دعوه الى تحليل الحوارات المتعلقه بقصة ندى وخالد
التسجيل

من فضلك يرجى الألتزام بالقوانين ، للتسجيل أضغطي على رابط التسجيل نتمنى لكم وقت ممتع .

Follow us on Facebook Follow us on Twitter Watch us on YouTube
صفحة 1 من 58 123451151 ... الأخيرةالأخيرة
النتائج 1 إلى 15 من 859
  1. #1
    ملكة الصورة الرمزية queen lady
    التسجيل
    12 - 07 - 2009
    المشاركات
    629

    افتراضي دعوه الى تحليل الحوارات المتعلقه بقصة ندى وخالد



    الغاليات ياهلا ومرحبا فيكم مجددا مع تحليل الحوارات المتعلقه بقصة خالد وندى سوف أرجع وأضع التحليلا ت من الاول عشان اللي فوتها يقراها مره ثانيه اما بالنسبه للي مو فاهمين عن ايش احنا نتكلم انا افهمه .. انا الان اقوم بتحليل حوارات قصة كتبتها وهي( تعالو شوفوا خالد شمالي ولاجنوبي وندى شماليه ولاجنوبيه) واللي يحب يرجع ويقرأ القصه يتفضل الرابط..

    http://www.niswh.com/vb/t165357-9.html





  2. #2
    ملكة الصورة الرمزية queen lady
    التسجيل
    12 - 07 - 2009
    المشاركات
    629

    افتراضي



    نبدأ بسم الله وكما وعدتكم بتحليل الحوار الثاني الاول طبعا حوار عادي بداية اي قصة بين اي عرسان جدد

    خالد.. ترا ماقدر الحين نسافرشهر العسل يعني ناجلها شوي بس شهر عسلك محفوظ ويبتسم..
    ندى.. عادي حبيبي ولايهمك.

    لاحظوا معاي هنا كيف ندى تنازلت عن حق من حقوقها وانتهت القصه ولم تذكر خالد بانك ترا نسيت شهر عسلنا .. طبعا هذا طبع في الجنوبيه تنازلت من اجل حبيبها ولم تذكره لاحقا او تزن على راسه لانهاا ماتحب تضيق صدره خالد عوضها بسفرات قصيره لم اذكرها بالحوارات لكنها تنازلت عن شهر عسل وهو ليس بالشيء السهل بالنسبه يمكن لشماليه راح يختلف الموضوع..
    اذا معاي خصله في الجنوبيه.. التنازل من اجل ارضاء الحبيب


    خالد.. انا لازم اداوم بعد اسبوعين تعرفين توني متوظف وشغل جديد وبالموت عطوني اسبوعين اجازه بس تعرفين القطاع الخاص وكيف يذلون الواحد.. لاتزعلين وقدري الموقف.

    هنا اتضحت خصله قويه في الشمالي وهي الالتزام وانه انسان عملي ويحب انضباط المواعيد ومهما كانت الاسباب كان من اولوياته عمله .. صحيح جابها بطريقه حلوه وهنا سياسة الشمالي في المواضيع لكن اتضحت الخصله واضحه جدا.. اذا عملي ومنضبط وملتزم بعمله تماما.. وايضا سياسي في نقاشه

    ندى..تضايقت شوي بس تنازلت ولابينت وقالت مو مشكله حبيبي اهم شي شغلك.

    ايضا التنازل ويمكن الكثير يقولون طيب وش بيدها؟؟
    صح مافي يدها شي بس لاحظي التنازل بدون اي عصبيه ولا اي ردة فعل اذا خصله ثانيه من خصال الجنوبيه وهي البرود وعدم اظهار المشاعر الحقيقيه وكتمانها خوفا على مشاعر الحبيب..


    تمام معاي نروح للحوار اللي بعده...





  3. #3
    ملكة الصورة الرمزية queen lady
    التسجيل
    12 - 07 - 2009
    المشاركات
    629

    افتراضي



    معاي الحوار الثالث بسم الله..

    الساعه 7 يصحى خالد على رنة المنبه..

    خصلة من خصال الشمالي الوقت من ذهب واعتماده على نفسه في هذه الامور الهامه مثل الاستيقاظ الى العمل يصحى 7 لان دوامه يبدأ 7 ونص مثلا في حين الجنوبي دوامه 7 ونص يصحى 7 وربع يقول يمدي عادي..

