قرحة الرحم والميلان

**خوااااطر** · 17 - 04 -2009, 06:09 PM

مرحبا بنات

كنساء نتعرض لكثير من مشاكل الارحام واختلفنا مابين الي تشكي من
التهابات وافرازات

والي تعاني من تكيس او قرحه او ميلان الرحم

بطلب منكم طلب صغير الي مرت بأي شي ء من هالمشاكل تقول لنا عن تجربتها وكيف عالجتها

مااخفي عليكم معاي قرحه وقالت لي الدكتوره خذي تحاميل واذا ماخفت بتسوي لي كوي

وهنا مو المشكله المشكله لما قالت لي معك ميلان في الرحم وماله علاج الا تنامين على بطنك

وتسجدين كثيروقالت ممكن تلاقين علاج شعبي عند نساء يمرخون ويعالجون طب عرب

وش رايكم بنات اروح للي يعالجون علاج شعبي وهل تعتقدون تمارين كيجل ممكن تحل مشكلتي

بليز ردو علي لو بسواليف ترى مره شي حلو نتشارك بهالمواضيع لتحقيق الفائده لي وللاخوات الي يمرون بنفس المشكله

ومشكورين من كل قلبي
اختكم
خوااااطر

**روح الضباب** · 17 - 04 -2009, 07:38 PM

حبيبتي انا بنت بس مادري تجيني اعراض وخايفه تكون قرحه او ميلان

لأني سألت امي قالت يمكن لأنها حتى هي ماتدري

وأبكتب لك الأعراض وأنتي شوفي اذا مثل اعراضك او لا الله يعطيك العافيه:

ينزل معاي بسيط في غير وقت الدوره اذا مشيت كثير او ركضت كثير او رقصت بعنف

احيان يكون احمر واحيان بني

كمان احس بآلام ومغص وبعده بفتره بسيطه ينزل معاي دم

انتي كذا؟؟؟؟

**l22** · 17 - 04 -2009, 09:05 PM

انا كان معي التهاب وكويت عنق الرحم والامور ان شاء الله زينه بس تمنع عن الجماع من 3-4 اسابيع والا يحدث نزيف

**خوااااطر** · 17 - 04 -2009, 10:20 PM

حبيبتي روح الضباب
اشكرك عالدخول
اذا كنتي تشكين من اعراض مثل الافرازات فحابه اطمنك انو في بنات كثيراعرفهم يعانون من نفس الشي
وتوصف لهم الدكتوره غسول يريحهم لاتخافين
اما بالنسبه انو خايفه من احتمال يكون فيك قرحه وانتي بنت مااظن لانها من الاشياء الي اعتقد تتعلق
بالمتزوجات
وكمان الميلان يحدث احيان بسبب اوضاع جماع متعبه ومرهقه للرحم مثل الطريقه الي على جنب
طريقه جدا متعبه للرحم والاسباب الاخرى غير معروفه>>>>>>>يعني انشاءلله مافيك ميلان
اذا
انتي لازم تراجعين دكتورة نساء وممكن تسوي لك اشعه صوتيه وتعرف وش السبب بدون ماتخش عليك لانك بنت
اتمنى لك الشفاء العاجل ومشكوره انك شاركتيني في موضوعي
اختك
خواااطر

**خوااااطر** · 17 - 04 -2009, 10:26 PM

122
اختي اشكرك على المشاركه
والحمدلله انك خفيتي والله يتمم عليك
من جد الله يكون في عونا حمل وولاده ودوره وكلها لاحول ولاقوة الابالله توجع
انشاءلله تكفير
مره ثانيه مشكوره عالمرور الحلو زيك وعلى طرح تجربتك انشاءلله نهاية الاوجاع

**ريما المجنونه** · 17 - 04 -2009, 10:36 PM

والله مدررررررررررري بس انا معي افرازات كثيره ومتعبتني حيل واروح للمستشفى يقولون التهابات ويعطون علاج مدته اسبوع
واستعمله ولو خلص اروح اقول للدكتوره مافي تحسن احس حالتي زي ماهي لاني تعبانه من الافرازات وتسوي تحاليل واشعه وتقول كل شى سليم ميه بالميه وانا مدررررررررري
احس ماتغير شى علي وغير كذا احس ان الجزء الايمن منتفخ عن الجزء الايسر ومدرررررررررري ايش السبب
وانا شاكه ان عندي ميلان بس كيف اعررررررررررف والحمل متاخر عندي

