كيفية تعويد الطفل على النوم لوحده
التسجيل

من فضلك يرجى الألتزام بالقوانين ، للتسجيل أضغطي على رابط التسجيل نتمنى لكم وقت ممتع .

Follow us on Facebook Follow us on Twitter Watch us on YouTube



اخر مواضيع المنتدى

صفحة 1 من 3 123 الأخيرةالأخيرة
النتائج 1 إلى 15 من 38
  1. #1
    أميرة ذهبية
    التسجيل
    26 - 10 - 2006
    المشاركات
    169

    افتراضي كيفية تعويد الطفل على النوم لوحده




    اعرف انه كل ام في خاطرها لو ولدها ينام لوحده ويستقل عنها وينام من وقت يعني يتعشى وينام ويوم يرجع ابو العيال تكون هي جاهزه في استقباله

    طبعا هناك استراتيجية تختلف من طفل لاخر

    وانا انشاء الله راح ارد على كل ام تريد تعود اطفالها عبلى النوم باكرا و على النوم في غرفة مستقله

    بس على كل ام تشرح لي مشكلتها + عمر طفلها + عدد الاطفال في الاسرة + وبعض سلوكيات طفلها وما يحب وما يكره

    انتظركم





  2. #2
    ملكة متوجة
    التسجيل
    27 - 09 - 2006
    الدولة
    الامارات
    المشاركات
    2,667

    افتراضي رد : كيفية تعويد الطفل على النوم لوحده



    هلا الغالية
    نرحب فيج في منتدانا الرائع
    بنتي عمرها ست شهور واريد اعودها تنام نومتها كاملة في سريرها..........تقعد لي اكثرمن ثلاث مرات وما تنام الا اذا حطيتها يمي,,,,,,,افيديني واكون لج شاكرة







  3. #3
    ملكة نشيطة الصورة الرمزية ام طفشانه من ولدها
    التسجيل
    27 - 10 - 2006
    المشاركات
    1,157

    افتراضي رد: كيفية تعويد الطفل على النوم لوحده



    سوبر ناني انا ماابي ولدي ينام لحاله بغرفه بعيده عني لكن ابيه ينام بسريره لحاله من غير مايجي عندي وغير كذا ابغاه ينام نوم هادي ومتواصل وكمان ابغى اعوده اذا صحي في الليل يبكى ماياخذ الراضعه لاني عودته اول مايبكى وهو نايم ياخذ الرضاعه ويسكت وينام لكن خلاص كبر وعمره سنتين وابغا اخفف له من الرضاعه





  4. #4
    ملكة نشيطة الصورة الرمزية القلب الكبير
    التسجيل
    13 - 09 - 2006
    الدولة
    في عالمي .. عالم الأنثى
    المشاركات
    2,309

    افتراضي رد : كيفية تعويد الطفل على النوم لوحده





    يا سلالالالالالالالام .. اخيرا راح القى الحل انشالله عندك يا سوبر ناني يا عمري

    انا عندي 4 اطفال اسملله عليهم
    ولد عمره 8 سنوات ... و 3 بنات ( 5 سنين ، سنتان ، 6 شهور )


    طبعا الولد بس ينام بدار لحاله .. اما البنات فكلهم عندي

    مشكلتي الكبيره بنتي اللي عمرها 5 سنوات اتنام بيني و بين ابوها ..
    و كل ما انومها ابغرفتها اتجيني الفجر .. فطبعا الاب يخاف على بنته ( قال حرام كل ليله اتجينا .. خليها من اول الليل عندنا )

    احاول انومها بوقت مبكر قبل أن يأتي البابا البيت .. لكن يتكرر كل ليله و نفس السيناريو ..