    حبيبي تبي فطور؟
    خالد.. لا شكرا..

    خالد رد ب لا شكرا تعرفون ليش مو عشان مايبي فعلا فطور بس عارف ان الفطور بياخذ وقت وبيتاخر عن الدوام..
    هنا ندى غلطانه والتصرف الصحيح اذا كان زوجك من النوع اللي يوميا يفطر اذا توقيت المنبه والاستيقاظ قبله ب 10 دقائق او ربع ساعه على حسب نوع الفطور ويصحى يكون جاهز.. اذا كان من النوع اللي يوم يفطر ويوم لا معناته السؤال يكون قبل النوم عشان تحضرين له الفطور بدون اي تأخير.. هذا بالنسبه للجنوبيه الشماليه ممكن تصحى معاه وفيما يلبس يكون الفطور جاهز راجع الى سرعتها ايضا واهتمامها بالوقت..

    ندى.. اوكي تبي اكوي لك شي للشغل؟
    ايضا غلط السؤال هذا كان لازم يكون باليل مو الصباح ياندى خصوصا ان زوجك انسان مايحب يتأخر على دوامه فحاولي ان اغراضه دايما تكون جاهزه..

    خالد .. يذهب اليها يوووه لين الحين ماخلصتي خلاص جيبيه بس موب لازم تكملين كوي ويسحب الشماغ ويطلع.
    ردة فعل جدا طبيعيه الرجال تاخر عن الشغل. خصله في الشمالي مايحب يجامل على حساب هدر الوقت..
    لو جنوبي يمكن ردة الفعل تكون مختلفه..


    تذهب الى سريرها وتبدأ بالبكاء وتتصل على خالد ولايرد عليها تتصل مره مرتين وثلاث.... ولايرد تبكي اكثر
    خصلة يجب تغييرها في الجنوبيه وخصوصا الشرقيه وهي الحساسيه الزايده عن اللزوم كان ممكن يكون تصرف ندى اكثر حكمه وهو اسوأ الاحتمالات مسج صغير تقوله اللي صار اليوم ماراح يتكرر وان شاء الله مايصير خاطرك الا طيب .. مسج بيسعد الشمالي جدا بدال البكي والصدمه وانا مدري لو كلمته وش كانت بتقول اصلا ..

    يدخل خالد الى البيت وندى حزينه فهي لاتستطيع ان تبتسم بوجهه بعد ان طنش مكالماتها ومسجها ..
    خالد.. بابتسامه عريضه السلام عليكم.

    الشمالي رضى لما عرف ان ندى حست بغلطتها ونسى الموضوع اصلا والدليل انه راجع مبسوط ولا كانه شي صار لاحظوا كيف الشمالي بسرعه يرضى وينسى مايشيل بخاطره ويرجع يكمل هواشة الصبح..

    ندى.. بكل حزن وتكشيره وعليكم السلام.. احضر الغدا؟
    غلط ليش التكشيره الرجال داخل تعبان من شغله ومبتسم وانتي مكشره عشان مارد على مسجك طيب مو كفايه هالابتسامه تطيح الحطب كله..

    ندى.. انت ليش مارديت على مكالماتي اليوم؟
    تحفر في نفس الحفره مجددا والموضوع بالنسبه له انتهى..

    ندى .. طبعا انا مسجاتي ماتنتبه لها ومكالماتي ماترد عليها بس لو احد من ربعك كنت رديت وتترك السفره وتروح السرير وتبدا بالبكاء..
    الشمالي يكره الخصال التاليه التشره والعتب ومقارنتك باصحابه والبكا على الفاضي والمليان..ممكن ببداية الزواج يجامله ويطبطب بعدين بتصير دموعك عنده عاديه جدا لانك كنتي تظهرينها على سبب تافه او سبب قوي تساوت عنده الامور..

    خالد.. اوكي خلاص ندى لاتخربين اليوم علينا سالفه وانتهت خلاص عاد
    مافي شي يستاهل كل اللي انتي مسويته ياندى الرجال مسالم مايبي مشاكل..