**noody1404** · 17 - 04 -2009, 11:30 PM

هلا اخواتي ابقول الي عندي

بعد ولاتي الاولى رحت للدكتوره وقالتلي ان عندي ميلان وقرحه بس انا
مااحس بالاعراضها لاني شاكه بكلامها
ودي اروح للدكتوره ثانيه اداكد
وعمومااهو ياخر الحمل
وبالنسبه الي عندها التهابات وماتعلجت استخدمي العلاج اني وزوجك لان يكون معتدي منك فماتتعالجين
وغيري ملابسك الداخليه كلها واشتري قطنيات مع العلاج انا كنت مثلك وما ارتحت الابعد كذا
وان شاالله اكون افتكم

*** Um Jawad*** · 18 - 04 -2009, 12:05 AM

شكرا على الموضوع

انا سبق و عرضة الموضوع في قسم ثاني بس ما حصلت على جواب

صديقتي عندها جراب ماء في الرحم و الدكتوره وصفت لها مضاد حيوي و نوعين غير من الدوا
واستعملتهم مدة اسبوع

بس الألم بعده معها و للاسف لم اسئلها ماذا فعلت بعد ذلك لأنشغالي

يا ترى ما الذي يسبب تلك الجراب المائيه ..................
وهي كانت تحس بالم مثل لما نحن العادين نحبس البول لفتره طويله نفس هذا الألم

و وقت الجماع ايضاً حركات معينه تألم

**هدباء الرمش** · 18 - 04 -2009, 01:10 AM

السلام عليكم اخواتي بقولكم شيء بالنسبه لميلان للرحم علاجه معروف عند المراخه بس تكون تعرف زين انا عندي ميول ورحت لمراخه بس مانفع التمريخ معاي لاني عندي كرشه ماوصلت للرحم وقالتي لمن تخف كرشتك تقدرين ترجعين وتروحين للمراخه وقت الدوره الشهريه بيومها الاول او الثاني وتكونين صايمه يعني بالصباح اما للالتهابات علاجها عند الدكتوره بالنسبه لي مارحت دكتوره وناويه اروح باذن الله بس انا اسويلي تحاميل بالبيت عباره عن ملعقت عسل وملعقتين ملح خشن وملعقتين مره ويطحن الملح والمره جيدا وتعجن بالعسل وتعمليها على شكل تحاميل وتوضع كل حبه على حده يعني سوي تحميله ولفيها بالقصدير وهكذا وضعيها بالفريز قبل الاستخدام لمدة يومين حتى ماذوب عليكي بسرعه وتستخدميها باخر يومين للدوره كل يوم تحميله فقط ضعيها وانتي نايمه على ظهرك ولا تقومين وانتبهي اذا كانت عندك التهابات راح يطلع منك مثل المويه يعني خذي احتياطك بالفوط واتمنى لكم ولي الشفاء العاجل للمتزوجات فقط ودممممممممتم بخير

**حبيبة روحها** · 18 - 04 -2009, 04:17 AM

انا فيني قرحة واللة ماكنت ادري عطتني مضااااااااد ومعروف علاج القرحة تحاميل البوتيل واما التحااااميل الي تسوينها بالبيت صراحة ماتناسب اي احد الي هي عن عبارة ملح وعسل ومرة صراحة انا مانسبتني ابدا جتني حكة مو طبيعية واللة كرهت نفسي صرت استحي من كثر ماااااحك واللة هههههههاستحيي ابنت المهم يعني مافية مثل البوتيل وبس واللة خطيرررررررررررررررررررة ويوم جتني الحكة مارحت واللة دكتورةشريت بوتيل وغسولللمهبل المنطقة الحساسة وبس والحمداللة الحين طيبة وماوصيكم تمارين كيجل تجنن وحياااااة سعيدة ودمتم سالمين وشكرررررررررررررررا

**نور اخت نورة** · 18 - 04 -2009, 05:22 AM

اهلين خواطر وماتشوفين شر انا عندي قرحه وعورني ظهري مره لما كشفت قالت عندك قرحه كبيره وعطتني مضاد خف الم الظهر وعطتني تحاميل واستعملتها بس مافادت قالت لسى القرحه ماراحت وخفت من الكي اخاف انه يألم انتي جربتيه؟؟
122 سلامتك ياقلبي بس ودي تردين علي الكي يوجع ولا لا لانها تقولي كي بتبريد وناس يقولون يوجع مره