    علما بأن الخادمه تنام معها في نفس الدار .. يعني ليست لوحدها عشان اتقولي اخاف .. ( و اهي اصلا ما تخاف ماشالله عليها ) بس متعلقه فيني كثير

    و هالاسبوع طلعلي ولدي الكبير بعد ابسالفه جديده.. ( ليش كلهم ينامون عندكم .. انا بعد ابي انام عندكم !!!!!!!!!!!!!!!!!!!! )

    ههههههههه .. و اصبح يأتي بأنصاف الليالي .. يحطله اسفنج بالارض و يتمقط علي ابنص الدار

    يعني صرنا و الله الحمد 6 ابغرفه واحده

    طبعا لا تسألين شتسوون وقت اللي خبرك و علمك ... لأن الوضع كسيف ولا ينوصف


    ارجووووووووووووك اريد حلا




    القلب الكبير
    خبيرة تحليل خطوط معتمدة من الأكاديمية الدولية لتحليل الخطوط - باريس

    [IMG]http://www.**************.com/Adver/bighe.gif[/IMG]

  5. #5
    مشرفة عالم الرسم والرسامات الصورة الرمزية مستغربه
    التسجيل
    09 - 10 - 2006
    الدولة
    UAE
    المشاركات
    1,012

    افتراضي رد : كيفية تعويد الطفل على النوم لوحده



    السلااام عليكم
    بناااااات انا بحكم خبرتي المتواضعه بهالشي بس حبيت افيدكم بهالموضوع
    انا أم لطفلين بنت 3 سنوات وولد سنه ونص البنت بصراحه من يوم ما يبتها وهي مجننتني لدرجة اني قمت اقرا في الكتب وادور حلول للي أنا فيه
    في البداية من ثالث يوم من ولدتها وهي تصيح وما تسكت وكل ما ارضعها تفج صدري وتصرخ وانا مب عارفه شفيها وبحك الجهل من الاهل ومن انعدام خبرتي بالموضوع كانوا كله يقولولي رضعيها رضعيها وانا احس انه صدري ما يطلع منه شي بس اهلي والدكاتره اللي كنت اروحلهم عندهم عقدة الرضاعة الطبيعية وعلى هالحال يلست ثلاث شهور اتخيلوا والله ما كنت انام اكثر من ساعه متواصله كل نص ساعه تقوم وتصيح وانا اصيح ومب عارفه شسوي ومصره اني اعطيها صدري وما تنام الا لما اعطيها شاي الاطفال ياعمري من الجوع بعدها رحت عند دكتور جزاه الله خير قالي بنتج عندها امساك قلتله ايه قالي مدام عندها امساك وكله تصيح معناته ما تشبع عطيها المرضعه وجربت اول يوم اتخيلوا نامت 3 ساعات متواصله وكنت بقمة الدهشه انا وزوجي كنت اطل عليها كل ساعه اشوفها اهي حيه والا تتنفس لوووووووووووول
    المهم عقدت نفسي وعقدت زوجي لدرجة انه كان متخوف من الحمل الثاني
    نسيت اقولكم انها ما كانت تنام الا في حضني وتقوم عشرين مره بالليل لين قامت تسمك المرضعه بيدها وتشرب بهالحاله صارت تقوم 3 الى 4 مرات بس لولووووول
    ويوم كملت سنه ونص فطمتها بس كانت تنام في حضني عقب اوديها سريرها وتكم بس انا حتى هالشي ما كان عاجبني
    كنت اريدها تنام بروحها مثل الاجانب
    في ولادتي الثانيه كانت خبرتي احسن والحمد لله ولد رضع طبيعي كم شهر وعقب قام ياخذ الغرشه بس ماشالله وقوووولوا ماشالله كان من يوم ما انولد ما ينام الا بسريره كنت اتعب في البداية بس تعود خلاص لليوم عمره سنه ونص ما عمري عودته اني اهاديه واهز فيه او اسوي اي شي لي ينام لاااااااااااا والف لاااا اعطيه الغرشه احطه بالسرير واسكر اليت واطلع
    في ايام يكون مريض يجنني لازم توقفين عندي ما تطلعين برااا بس كنت اوقف عند الباب وعقب كم يوم يرد لحالته( انا اقصد مريض يسنن مب مرض مرض)
    بنتي لااااا اكثر وحده متعبتني بس انا مره شفت السوبر ناني اللي يجيبونه ببرنامج كانت تعود الطفل بالتدريج اول شي اذا كانت تنسدح جنبه تقعد جنبه وتخليه اهو ينام واليوم الثاني تجلس على طرف السرير واللي بعده ابعد وابعد لين توصل عند الباب لين خلاص يتعود انها بالغرفة الثانية جنبه بس كل هذا بدون اي صوت تحضنينه تبوسينه تلعبين معاه شوي تقوليله قصه بس ما تنسدحين جنبه وبعدها تقوليله الحين وقت النوم وخلااص ما تتكلمين ولا كلمه حتى لو كلمج ما تردين عليه اتخلينه يحس انه هذا وقت النوم مافيه كلام وبتتعبون في البدايه بس اهم شي الاصرار والتدريج عشان الطفل ما يتعقد وانا مجربة هالطريقة والله فادتني من بعد ما كنت انسدح جنب بنتي واتعب لين تنام الحين احطها بغرفتها واتركها لين تنام (قولوا ماشالله)
    بس كانت في البداية اتييني وايد غرفتي الفجر وانا على الرغم من اني حامل وتعبانه كنت اطنش واخليها في البداية بس بعدين لا اصر انها ترد غرفتها واقوم واوديها الغرفة وارجع كم مره بس الحين قل هالشي واليوم اللي ما اتيني في الغرفه اييبلها هديه او حلاوة اقولها هذا عشان انتي ما ييتي عند ماما الغرفة امس او هذا لانج نمتي بروحج واحاول احببها بسريرها ولحافها وابينلها انه كل واحد له سرير خاص لازم ينام فيه
    والحمد لله تعبت بس تعبي ياب نتيجه ونصيحة خواتي لا تخلون رياييلكم يحبطونكم لانه ريلي ياما حبطني وكان يكسر محاولاتي يعني اكون عودتها تنام بروحها يروح اهو ينام جنبها او يوم اتيي في الليل يقول خليها بس انا كنت اصر واوضحله بهدوء اني انا بتعب بعدين خصوصا واني حامل مب انت وشوي شوي قام يحترم رايي لانه حس انه اريح
    هذي خبرتي المتواضعه واتمنى انها تفيدكم لاني اعرف كل وحده وحجم المعاناه اللي تعانيها بهالشي
    وما ابي منكم غير الدعوه الصادقه انه ربي يسرلي امري ويفرج كربي ويسخرلي زوجي وعيالي
    وبالنسبة للقلب الكبير انا ما ادري شوو هالحياة اللي اني عايشتها
    اتمنى انج تحلين الموضوع باسرع وقت مع عيالج وانتي االموضوع بيكون اسهل لو سويتي منافسات بين عيالج يعني اللي ما بينام عندج بتشتريله لعبة او يلقى طلعه خاصه فيه وتقوليلهم اليوم انا بطلع فلان الالعاب عشان اهوه ما نام عندب بالغرفة امس