  4. #4
    ملكة الصورة الرمزية queen lady
    التسجيل
    12 - 07 - 2009
    المشاركات
    629

    افتراضي



    حبايبي تحليل الحوار الرابع ونكمل غدا اعذروني لاني حاولت بس الصداع تغلب علي فعلا اراكم على خير تصبحون على الف خير وتفضلوا التحليل..

    ندى.. وين؟؟ وهي تتوقع ان خالد لايمكن ان يتركها في هذه الحاله ابدا فهي تشعر بصداااع وتعبانه شلون يتركهاااا!!!
    خالد.. بطلع مع الشباب شوي نامي انتي ارتاحي
    ندى..يزيد الصداع اكثر لانها تفكر كيف خالد يتركني كذا من جد مايحس افف عديم احساس لو هو راسه اللي مصدع استحاله كنت اتركه وتقوم من السرير تبلع حبتين بندول وتجلس امام التلفاز

    الشمالي تعبيره عن الاهتمام انه يترك ندى ترتاح ومايزعجها ..
    الجنوبيه هنا تريد الاهتمام والرعايه ويجلس جنبها ومايطلع وكل شوي يطل عليها تبين شي كيف الصداع خف ولا لا لانها لو تعب خالد هذا اللي بتسويه..
    طبعا هنا بغض النظر عن الانماط هذا واجب الزوجه لما يتعب زوجها بس الجنوبيه بزياده يعني ممكن حتى ماتاكل اذا هو ما اكل..
    هنا الفروض ندى ابدا ماتتضايق وتعرف ان خالد تركها ترتاح وتشكره على هذا الشي انه بيوفرلها جو الراحه..


    دخل خالد المنزل بابتسامه وندى طبعا زعلانه طول اليوم تعبانه ومافكر يسال عنها..
    خالد.. شخبارك ندى؟
    ندى.. بخير بدون نفس..
    خالد.. خف الصداع؟
    ندى.. نظره استحقار لاياشيخ يعني يهمك؟

    خالد طبيعي يدخل البيت ويسأل ندى عن الصداع بس هي كانت يبيه يتطمن عليها كل شوي لانها لو بمكانه وهو اللي تعبان ماراح تتركه..
    ندى زعلانه ليش الزعل ياندى خلاص سال عنك مشي له الموضوع وممكن بوقت روقان تقولين له خالد حبيبي لما اتعب احب احس باهتمامك انا ادري انت تبي توفر لي الجو المناسب للراحه وهذا شي اقدر لك اياه ومو اي زوج يسويه لزوجته طبعا هنا مدحتيه في سياسه بالكلام.. بس تعرف برضوا سؤالك عني بيسعدني لان صوتك يريحني .. الشمالي ممكن يتقبل وبروح طيبه هالكلام بس ترا عادي يطنش لانه طبع فيه اللي هو توفير الجو المناسب لراحتك يدل على اهتمامي بك..


    خالد.. الحين ليش تبكين؟؟
    ندى.. تبكي وتبكي مو شغلك نام انت اصلا مايهمك الا نفسك.
    خالد..طيب ماقدر انام وانتي تبكين.
    ندى.. يعني مررره مهتم اذا مزعجتك بترك لك الغرفه وتقوم من السرير.
    تنظر الى خالد ولم يتفوه بكلمه توقعت انه بيقول لا تعالي ولكن الاخ خالد قلب على جنبه اليمين ونام ..
    ندى طلعت من الغرفه وهي تبكي ومحرووووقه ومصدومه وتسكر الباب بكل قوتها ولكن لاحياة لمن تنادي..

    ندى هنا افتعلت مشكله من لاشيء يعني حاولت لفت انتباه خالد ولكن بطريقه مزعجه للشمالي وهي البكاء هنا ندى ارخصت دموعها امام الشمالي لانه بنظره ليش تبكي ومو فاهم انها تبكي تبي اهتمام لا هنا الشمالي ينظرلها بنظره انها انسانه تختلق المشاكل وتبي النكد..
    الشمالي وراه دوام ياندى يعني بيجلس يراضيك ويطبطب عليك واصلا مافي اي داعي للبكاء..
    التصرف الصحيح ندى ابدا ماكان المفروض تنزل دموعها وتتمدد جنب خالد وتنام وهو بيحس فيها وممكن يمسك يدها يحط يده على راسها لانها ماكبرت السالفه ..
    الشمالي حنون بس لازم تعرفين كيف تطلعين الحنيه منه مو بالصراخ والهواش والبكاء..
    الجنوبيه توقعت ان خالد بيجي يراضيها لكن الشمالي عملي وعنده دوام واصلا بنظره مافي اي سبب للزعل والدلع مو وقته وهنا ينظر لندى نظره بانها لم تجيد اختيار الوقت واظهرت ضعفها وهذا مايكرهه الشمالي..






