم قال له ليش تروح توريها هي ماتعرف تحتار هي مالها عيون تشوف انت احترم نفسك انت
    مالك محارم تخاف عليهم رد اليمني وقال انا عندي محارم اخاف عليهم وانا اخاف من ربي
    وانا ماسويت شي غلط انا اوريها المقاسات اللي طلبتها



    المهم شوي ولا افتح شنطتي بطلع فلوس عشان ادفع الحساب واطلع شوي الا يمر من جمبي رجال
    سعودي ولا رجلي متوجه لي ويقول خذ هذا بعد

    انتي بهيمه انتي انتي انا من الصدمه والفشله معاد سمعته اذاني صفرت



    تركت الاغراض وطلعت من السوق
    ركبنا السياره ولا قال لي ولا كلمه قال هاتي التكت بيروح يشوف متى طيارته بكره

    قلت له طيب اجل هذا التكت وانت نزلني في البيت ورح



    رجعنا للبيت وانا سيدا دخلت الحمام الله يعزكم وجلست ابكي خلصت وطلعت بدلت وصليت العشاء

    ورحت انام هو جالس ولا فتح فمه بكلمه نمنا وكل واحد زعلاان


    ومايكلم الثاني وهو ماحاول يناقشني او يفهمني وش صار عشان هزء الرجال وهو
    وربي شاهد علي كان محترم وماتعرض لي بكلمه المهم نام وهو معطيني ظهره ويوم
    جت الساعه 2 ونص بالليل



    لقيته يلمسني وشوي الا صار فوقي ونام معي طبعا انا مابي ارده ولا ابي الملاائكه تلعني
    لو ماخليته يقرب جمبي وخاصه هو بيسافر بكره وبنفس الوقت ماقدرت اتجاوب معه ابدا
    خلص قام تروش ورجع نام



    صلى الفجر وراح لااهله ارسلت له رساله وقلت له كسرت بخاطري فشلتي وماحترمتني
    غيرتك هذه بتذبحني وبدت تخنقني


    بعد ساعه اتصل علي وجلس يناقش بالموضوع انا ماقلت لك كلمه الا اذا انتي تحامين عن اليماني
    انا فتحت فمي معك بكلمه انا حتى بالسياره ماقلت لك كلمه حتى يوم وصلنا البيت ماقلت
    لك حرف واحد لان انا عارف ان انا مارح اسلم منك انتي ماغلطتي لاكن الرجال هو اللي غلط ولا بتحامين عنه وتحشمين له



    قلت انا وش سوا انت مفروض من دخلنا المحل وانت بجمبي مو تروح توقف عند المحاسب وتكلم
    قلت بعدين انا ماكلمت اليماني انت اللي سالته بناء على طلبي

    قال اي وهو ليه يروح يوريك مالك عيون يتخير لك على ذوقه الخ الخ
    انتي مالق حق تزعلين مني انا ماتكلمت معك بحرف واحد نمنا ولا واحد يكلم الثاني واصبحنا ورحت ولا احد
    كلم الثاني

    طبعا سكرت منه وانا الحين كثير متضايقه من تصرفه يغار بشكل مو طبيعي غيرته ذبحتني وجننتني
    انا مره متضايقه حاولت ان اكون ريلااكس وعادي واضحك لاكن ماقدرت

    هو بيسافر بكره الظهر وانا ماادري وش اسوي ماااابي اخرب هاليوم الباقي وبنفس الوقت
    احس لو سكت له بيتمادا

    وغير كذا ودي بالروحه للسوق عشان الاغراض لازم اجيبها قبل لا يروح زوجي واقعد ببيت اهلي ولا في من يوديني
    محتاره من جدا وش التصرف اللي تنصحوني اسويه معه
    وحطو بعين الاعتبا ان سفره بكره


    رجاء مابي تجريح بالرد





  2. #2
    أميرة فضية الصورة الرمزية fnoony
    التسجيل
    03 - 02 - 2011
    المشاركات
    85

    افتراضي



    ربنا معاكي والله يهديه لكي يارب




    اللهــم ان رفعت لك يدي أدعوك بحاجة ... فلا ترد يدي بلا حاجتي وانت الكريـــــمـ ....