  6. #6
    أميرة ذهبية
    التسجيل
    26 - 10 - 2006
    المشاركات
    169

    افتراضي رد: رد : كيفية تعويد الطفل على النوم لوحده



    [QUOTE=آه ياقلبي]هلا الغالية
    نرحب فيج في منتدانا الرائع
    بنتي عمرها ست شهور واريد اعودها تنام نومتها كاملة في سريرها..........تقعد لي اكثرمن ثلاث مرات وما تنام الا اذا حطيتها يمي,,,,,,,افيديني واكون لج شاكرة[/QUOTE

    اه يا قلبي بنتج عمرها صغير وفي هذا السن يحتاج الطفل لساعات نوم طويله ومتفرقه ممكن يكون منها اغفائتين في النهار
    ولتعويد الطفل على ساعات نوم طويله اقلها 6 ساعات متواصله عليك باطعامه ثم ارضاعه ولا تعوديه او لا تتركي
    بنتج تنام وهي ترضع
    تعرفين لماذا ؟؟ لانها مع الوقت راح تعتبر الرضاعه سبب للنوم ليلا وهذا سيتعبك جداااااااااااا
    فعليك اطعامها وارضاعها ثم ضعيها في سريرها واجلسي بجانبها سوف تبكي طبعا اذا كان بكاءها خفيها دعيها في سرير
    اما لو على صراخها احمليها ولكن مهما على صراخها لا ترضعيها وخاصه انك قد علمتي انها قد شبعت
    وما تريد الرضاعه الى لارتباطها بالنوم يصير صدر الام مثل اللهاية للطفل وهذا امر مزعج
    عندما تغفو ارجعيها لسريرها بدون ان ترضعيها وراح تنام
    وعندما تستيقظ ليلا ارضعيها واعيديها لسريرها لا تتركيها تنام بجانبك حتى لو كنتي تعبانه خذيها لسريرها
    مع الوقت راح تتعود وراح تطول فتره نومها خاصه لو تعودت تنام بدون ما تكون ترضع من زجاجه او من صدرك