**هدباء الرمش** · 19 - 04 -2009, 02:03 AM

انا بصراحه ناسبتني التحاميل والنساء مختلفات من وحده لوحده هي تسبب حرقان من برى وذالك بسبب الملح لانه معقم بس حطي حولين ؟؟؟؟ فهمتو قصدي فازلين والعسل والمره مطهر يعني ماتخاف الوحده اذا جربته والله يعطي الجميع الصحه والعافيه

**خوااااطر** · 19 - 04 -2009, 02:39 AM

مرحبا بنات شفت ردودكم وتفاعلكم مع الموضوع واشكركم وحده وحده على طرح مشكلتها
راح ابدا من عند الاخت
ريما المجنونه
قريت كلامك وضاق صدري من جد عليك راجعي دكنوره تحسين انك ترتاحين لعلاجها والافرازات
احيان تكون من الزوج ياليت هو بعد يراجع طبيب وبالنسبه لشكك ان عندك ميلان ماتقدرين تحكمين الا
اذا رحتي دكتوره شاطره لانو مو كل الدكتورات يعرفو له
اشكرك عالدخول وماتشوفين شر انشاءلله
NOODY1404
هلا بك اختي وسلامتك طيب ياحبيبتي اذا كنتي مو مرتاحه وحاسه ان الدكتوره غلطت في تشخيصك
فيك تزورين دكتوره ثانيه بالنسبه لي اذا مارارتاحت نفسيتي او مااقتنعت من كلام الدكتوره والله ماخذ العلاج
اهم شي ثقت المريض بالطبيب
وكلامك عن الزوجين لابد انهم يفحصون كلهم عجبتيني وانا معك مهم انو كلهم يتساعدون عشان يتخطون هالمرحله
الصعبه اتمنى لك الشفاء العاجل ومشكوره عالمشاركه
UM JOWAD
والله ياقلبو اول مره اسمع عن جراب ماء من جد صار عندي فضول اعرف وش اسبابه على الاقل ننتبه لانفسنا
والله يشفي صديقتك انشاءلله ومشكوره عالمرور الحلو
هدباء الرمش
اشكرك ثم اشكرك لانك من جد وصلتي لي المعلومه الي كنت اتمنى اسمعها عن التمريخ والنساء الي يعالجون
يعني خلاصة كلامك انو لازم اول يومين من الدوره واكون صايمه والافضل مايكون للوحده بطن
مررررررررررررررررررررره ميرسي عالمعلومه
وبالنسبه لتحاميل العسل الى الان شكلنا بنسوي استفتاء مابين مؤيد ومعارض
اشكرك عالمرور وعلى الادلاء بمعلومات جد رائعه اتمنى لك الشفاء
حبيبة روحها
اشكرك قلبو فعلاعلاج القرحه تحاميل البوتيل عطتني اياها الدكتوره وانا الان في بداية استخدامي لها
الله يكتب الي فيه الخير
بالنسبه لتمارين كيجل مابعد استخدمتها وعلى كلام الدكتوره تقول تنامين على بطنك وتسجدين كثير
والاهم من هذا مرورك الرائع
نور اخت نوره
اختي الله يشفيك من الالم واذا مافادتك التحاميل ماعليش سوي كوي لانها احيان بتكون قديمه وكبيره ولاتخافين كي بالبارد انشاءلله مايعور توكلي على الله والله يشفيني ويشفيكم جميعا يارب
صبايا حبيت انوه دايما زوري طبيبتك الي متعوده عليها والي ترتاحين لعلاجها لان الراحه النفسيه نصف العلاج
ودمتم
محبتكم
خواااطر

**نور اخت نورة** · 19 - 04 -2009, 04:27 AM

اهلين خواطر .....طيب انتي جربتي الكي ؟؟ الشي الثاني اذا انتي من الرياض اذا ممكن تذكرين لي اي مستشفى تروحين له واسم الدكتوره؟؟ادري ثقلت عليك بالاسئله بس استحمليني لاني محتاجه دكتوره كويسه