  5. #5
    ملكة الصورة الرمزية queen lady
    التسجيل
    12 - 07 - 2009
    المشاركات
    629

    افتراضي



    تحليل الحوار الخامس.. بسم الله.

    خالد يأتي من عمله وبعد يوم شاق وعناءطويل متعبا فيدخل البيت مبتسما وندى جالسه على النت تحاول ان تسلي نفسها..
    خالد.. السلام عليكم يا بطه..
    ندى.. لم تنظر اليه وتستمر بالتحديق باللاب توب اهلين خالد وعليكم السلام..
    هنا طبعا تصرف خاطىء من ندى وربما الكثير من النساء اللواتي يفتقرن الى حسن استقبال الزوج والمفروض وقت رجوع الزوج الى المنزل اتخلص من اي عمل يشغلني واتفرغ الى استقبال زوجي بابتسامه وبكلمه طيبه بعد يومه الشاق..
    طبعا هنا يختلف فيه رجال لو شاف زوجته مثل ندى كان بيصرخ ويسوي هوشه كبيره وفي رجال غامض يبيها تحس من نفسها وتعرف ان التصرف هذا خاطىء مثل خالد لان الشمالي احيانا مايتكلم بوقتها بس ممكن بوقت زعل يكون مجمع عليك التصرفات اللي كانت مضايقته فكوني حذره خصوصا مع الشمالي..

    خالد.. جانا وفد اجنبي وتغديت معاهم برا..
    ندى .. اها وين تغديتوا؟
    خالد..في مطعم
    ندى.. احلف ادري بمطعم يعني وين؟
    خالد.. مطعم الفلاني ويعطيها اسم المطعم..
    لاحظوا هنا اختلاف التفكير بين النمطين الشمالي والجنوبي.. ندى هنا بسؤالها تعتبرها دردشه.. الشمالي يعتبرها تحقيق وهذا مايكرهه الشمالي فيا زوجات الشمالي اذا الشمالي تكلم من نفسه وقالك رحنا وسوينا وتغدينا ولا تحاشي سؤاله لانه مايفهمها دردشة وانما تحقيق وتدخل في خصوصيات العمل..

    ندى.. طيب ابي اروح له.. ( تقصد المطعم)
    ندى .. شفيك بتنام ياخي اجلس معاي..
    ندى لم تحسن التصرف هنا وكان كلامها بمثابة اوامر بالنسبه للشمالي يعني افتقرت للاسلوب اللي يجذب الشمالي..
    من خصال الشمالي انه يكره ان تملي عليه مايفعل يعتبرها اوامر وممكن يطنش وتزيد الامور تعقيد..

    ندى ..انت لازم تسوي لك جدول ايام لي وايام مع اصحابك ذيك الساعه ماراح اتكلم..
    خالد.. نعم جدول حلوه بمدرسه احنا.. لا ماحب احد يقيدني..
    ندى هنا حست ان التفاهم مع خالد صعب وتبيه يجلس معاها ويطلع معاها باي طريقه فاقترحت الجدول..
    الشمالي اعتبرها تقيييد لحريته يعني هو بنظره انا ماقصرت معاك والخميس مطلعك اليوم مرتبط مع اصحابي التزم واعطى كلمه لايمكن يتراجع عنها خصله من خصال الشمالي في حين ندى اعتبرتها انانيه..

    اول مايطلع خالد بعد تقريبا ساعه ترسل ندى مسج ..
    المسج.. حبيبي انت ليش تعاملني كذا انا مايهموني الناس انت اهم شي عندي انا مااروح لاهلي كل يوم عشانك وماحب اطلع اذا انت بالبيت اشتقت لايام الرومانسيه انت دايما مشغول عني وانا ودي تاخذ اجازه ترتاح ونروح مكان نغير جو بعيد عن الناس بس انا وانت..
    ايضا المسج لم تكن فكره صائبه ابدا ولاحظي كيف بينت ضعفها بالمسج وهذا مايكرهه الشمالي.. وايضا املت عليه مايفعله ..