    و انتظر اسالج ونتائج تجربتج





  7. #7
    أميرة ذهبية
    التسجيل
    26 - 10 - 2006
    المشاركات
    169

    افتراضي رد: كيفية تعويد الطفل على النوم لوحده



    اقتباس المشاركة الأصلية كتبت بواسطة ام طفشانه من ولدها
    سوبر ناني انا ماابي ولدي ينام لحاله بغرفه بعيده عني لكن ابيه ينام بسريره لحاله من غير مايجي عندي وغير كذا ابغاه ينام نوم هادي ومتواصل وكمان ابغى اعوده اذا صحي في الليل يبكى ماياخذ الراضعه لاني عودته اول مايبكى وهو نايم ياخذ الرضاعه ويسكت وينام لكن خلاص كبر وعمره سنتين وابغا اخفف له من الرضاعه
    اختي الكريمه ولدك كبر على الرضاعه شيليها وارميها استبدلي له الرضاعه بكوب مهما بكى
    وناح وناح كوني صلبة خذيه وانظري في عينه مباشره وقول له خلاص اذا تريد الحليب اشرب من الكوب
    رضاعه مش حلوه رميناها حطي له في البدايه شوية من الحليب في كوب بلاستك طبعا راح تلاقين صعوبه بسبب نواح ولدك وبكاءه واهم شيء في هذي المرحله

    الثبات من ناحية الام مهما رمى الكوب ردي وحطيه في يده واذا اصر خذيه وقول له اذا ما شربت من الكوب مافيه حليب اليوم
    اول مره راح يبكي
    ثاني مره را يبكي
    ثالث مره بيبكي وبيشرب الحليب
    ممكن تخلين في الكوب مصاصه عشان يصير هناك اغراء لشرب الحليب من الكوب
    واذا شرب الحليب عطيه بوسه وحلاوه وصفقي له
    بالنسبة للنوم ليلا
    الاطفال يحبون الروتين
    يعني قبل موعد نومه بساعه عشية بعدين سبحيه وغسلي اسنانه و خل يلبس ملابس النوم وقول له الله هذي ملابس النوم الحلوه مالت فلان الحين بروح ينام

    ولانه صغير ومتعود على حضنج خذي له اي دبدوب صغير من اللعابه اللي يحبها وقول له دبدوب بنام معاك

    واطلقي اسم على الدبدوب لمزيد من الالفه بعدين حطي الولد في سريره وقول له الله سريرك وايد حلو وغطيه و
    قول له قصه طبعا لازم يكون النور مطفي او خفيف
    بعدها بوسية وقول له نام مع الدبدوب وانا بقعد جنبك
    بعدها مهما تكلم لا تردي عليه
    اول يوم كوني جنب السري ثاني يوم ابعد شوي
    ثالث يوم حطيه وقول له نام وانا بنام معاك في الغرفه بس على سريري
    اذا شفتي بعد ما تحطين ولدك في الفراش انه يبكي ويريد يطلع من الفراش ويجي لعندك بدون ما تكلميه
    خذيه من يده وحطيه في الفراش
    اول مره
    ثاني مره
    ثالث مره راح يفهم وما راح يقول
    راح يرمي الغطاء على الارض المخده
    اول مره رجعيهم
    ثاني مره رجعيهم بدون ما تتكلمين
    ثالث مره خليهم على الارض
    بس في كل مره يطلع فيها من الافراش خلي شكلج جاااااااااااااااااااد ورجعليه لفراشه بدون ما تتكلمين
    مع الوقت راح يتعود طفلج على فراشه وبنام طول الليل خاصه لو ما كان فيه مرضعه
    انتظر نتيجه تجربتج واي استفسار انا حاضره
    بس فيه شيء مهم على كل ام معرفته الطفل لو ما كان فيه نوم يعني يصحى 12 الظهر و ينام المغرب ماراح ينام السعه 9 بليل
    يجب تعويد الطفل على النوم الصحي يعني يصحى الساعه مثلا 9 صباحا اذا اخذ قيلوله مش اكثر من ساعه الظهر