    ربيـ أرزقني ذرية صالحا تسرني في شبابي .....وتسترني في شيخوختي انك على كل شئ قدير ......

  3. #3
    ملكة الصورة الرمزية *حبيبة*زوجها*
    التسجيل
    20 - 05 - 2009
    المشاركات
    420

    افتراضي



    الله يهون عليك

    بصراحه وبكل امانه استشفيت من كلامك ومن اسلوبك ومن طريقتك

    ان انسانه قمه في الروعه وتعاملك سياسي وتحبين زوجك وماتبغين تخربين بيتك

    الله يتمم عليك

    عادي قلبي اعتقد لو ارسلتي او كلمتي زوجك بحلم وقلتي له باقي لي كذا وكذا من الاغراض
    ودي توديني اخذهم قبل لا اروح لاهلي

    الله يهدي سركم

    ويمكن شور غيري افضل

    لكن استنتجت انك عاقله وفاهمه الله يحفظك يارب





  4. #4

    افتراضي



    انا اقول يا اختي تناسي الموضوع خصوصا انه اليوم اخر يوم وبكرا راح يسافر
    واستغلي وجوده عشان يوديكي السوق برضه لمصلحتك
    بس كلميه بهدوء انه لا يكررها لو نزلتو السوق تاني
    ولما يرجع من سفرته بالسلامه حلو الموضوع على رواق
    اسال الله تعالى ان يسخركم لبعض




    اللهم احفظ رامي وفادي واجعلها قرة عين لي ولابيهما
    واجعلهما من الصالحين



  5. #5
    ملكة
    التسجيل
    29 - 11 - 2010
    المشاركات
    744

    افتراضي



    الله يفرج همك اللهم امين لكن مالها داعى يوم تشرحين ويش صار معك يوم يبغى العلاقه





  6. #6
    ملكة نشيطة الصورة الرمزية دلع قلبه
    التسجيل
    06 - 06 - 2008
    الدولة
    الرياض
    المشاركات
    2,534

    افتراضي



    تناقشنا بااسهاب عن الشخصية الشكاكه وكيف التعامل معاها مع المشرفة ببيرو الله يحفظها

    http://blqees.com/vb/showthread.php?t=292515

    اطلعي على الموضوع واطلعي على الانماط احس فيه خلل كبير في طريقة تعاملك مع زوجك
    فيه ضعف منك باابسط حقوقك خلاه يتمادى ويقل ادبه عليك

    http://www.niswh.com/vb/showthread.php?t=300628

    اقترح عليك تقرأين بكثافه في قسم الزوج والزواج
    وتفهمين حقوقك كاانثى وكزوجه وكيف تطالبين فيها حتى تتحقق بدون ضعف خطأ او انكسار ذل!!
    الله يسخر لك ويساعدك..





  7. #7
    أميرة فضية
    التسجيل
    08 - 08 - 2008
    المشاركات
    32

    افتراضي



    حاولي تمشين يومك معه عاااااادي
    واطلعي السوق مع اهلك دام زوجك كذا غيور





  8. #8
    ملكة الصورة الرمزية خجلے
    التسجيل
    23 - 11 - 2009
    المشاركات
    636

    افتراضي



    حبيبتي هذي مي غييرهـ
    لو غييرهـ ماخلاااك تنزلين الصيدليه لووحدك
    زي مافي السووق هذاك اليماني في الصيدليه رجال
    ولو غيرهـ ماخلاك واقفه بجنب السيــأآره لمن خلص مكالمته
    كان نزل كمل مكالمته برا

    هذا تعقيييييد ,,, الله يسهلك حيــأآتك ووييسر اموورك
    ويصلح حاله ويحنن قلبه عليك
    وجهه نظري ,,, اتمنى تتقبليهـأآأ




    رحمك الله يـ ( آمي )

    اللهم إغفر لها وإرحمها وعافها وأعفو عنها وأكرم نزلها ووسع مدخلها وبدلها داراً خير من دارها وأهلاً خير من أهلها وأدخلها الجنة وأعذها من النار........يـــــــــــــــــــــارب يا أرحم الراحميـــــــن

  9. #9
    أميرة ذهبية
    التسجيل
    23 - 05 - 2010
    الدولة
    الرياض
    المشاركات
    183

    افتراضي



    هلا حبيبتي ..