    ندى.. بتنام؟
    خالد.. تعرفين وراي دوام..
    ندى.. طيب اجلس معي شوي..
    خالد.. يمسك يدها ويمسح على وجهها ندى خليني انام الحين وان شالله اجلس بكره معك..

    تكرار نفس الكلام اجلس معي اجلس معي اكبر غلط انك تطلبين من الشمالي هالطلب لان لو سواه غصب عنه بتكرهين نفسك اتركيه على راحته وخليه هو من يتمنى الجلوس معك ..
    خالد ايضا هنا احسن التصرف ولم يستطع المجامله في حين الجنوبي ممكن يضغط على اعصابه ونفسه ويجلس ارضاءا للحبيب وهذا اللي زعل ندى دايما تفكر ان اللي تسويه لخالد لازم هو ايضا بالمقابل يعاملها بالمثل..

    ندى.. طيب اصلا انا الغلطانه انا اذل نفسي وانت ولاهامك بس بتشوف بخليك تتحسف وتدور انت جلستي..
    خالد.. مغمض عينيه ويسمعها ولايرد لانه مايبي مشاكل فيقول النوم اصرف..
    ندى .. تجلس تتخيل كيف كان خالد معاها ايام الخطوبه وكيف كان يبي يموت عشان يتزوجها وكيف وكيف مما يدفعها الى البكاء والحنين الى تلك الايام فتبكي وتبكي وتنااام ..

    اظهار ما اظهرته ندى غير مهم ابدا للشمالي التهديد يجعل الشمالي ينظر اليك بنظرة شفقه انت في غنى عنها..
    تبكي ايضا خصله يكرهها الشمالي وهي اظهار الضعف وتكراره كل يوم يعني ندى المفروض ابدا ماتتصرف بهذا الشكل اختلقت مشكله من لاشيء..وبالاخير هي اللي تعبت والادهى والامر انها بكت امام الشمالي اللي تعود على بكاءها وصار عنده شيء عادي..





  6. #6
    ملكة الصورة الرمزية queen lady
    التسجيل
    12 - 07 - 2009
    المشاركات
    629

    افتراضي



    تحليل الحوار السادس.. بسم الله..
    ندى.. خالد بروح مع اهلي لجده اسبوعين بنزور عمتي هناك تعرف تعبانه .
    خالد.. اوك مافي مشكله لازم تشوفينها من جد انتي مقصره بحقها روحي وانبسطي..
    ايضا لاحظوا اختلاف التفكير بين النمط الجنوبي والشمالي ندى هنا كانت تبي اهتمام بشكل اخر وهو لا حبيبتي ماقدر على بعدك وش بيصير فيني اذا رحتي بيبسطها هالكلام مررررررره في حين الشمالي عبر عن حبه واهتمامه بقوله روحي انبسطي يعني الرجال مرن ياندى واحمدي ربك في رجال مايرضون ابدا ..

    خالد.. الحمدلله عساك مبسوطه؟
    ندى.. ايه مره مبسوطه.. طبعا هي تكذب طول الوقت تفكر بخالد.
    الرد هذا بتوقع الجنوبيه انه بيقهر الشمالي ولكن هذا الرد اسعده تماما لانه يشوف حبيبته مبسوطه يكون مبسوط في حين الجنوبيه كان بودها ان ردة فعل خالد تكون مبسوطه بدوني وانا هنا تعبان واعد الايام.. هذي ردة فعل بترضي غرورها كجنوبيه..
    يعني تخيلوا لو الحوار بالعكس وخالد اللي قالها ايه مره مبسوط بتفكيرها علطول بتسوي مشكله وبتقول ايه طبعا لانك بعيد عني مبسوط انت ماتحس وانت وانت......الخ..

    ندى.. ليه خلك عزوبي استانس مافي احد يقولك وين رايح وين جاي؟
    خالد.. شدعوه انتي عارفه اني ما استغني عنك..
    ذكاء من الشمالي والوقوع على نقطة ضعف ندى الكلمه هذي خلت ندى ترجع قبل المده المقرره مع انها المفروض تلتزم بالمده اللي بيرجعون فيها اهلها فقط لاشعال الشوق اكثر في قلب خالد..

