أنا بصراحه استلم 11000أقسمها كالتالي:
4000 توفير
2000للوالدين
500فاتورة الموباليل
300أو نحوه بترول
1500 قسط سيارة
الباقي مصاريف وأحيانا أعطي الشغاله راتبها وأحيانا لا ، على حسب المزاج لأن ما شاء الله راتب زوجي الله يبارك فيه يكفي و يزيد وحاليا بيزات التوفير دخلت فيها مشروع استثمار
ولا أنسى جانب للصدقه عشان الله يبارك لي في حلالي
وبين فتره والثانيه أشتري للغالي أبو عيالي شي حلو وناويه أشتري له موبايل الحين

شووووو رايكم في توزيعي ؟

توزيع حلو اختي ظلام اليل
بصراحة ما سبق وعملت خطة لتوزيع راتبي عشان كدة تلاقيني ملخبطة وسط الشهر و اخره,علما انه زوجي عافيني من مصاريف البيت لكن احب اخبركم انه اكثر من نصف راتبي يروح لسداد سلفة

نا بصراحة في بداية راتبي ما كنت أقسم ومع هذا كنت ألعب بالفلوس لعب بس زوجي قالي حرام أنتي تشتغلين وتتعبين لازم تسوين لج شي للمستقبل ، عيل شو فايدة الدوام إذا انتي بتمين تلعبين بفلوسج، على طول رحت بعدها للبنك وطلبت منهم اقتطاع 4000 شهريا للتوفير ، وأزيدج من الشعر بيت، أنا فتحت حساب لطفلي وكل شهر أيضا تروح للتوفير 200 درهم ، صح أنها شوي بس مع الوقت بتستوي مبلغ

ماشاء لله تبارك الرحمن ظلام الليل توزيع جدااا رائع


اصلاح ..اشكرك مشارتكتك

وين الباقين بنستفيد؟؟؟

بنات انا راتبي تقريبا 8000 ريال
1800سلفه اولى
2131 سلفة سياره من البنك طبعا السفيات قديمة على راتبي السابق
500 ريال توفير
500ريال مساهمه للبيت
وقسط حق الصدقة للبركة وقسط حق الوناسه والبترول وانا انسانه ماحب اقصر على عمرى سفرات
واخر السنه اوروبا والحمدلله
بس حاليا بديت اوفر واكثر والله يزيد
لانه اغلب الاشياء صارت عندي وبديت اسوي عليها جرت واحللها

هلا فيكم بنات ماشالله أشوف كثير منكم عنده وعي بأهمية التوفير....

أختي ظلام الليل حلو توزيعك ماشالله...

أختي إصلاح شلون أستقلتي وأنتي عليج سلفية ؟؟؟؟

أطعم الخلق سكر حلو توزيعج بس لو تزيدين مبلغ التوفير بتستفيدين خاصة إذا أجتمع مبلغ عندج وأستثمرتيه في أرض أو بيت واجد بيفيدج في المستقبل..

أختي النبض الدافئ شكرا على الموضوع الحلو

الصــراحة اختي ظلام الليل طــريقة توزيعج حق الراتب وايد اوكي

انا بسوي نفس الطريقه انشاالله

ماشاء الله عليكم تبارك الله
ياليت اتعلم منكم كيف ادير راتبي
كل شهر ازفت من الي قبل
مدري شسوي بعمري
كنت قبل مخصصه الف لامي ومن قطعتها بسبب ضرف طاريء طارت البركه وتراكمت علي الديون وزادت مشاكلي
لاحول ولاقوه الا بالله
ساعدوني بنات

الحقيقة موضوع المساهمة في البيت موضوع شائك ومتشعب و السبب في حدوث الكثير من حالات الطلاق ..

ما شاءالله لا قوة الا بالله
موضوع مفيد
جزاك الله خيرا

انا راتبى اخلص قبل نهاية الشهر ولا اوفر منه شى بس بعد ما قريت هذا الموضوع انشاء الله راح اوفر من راتبى للمستقبل

سلاااااااااااااااااام ,,,,,,,,,, انا راتبي بس 5000 ........:tears:
وتوزيعه :
2000 توفير مع زوجي لبناء بيت المستقبل
و 800 راتب الشغاله علي....:thumbdown:

والباقي اخليه بالحساب متى ماحتجت شي اقول لزوجي يسحبلي

وافكر اخصص للصدقه شي ثابت .. او احط حساب لولدي
مدري الله يعييييييييين

أنا راتبي والحمدلله 3018ريال
اولا أمي 400 أو300حسب التساهيل والظروف
السايق كمان عشان المدرسه بعيدة400 ريال
التوفير800ريال
كمان داخله دورات الشهر 1000ريال
الباقي للسوق أوفاتورة جوال وأحيانا أتصدق فعلا أنا مقصره في هادا الجانب ولكن ان شاء الله أتثبت من أجل الزياده ولا أنسى حب حياتي هو أحيانا يعطيني مصروف عشان هو راتبه قليل الله يرزقنا كمان أنا ما بنساه من الهدايا الله يخليه لي ويخليني له ويرزقنا الولد الصالح
لاتنسونا من دعواتكم

صدقوني تبغون البركه في المال حطي استقطاع شهري للصدقه وراح تشوفين النتيجه باذن الله

بما اني موظفه جديده توني مكمله 4 شهوروعايشه عند هلي فأول الشهور لعبه وهذا الشي نفسي مثل ماقريت تحاولين تعوضين عمرج .. واحنا في البيت كلنا متعاونين انا وخواتي فكل شخص ماسك شي فأعطي الوالدين 5000 وراتب الخدامه علي 650 والباقي كنت العب فيهم .. ومانسى الصدقه
بس ثاني شهر قمت اهتم في عمري فحطيت لي تقويم فشهريا ينسحب مني 500 للتقويم

والحين رتبت اموري من الشهر الرابع .. زيادة على هالمصاريف السابقه وبعد مااكفيت حاجتي والحمدلله .. نويت :

افتح لي حساب توفير إن شاء الله 4000 وبعد 3 شهور بحولها وديعه عشان مالعب فيهم الا بعد 6 شهور وبفتح لي توفير مره ثانيه ب4000 وجذي بتكون عندي وديعه وشهريا لي فوائد منها + حساب التوفير .. :shiny:

تبنيت لي طفله في احدى الدول العربيه وشهريا يقتطع مني 150 ريال تقريبا وافكر اتبني طفل ثاني

والحمدلله باقي الراتب يكون في البنك متى ماحتجت اسحب منه حسب الظروف والمناسبات

والله يبارك لنا في الراتب إن شاء الله

جيتو علي الجرح ا نا موظفة وراتبي كبير واعطي زوجي الرتب كلة
ومعد قدرت اخذمنه
اخذ مصروف زي اولادي

انا راتبي 20000درهم واوزعها كتالي :
الوالدة 4000درهم
والتوفير 8000 درهم
والباقي مصاريف على حسب والحمدلله ريلي مو مقصر

امارات العز الله يهنيك براتبك شو هى وضيفتك؟