    و ساعتها راح ينام الساعه 9 او 10 المساء واهم شيء الروتين يعني العشاء الاستحمام و لبس ملابس النوم والفراش

    طفلك والروتين اهم شيء





  8. #8
    أميرة ذهبية
    التسجيل
    26 - 10 - 2006
    المشاركات
    169

    افتراضي رد: رد : كيفية تعويد الطفل على النوم لوحده



    اقتباس المشاركة الأصلية كتبت بواسطة القلب الكبير

    طبعا لا تسألين شتسوون وقت اللي خبرك و علمك ... لأن الوضع كسيف ولا ينوصف


    ارجووووووووووووك اريد حلا
    [COLOR="Red"]اختي القلب الكبير الوضع جداااااااااااااااا صعب
    وانا ما الوم اح غير انج متساهله جداااااااااااااااا معهم
    اختي اولا راح ابداء بطفلج ذا 8 اعوام الله يخليه ويبارك لج فيه هذا يفهم قول له بصريح العباره اذا صحيت بليل
    لا تجي تنام عندنا اذا تريد ماي انا بحط لك ماي في الغرفه واذا كررت فعلتك راح اقفل غرفتي بالمفتاح يعني
    ما راح تقدر تدخل وانا نايمه
    هذي غرفتك ونام فيها انت كبرت
    بالنسبة للبنت اللي عمرها 5 سنوات الله يحفظها و البنت اللي عمرها سنتين هذي نفس الشيء وعلى فكره لو عدلتي الحال من الحين

    را ح تصير بنت السنتين مثل بنت 5 سنوات لانه بنت 5 سنوات ماشاء الله عليها ذكيه و تعرف كيف تستغل الوضع صح

    المهم لو ما كانت لهم غرفة او لو غرفتهم مش مجهزه خذيهم السوق وخلينهم يختارون غطى لاسرتهم وقول لهم
    اختاروا اللي يعجبكم عشا تنامون عليه
    بليل وااكد هنااااااا على الروتين العشاء استحمام ارتداء ملابس للنوم و دخول الغرفه للنوم
    خذيهم ودخلي معاهم الغرفه ونيميهم في فراشهم وقصي لهم قصه بعدين بوسيهم وقول لهم يالله ناموا
    طبعا في هذي المرحله راح يبدا العويل من بنت 5 سنوات وتتبعها بنت السنتين وراح تطلع من الغرفه
    انتي بدون ما تكلميها رجعيها لفراشها في كل مره تطلع منها ولا تتاثرين لاي تصرف تسويه او لبكائها كل ما تطلع رجعيها وقول له لو ما بطلتي صريخ راح
    اقفل الباب اما لو نمتي بهدوء راح اخلي الباب موارب عشان يدخل لج النور
    واهم شيء مهما بكت لا تروحين لها وكل ما طلعت من غرفتها هي واختها ريدنهم لفراشهم اول ليله راح تكون صعبه
    ثاني ليله اخف
    ثالث ليله اخف فاخف وهكذا
    واذا صحت في الليل عطيها كاس ماااااي وخذيها للحمام بس لا تنيميها جنبج رجعيها لفراشها واذا جات واصرت تنام جنبج قول ها راح اقفل الباب بالمفتاح
    اما لو نمتي بهدوء راح اخلي باب غرفتي مفتوح واياني وايج تضعفين او تلينين لها
    لانه الاطفال يستخدمون البكاء كسلاح ومع الوق اذا شافت صياحها ما جاب نتيجه راح يخف ويختفي
    اهم شيء يكون موقف ابوهم نفس موقفج لانه لو انتي شديتي وهو رخى وقال لهم تعالوا راح يخترب كل شيء
    خلي ابوهم بعد يكون حازم واذا ما يدخل يكون افضل او انه يرجع البنت لغرفتها في كل مره تطلع فيها
    طبعا بنتج راح تسوي الهوايل طنشيها واذا رمت الاشياء طنشيها وخل نفسج مش مهتمه والصبح بعد ما تقول قول لها مثل ما رميتيه بترجعيه ولا اليوم
    مافيه رسوم متحركه
    العقاب والثواب النسبة للطفل شيء مهم