    اليوم الثاني علطول ندى ترسل مسج اول مافتحت عيونها..
    المسج.. خالد أحبك اشتقت لك
    تنتظر الرد خلص اليوم ومارد الاخ
    ندى بتموت من القهر مسج ثاني طبعا منت فاضي ترد
    اكبر غلط المسج هذا يعني مكالمة امس خلت ندى ترجع الى عاطفتها المجنونه ويوم مارد ليش المسج الثاني بينت ندى هنا لخالد انها ميته وهذا غلط الشمالي هنا باعتباره انسان مشغول ومو فاضي المسج اسعده وفرح قلبه بس برأ يه الرد مو مهم اذا جت بتعرف حجم شوقي ..

    بعد ساعتين خالد يرد.. شدعوه بس مانتبهت انتي عارفه حبك هو غذاء روحي..
    المسج ماراح يسعد ندى لانها هي اللي طلبت الرد في حين لو جاها بدون ماتطلب بيكون الشعور غير..

    ندى انبسطت كثير اخيرا حس طبعا لما راحو الفندق خالد يبي يعبر عن شوقه وحبه فجابلها هديه جوال لان جوالها دايما يطفى وخاتم ماركه ..
    ندى طارت من الفرحه كل هذا لي لو ادري منزمان سافرت..
    تعبير عن الحب والشوق بطريقة الشمالي وهي الهدايا ومو اي هدايا لازم الغالي
    ندى لم تحسن الرد طبعا هنا المفروض قالت ياعمري ذوقك من جد مره حلو انت انسان ذويق بصراحه ولازم في المرات اللي بشتري فيها شي تعطيني رايك لان ذوقك راقي جدا..
    هنا سياسة في الكلام مدحتييييييييييه ونفختييييييييييييه هالشمالي ثانيا عشان يسمع هالكلام مره ثانيه بينتظر المناسبات بفارغ الصبر ويجيب لك هدية جديده.. تمام

    خالد .. يضحك ويقولها طيب اتركي الهدايا عنك وتعالي الحين انا مره مشتاق لك..
    تعبير الشمالي عن الشوق يكون بالجنس طبعا فهنا كوني على اوج الاستعداد لاغرائه واذابته..






  7. #7
  8. #8
    أميرة ذهبية الصورة الرمزية ملكة النسا
    التسجيل
    02 - 09 - 2007
    المشاركات
    136

    افتراضي



    الله عليك ياكوين راااااائعه في تحليلاتج بصراحه كأني وقعت ع كنز بهذا الموضوع الثري

    سلمت اناملك غاليتي





  9. #9
    ملكة مؤهلة الصورة الرمزية حنين السعاده
    التسجيل
    16 - 01 - 2009
    المشاركات
    379

    افتراضي



    اقتباس المشاركة الأصلية كتبت بواسطة queen lady مشاهدة المشاركة
    تحليل الحوار السادس.. بسم الله..
    ندى.. خالد بروح مع اهلي لجده اسبوعين بنزور عمتي هناك تعرف تعبانه .
    خالد.. اوك مافي مشكله لازم تشوفينها من جد انتي مقصره بحقها روحي وانبسطي..
    ايضا لاحظوا اختلاف التفكير بين النمط الجنوبي والشمالي ندى هنا كانت تبي اهتمام بشكل اخر وهو لا حبيبتي ماقدر على بعدك وش بيصير فيني اذا رحتي بيبسطها هالكلام مررررررره في حين الشمالي عبر عن حبه واهتمامه بقوله روحي انبسطي يعني الرجال مرن ياندى واحمدي ربك في رجال مايرضون ابدا ..

    خالد.. الحمدلله عساك مبسوطه؟
    ندى.. ايه مره مبسوطه.. طبعا هي تكذب طول الوقت تفكر بخالد.
    الرد هذا بتوقع الجنوبيه انه بيقهر الشمالي ولكن هذا الرد اسعده تماما لانه يشوف حبيبته مبسوطه يكون مبسوط في حين الجنوبيه كان بودها ان ردة فعل خالد تكون مبسوطه بدوني وانا هنا تعبان واعد الايام.. هذي ردة فعل بترضي غرورها كجنوبيه..
    يعني تخيلوا لو الحوار بالعكس وخالد اللي قالها ايه مره مبسوط بتفكيرها علطول بتسوي مشكله وبتقول ايه طبعا لانك بعيد عني مبسوط انت ماتحس وانت وانت......الخ..