*** Um Jawad*** · 19 - 04 -2009, 07:41 AM

اوكي عيل اسوي بحث مفصل عن الجراب المائيه
و انشاء الله افيدكم عن قريب

**خوااااطر** · 19 - 04 -2009, 03:01 PM

هلا اختي نور اخت نوره
انا اروح لدكتوره سنيه الطيب مره كويسه في مستشفى الحبيب
وغير كذا انا أسئلتي كثيره وهي تتحملني برحابة صدر
بس المشكله في مواعيدها صعبه وبعيده
وهالمره رحت لدكتوره فاطمه بمستشفى الاسره
4311111
صحيح ان طريقة كشفها الباب مفتوح وحوسه بس والله يشهد تجيني اشياء وتعب غريب ماحد
يكتشفه بعد الله سبحانه الا هي
يعني ماروح الا في الحالات الصعبه مثل السنه الي فاتت تعبت مرررررره من الالتهابات ورحت كذا دكتوره
وعطوني العلاج المتعارف عليه بس ماخفيت
لما رحت لها سوت لي كورس علاج لمدة 3 اسابيع والحمدلله بعدها خفيت
وانا الحين بصدد العلاج حق القرحه واذا رحت لطب شعبي عشان الميلان بعلمكم وش يصير
والكي ياعمري تقرر الدكتوره بعد فتره اذا احتاجه او لا ؟
ودمتم

**خوااااطر** · 19 - 04 -2009, 03:04 PM

um jowad

اوكيه قلبو واحنا في انتظار هالموضوع الي حقيقه اثار الفضول عندي واكيد عند بعض الاخوات
وياليت نعرف وش اسبابه وهو عباره عن ايش؟؟؟؟؟؟؟؟؟؟؟؟؟؟؟؟؟؟؟؟؟
يسلمو ومره مشكوره كثيررررررررررررر

**‏مايغيرني زماني** · 19 - 04 -2009, 03:55 PM

اهلا فيكم اخواتي ... أتمنى تكونون بخير وعافيه ...
راح اكتب لكم معاناتي مع القرحه والميلان والله يسر أمرنا...
جتني قرحه وبعد العلاج بالتحاميل والمضادات مانفعت رحت الدكتور وسوت لي كوي (( بارد )) وللعلم ماتحسين فيه ابدا لان المنطقه مافيها اعصاب حس ... تشافيت ولله الحمد بعد التحريم عن الزوج لمده 20 يوم بعد الكوي تنزل معك سوائل ودم (وانتوا بكرامه) .... بعدها توالت الالتهابات وتكررت القرحه 3 مرات اعالجها بدون كوي بالتحاميل والمضادات...
اما بالنسبه للميلان اكتشفته الدكتورة في حملي بطفلي الثاني ولكنه خفيف ولله الحمد وماعاد سويت اشعه من سنتين لكن احسه بوجوده للحين وناويه اروح لطبيبه شعبيه بإذن الله لو ماتحسنت الحاله لاني اخذ أدويه شعبيه وقت الدوره وتحسن من الحاله بإذن الله...
أي استفسار انا جاهزة بالرد عليه ولكن عن طريق الرسايل الخاصه لعدم متابعتي للموضوع...
تمنياتي بالشفاء للجميع ...
دعواتكم لي بالشفاء من ؟؟؟؟ الثدي......
أختكم في الله ...مايغيرني زماني ....

**خوااااطر** · 19 - 04 -2009, 06:15 PM

هلا فيك اختي مايغيرني زماني
اول شي اشكرك عالمرور وعالمشاركه واعلامنا بمشكلتك مع القرحه الي تكررت معاك
اما الميلان فالدكتورات مايعطون علاج عنه وهو ياخر الحمل يبيلك زيارة لمتمرسه شعبيه
لمعالجتك اتمنى ان يشفيك ربي ويشفيني وكل الي يعانون
اسأل الله العظيم رب العرش العظيم ان يشفيك من هذا المرض؟؟؟؟؟؟؟؟؟الثدي
وان يجلي تعبك في غمضة عين آمين يارب العالمين
حابين نكسبك زميله لنا بس والله الخاص موقفينه ياليت تتواصلين معنا عبر هالموضوع وتطمنينا عن صحتك
اختك
خواااطر