    اما بالنسبة للطفل فانتي ممكن تخلينه في غرفة اخوانه او عندج والافضل في غرفة خوانه عشان يتعود من الصغر
    انتظر ردج ونتيجة تجربتج





  9. #9
    أميرة ذهبية
    التسجيل
    26 - 10 - 2006
    المشاركات
    169

    افتراضي رد: كيفية تعويد الطفل على النوم لوحده



    اخت مستغربة تو ما نور المنتدا
    والموضوع بردودج





  10. #10
    مشرفة عالم الرسم والرسامات الصورة الرمزية مستغربه
    التسجيل
    09 - 10 - 2006
    الدولة
    UAE
    المشاركات
    1,012

    افتراضي رد : كيفية تعويد الطفل على النوم لوحده



    مشكوووووورة اختي سوبر ناني
    بس حبيت اعرض تجربتي المتواضعه
    واتمنى تفيديني بخصوص ولدي اللي عمره سنه ونص
    انا حامل الحين بالسادس وافكر افطمه من الغرشه من الحين قبل ولادتي عشان ما يربط بين وجود البيبي اليديد وفطامه
    انا بنتي فطمتها بعمره بس كانت تفهم لانها رمت رضاعتها وانكسرت وقلتلها خلاص الرضاعه انكسرت انتي كسرتيها واقتنعت واتعودت بس هو مب عارفه احس الوقت مش مناسب احسه صغير وما يفهم مب مثل اخته يوم كانته بعمره حتى بالنطق ما يتكلم وهي ماشالله بعمره كانت تقول جمل
    ما ادري اختي شرايج؟؟؟
    هل الوقت مناسب او انتظر شوي
    جزااااج الله خير





  11. #11
    أميرة ذهبية
    التسجيل
    26 - 10 - 2006
    المشاركات
    169

    افتراضي رد: رد : كيفية تعويد الطفل على النوم لوحده



    اقتباس المشاركة الأصلية كتبت بواسطة مستغربه
    مشكوووووورة اختي سوبر ناني
    بس حبيت اعرض تجربتي المتواضعه
    واتمنى تفيديني بخصوص ولدي اللي عمره سنه ونص
    انا حامل الحين بالسادس وافكر افطمه من الغرشه من الحين قبل ولادتي عشان ما يربط بين وجود البيبي اليديد وفطامه
    انا بنتي فطمتها بعمره بس كانت تفهم لانها رمت رضاعتها وانكسرت وقلتلها خلاص الرضاعه انكسرت انتي كسرتيها واقتنعت واتعودت بس هو مب عارفه احس الوقت مش مناسب احسه صغير وما يفهم مب مثل اخته يوم كانته بعمره حتى بالنطق ما يتكلم وهي ماشالله بعمره كانت تقول جمل
    ما ادري اختي شرايج؟؟؟
    هل الوقت مناسب او انتظر شوي
    جزااااج الله خير
    اختي هناك اختلاف بين طفل واخر في النمو العقلي والبدني وبين انثى وذكر وهناك اطفال يتفوقون في القدره الكلاميه واطفال يتتاخرون
    وكل هذا طبيعي
    بالنسبة لعمر طفل هو عمر جيد لاستبدال الرضاعه بالكوب خذي له الكوب المخصص للاطفال و طبعا راح تلاقين صعوبه في البدئ لكن عليك بالتدريج
    اولا ضعي العصير في الكوب واطلب منه ان يشربه
    بعدها الماء
    وبعدها الحليب
    لان الطفل يحتاج فتره ليتاقلم على شيء جديد
    عند اطعامه الحليب من الكوب لا تعطيه بعدها الرضاعه ابدا اخفيها ومهما وبكى وعارض لا تعيري الموضوع اي اهتمام
    مه الوقت سيتعود على الكوب ويشرب منه الحليب
    وهذه معلومه للامهات الاطفال اللذين يستمرون في الرضاعه من الزجاجه يصابون بتسوس الاسنان اللبنيه اكثر من الاطفال اللذين يستغنون عنها في سن مبكره
    وينصح بتعليم الطفل على الكوب من الشهر السادس
    انتظر ردك





  12. #12
    مشرفة عالم الرسم والرسامات الصورة الرمزية مستغربه
    التسجيل
    09 - 10 - 2006
    الدولة
    UAE
    المشاركات
    1,012

    افتراضي رد : كيفية تعويد الطفل على النوم لوحده



    حبيبتي جزاج الله خير عالمعلومة
    بس انا ولدي اعطيه الكوب في طول اليوم ويشرب عادي بس ما يستخدم المرضعه الا وقت النوم
    ويقوم في الليل مره او بالكثير مرتين يطلبها
    يعني مشكلتي هي بالليل بس
    وانا ما عودته اني انومه بحضني او اشيله وهز فيه
    يعني مب عارفه كيف بينام لوووووووووول
    انتظر ردج حبيبتي





  13. #13
    ملكة نشيطة الصورة الرمزية القلب الكبير
    التسجيل
    13 - 09 - 2006
    الدولة
    في عالمي .. عالم الأنثى
    المشاركات
    2,309

    افتراضي رد : كيفية تعويد الطفل على النوم لوحده



    ابشرك يا سوبر ناني
    بنتي نامت ابغرفتها اليوم .. بس جاتني بالليل مرتين
    طبعا نفذت ما قلتيه و رجعتها سريرها .. و أمرتها بأن تنام بسريرها .. طبعا عارضت ثم قالت خلاص بس نامي عندي

    انتظرتها لدقائق ثم استسلمت للنوم و رجعت غرفتي

    الحمدلله ما كان فيه بكاء .. الله يسهل و اتمر باقي الايام على خير الى ان تتعود
    بعد ان تتعود الكبيره .. سأدرب البنت الوسطى انشالله

    اما بنتي الصغيره .. فحرام عمرها 6 شهور .. سأنتظر حتى تكمل السنه و نصف او سنتين

    اما بالنسبه لابني الكبير فقلت له بأني سأقفل الباب لذلك لا اتعب نفسك بالمجيء لغرفتنا
    الحمدلله نام نومه هنيه

    شكرا لك يالغاليه سوبر ناني




    القلب الكبير
    خبيرة تحليل خطوط معتمدة من الأكاديمية الدولية لتحليل الخطوط - باريس

    [IMG]http://www.**************.com/Adver/bighe.gif[/IMG]

  14. #14
    أميرة ذهبية
    التسجيل
    26 - 10 - 2006
    المشاركات
    169

    افتراضي رد: كيفية تعويد الطفل على النوم لوحده



    مبروك اختي القلب الكبير وتستاهلين بس بعد خلج شديده ولازم تتخلصين من الجلوس معاها لحد ما تنام لو جاتج بليل
    مثل ما سويتي ارجعيها لغرفتها واساليها هل تريدين ماء راح تقول نعم عطيها وقول لها خلاص يالله رجعي نام
    حطيها في الفراش وغطيها وطلعي عنها
    لو بكت وطلبتك ترجعين قول لها صوتك عالي اذا ما سكتي راح اغلق الباب بدون ان تزيدي اي كلمه لانها راح تلجاء للمفاوضه
    فلا تفاوضيها
    مع الوقت راح تتعود تدخل غرفتها وتنام وراح تقل عدد جياتها عندج بليل
    بس اهم شيء لا تحسسيها انج تعطفين عليها بالعكس اثني على نومها لحالها و قول بعد انه اختها راح تكون معاها
    وانها بنت شاطره وامها تحبها لانها نامت لحالها
    واهم شيء للطفال الروتين
    عشاء سباحه ولبس ملابس للنوم
    وربي يوفقك





  15. #15
    مشرفة عالم الرسم والرسامات الصورة الرمزية مستغربه
    التسجيل
    09 - 10 - 2006
    الدولة
    UAE
    المشاركات
    1,012

    افتراضي رد : كيفية تعويد الطفل على النوم لوحده



    بانتظاااااااااااااااار الرد اختي
    مع التحية






صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 12:44 م
Powered by vBulletin
Copyright © 2015 vBulletin Solutions, Inc. All rights reserved.
المواضيع تعبر عن أراء ومعتقدات كاتبيها فقط , جميع الحقوق محفوظه لمنتديات نسوة