    (( والله صادقة لما أكلمه وهو مسافر واشوفه مبسوط ع طول أفكر نفس الشي))


    ندى.. ليه خلك عزوبي استانس مافي احد يقولك وين رايح وين جاي؟
    خالد.. شدعوه انتي عارفه اني ما استغني عنك..
    ذكاء من الشمالي والوقوع على نقطة ضعف ندى الكلمه هذي خلت ندى ترجع قبل المده المقرره مع انها المفروض تلتزم بالمده اللي بيرجعون فيها اهلها فقط لاشعال الشوق اكثر في قلب خالد..


    (( طيب لو صمم وزعل اذا مارجعت))


    اليوم الثاني علطول ندى ترسل مسج اول مافتحت عيونها..
    المسج.. خالد أحبك اشتقت لك
    تنتظر الرد خلص اليوم ومارد الاخ
    ندى بتموت من القهر مسج ثاني طبعا منت فاضي ترد
    اكبر غلط المسج هذا يعني مكالمة امس خلت ندى ترجع الى عاطفتها المجنونه ويوم مارد ليش المسج الثاني بينت ندى هنا لخالد انها ميته وهذا غلط الشمالي هنا باعتباره انسان مشغول ومو فاضي المسج اسعده وفرح قلبه بس برأ يه الرد مو مهم اذا جت بتعرف حجم شوقي ..


    (( مساكين مانصدق نشوف ريق حلو ننسى أنفسنا مانلام ))



    بعد ساعتين خالد يرد.. شدعوه بس مانتبهت انتي عارفه حبك هو غذاء روحي..

    (( طبعا لازم يرد وراه شي الشمالي يلين اذا بغا...))


    المسج ماراح يسعد ندى لانها هي اللي طلبت الرد في حين لو جاها بدون ماتطلب بيكون الشعور غير..


    ((كويين وش الاحسن نقطع مسجات الغزل ونكتفي بالمدح فقط))



    ندى انبسطت كثير اخيرا حس طبعا لما راحو الفندق خالد يبي يعبر عن شوقه وحبه فجابلها هديه جوال لان جوالها دايما يطفى وخاتم ماركه ..
    ندى طارت من الفرحه كل هذا لي لو ادري منزمان سافرت..
    تعبير عن الحب والشوق بطريقة الشمالي وهي الهدايا ومو اي هدايا لازم الغالي

    (( طيب والي الهدايا مالها مكان في قاموس حياته))



    ندى لم تحسن الرد طبعا هنا المفروض قالت ياعمري ذوقك من جد مره حلو انت انسان ذويق بصراحه ولازم في المرات اللي بشتري فيها شي تعطيني رايك لان ذوقك راقي جدا..
    هنا سياسة في الكلام مدحتييييييييييه ونفختييييييييييييه هالشمالي ثانيا عشان يسمع هالكلام مره ثانيه بينتظر المناسبات بفارغ الصبر ويجيب لك هدية جديده.. تمام

    (( واذا كان ذوقه مايعجبني مرة))


    خالد .. يضحك ويقولها طيب اتركي الهدايا عنك وتعالي الحين انا مره مشتاق لك..
    تعبير الشمالي عن الشوق يكون بالجنس طبعا فهنا كوني على اوج الاستعداد لاغرائه واذابته..

    ماأقدر أجاريه دائما ارفض لما أقول الي عندي وهو ايه طيب طيب وماعندك أحد واحيانا يزعل ويتركني واصير انا الي
    اعتذر





  10. #10
    ملكة الصورة الرمزية دلع ملكة
    التسجيل
    06 - 12 - 2008
    الدولة
    جدة غير
    المشاركات
    627

    افتراضي



    الله يعطيكي العافيه ياعسل
    تحليلك ماشاء الله تبارك الله رائع وبالفعل صحيح
    متابعه معاكي