**نور اخت نورة** · 20 - 04 -2009, 04:04 AM

مشكوره اختي خواطر الدكتوره سنيه معروفه وهي اللي ولدتني بمولودي الاول بس على قولتك موعيدها صعبه....
مايغيرني زماني الله يشفيك من مرضك ويفرج كربتك .....وابي اعرف وين سويتي الكي؟؟ وانتي تقولين احس بالميلان ودي اعرف كيف تحسين ؟؟
الشي الثاني الميلان هل هو نفسه نزول الارحام لاني صار لي نزول في الارحام بعد ماولدت لاني ماهتميت في نفسي ابد ولا تغذيت وصار عندي نزول ورحت لطبيبه شعبيه وكشفت علي وقالت عندي نزول بنسبه بسيطه واحتاج للتدليك واشرب ادويه عباره عن خلطات او اعشاب بس مره طعمها شين ولا شربتها

**الاحساس والطيبه** · 20 - 04 -2009, 04:11 AM

عادي يااخت خواطر انا متزوجه وكان معاي قرحه وعملت الكوي تحسين بالم بسيط بس على حسب القرحه الي معك بسيطه اوشديده الان القرحه انواع

**غناة الكون** · 20 - 04 -2009, 08:06 AM

ختي العزيزه انا ما انصح ابدا بالتحاميل الى فيها مره ترى فيه وحده نزلت موضوع بس والله مدري وينه عن ان التحاميل الى سوتها بالمره والملح هذي سوت لها انسداد وكأنك ملحمته تلحيم تقول انها جاها معاناه والتهابات والمره ما طلعت الا بعد ان جرحت المهبل ويمكن ماطلعت كلها

انتي روحي لحرمه تمرخ عن الميلان بس اول لازم تكون معروفه زين اسألى الحريم الى بمجتمعك اكيد بتلقين وحده اما الكوي انا مسويته بعدها بابزع نزلى دم لمده خمس ايام خفيف ومويه صفراء طوال العشرين يوم الاولى وبعد شهر الحمد لله الامور تمام بس الدكتوره ترى قالتلي لاتغسلين بمويه يعني لايدخل مويه جوا الرحم فانا هذي كانت مأزمتني ابي اغسل زين قالتلي خلي الغسيل بمويه في منديل والله مرت اسبوعين احس اني ما ني مرتاحه من ناحية الغسيل بعدالالاسبوعين صرت اغسل عادي بس الحين ارتحت ولله الحمد من الام القرحه الفضيعه

الله يشفيك امين

**احساس مؤمنه** · 20 - 04 -2009, 09:55 AM

ياليت تقولون لنا عن ممرخه زينه في الرياض تعالج الميلان وجزاكم الله خير ولكاتبة الموضوع والله يشفي كل مريض

**خوااااطر** · 20 - 04 -2009, 03:44 PM

هلا خواتي
نور اخت نوره
حياك مره ثانيه تابعي معنا الا مايكون فيه حل انشاءلله
وبعدين لاتشتتين افكارك ولا تخافين من الكي لان سبحان الله الرحم فيه طبقات كثير
وهي عازله يعني ماتحسين فيها مباشرهوتوكلي على رب العالمين
الاحساس والطيبه
مشكوره عالدخول واعلامنا بهالتجربه الي مريتي فيها انشاءلله تكون آخر التعب
غناة الكون
مشكوره عالمرور وعلى التحذير من تحاميل المره والملح
وانشاءلله الاخوات يستفيدون وقلنا قبل ترى مو كل الارحام
زي بعض بعضهم رحمها حساس ورقيق ومو كل شي يظبط
مع وحده لازم يظبط مع الثانيه واتوقع ان التغذيه وقت الدوره هي الاساس
مشكوره كثير عالكلام والله يجعله في ميزان حسناتك
أحساس مؤمنه
مشكوره عالدخول الحين ماقدر افيدك بالنساء المتمرسات شعبيا لاني مابعد رحت وجالسه اجمع معلومات
بس بأذن الله اول ماروح راح انزل لكم الخبر اليقين