    طولي بالك يا قلبي الله يجعلك قرة عين له ويهدي سركم يارب ..

    طيب انتي قولي له بكل هدوء ممكن تاخذني لسوق غير الللي كنتي فيه وقولي انا بنزل معاك وباخذ اللي ابي بس تكفى لاتكلم احد بالجوال انشغل فيني انا دامك بتروح خل وقتك لي
    وقولي من عندي غيرك ياخذني ويجيب لي ( ومن هالكلام حسسيه انك تحتاجينه بحياتك وانك بدونه ضااااايعه))
    انتي حابه حياتك معاه ومرتاحه بالوضع ولكن المنغصات في كل بيت ..وما في احد مرتاح
    اما الغيره تقدرين تفهمينها اذا كان زوجك اكبر منك بعمر كبير فهي مو غيره بقدر ماهي خوف انك تبعدين
    الغيره دليل الحب ولكن لا تهملينها عشان مايتمادى وتوصل لشك ..
    اهتمي بنفسك واناقتك وجاذبيتك ..وخليكي دايم غنوجه ودلوعه ..واطلبي كل شي بوقته ودام وقته محدود عندك
    خليه يلبي كل طلباتك قبل يروح ..

    الله يفرج همك وهمي ويشفيني وزوجي وبنتي ويبطل سحر التفريق من عنده ...يارب





  10. #10
    ~◦ღ( حكيمة الإستشارات الزوجية )ღ◦ الصورة الرمزية تشكرات
    التسجيل
    06 - 11 - 2010
    المشاركات
    3,183

    افتراضي



    أضيف على كلام أختي خجل الله يوفقها ويوفقك أختي صاحبة الموضوع >>زوجك مشحون ونفسيّته تعبانه من كثرة الاتصالات كما ذكرتي >>>زوجته تتصل ..وأمه تتصل ..وعياله يتصلوا ..وأكيد أغلبها مشاكل ولذلك قال لك خلّيكي برّا السيّارة حتى لا تسمعي لمشاكلهم ...فكل هذه الاتصالات أثّرت على تصرّفاته وكلامه معك ..أنتي عدّي الموضوع بسلام حتى يرجع من السّفر وبعدها لكل حادث حديث .....وربنا يهديه يارب





  11. #11
    أميرة ماسية الصورة الرمزية ورد وزهور
    التسجيل
    19 - 10 - 2009
    الدولة
    الاماكان كلها مشتاقه لك
    المشاركات
    281

    افتراضي



    اللة يفرج همك اختى





  12. #12
    ملكة متميزة الصورة الرمزية وحيده في دنياي
    التسجيل
    24 - 06 - 2010
    المشاركات
    3,607

    افتراضي



    الله يفرج همك
    اسلوبك حلو وتعاملك وتصرفك احلى

    طيب كلميه عادي بعد وش بتسوين
    عشان لاسافر ماتلومين نفسك







    أنا ماني بنت سهله
    تجي بدقة الاصبع
    انا مهره بلا فارس
    عجز منهو يروضها

  13. #13
    ملكة الصورة الرمزية نســـرين
    التسجيل
    19 - 01 - 2011
    المشاركات
    492

    افتراضي



    عدي الموضوع وتناسي
    وقولي له بطريقه لبقه انك محتاجه اغراضك من السوق
    وعدي موضوعك
    والله يوفقك




    اصبر لكل مُصِــيبةٍ وتجــلًّدِ
    واعلم بأن الدهــر غير مُخَــلَّدِ


    استغفر الله العظيم وأتوب اليه

  14. #14
    أميرة ذهبية الصورة الرمزية دفاانثى
    التسجيل
    11 - 01 - 2011
    المشاركات
    165

    افتراضي



    الله يصلح حالك,,
    تقولين ,,,مابي اضيع اليوم الباقي ,,
    وانا اقولك اتخذي موقف حتى لاتضيع حياتك كلها..




    اللهم اسكن أمي الفردوس الأعلى من الجنة وأجعل القصور سكنا لها والولدان المخلدون خدما لها
    وصبرني بعدها,,,,وبارك لي في أهلي واحفظهم لي ولاتحرمني منهم..

  15. #15
    أميرة ماسية الصورة الرمزية أنامل سحرية
    التسجيل
    01 - 11 - 2010
    المشاركات
    263

    افتراضي



    سحر بحبك ولع
    ماشاء الله عجبني نكك أحسه رقصني خخخخ
    ماعليه لا تزعلين تراي أضحك عالماشي...
    شوفي قلبي إنت ماغلطت فاستغربت تقولين بدون تجريح!!!!
    المهم اللي فهمته إنك زوجه ثانيه صح؟!
    وكمان فهمت إن لسا ربي مارزقك أطفال
    وهذولاك حرمته وعياله مبلشينه
    فليش ياحلوة ماتكسبينه
    انت تقولين ساكته وكنت ساكته وبرضووووووو بالموقف سااااكته!!!!
    المفروض لاقال انزلي لحالك قولي بدلع لا حبيبي أخاااااف وأتطمن جنبك
    والمفروض إنت اللي تحطين حد لكونه معاك ويكلمهم
    يعني مثلا":
    حبيبي ممممم ممكن ماترد خلك معاي مشتاقه لسواليفك ولذوقك معاي ولاحق على مكالمتهم بعدين
    بدل ماتقولين خلاص كلمهم وأنا بطلع وبصرف عمري
    إنت كذا أرسلتيله رساله لا إراديه منك معناها:
    مايهمني احساسك ولا ذوقك المهم واحد يوديني وعاااادي تنشغل فيهم
    فياحلوة هالمرة عدّت وانتبهي المرة الجايه
    ولا تتضايقين تري سبحان الله الرجال فيهم غيرة بأوقات وأوقات لا
    تخيلي زوجي:
    يغار على صوتي لارديت عالتلفون
    ولا صرت جنبه في المجمع وشفته مشغول أبي أخليه أغار
    أقوله: شف هذاك ماشاء الله على طوله
    خخخخخخخ----> لا تنتقدوني أنا هالمرة
    تخيلي يقولي ببرود:
    عاجبك حبيبتي؟
    ويرد ينشغل خخخخخخ
    بس يموت لا جيت أختار سنتيانه والهندي أو اليمني قريب
    يقول:
    ماله حق يشوف مقاس صدرك
    عسى ماااااااشر
    أنا اختارها لعمري يعني مو ذنبي بس هم حالات يستقعدون
    وبأقولك سر:
    ترى تنغيصات السوق من هوايات الرجال
    كم مرة نطلع للسوق مروقين ونرجع متخاصمين
    وعلى سواليف سخيييييفه
    يعني عندنا وعندك خير
    فوسعي صدرك ونصيحة لاااااتكبرين السالفة
    وقوليله كلمة بثقة:
    رجاءا" لا عاد تحطني بهالمواقف بانشغالك عني!
    والله يهدي النفوس
    وعلى فكرة شهيتيني أروح أشتري بيجامه
    مرسوم عليها سبونج بوب
    لا...لا
    مرسوم عليها توم وجيري أحببببهم
    خخخخخخخخخ






صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 08:33 ص
Powered by vBulletin
Copyright © 2015 vBulletin Solutions, Inc. All rights reserved.
المواضيع تعبر عن أراء ومعتقدات كاتبيها فقط , جميع الحقوق محفوظه لمنتديات نسوة