    ياحنان يا منان بديع السموات والأرض أنت الله الواحد الأحد الفرد
    الصمد أسألك باسمك الأعظم إن تهديني وتهدي زوجي وأبنائي وتجعلنا من عبادك الصالحين المتقين المفلحين وان تحسن خاتمتنا وتضلنا تحت ضل عرشك يوم لاضل إلا ضلك
    اللهم لا تجعل لزوجي حضا في النساء مع غيري يا حي يا قيوم


    من مواضيع دلع ملكة


  11. #11
    أميرة ماسية الصورة الرمزية حقل اللؤلؤ
    التسجيل
    23 - 06 - 2009
    الدولة
    في احلى ارض مسقط رأسي_ _الرياض_ _
    المشاركات
    258

    افتراضي



    تسلم ايديك ياكوين
    صراحه فتحت عيني على شغله مهمه الحين بس فهمت
    اللي هي لما اطلب منه انام عند اهلي او اسافر معاهم على طوووول يوافق وأيدني بقووووه
    وبصراحه كنت اتضاااايق كنت اقول في نفسي شكلي رخيصه عنده عااادي انه يفارقني
    يعني كان ودي يقولي لا صعب علي فراقك
    اثاريه كان وده يسعدني
    مع انه كان يحاول يفهمني هذا الشي بس اقول اكيد قاعد يرقع
    ربنا ينور عليك يا كوين
    كملي يا ابلا..........





  12. #12
    ملكة نشيطة الصورة الرمزية طيف الروح
    التسجيل
    15 - 05 - 2008
    الدولة
    > الشرقيه <
    المشاركات
    1,608

    افتراضي



    كوين يحلوووووووووووووه

    طيب برايك هل الشمالي

    يحب انك تستشريه بشي او ماستشيريه

    مثلااا قلتله وش رااايك يوم ادعيلك انت تحب اني ادعيلك علنن كل يوم امامك

    او ماتحب

    انا اقوووول لزوجي هيك قال ايه افرح طبعااا وانبسط

    براايك ادعيله من غير ماستشريه في اشي مثلااا يعني اسووي الشي من غير استشاره
    انطر رااايك

    تحياتيـ





  13. #13
    أميرة ذهبية الصورة الرمزية بسمةامل
    التسجيل
    10 - 04 - 2008
    المشاركات
    111

    افتراضي



    تسلمييين ياقلبي بصراحه استفدت كثيير احس ماعندي سالفه ابد
    اغلب تصرفاتي غلط لكن من اليوم وطالع راح اغير اسلوبي ان شاء الله
    بانتظارك ياعسل والله يعطيك الف عافيه





  14. #14
    ملكة نشيطة الصورة الرمزية طيف الروح
    التسجيل
    15 - 05 - 2008
    الدولة
    > الشرقيه <
    المشاركات
    1,608

    افتراضي



    معليش يكوين كان نفسي اسال سؤال تاني بس نسيت وتذكرتووا

    بس جاوبيني مع السؤال الاول

    الحين الشمالي لما انزل معاه السوق وماعجبني ذوووقه برايك شو ارد عليه

    مثلااا ذؤقه غريب عني لعياله يعني

    انا دايم ارد عليه مايصلح مو مناسب بناتك ضعاف وهيك
    احسووو يندم لاني حطمتووو

    ولما المره التانيه استشريه يقلي خلاص اختاري بنفسك لما اختار يقلي نفس الكلام تبعي مو حلووو

    تركتي الملابس الزينه بوجه نظره ورحتي للشينه

    ماادري شووو اجاوووووووووووبه

    براااايك شوو ارد عليه قلت انت ذوويق بكل شي بس ملابس الاطفال مو اكتير

    معننووو اوقات منشان مايزعل اخد الشي غصب ولاابين له اقوول مشاء الله حلوووووووو روعه

    ويستانس اذا ماعجبني اقله خلنا نستبدله بلون احلى منشان ماكسر رااايه

    شووو رااايك انتي يالغلااا بردودي شو الرد الصحيح لحتى ارد عليه

    تحياتيـ لك

    انطرك





  15. #15

صفحة 1 من 58 123451151 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 04:36 ص
Powered by vBulletin
Copyright © 2015 vBulletin Solutions, Inc. All rights reserved.
المواضيع تعبر عن أراء ومعتقدات كاتبيها فقط , جميع الحقوق محفوظه لمنتديات نسوة