اختكم خوااااطر

**فراوله بردانه** · 20 - 04 -2009, 04:56 PM

فيه بالرياض ام عبدالله بالخالديه اهي جنوبيه وخبرة بالتمريخ وكاسات الهواء18سنه رحت لها وكل جلسه ب50ريال
انا ارتحت لها بس ماجابت معي نتيجه ابيها للحمل وانا احد يقول عندك ميلان واحد لا اذا تبين رقمها اوكي لااعرفها وتعرفني لاتقولون دعايه بس هي احس احسن وحده رحت لها من الممرخات دعووووووووووواتكم لي بالحمل

**خوااااطر** · 20 - 04 -2009, 08:03 PM

طيب اختي فراوله بردانه بما انه ماعندنا خاص ليت تعطينا رقمها للاهميه
لان والله انا محتاجتها وكمان الاخوات الي ودهم يستفيدون من خبرة هالانسانه في العلاج
اذا ماعليك امر تنزلين رقمها وبنكون شاكرين لك وماراح تحصلين غير الدعاء
اسأل الله العظيم رب العرش العظيم ان يشفيك وان يبدل حالك من حال الى حال
وان يرزقك الذريه الصالحه ياحي ياقيوم
اختك خواااطر

**خوااااطر** · 25 - 04 -2009, 05:05 PM

اختي فراوله بردانه ياليت تدخلين وتعطينا معلومات اكثر بنكون شاكرين لك

**ركز معي** · 25 - 04 -2009, 10:19 PM

هلا وغلا

سمعي قصتي مع القرحه ياحلوه ,,,

الله يسلمج انا العام حسيت بألم بأسفل الظهر وشوية افرازات رحت لدكتوره عندنا بالكويت أسمها منتهى السالم حبوبه حييل ماشاءالله عليها .. فحصتني جان تقول فيج قرحة بالرحم بس صغيره عطتني تحاميل لفتره لما خلصت العلاج راجعتها قالتلي كبرتعطتني موعد بعد الدوره للجوي ( كوي ) كلش كلش ماتحسين بالعوار بس لما تخلصين وتقومين تحسين بمغص الدورة ساعه ويروح وطبعا ماكو جماع لمدة 14 يوم

بعد هال 14 يوم راجعتها قالتلي كبرت جوتني مره ثانيه وبعد 14 يوم راجعتها الحمدلله راحت

بعد فتره تقريبا اقل من سنه حسيت بنفس ألأم الظهر راجعت دكتوره ثانيه قالتلي قرحه جوتني عطتني تحاميل كريم وحبوب لمدة 14 يوم ورديت راجعتها ماراحت القرحه وقالت يبيلج جوي ثاني مره ...

انا خفت ونصحوني اروح لمره تعالج بعلاج شعبي من تحاميل ومردود وسفوف اخذت علاجها اول اسبوع للتحاميل حلوه بعدين ذبحتني الحكه مت مت مت من الحك والتقرص مثل حبيبة روحها كلمت المره تقول التحاميل ماتضر فيها خوا جوا ومره وسكر نبات يعني لوحطيتيها بعينج ماضرتج بس قطعتها المفروض 15 يوم انا استخدمتها 9 ايام ووقفت العلاج عاد مادري راحت ولا لأ ؟؟

لكن اغلب الحريم اللي اعرفهم من اول جويه راحت ماشاءالله

اما التكيس قالت مجرد تعطيج علاج مع الدورة تنزل التكيس هذا على طول

اتمنى لكم دوام الصحه ,,,

**خوااااطر** · 25 - 04 -2009, 10:49 PM

هلا اختي ركز معي
مره سالفتك تعور القلب ومشاءلله عليك صبرتي وكم مره كويتي كثيررررررر
اكيد تعبتي الله يجعله تكفير بس انصحك تقرين على ارحامك يمكن معاك سبب
الله يستر ومشكوره على تقتك فينا لطرح تجربتك وحياك

**احلى دانا** · 20 - 06 -2009, 01:20 AM

حبيبتي انا فيني قرحه وعطتني تحاميل واستخدمتها وكلمت وحده شعبيه قالت لاتكوين انا بعطيك تحاميل واخذتها وقالت رحمك مايل وسوت لي تمريخ ورحت اتا كد عند الدكتوره قالت قرحتك كبيره وسوت كوي وانا كويه وقالت شهر مافي جماع والحين معطيتني كريم من تحت وحبوب وانتظر المراجعه

اخر مواضيع المنتدى

الموضوع: قرحة الرحم والميلان

أدوات الموضوع

قرحة الرحم والميلان

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة